• ×
الثلاثاء 18 مايو 2021 | 05-18-2021
محمد كامل سعيد

متى يُسجّل "بكري المدينة"..؟!!

محمد كامل سعيد

 23  0  1473
محمد كامل سعيد
* واصل المريخ عروضه المتواضعة وفاز أمس على مضيفه هلال الفاشر بهدفين وكالعادة بـ(شق الأنفس)، بعد فاصل طويل من الملل والأداء العشوائي، لدرجة أن أصحاب الأرض لو فكرّوا في الفوز لما خسروا..!!
* لقد ضحكت ومدرب هلال الفاشر يغازل المريخ قبل لقاء الأمس ويبُشّر، قبل المباراة بساعات، بهزيمة فريقه، مشيراً إلى أن حظهم العاثر وضعهم في طريق الأحمر عقب تعادله مع الأهلي في الأسبوع الماضي..!!

* وبالمناسبة أحمد ساري، مدرب هلال الفاشر، ولمن لا يعلمون سبق له العمل غير مرة في الجهاز الفني للمريخ وتم الاستغناء عن خدماته، كما لعب دور (السمسار) في صفقة التعاقد مع (بلدياته) أيمن سعيد منتصف الموسم الماضي..!!
* وواصل ساري عرض خدماته على المريخ عن طريق السمسرة وقاد المفاوضات مع عدد من اللاعبين في الدوري المصري خلال فترة التنقلات الشتوية الأخيرة.. وعليه لم يكن غريباً أن يقول الرجل تلك الكلمات الاستسلامية قبل لقاء الأمس..!!
* نترك السمسار ونتحول إلى المريخ الذي لم يقدم المستوى المطلوب، وواصل العك والأداء الرتيب الممل في ظل غياب تام للخطة والتكتيك واللعب المرسوم، وكانت الطريقة التي جاء بها الهدفان أقرب للقضاء والقدر..!!

* الهدف الأول جاء من خطأ لدفاع الهلال الفاشر.. ذلك بعدما انتهى الشوط الأول بالتعادل السلبي، وعقب تقدم المريخ سمعنا عبر المذياع صوت (ضجة وجلبة شديدة) فسرها لنا المعلق بعد انتهائها بأن هنالك مطالبة بضربة جزاء للهلال..!!
* وما بين بداية المباراة ونهايتها تابعنا "بكري المدينة" (أبو تلاتة مليارات) يواصل تسديد الكرة، سواء من انفرادات أو خلافه، إلى خارج الملعب وسط صيحات الاستنكار والسخرية من جماهير الفاشر..!!

* سارت المباراة بعد هدف المريخ الأول وقلوبنا ترتجف خوفاً من إمكانية أن يقوم أحمد عادل أو علاء الدين بابكر بتعديل النتيجة في أي لحظة.. فاستعان غارزيتو بالنجم المظلوم عنكبة الذي أثبت حقيقة تواضع مستوى بكري (أبو تلاتة مليارات)..!!
* المضحك أن عنكبة لعب بديلاً للكيني الآن وانغا، صاحب الهدف والذي استفاد من خطأ لدفاع أصحاب الأرض ورجح كفة الضيوف، وبالمقابل بقي بكري في الملعب وكأن هنالك أوامر قد صدرت بعدم تبديله (ولا أحد يسألني من أين صدرت الأوامر)..!!
* نزل عنكبة المظلوم والذي كان جزاء تألقه في المباراة الأولى أمام الرابطة كوستي، إبعاده إلى كنبة الاحتياطي ولم يشفع له فوزه بجائزة النجومية في ذلك اللقاء.. وعملياً تابعنا انتعاش الأداء الهجومي للأحمر..!!
امسح للحصول على الرابط
بواسطة : محمد كامل سعيد
 23  0
التعليقات ( 23 )
الترتيب بـ
الأحدث
الأقدم
الملائم
  • #1
    ابومجتبي 02-11-2015 03:0
    الاخsamiاو محمدكامل مايفرق معاي تركت كل النقاط ومسكت في موضوع الامجاد
    لماذا لم تنتقد الكاتب في اسلوب الهمز واللمز والتحريض الذي يتبعو ولا اسلوبو حلال واسلوبنا حرام
    لما يلمح بان المصري ساري متواطئ دي فتنه ولا ما فتنة .ياسيدي نحن لم نقول محمدكامل حاقد من فراغ كل مقالاته تؤكد ذلك
    لم يخلو مقال من كلمات مطبلاتية ونقعد جنب الحيطة ماذا يقصد ومن يقصد..
    سؤال اذا لم تقابل محمدكامل كيف عرفت تفاصيل الامجاد
  • #2
    sami 02-11-2015 12:0
    اخى عمر..اقسمت لك سابقا..واقسم بالله العظيم ثﻻثا..والله الذى ﻻ اله الا هو..لم اقابل محمد كامل ولم اره فى حياتى..واننى لست محمد كامل..ولكن ..الا يحاسبكم القانون على اتهاماتكم لمحمد كامل بدون اثباتات ودﻻئل؟
    الشرع ايضا يحاسب..يا اخى..ما هو شعورك لو كنت مكان محمد كامل واحدهم مثل ابو مجتبى يقول فيك نفس الكﻻم فى موقع يرتاده اﻻف الناس..؟
    شخص له اسرة تحبه واهل وجيران وزمﻻء ومعارف..يوجه اليه مثل هذا الكﻻم امام الالاف..كيف يكون شعوره..واصﻻ لم يحدث مثل هذالموضوع..ولكن افتراء زملاء مهنة..وهم ممن يسيئون لهذه المهنة يوميا..وقد حذرنا وحرم رسولنا وديننا الكذب وقول الزور..اتقو الله..
    لذلك اخى عمر لم ارد على بقية نقاط ابو مجتبى ولم اعلق عليها
  • #3
    sami 02-10-2015 10:0
    يا ابو المصطفى..الناس بيجيبو سيرة مزمل ما عشان هو كويس..بس اصلو المريخاب كل ما محمد كامل يكتب موضوع يقولو هو حاقد على مزمل..فهمت؟مشكلة المريخاب عندهم كاتب واحد هو مزمل والباقى كورس..شيالين..والكاتب التانى هم بكرهوه لانو بكشف الحقيقة.
    اما الهﻻﻻب عندهم عشرات الكتاب المحترمين..عشان كدة ما بتلقى هﻻﻻبى متعلق بكاتب وحيد..كلهم ممتازين..ونضاف..وعفيفين..انتو اتعلقو بالقشة بتاعتكم دى..مزمز
  • #4
    ابو المصطفي 02-10-2015 06:0
    انا ما عارف تعليقات بني زرقان في كل مقالات الصحيفيين (من الطرفين) لازم يجيبوا سيرة مزمل أبو القاسم . وده بيعني أنو مزمل ده راجل ما ساهل البخلي الجماعة معلقين وكتاب بني زرقان ممكونين منو.
  • #5
    ابو المصطفي 02-10-2015 06:0
    والله كل ما أقرأ لك مقال اتأكد أنو في حاجه أنت مغبون منها. أين التحليل كله انتقاد وتبخيس وتقليل من إمكانيات الغير . الظاهر عليك عاجباك تعليقات بني زرقان.الله يهديك .
  • #6
    sami 02-10-2015 06:0
    يا ابومجتبى..عيب والله
    لو كان طالب امجاد كان لقى الف واحد يديهو امجاد وعشرات الامجادات عشلن يكسبو قلمو..ولكن دى اكاذيب مزمل..لمن اختلف معاهو وابا يطبل للوالى ..مزمل قال ليهو الوالى الداعم الرئيسى لينا وﻻزم نكتب كلنا بى نفس النمط..تطبيل يعنى..عندما رفض محمد كامل الطلب قام الوالى قال لى مزمل الكاتب دا يشوف ليهو جريدة تانى.دى القصة كلها..والله الوالى مستعد يشترى قطر بتاع امجادات او مصنع..بس محمد كامل يكتب فى صفو....ارضع المال الحرام براك وبيع قلمك..انما هى هذه الحياة الدنيا
       الرد على زائر
    • 6 - 1
      Omer 02-10-2015 08:0
      انا قبل كده قلت ليك ياسامي اظنك انت محمد كامل سعيد بنفسه واليوم اثبت لنا ذلك .
      لاتملك الشجاعة الكافية للرد باسمك الحقيقي مثلما تجبن ان تذكر الاسماء في مقالاتك وتكتفي بالتلميح والهمز واللمز .
      حسي ملاحظات ابومجتبي دي كلها خليتا ومسكت في الامجاد .
      حتي ولو انت سامي حقيقة , بصفتك محامي محمد كامل كان من المفترض تفند كل كلام ابومجتبي وماتختار الحاجة البتحرقك بس .
  • #7
    ابومجتبي 02-10-2015 03:0
    تدعي بصرف الحكم ضربة جزاء صحيحة لهلال الفاشر
    تسخر من بكري المدينة
    تلمح بتواطؤ احمدساري مع المريخ.
    تتعاطف مع عنكبة حتي تثير الجماهير ضد بكري المدينة...
    نواياك معلومة للجميع تصفية حسابات..
    ياريت لو جمال الوالي كان اشتري ليك الامجاد الطلبتها منو عشان ما نقرا هذا السخف.
    ياريت لو مزمل ما فصلك من صحيفتو عشان ما نقرا هذا الحسد.
    والله لو صرحت بحقيقة هلاليتك لاحترمناك لكنك تنافق
  • #8
    حامد 02-10-2015 03:0
    كاريكا الفنان..ميسى السودان..سجل احلى الاقوان..يا كيمو يا سجمان..
  • #9
    kemoo 02-10-2015 12:0
    سؤالك متى يسجل بكرى؟ الاجابة عندما يبدا يسجل كاريكا المكعوج.
  • #11
    جوجو 02-10-2015 10:0
    يا كمندان..الجماعه ديل حزفو تعليقك..الظاهر انو بذئ..
    من يضحك اخيرا يضحك كثيرا
    مفروض تكونوا عرفتو الكﻻم دا وحفظتوهو
    كل سنة نفس الفلم مكرر..كل سنة انت القطر..واخر الدورى الترلة
    كل سنة تسحلو من الهﻻل..واخر السنة كارهين اللاعب واليوم السجلتو فيهو
    بكرى اﻻن ولع المريخ نار..خيايا واسرار
    بله جوز طالب 5 مليار
    عنكبة حالف ما يجدد
    ابراهومة..باي باي..مرحب به فى الهلال
    شمس الفﻻح..بح بح
    اللاعبين المريخاب الشحمة والنار الايام دى..والفركشة بعد الطيران..
       الرد على زائر
    • 11 - 1
      الكمندان 02-10-2015 03:0
      وانت الخفة العليك شنو وبعدين انا كلامي مش بذئ بس شكلو ما عجبهم ولو في كلام بذئ وفارغ هو المقال القدامنا دا
  • #12
    جلابي --- الدوحة قطر 02-10-2015 10:0
    لعن الله بائع اهله وملته
       الرد على زائر
    • 12 - 1
      kemoo 02-10-2015 12:0
      لعلمك كل اهله مريخاب عدا اخوه فقط وفى مقابلة معه ذكر انه بالاول كان زعلان
      لكن عندما قام الكاردنال بشطب ابناء الهلال الاوفياء معز وعمر ومهند فرح
      لانتقال بكرى للهلال حتى لا يطيله الشطب.
    • 12 - 2
      fadil 02-10-2015 10:0
      كﻻمك صاح يا جﻻبى..بكرى باع اهله وملته..باع الهلال
      نقض العهود..ولم يوفى بالعقود التى امرنا به الله
      ولذلك لن يوفقه الله باذنه تعالى
      وقالو هو السبب فى مشاكل اللاعبين الحالية..اذ توجد بينهم احقاد وضغائن ومشاكل كثيرة سوف تظهر بعد مغادرة المريخ من التمهيدى
  • #13
    الكمندان 02-10-2015 10:0



    تم حذف التعليقimage
       الرد على زائر
    • 13 - 1
      الكمندان 02-10-2015 10:0
      ممكن اعرف سبب الحذف...
  • #14
    omer 02-10-2015 10:0
    معظم اللاعبين الجدد يحتاجون لفترة للتأقلم ودونك سواريز الذي انتقل لبرشلونة وهو هداف البريمرليغ , لم يسجل اي هدف مع برشلونة الا بعد اكثر من ٧ مباريات ولايزال يعاني ولم نسمع باحد طالب بركنه في كنبة الاحتياطي .
    قلت لي سمعنا عبر المذياع صوت (ضجة وجلبة شديدة) ?? بالله انت مريخابي ؟ شوف المريض الحاقد ده عايز يوحي للقارئ انو الحكم صرف ضربة جزاء لهلال الفاشر .
    وكمان يتهم مدرب هلال الفاشر بالتواطؤ مع المريخ - - ياخي اختشي واخجل من نفسك -والله اعداءالمريخ لايفعلون ربع ماتقوم به انت .
       الرد على زائر
    • 14 - 1
      omer 02-10-2015 11:0
      لك التحية اخونا فادي
      والله انا ماحصل دافعت عن مزمل او الصدي ولست من معجبي مزمل .
      انتم دائما" تقعون في خطأ ان من يكرهون محمد كامل هم من انصار مزمل - ياجماعة المريخ ليس مزمل فقط وهنالك الكثير من صحفيي المريخ المحترمين , لايستخدمون اسلوب التضخيم والمكاواة لاغاظة الهلال ولكن يدافعون عن الكيان ويكتبون عن السلبيات باسلوب ليس فيه غرض او مرض او احقاد شخصيةويجدون منا كل الاحترام وهذا مانريده من الصحافة المريخية.
      ياخي خليك منصف وورينا رأيك في تلميحات محمد كامل التي ذكرتها في التعليق السابق - هل تتوقع من مريخي اصيل ان يكتب بهذه الطريقة المقززة وهو لم يشاهد المباراة ويحكم علي الاداء بالسوء ويكيل الاتهامات بالتواطؤ لاحمد ساري ويلمح لان الحكم صرف ضربة جزاء لهلال الفاشر وهو لم يكون داخل الاستاد . أليس هذا بعدو للمريخ ؟
    • 14 - 2
      فادى 02-10-2015 10:0
      امسك اعصابك يا عمر..لك المجال فى نقد الكاتب..لكى يستفيد هو ونستفيد معه.
      نريد ان نعرف اين العله فى المريخ
      ﻻ نريد ان نخدع انفسنا
      هذا الفريق بهذا الحال ﻻ محالة من ان يغادر من التمهيدى
      كل عاقل يقول هذا الكلام
      انا ارى ان الكاتب يكتب المفيد للمريخ..كفانا تطبيل ووهم..اكثر من ربع قرن من الزمان نحن محلك سر.
      لك العقل وووللقراء عقولهم لكى يميزو بين الصالح والطالح
      اما انا..فقد فارقت المطبلين والمكاواة فراق الطريفى لى جملو..بعد ان كنت مدمنا عليه..
      قارن اخى بين كتابات محمد كامل..وفى الطرف الاخر الصدى
      4 اعمدة فى الصدى لم تتغير ولم تقدم للمريخ ما يشفع لربع قرن
      اولا صاحب الصحيفة..مكاواة..ومحاربة اشخاص نيابة عن اخرين يدفعون الاموال
      ثانيا..كاتب خاوى الراس..ﻻ يودى ولا يجيب..حكام حكام حكام..ظلمونا..ظلمونا..المريخ مكروه
      ثالثا..اللللللليلا..يحتجب يومين ويظهر التالت..يردد كلام الاول
      رابعا..البرطاع..برطع برطع برطع..لا فى العير وﻻ فى النفير..كان مستور فى النقد الفنى والغنايات..مبهدل نفسو اخر بهدلة
  • #15
    عبدالله 02-10-2015 09:0
    يا احبابى المريخاب..الى متى هذة الطيبة التى يتصف بها السودانيين والتى هى اصلا غباء
    الى متى
    كل سنة نفس الخازوق من نفس صاحب صحيفة المكاواة
    نفس اللاعب الضارب..ونفس السمسرة ونفس التلميع..وبعدين الشطب
    اشهدكم انه ذكى..اغتنى على حساب غباء الفقراء
    كل يوم وكل سنة نفس الموال..نذيد غباءا ..ويذيد غنا..
    ضعو هذه الجنيهات القليلة فى يد محتاج..ليوم ﻻ ينفع فيه مال وﻻ بنون
    انت فى ظل صدقتك يوم القيامة..ﻻ تستهون هذه الجنيهات..فقد تكون خﻻصك
  • #16
    ضمره عثمان 02-10-2015 09:0
    جلوس بكري في الدكه ي سيد محمد مرهون بتسجيله اول هدف في الممتاز
    اما مراحل انتهاء موهبته سوف تبدا من ملازمته الدكه ولاااا ازيع سرا" ان قلت ان مصيره كمن سبقوه .. والسلام
  • #17
    سيكافا 02-10-2015 09:0
    العيب ما فى بكرى..العيب فى السودانيين..ﻻ يعرفون التوظيف الصحيح للخامات..عشان كده البلد ضايعه.
    هذا البكرى ممكن يرفع اسم السودان عاليا لو تم تحويله للمضمار..سباق..ﻻ تقول لى كولت وﻻ بولت الجامايكى وﻻ بن جونسون.
    دا ما لاعب كورة..
    زى ما قلت ليكم اما المضمار..او سباق الخيل
  • #18
    مريخ سيدة فرح..فرع الوحدات ابو شلباية 02-10-2015 09:0
    يا مريخاب ..الهﻻل سجل بكري المدينة ده وبعدين وداهو ورشة ومغسلة الهﻻل..سنتين..سمكرة وبوهية وعمرة..وسنة كاملة وزن كهربة..لمن بعد داك بقى يعرف طريق الشباك.
    كردنة لمن جاء..وطبعا كردنة واعى وزول سوق..قال الاروش دا ما مضمون..قبل ما نديهو العربون احسن نلخبط كهربتو تانى..وداهو الورشة..لخبطو كهربتو..قال لبهم كمان شفروهو..عملو ليهو رقم سرى..بعد داك فكوهو
    صاحبك الطبال قايل نفسو حريف..قل للوالى سجل بكري..نظام مكاواة وزيادة بيع الصدأ..نظام تفادى البورة..الوالى ما كضب..هو تعبان فى القروش دى؟ سجلو..
    الهلتل قال اى بيع خارج اسوار النادى على مسئولية صاحبه..كتل ليهم الدش..شفرة نهى نهى نهى
    صاحبكم الطبال اسقط فى يده..مكاواة نهى ..ومحكمة فى.
    لكن انا زول نصيحة..فى كهربجى شاطر فى ابوحمامة اسمو انور..جنب الامتياز..كدى امشو ليهو .
    مرات بحل المشاكل الزى دى.
    اما لو كانت مشكلة كمبيوترو ضارب وﻻ طاشى فى واحد اسمو كمال جنب مقابر الرميلة
    ..انا عملت العلى..والباقى على الله
  • #19
    ضمره عثمان 02-10-2015 08:0
    جلوس بكري في الدكه ي سيد محمد مرهون بتسجيله اول هدف في الممتاز
    اما مراحل انتهاء موهبته سوف تبدا من ملازمته الدكه ولاااا ازيع سرا" ان قلت ان مصيره كمن سبقوه .. والسلام
  • #20
    ناصر 02-10-2015 08:0
    ههههه،شكلك كده استمرأت قصة انه الناس بترد علي مقالاتك،يا أخي الكريم،النقد من اجل النقد بس كده مااااا مُجدي. وبصراحة الغرض عندك كل مقال جديد بيتضح اكتر من المقال السابق،ما تحاول تخدع الناس بقصة قلبك علي المريخ دي،وبرضوا ربنا يهدينا كلنا لقول الحق حتى ولو علي انفسنا.
  • #21
    بدري 02-10-2015 08:0
    دايما انت شفقان ومستعجل..ربنا خلق السموات واﻻرض فى ستة ايام ليه.؟ كان ممكن بكلمة كونى فتكون..
    بجرى المدينة بسجل..بس لوك الصبر
    يادوب نحن فى السنة الاولى من تسجيله
    انت نسيت وارغو ولا شنو؟ ما سجل قوون الا بعد سنة ونص من تسجيله..فى مباراة الشجرة الودية
    تتذكر اليوم داك ؟ بعد الهدف فعل الاعاجيب..بقى قرد ...نطط نطيط الجن وقلع ملابسه..وقالو الليل كلو ما نام
    ومتجمل ابو الوهم تانى يوم العمود صفحة كاملة عن وارغو..تطبيل صاح..بس كانت بيضة ديك
    اصبر..كلها سنة وﻻ سنتين بكرى بسجل هدف..القت داك محل تخش ما تلقى
    مزمل والكورس الدور ده مجهزين النحاس لهدف بكرى ..ما طبلة صغيرة
       الرد على زائر
    • 21 - 1
      الكمندان 02-10-2015 10:0
      المصيبة يا فالح يا وهمان بعد دا كلو جيتو انتو سجلتو وارغو تاني !!!!
  • #22
    sami 02-10-2015 08:0
    صباح الخير..دايما بتهبش الوتر الحساس..اليوم سوف تنفتح عليك ابواب الجحيم..اصلو الجماعة خرمانين وانت امبارح ما ظهرت ليهم..وانت الحيطة القصيرة التى يصبون عليها جام غضبهم..عشان كده استعد للردود اليوم..بتاعة عمود اليوم وبتاعة غيابك امس..انصحك..استعمل الساتر..لانو فى ناس شوتهم وضربهم
    اروش..زى بجرى المدينة
  • #23
    عجااااج 02-10-2015 07:0
    بكرى ؟؟؟؟ صفقة مزمل ابو القنابل المضروبه ويتباها به . فقط لانه يدعى خطفه من الهلال .
       الرد على زائر
    • 23 - 1
      الكمندان 02-10-2015 09:0
      يدعي خطفه هههههه خطف مين يا عم دا قلع عديييل
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019