ويا ناس القوز علينا ظلم
((())) شكرا عملاق الفن الاستاذ عبد الكريم الكابلي
وفيك يا مروي شفت كل جديد
فيك شفت عيون لعبو بي شديد
وانكويت بالنار من زهير في خديد
ومهما زاد وجدي ما بسيب الريد
لاني قلبي حنين بعشق التغريد
بي محاسن الكون وبي جمال الغيد
يلا نمشي النيل
في اوخر الليل
بين رمال ونخيل
اعني لينا جميل
بوبا عليك تقيل
القمر بوبا عليك تقيل
يامريسيل تعال نوصيك
في الرمال الصيد بلاقيك
هو بيعزمك وبيعتلك فيك
قولو حالف ما بباريك
وما بدلي التهمه فيك
شوف فلانه الوارده وحواء
سكنت قلبي من جوه
واتعابت فيني الخوه
تحكي خطو الريم العايره
علي نعم الساقيه الدايره
تغني ليها تقول
والله ظلم علينا ظلم
يا ناس القوز علينا ظلم
الشال السيده وخلي حرم
سفر التلاتا ولا عدم
سعينا الريد جنينا حكم
وقلنا الحب والله قسم
متين يا ساقيه نترك النوح
يجيني حبيبي يقولي نروح
نبل الشوق وترد الروح
حبيبي الساده خفيف الدم
ياناس القوز علينا ظلم
يا حله تنوري
يا بينه تنوري
يا حله توري
الخدار فيات نشتري
يا بنيه تنوري حاشاك تتغيري
قسمي الشبال كتري
يا قلوب الناس كبري
يا عيوني اتصبري
وبعد ان عمق الخرطوم الجروح الحمراء بهدف عاطف القوز في الليلة الوطنيه
ففي الاخبار ان الشركة الماليزية
قد حجزت علي كل ممتلكات استاد المريخ بعد عجز المريخ عن دفع 186 الف ورقه دولاريه
و لصالح الشركة التي قامت باستجلاب كراسي للنادي خلال الفترة السيكافيه
ويجدر ذكره ان الشركة طالبت بدفع المبلغ أكثر من مرة لكنه لم يسدد المبلغ للماليزيه
انه امر قضادئي قد يحل بالجوديه وربما تتدخل الضغوط الحكوميه
ومن عمنا جمال الوالي والشبكة الكوزيه العنكبوتيه
وقسطوا المبلغ ونتفاهم يا ماليزين وشويه شويه
نحن الشفوت ومن غيرنا جاب الكؤوس الصفيحيه
وتعتيم عل القضيه من الاعلام السالب وكل المطبلاتيه
وطبعا حيقولوا ما حصل والمريخ غني وشنو يعني ١٨٦ الف ما نحن عندنا خزائن دولاريه
و يا جماعه الوالي زهج شديد وكل يوم يدفع ويدفع للمريخ وممكن قروش حكومه وممكن من قروض من الماليه
والبلد خربانه والفساد علني وشوفوا ترتيب السودان في الشفافيه
مزمل قال وحين تم تكسير كراسي نادي المريخ ان كراسي المريخ امريكيه
وحين قاموا بتكسير كراسي الهلال قالوا ما مشكله هي من سوق ليبيا وتايوانيه
طلع ان كراسي المريخ ماليزيه تايوانيه بنغاليه
وبالدين وما دفعوا تمنها وهنا الفضيحة المريخيه
وسيد قشطه قعد يتعشي وما طالعين من التمهيديه
المريخ عالم جميل ومليئ بالمفاجآت اليوميه
والله بنحبوا ولازم يكون مع الهلال ودي ضرورة سودانيه
((())) فريق المكاواة لم يبرح الوصافه :
شالوا الدحيش ولم يبرحوا وصافة الهلال
وشالوا طمبل ولم يبرحوا وصافة الهلال
وشالوا مجاهد ولم يبرحوا وصافة الهلال
وشالوا الباشا ولم يبرحوا وصافة الهلال
وشالوا اكرم ولم يبرحوا وصافة الهلال
وشالوا كلاتشي ولم يبرحوا وصافة الهلال
وشالوا علاء الدين ولم يبرحوا وصافة الهلال
وشالوا هيثم ولم يبرحوا وصافة الهلال
وشالوا المعز ولم يبرحوا وصافة الهلال
واليشيلوا نزار ولن يبرحوا وصافة الهلال
الحل الوحيد انو يشيلوا فانيلة الهلال حتي يبرحوا الوصافه
لا ندري متي سيقلع المريخ عن عادة اكل فضلات الهلال
ففي هذا الكون يحتقر الناس كل من يأكل الفضلات من انسان او حيوان
((())) غارزيتو كمان هلالابي:
قال لي صديقي :ان سبب هزايم المريخ ان غارزيتو بيحب الهلال شديد
والدليل احتضانه للاعبي الهلال في مباراة القمه التي انتهت تعادليه
غارزيتو ماشي بالمريخ للليق والظاهر قال لنفسه يجب ان نلبي اشواق الجماهير وهتافاتها في مباراة الخرطوم الوطني وقبلها في مباريات المسامير الشهيره (الليق الليق يا عواليق )
غارزيتو طابور خامس هلالي في المريخ
فالتعادلات والهزائم لا حصر لها
واليكم كلمات منظر المريخ مزمل :
ﻭﻧﻨﻄﻠﻖ ﻣﻦ ﻗﻨﺎﻋﺔ ﺭﺍﺳﺨﺔ ﺑﻘﺪﺭﺍﺕ ﺍﻟﻤﺪﺭﺏ ﺍﻟﻔﺮﻧﺴﻲ، ﺍﻟﺬﻱ ﺟﻤﻞ ﺃﺳﻠﻮﺏ ﺍﻟﻤﺮﻳﺦ، ﻭﺃﻋﺎﺩ ﻟﻪ ﺍﻟﻜﺜﻴﺮ ﻣﻦ ﺍﻷﻟﻖ، ﻭﺃﺿﺎﻑ ﺇﻟﻴﻪ ﺯﺧﻤﺎً ﻫﺠﻮﻣﻴﺎً ﻻ ﺗﺨﻄﺌﻪ ﻋﻴﻦ.
وده رأي مزمل في الجهاز الفني
وﻣﻦ ﻗﺒﻞ ﺳﺌﻞ ﻣﺤﺴﻦ ﺳﻴﺪ ﻋﻦ ﻣﺴﺒﺒﺎﺕ ﺳﻮﺀ ﺃﺩﺍﺀ ﺍﻟﻔﺮﻗﺔ ﺍﻟﺤﻤﺮﺍﺀ ﻓﻲ ﺇﺣﺪﻯ ﻣﺒﺎﺭﻳﺎﺕ ﺍﻟﻤﻮﺳﻢ ﺍﻟﺴﺎﺑﻖ، ﻓﻘﺎﻝ ( ﺍﻟﺪﻭﺭﻱ ﻧﻘﺎﻁ ﻭﺍﻟﻌﺎﻳﺰ ﺍﻟﻌﺮﻭﺽ ﻳﻤﺸﻲ ﺍﻟﺴﻴﻨﻤﺎ !)
بصراحة دفاع المريخ راكوبه في مطره قويه وبعد ان ابعدوا علي جعفر وبله جابر نهائيا ربما يبعدوا امير كمال ومصعب عمر
حب غارزيتو للهلال ظاهر من مستوي المريخ التعبان
وغارزيتو كمان هلالابي وسيد الدكان هلالابي
((())) وسيحه كمان هلالابي :
للاسبوع الثاني سيحه يؤكد ان الحكم صرف ضربة جزاء صحيحه للخرطوم الوطني عندما مسك علاء الدين مهاجم الخرطوم واوقعه ارضا داخل المنطقه المحرمه ثم انذر لاعب الخرطوم وسط دهشة الجماهير
الاسبوع الماضي اكد ان الحكم ضيع بلنتي لاهلي شندي
بس فات علي الخبير سيحه ان المريخ اصبح يختار حكامه الذين يصرفون ضربات الجزاء لخصوم المريخ
لكن برضه انتظر تلفونات من جمال الوالي يا خبير
سيحه كمان هلالابي وسيد الدكان هلالابي
محمد حسن شوربجي
