بهدوء
فشل المريخ فى المحافظة على تقدمه امام الخرطوم الوطنى وخرج بالتعادل معه هدف لكل فى الجولة التاسعة من الدورى الممتاز ليزداد الفارق مع الهلال المتصدر الى 4 نقاط بينما يكون المريخ بهذه النتيجة قد خسر 10 نقاط بالتمام والكمال من اصل 24 نقطة حتى الان ,, الامر الذى يثير الكثير من علامات الاستفهام حول مستوى الفريق واداء اللاعبين الذى اصبح محيرا فعلا مقارنة بالاداء المميز الذى يقدمه المريخ فى مبارياته الافريقية واخرها فوزه المستحق على فريق كابو سبورت الانجولي فى ذهاب دور ال 32 من دورى الابطال ,, وتبدو الحيرة اكثر واعمق الى درجة الدهشة والاستغراب اذا حاولنا تحليل اداء الخط الخلفي فى مباراة الامس الذى كان عبارة عن شوارع فسيحة واداء عشوائي وتمركز خاطىء منح الافضلية لهجوم فريق الخرطوم الوطنى فى ان يشكل خطورة كبيرة على مرمى جمال سالم خاصة فى الشوط الثانى الذى استخدم فيه مدرب الخرطوم الغانى ابياه سلاح الخبرة بدخول صلاح الامير الذى يثبت فى كل مرة ان الدهن فى العتاقي قولا وفعلا حيث حرك فريقه ومنحه التفوق والاضافة التى كان يحتاجها فى شوط المدربين ,, اعود ( لسالفة الخط الخلفي ) حيث لايوجد اى عذر او مبرر لمثل هذه الاخطاء الساذجة فى وجود العناصر الاساسية التى ظل يدفع بها غارزيتو ويعتمد عليها بشكل كبير فى المباريات الافريقية واعنى هنا تحديدا الثنائ امير كمال وعلاء الدين يوسف اللذان يتحملان المسؤولية الكاملة فى هدف التعادل بعدما عجزا سويا فى التصدى لمهاجم الخرطوم عماد القوز وهو يستلم تمريرة زميله بسهولة ويراوغ امير كمال قبل ان يسدد الكرة داخل مرمى جمال سالم مانحا فريقه هدف التعادل المستحق ,, مثل هذه الاخطاء هى التى تبث الخوف والقلق فى نفوس انصار الفريق وتضعف من ثقتهم فى اللاعبين خاصة انها اخطاء صادرة من ( من نجوم كبار ) وعناصر اساسية فى الدفاع ,, فاذا كان اعلام المريخ وجماهيره لم يغفروا ( للسيد ) علي جعفر الهنات والهفوات الصغيرة المتكررة فى عدد من المباريات التى شارك فيها فمن الطبيعى ان تخرج الجماهير مستاءة وغاضبة على اداء اثنين يصنفان من الاعمدة الرئيسة فى دفاع المريخ ,, لم اجد تفسيرا للاداء الضعيف للكابتن ( الجديد ) امير كمال والمصحوب بقدر من التراخى والاستهتار سوى ان الغرور قد تسرب الى عقل اللاعب بعد تلقي اصنافا من الغزل والمدح والثناء والنفخ الذى ظل يحصل عليه منذ تالقه امام كابور سبورت وحتى الان وهى مصيبة كبيرة اذا ظن امير كمال انه قد اصبح ( كانفارو ) الكرة السودانية وان لا احد يمكن ان ينتقده على هذا الاداء السيىء !
لم يكن بقية زملاء امير كمال افضل حالا منه باستثناء مصعب عمر الذى لعب بجدية واشعل الجبهة اليسار بحركته واختراقاته وعكسياته التى كانت مصدر خطورة على مرمى حارس الخرطوم محمد ابراهيم حتى طاله الارهاق فى الجزء الاخير من المباراة وكذلك ( المظلوم ) عبده جابر الذى لم يخيب ظن الجماهير والاعلام فيه وكان عند الموعد بتسجيل هدف السبق وهو يباغت الحارس بوضع الكرة فى الزاوية البعيدة رغم انه كان وسط كماشة وكثافة عددية من لاعبي الخرطوم ,, باستثناء مصعب وعبده جابر فان البقية كانوا غائبين وخارج الشبكة ولم نلمس لهم اى دور داخل الملعب بل حتى تبديلات السيد غارزيتو فى الشوط الثانى بدخول عنكبه واوكرا واحمد الباشا لم تمنح المريخ الاضافة الفنية المنشودة وظل الوضع كما هو عليه حتى جاءت صافرة النهاية لتعلن عن خسارة المريخ لنقطتين غاليتين نخشى ان يندم عليها كثيرا فى نهاية المطاف ,, وبالفعل مريخ افريقيا ومريخ الدورى حاجة تحير ,, وجمعه مباركة على الجميع .
مصيبة المريخ فى مزمل وسلك وبو سماعات بتاع التحكيم ومن بعدهم الانطون الوالى الممول لهم للنفخ وما ليهم فى الفريق من شيء المهم السلرى بتاعهم .. وهم ةفقط معنيين بالهلال واخباره . المهم هم الان اكيد بيخططوا لمسيرة يقودوها لبيت الوالى للاستمرار فى دمار المريخ طوالى . اتقوا ىالله فى ىالمريخ وقولوا الحقيقة ... والغريق قدام .
انا استمعت للماتش فى الراديو
وفهمت من نصف الشوط الاول انه يجب اخراج وانقا فورا ثم تدعيم الوسط
لكن غارزيتو ببلادته المعهودة انتظر حتى الدقيقة ال30 من الشوط الثانى
كى يفهم الامور و يجرى التبديلات بعد فوات الاوان لان لعيبتنا ليسوا بمستوى ميسى ورونالدو ليحدثوا الفرق فى 15 دقيقة فقط
ومن المفروض ان يلعب عنكبةكاساسى فى كل المباريات لكن المدرب دائما يفضل عليه وانقا!!
قال دهشة واستغراب قال.. ذي الحفر البتحفروها وتقعوا فيها,, عايزين تغلبوا بالتحكيم والمرة دي الخرطوم عنجها اتنين بلنتيات ماحسبم الحكم وانتو ما بتجيبوا خبرن وبكرة ابوشيبة يقول التحكيم ما تمام عشان ما اداهم الهدية .. والظلم والسكوت عن الحق والشتل والكذب و14 سنة بيصرفوا عليكم من قروش الحكومة واليكم قابل الوزير وقال عايزين دعم ده كلوا وعايزين كمان ربنا يفرحكم؟؟؟ قلنا حق الحرام ما بودي لي قدام والحقيقة مهما يغطوها ما بتندسة.. آخر اخبار المريخ لم يحضر لاعب المريخ الوحيد في الفريق الاولمبي التمرين اسوة بكل زملائه من الفرق الاخرى - ذهب مدرب الاولمبي لاخذ اللاعب من تمرين المريخ لانهم عندهم خطط ومحاضرات للفريق الاولمبي غارزيتو رفض وشاكلوا وطردوا وكانو عايزين يضاربوا قيل تدخل بيناتم عبدالصمد وحل المشكلة بان يحضر اللاعب بكرة بعد مباراة الخرطوم .. طبعا عبدالصمد نائب العارف عزو سيد الاتحاد العام .. محمد سيداحمد ساكت ومجدي ساكت والهلمة كلها ساكتة ... يعني لاعبين المريخ معفيين ... يشاركوا مع المريخ عادي عينك ياتاجر وفعلا لعب اللاعب مباراة الخرطوم وتنابلة السلطان لا يحركون ساكنا.. المريخ طلب من الاتحاد تأجيل مباراتوا مع الرديف لانو نفس اللاعب الحلا ليهو عبدالصمد مشكلتو بين الديبة وغارزيتو ... الاتحاد مشى للاهلي شندي عشان يوافق بتأجيل المباراة وناس شندي رفضوا والاتحاد رسل ليهم الاجاويد والتحانيس .. الخ ورفضوا.. قام الاتحاد أجل دوري الرديف كلوا لأجل غير مسمى عشان خاطر عيون المريخ ورئيس المريخ .. طبعا لغاية ما المريخ يقول ليهم جاهز ..نفس المشكلة حصلت للرابطة في أول مباراة لها في الدوري مع المريخ عندهم 4 لاعبين في الاولمبي رفض الاتحاد ان يؤجل المباراة لهم عشان الرابطة تكون ضعيفة وتتغلب وفعلا انغلبت.. الرابطة بجانب نقص لاعبينها كانت عندها مشكلة مدرب بعد سفر ابراهومة والرابطة ولم تكمل اعدادها للدوري وهي عقدة من عقد المريخ عشان كده مجموعة البرمجة بمشاركة مزمل ابوالقاسم (ودي حقيقة - طلب منو الوالي وفوضوا عشان يكون على اتصال بضباط الاتحاد باسم الوالي) ختو الرابطة للمريخ وش (فاتحة شهية) والمريخ جايي بعد ان اكمل برنامج تدريباتو... اتحاد السمكرة حتى مباريات الرديف بيسمكرا .. بعد اعتراف مازن شمس الفلاح في الصحف مفروض الاتحاد طزالي يراجع كل المباريات التي لعب فيها بالاسم المزور ويخصم نقاطة من المريخ .. ويعطي كاس البطولة للثاني .. لكن الاتحاد عمل نايم .. ده لو كان فريق تاني كان محمد سيد احمد طلع في الشروق وسحب الكاس من الفريق التاني .. الاتحاد انحيازوا للمريخ لا يضر الفرق الاخرى كما يعتقد وانما يضر المريخ نفسو.. مشكلة المريخ هي مجموعة الصحفيين الاجتمعوا مع الوالي في بيت كمال حامد برئاسة خميني المريخ مزمز ابوالقنابل هم البسيروا قعليا المريخ والاتحاد واسامة عطا المنان ضابط اتصال بين الاتحاد وهؤلاء الصحفيين البسيروا المريخ - مجلس ادارة المريخ خيالات مآتة وتمامة عدد ساهي .. المجموعة دي تعمل العايزاهو وان اخطات فلا تتحمل اي مسئولية ولا يحاسبها احد لاتو الجمعية العمومية للمريخ مجرد ديكور...معظم العضوية اجتهد وجابا متوكل ماعندوا اي قدرات ادارية لكن قناص درجو اولى ,, قالوا بطل يتعامل بالسوداني - بس الاخضر الليموني - عموما سمسار شاطر وذكي عمل ليهو استثمار غير مسبوق و كسب كثير .. اصلوا القرب من الوالى مكسب.. مؤخرا سافر ابم القنابل للقاهرة في مهمة عاجلة تتعلق بشكوى عزام .. قالوا كتل الشكوى - مسكين عزام ومساكين الخرفان - ... بقلل النقاش (شعارن) - على فكرة ياعاشق الهلال - ياكتوش - يالربع... المصريين بسموا الكيزان في مصر "الخرفان".. اها مسألة الخرفان دي ماصدفة ... طلعت مأصلة وعندهم ليها مرجع ... ياعلم ما يمكن السبب بتاع تعادل المريخ مع الخرطوم يكون سفر ابو ترتوري؟؟؟؟؟ بتكلم جد..
المريخ مفروض يكون مهزوم..3 ضربات جزاء لم تحتسب للخرطوم
مبرووووووووووك عليكم اانقطة الحرام وتانى ما تتكلمو عن الحكام..
امس ما شفنا ثورة حجارة من النقرز..خﻻص قنعتو؟