• ×
الجمعة 16 أبريل 2021 | 04-15-2021
شوربجي

حقا لقد بدأت السيرة الهلاليه

شوربجي

 6  0  1417
شوربجي


((())) وبسم الله لقد بدأت السيرة الهلاليه :
ومبروك لعبد الرحمن الابنودى
ومبروك لجابر ابوحسين
ومبروك للزناتى خليفه
ومبروك للعم ضوى
ومبروك لدياب بن غانم الهلالى
وأنا الزناتي ملك الغروب
أتوا الرجال الهلايل
وحامت النسر غروب
واصبح الحمل مايل
لازم انزل الحرب بكرة
طبول البلاوي حزينة
ماخلي ولا بنت بكرة
إلا اما تشلي حزينة
نعم لقد بدأت السيره الهلاليه
وبدأت خطوات الهلال في افريقيا
ورغم ان العرض كان متواضعا
فليس بالامكان افضل مما كان
مبروك هلال العز
مبروك هذا العزف المنفرد
مبروك هذا الاداء الجميل
مبروك هذا الاداء الرجولي
مبروك هذه الجماعيه الرائعه
نعم لقد بدأت السيرة الهلاليه
فشكرا جمهور الهلال الذي اشعل الملعب
شكرا التراس الهلال المنظم
شكرا العرضه شمال وبحب سماها
وأحلف بسماها وترابها
أحلف بدروبها وأبوابها
أحلف بالقمح وبالمصنع
أحلف بالمدنى والمدفع
بأولادى بأيامى الجاية
ماتغيب الشمس العربية
طول ما أنا عايش فوق الدنيا
شكرا اقمار دنيانا
شكرا كردنه الذي كان في قلب الحدث
شكرا دفاع الهلال الصلد
شكرا وسط الهلال الفنان
شكرا سيسيه والشغيل ونيلسون الرائع
شكرا نزار حامد وان اضاع الكثير الكثير
شكرا كل الهجوم المشاكس
شكرا بشه وكاريكا وان لم تكن في يومك
شكرا شباب الهلال الرائعين
اطهر ونيمار واحفظهم يا رب العالمين
شكرا مكسيم جدار الهلال الفولاذي والامين
الفوز يثلج الصدور الزرقاء ويفرح الطيبين
ويا هو ده هلال ٢٠١٥ وقد اضاء سماء كل السودانيين
قلنا ليكم هلال افريقيا غير يا شفقانين
وهدفين ولا اجمل والله حلويين
ودشليون مبروك للهلال كما يقول مصطفي اﻷغا والسوريين
وما احلي الهلال يوم الاحد
وفعلا فرحة وجلد
التهنئه لكل اهل الهلال
وحقا لقد بدأت السيرة الهلاليه
ولكن هاردلك للعالمي ولا تكلمني
و( بجري ) المدينه قالوا فال شوم علي المريخ
وغارزيتو فال شؤم على المريخ
والميكانيكي فال شوم علي المريخ
وبرهان تيه جهجه الفرنسي تمام
وسافر تنزانيا وما اتفرج علي عزام
وباسكال واوا بكي للمريخ يا حرام
وتشي تشي جنن جمال سالم ومنعوا الكلام
طبعا الحكم ظالم وما في بلنتي ولا في الاحلام
هاردلك يا عالمي وممكن تعوض بس بطلوا المبالغه علي الدوام
والله نتمني ان يعود المريخ في امدرمان
ويجتاز عقدة التمهيدي والسلام
ونقول بالصوت العالي لقد بدأت السيرة الهلاليه



((())) عزازيمو مسك المريخ من شلاضيمو :
كتب اخ ظريف لفريق عزام وقبل مواجهة المريخ قائلا :
عزازيمــــو بنحب تيمو يمعط لينا مريخ جيمو
ويمسكو من( شلاضيمو)
يدق النجمة دق العيش
و تب بعجبنا (تنجيمـــــو)
يعيد من تاني ذكري الجيــش
يأكلو من جديد ( نيمــــــــــــو)

....
نصيحتي الاولي يا عزام
خليك هادي في الكورتين
ما تتجاري بالالزام
مع لعب الوصيف الشيــين

...
نصيحتي التانية بالاطراف
خصوصا بي طرف بلــــة
تراوري مهاجمهم هداف
يراقب وما بيتخلــــــــــي
...
تالـت حاجة يا عــــــزوم
قبل ما تمشي للخرطـــوم
تكون فايز تلاتة لـــزوم
علي الاسواء يكون مهزوم
...
رابع حاجة في القلعــــة
خليك عادي يا عــــــــزام
واوعي تخاف من الفلعــة
انت المـــــــــــدفع الرزام
...
خامس حاجة بعد التيم
احذر وراقب التحكيـــــم
انقل واكسر التعتيـــــــم
عشان ما تجينا تاكل النيم
...
سادس حاجة جيب القون
وقد يتسحن التعجيل
اضرب للوصيف اللــــــــون
اوعي يبادر التسجـــــيل
...
سابع حاجة مرحب بيك
جماهيرك بكل مكـــان



((())) تعليق اخير :
خسارة المريخ هي خسارة للكرة السودانيه ولكن التعويض وارد بأذن الله

واعزم وتوكل علي الله





محمد حسن شوربجي

امسح للحصول على الرابط
بواسطة : شوربجي
 6  0
التعليقات ( 6 )
الترتيب بـ
الأحدث
الأقدم
الملائم
  • #1
    عثمان الطاهر 02-16-2015 01:0
    يا جعفر صالحين
    يا اباالفاضل بلازا
    ياود فرح

    لكم الاتي مع التحية
    وقعت الطوبة في المعطوبة وحدث ماذكرناه في هذه المساحة بالأمس حيث أنقاد المريخ لهزيمة قاسية بثنائية ، وتسبب الدفاع الأحمر في كسر عظم الفريق بأخطاء كارثية لايقع فيها مبتدئون بحسب الوصف الاذاعي للمباراة.

    علي جعفر أهدى مهاجم عزام هدفا على طبق من ذهب «هاك جيب قوون» وذكرت كثيراً أن هذا المدافع ومعه اللاعب «الكبكابه» الريح علي لاعلاقة لهما بكرة القدم لامن بعيد ولامن قريب ولا أدري كيف قادتهم محن الدنيا للعب في الأحمر وأعتقد أنها «الظروف» من بعض المنتفعين والصدف التي لاتتكرر كثيراً .

    حتى النجم الذي راهنا عليه أمير كمال لم يكن بأفضل منهم فكان كثير الاخطاء وتسبب سوء تمركزه مع بقية لاعبي الدفاع في الهدف الثاني والذي كان قاصمة الظهر للفريق.


    المدافع الحماسي والرجولي ضفر لم نجد سبباً واحداً يجعل الفرنسي يستغني عن خدماته بعدم إصطحابة من الخرطوم مع البعثة ، وهو الأفضل بعد أمير كمال، حاجة تحير العقل وتجعلنا نشك في مقدرات هذا المدرب «المدعي» غارزيتو صاحب الرؤية الفنية الضعيفة جداً وإن طبل له الطبالون.


    مدرب يلهف هذا المرتب الضخم وبالدولار الحار لماذا؟ هل لينتصر لنا في مباريات الدوري الممتاز ، هل نحن في حوجة لذلك ، أستقدمه الفريق ليفوز وينتصر في البطولات الأفريقية ويقنع الانصار ، نعرف أن هناك مباراة عودة ،ويمكن أن يعود المريخ الذي نعرفه من بعيد ويقلب الطاولة على عزام ويفوز بثلاثية نظيفة أو أكثر ويعبر الى الدور القادم ، ولكن بالمعطيات التي أمامنا وبهؤلاء اللاعبين أشك في ذلك.
    ركزوا على فريقكم عسى ....و عسى ينصلح الحال

    اما الهلال فنحن ادرى به
    فعلا الجمل ما بعرف عوجت رقبته
    لله درك ياشو
  • #2
    عثمان الطاهر 02-16-2015 01:0
    ليس بالاماني يصعد المريخ
    ليس ببكري و لاتراوري ولا المدرب اللئيم
    فقط بذهاب الوالي غير مأسوف عليه
    شغال تحنيس لتراوري كأنه الوحيد في الفريق
    شغال وسواس في اذن بكري لينغض العهدو العقد
    شغال على رمل طريق الهلال يجمع في سقط المتاع
    شغالين جميعا في الهلال فعل و الهلال عمل
    و من انشغل بالناس مات هما
    يا وصيفاب نحن فزنا مش حنفوز
    و مدربنا شاطر مش هجاص
    و عزام مازال امامكم و قضية بكري من خلفكم
    الله يكون في عونكم
  • #3
    ابوالفاضل 02-16-2015 12:0
    ياشوربة لا المريخ طار ولا الهلال اتاهل وبعدين مافي داعي للوطنية المدعاة دي خليك في شماتك وفرحان وكاتب قصايد في الحمام ده ياخي ده مفروض ياخد خمسة لكن تقول شنو دراويش لاقوا مداح.
  • #4
    ضمره عثمان 02-16-2015 12:0
    والله ما قلت الحق ي شوربه الهلال تعبان منتهي ضائع

    دا ماسلامك ي هلال ... ولاااا كلاكم

    نتمني الارتقاء لمستوي افضل

    اما المريخ احسن حال من الهلال رغم الخساره

    قايتو ربنا اللطف بي حالنا واعصبنا تلفت والله

    الشكوي لله
  • #5
    ودفرح 02-16-2015 08:0
    السلام عليكم
    انت والزيك سبب مشاكل الكورة فى السودان
    انا هلالابى وشاهدت الهلال امام الخرطوم الوطني فى الاستاد
    وكان يستحق الهزيمة وبالامس الحظ خدمنا بمواجهة
    فريق تعبان ولو دا حال الهلال السنة دى ربنا يستر
  • #6
    جعفر صالحين 02-16-2015 06:0
    الحظ فقط هو من خدم الهلال ووضعه امام فريق اكثر من حمام ميت .. فريق لا يمرر سوى تمريرتين صحيحتين خلال 90 دقيقة ... سوف تتكشف عيوب الهلال فى المراحل المتقدمة عندما يلاقى فرق اكبر ... فلا تتعجلوا الفرح يا شوربة .... لو كان الهلال فريق كبير لكان احرز اكثر من 10 اهداف فى هذه المباراة التى كانت من طرف واحد ..... لا تفرحوا كثيرا يا شوربة ...
       الرد على زائر
    • 6 - 1
      ابو خالد الدمام 02-16-2015 12:0
      الظاهر عليك ما شفت التحليل بعد المباراة الاحصائية الدقيقة 140 تمريرة صحيحة للهلال و12 فرصة ضائعة ... نحن الهلالاب اتفرجنا على كورتنا وعاجبانا انت الحشرك شنو يا حشري ... امشي شوف فريقك الحمام الميت ما قادر عليه واتضح انو المريخ بالفعل هوالحمام الميت
    • 6 - 2
      فيصل الاقرع 02-16-2015 11:0
      كحخخخححح
    • 6 - 3
      saif dawood 02-16-2015 07:0
      وانت عملت شنو ياحلو مع العملاق عزازيمو؟ طبعا كنت حمام مشوي ومبهر بكل انواع البهارات وتم اكلكم بمزااااج. طبعا دي اول واخر محطة ليكم والهلال متعود دائما يمشي محطات بعيدة وانتوا تذكرتكم مكتوب فيها اول محطة فقط( التمهيدي ) شدوا حيلكم شوية وسيبكم من الهلال عشان تتقدموا شوية ان شاء الله لي المحطة رقم 2 (دور 32 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019