((())) مره اخري نقول لا لانسحاب الهلال :
وكنا ولا زلنا ضد هذا الانسحاب والذي لوح به مجلس الادارة
لان الهلال هو القمه والهلال هو الهمه
وهو المتصدر بس كلمني وما عالمي ولا تجادلني
وهو سيد البلد وبدون حكام اقاليم وهو سيد البلد وبدون تقرير سري لانه ما بيلزمني
وان كنا في الهلال لا نحب الفشخره والنفخة الكذابه والبربرة البتجنني
فاذا انسحب الهلال ما حتكون في كورة في البلد
فريق لسنين طويله مع كبار افريقيا مشرف السودان ورافع راسه
فريق يهز عروش كل كبار افريقيا وان لم ينال كاسها
شأنه شأنه شأن دول كثيره لم تفوز بكأس العالم رغم وصولها للكثير من النهايات
هولندا تشيكوسلوفاكيا السويد المجر ( بولندا) النمسا البرتغال امريكا شيلي كرواتيا تركيا يوعسلافيا الاتحاد السوفيتي بلجيكا بلغاريا كوريا الجنوبيه
وهذه الدول ظلت وصيفا وثالثا ورابعا رغم تعدد مشاركتها
الهلال لن ينسحب من الدوري لانه كبير في افريقيا
((())) شمس الفلاح قيت :
لا يلدغ مؤمن من جحر مرتين
ولكن الاتحاد يريد السودان ان يلدغ مرة اخري
وانشاء الله ناس جنوب افريقيا ما يعرفوا الفضيحه التزويريه
وللمرة الثانيه يخطئ اتحاد الطريفي بعد مساوي قيت ويشرك شمس الفلاح (مازن)
بصراحة هذا الاتحاد هو اسوء اتحاد في تاريخ السودان
لقد اندهشت كثيرا وانا اري شمس الفلاح يلعب مع المنتخب الاولمبي
مش ده هو لاعب المريخ القالو اسمه مزور واتسجل بأسم اخوه والا انا غلطان
خوفي ان يرفع احدهم سماعة التلفون ليبلغ موظف سوداني في سفارة جنوبا افريقيا في الخرطوم عن حالة التزوير التي مررها اتحاد معتصم الاحمر لصالح المريخ والتي ربما يتضرر منها الاولمبي
سفارة جنوب افريقيا ستبلغ فورا اتحادها العام والقيامه حتقوم
وسيتم مساءلة السودان في التزوير المشهود
وما في حاجة اسمها ٧٢ ساعة والتقرير لا يقبل
حالة فيتا مرت عليها شهور وتم قبولها والحكم فيها بمعاقبة اللاعب
وفي حالة شمس الفلاح سيتم معاقبة الاتحاد والمريخ واللاعب
وبصراحة المريخ تحول الي نادي غريب وعجيب يسيطر بكلياته علي الاتحاد ويكسر القوانين وكما يشاء
ويقترف اداريوه مخالفات غريبه وعجيبه وبمباركة الاتحاد العام
١ـ حالة تسجيل بكري المدينه
٢- حالة شمس الفلاح
٣- حالة اكرم و( التبول) في مكاتب اتحاد الحصاحيصا
٤- حالة طرد الشرطة من ملعب المريخ
٥- حالة تسجيل جمال سالم بعد اكتمال العدد
٦- حالة ضرب بكري لحكم المباراة
٧- قطع كيبل سلك التلفزيون
٨- الاعتداء علي المعلق ياسر مختار
والاتحاد لا يحرك ساكنا
((())) عمومية الوصيف :
قالوا ان عمومية الوصيف حضرها ٧ اشخاص فقط
وقالوا ان جمال الوالي شعر بالضيق والاحراج واتخذ قرارا بالابتعاد النهائي
وفي ناس قالت ان الناس تغيبت خوفا من الاتهامات بالتجاوزات الماليه المهوله في نادي المريخ
وللخروج من هذا المأزق قرر جمال الوالي اعفاء النادي من كل ديونه ( مليارات متلتله )
بس ياريت يكون هذا القرار مكتوبا حتي لا يغير الناس اقوالهم ويستفيد المريخ
اوضاع المريخ في طريقها للانفجار وربما يتسبب ذلك في خروج المريخ من بطولة افريقيا
المريخ يا جماعه يلقاها من وين من الترجي المنتظره في اللفه والا من ناس قريش ونادر البقلبو المواجع
محمد حسن شوربجي
علي فكره برغم كتاباتك وكميه الحقد الفيك علي المريخ ... اقول ليك لا هلال .. ولا مريخ ..حا يجيب ليهو كاس في العشره سنين الجايه ...
عشان جميع الفرق المنافسه فايتانه بي عشرات السنين .. والزيك ديل لسه قاعدين في فلان بال وفلان قال .. والناس ماشيه حتي الفرق الضعيفه في افريقيا حا تجي تفوتنا .. ونحن نتجادل في ده فعل وده ترك ..وحا يجي وقت ما حا تلقي زول بعرف هلال ولا حتي مريخ .. ولا دوري سوداني ..لانو دي مهمه الاعلام. والاعلام مشغول بي بالعولاق ده .