• ×
الأحد 26 سبتمبر 2021 | 09-26-2021
محمد كامل سعيد

وليد علاء.. كشف الداء المريخي والدواء..!!

محمد كامل سعيد

 36  0  3758
محمد كامل سعيد
* فاز الهلال على الأمل عطبرة بثلاثية نظيفة في ختام الاسبوع الثاني للممتاز، ولعل الحدث الملفت الذي يستحق الوقوف عنده في مباراة أمس الأول باستاد الهلال يتمثل في المستوى الرائع الذي ظهر به اليافع الصاعد وليد علاء الدين..!!

* ولعل تألق اللاعب، الذي توقعناه في هذه المساحة بعدما وقفنا على حقيقة مستواه بعدما تحوّل لهلال كادوقلي مشطوباً من المريخ ومساهمته في فوز أسود الجبال على الهلال ودياً بهدف بديع، ذلك التألق سيدمي قلوب المريخاب (الاصلاء)..!!

* وكما اشرت فان المريخاب، الاصلاء وليس الدخلاء، لهم الحق في عض بنان الندم على ضياع موهبة وليد في المريخ رغم التوصيات والرجاءات التي تقدم بها المصري حسام البدري الذي توسم في اللاعب نجومية مستقبلية طاغية..!!

* كان وليد اليافع يلعب ضمن صفوف شباب المريخ، ولما شاهده المصري البدري كان يُصرّ على تسفيره مع الفريق الأول سواء في المعسكرات او لأداء المباريات الافريقية الخارجية لقناعته بالموهبة الفطرية للاعب وامتلاكه لناصية الابداع..!!

* ذهب البدري من هنا تاركاً تدريب المريخ وأشتغلت ايادي الغدر وقامت بشطب وليد علاء الدين لأنه تخطى السن القانونية ـ وكالعادة ـ لم يتمكن المجلس الموقر من توفير خانة للاعب الموهوب في قائمة الفريق الأول..!!

* ذهب وليد بموهبته الى هلال كادوقلي وواصل ابداعه فألتقطه الهلال وسجله بـ(تراب القروش) وليس بالمليارات التي تعود مجلس المريخ نثرها هباءً على (العواجيز وكبار السن والمصابين) فبدأ الموهوب مسيرته الناجحة بالشعار الازرق..!!

* ولأن (السماسرة) ينشطون في المريخ خلال فترة التسجيلات يكون من الطبيعي ان تموت المواهب في النادي وتغادره بحثاً عن مكان آخر تتوافر فيه النظرة الفنية والتقدير الكامل لأصحاب العطاء الحقيقي..!!

* نعم ان الحقيقة التي لا فرار منها تتمثل في ان مجلس المريخ، ومن خلفه الآلة الاعلامية الموالية، لا يهتم الاّ بـ(الشو) و(البوبار) والسعى على الدوام لمكاواة الهلالاب بدليل اللهث الدائم، خلال السنوات الاخيرة، خلف لاعبي الهلال..!!

* ولعل ما حدث في موضوع الموهوب وليد علاء والبلدوزر محمد موسى وغيرهما يؤكد تلك الحقيقة التي يتهرب منها اصحاب المصالح الذين لا تتعدى نظرتهم مساحة الاحتفال بالتعاقد مع لاعبي الهلال والتي لا تتعدى الامتار الموجودة تحت أقدامهم..!!

* مجلس المريخ يدفع ملايين الدولارات للتعاقد مع "تراوري" ويخصص له راتباً شهرياً يزيد عن الـ(20) ألف دولار ولا يجد مقابل ذلك غير التمرد و(الزوغان) والتهرب والتمارض وممارسة الفوضى..!!

* يدفع مجلس المريح مليار جنيه للمعز محجوب مقابل الجلوس على كنية الاحتياط، ويعطي بكري المدينة ثلاثة مليارات ليمارس الاعلام المؤيد للمجلس المكاواة مع الهلالاب وفي ظل ذلك الواقع المآسوي تتراجع مصلحة المريخ..!!

* تخريمة اولى: ان عملية الشطب التي تعرض لها الصاعد الواعد وليد علاء من المريخ، وتألقه الحالي مع الهلال كشفت بعمق مكان الداء وحجمه وكل المتسببين في انتشاره بجسد النادي الاحمر..!!

* تخريمة ثانية: ولعل الدواء لمعالجة تلك المأساة لن يخرج عن اطار ابعاد المتسلقين والمنتفعين واصحاب المصالح عن التسجيلات مع منح كافة الصلاحيات لأصحاب الخبرة الذين لا علاقة لهم بعمليات السمسرة الموسمية..!!

* تخريمة ثالثة: عفواً وليد علاء لقد اخطأ المريخ في حق نفسه قبل ان يخطئ في حقك وفي حق جماهيره وكل المحبين المرتبطين به.. وتقبل منا هذا الاعتذار.. وعيني على ابراهومة..!!
امسح للحصول على الرابط
بواسطة : محمد كامل سعيد
 36  0
التعليقات ( 36 )
الترتيب بـ
الأحدث
الأقدم
الملائم
  • #1
    الرشيد مضوي 02-03-2015 11:0
    كاتب حاقد ومريض نفسي وليد شنو العملتوا موضوع انت مزمل وجمال الوالي مفقدنك توازنك الله يشفيك وكل الردود المكتوبه ردود تشفي ناس حامله كمية حقد ووجدة اليوم فرصه بموضوع انته من قبل اربع سنوات
  • #2
    النقر جا 02-03-2015 09:0
    كل الردود تتكلم عن وليد والكاتب لا يقصد وليد بل يقصد ان البيئه في الهلال بيئه تربويه تتيح للاعب فرصة لصناعة نفسه هل تزكرون متي صنع المريخ لاعب يشار اليه بالبنان في خلال 25 عام مرت لولا ان العجب خلوق وصبور كاد ان يشطب من التيم بعد مرور ثلاثة سنوات ثم بعد ذلك بدات رحلة ابداعه
  • #3
    عصام السراج 02-03-2015 09:0
    كلامك كله صاح ابراهومة فعلا صاحب موهبةفذة باعتراف الجميع وهو من أسرة هلالية متغصبة جدا ويتعرض يوما لضغوط للتحول للهلال خاصة في ظل الظلم الذي يتعرض له مما يدفعه للتمرد والتمارض وسيلحق يوليد علاء الدين حتما وإدارة المريخ للأسف لم تسلمه إلا مبلغ زهيد جدا لم يكفي لتشطيب غرفة واحدة له ضمن منزل الاسرة مقابل التصعيدفي حين تذهب المليارات لغيره وهو يستخدم المواصلات العامة ولم يتمكن حتى من تشطيب غرفته الخاصة وتسديد الرسوم الجامعيةوالله فعلا مأساة لاعب في موهبته يضطر لمشاعدة الدوريات الآوروبية في بيوت الجيران وأكثرهم من الهلالاب الشامتين والمريخ يشطب سفاري وكلتشي والعجب وقلق وساكواها واوليفيه وليماووليد علاء الدين وغيرهم عشان يسجل مين ؟ وأسفاه
  • #4
    ابو عبدالله / جده 02-03-2015 08:0
    لا داعي للاسف وليد جاء الى مصنع الرجال ومعد المواهب جاء الى مكانه الطبيعي لكن تقديرا لمقالك دا كلم سماسرة المريخ قولهم الهلال عنده ثقره كبيره في القانون الذي وضعه لسن اللاعبين المحدد ب اقل من 30 سنه يعني وريهم قولهم وليد باقيله في الهلال 12 سنه وسيجد نفسه معفى حسب قانون الهلال من اللعب ضمن الكتيبه الزرقاء خليهم اجهزوا مبلغ تسجيله للمريخ من هسي لانه بنفع معاكم بشده لانه موهوب جدا وثانيا لعب في الهلال وافنى فيه زهرة شبابه
  • #5
    جلابي --- الدوحة قطر 02-03-2015 04:0
    بالنسبه للمتشككين في ردودنا فنحن نجانب الصواب والنقد البناء ولا نقبل اي اهانه او كلمه جارحه في الكيان ورغم اختلافي مع الكاتب في هجونه علي المريخ بصور توضح للعيان استهدافه لاشخاص وهو نا يضر الفريق
    ولكن بمنطق اخر الكاتب اليوم وازن مقاله بالصح والخطا .ونبه لموضوع مهم جدا وانا اشاركه الراي فيه ولا يعنيذلك بانني اتفق معه في محاربة اشخاص باسم المريخ..فانا راحل وهو راحل ولكن يبقي الكيان فلم ولن ندمره لاي شخص وان دانت ما كان وصلتك ..علي الكاتب ان يستخرج مثل هذه المواضيع الهادفه والتي تفيد المريخ وليس العكس ..اما ردود الهلالاب فنحن ننظر لها بغير اعتبار من منطلق انهم يريدون الشماته والتشفي.فلا يهمنا ردودهم لانها لا تنفعنا في شيء ولن تغير من واقع الصفوه شيء..وفي الاخر قد نختلف وقد نتفق ولكننا كلنا مريخاب..ومن تواتيه الفرصهرللانضمام للصفوه سوف يفعل قريباونصف جمهور الهلال ولاعبي الهلال هن اقرب للمريخ من الهلال .لانه حلم ينمو بداخلهم منذ الطفوله وبالنسبه للاعبي الهلال اقول النصف لان الباقي محترفين..وبالمناسبه كم وصل العدد الان بعد كلام كردنه الاخير..سلمت يا محمد علي مقالك واؤازرك دوما بالحق والمنطق والحجه ..ولا غير ذلك
  • #6
    عبدالفتاح عبدالله 02-03-2015 03:0
    فى مقال سابق أخ محمد قد ذكرت لك أنك صاح وما سواك طبالين ومداح للوالى. الهدف عندهم توزيع أكبر قدر من صحفهم. مصيبة المريخ فى مثلث بيرمودا مزمل وابو شيبة وسلك. فمزمل مركب مكنة قانونى أى حاجة إفتى فيها ومدرب كل أمر فنى يخص المدرب واللاعبين حاشر أنفه فيهو وكشاف لاعبين يوصى بتسجيل داك وشطب داك وطبيب يفتى جهلاً بأن بوتاكو مصاب بإلتهاب الكبد الوبائى وعندما تظهر الحقيقة يصمت صمت أهل القبور لا يملك حتى ثقافة الإعتذار للقارئ المسكين وهو مهندس صفقات بارع يشكك فى صحة عقد الهلال مع الثريا وعندما ثبتت صحة التعاقد أنزوى الى ركن سحيق وعمل أضان الحامل طرشاء(حمد لبد) وهو الذى تسبب فى شطب سفارى الكبير و الشغيل وفيصل موسى ووليد علاء الدين وغيرهم. يشاطره فى هذه الجرائم مأمون أبو شيبة(مأمون حكام) أب شيبة دا شغال غسيل دماغ فى جمهور المريخ بأن الحكام يظلمون المريخ ويحسبون ضربات الجزاء ضد المريخ لصالح الفرق الأخرى أب شيبةدا لو ودو جزر الواق واق حا إقعد إكتب عن الحكام وضربات الجزاء وظلمهم للمريخ رغم أنه لا يوجد فى تلك الجزر الوهمية هلال ولامريخ. سلك الأقرع عمودو كله ونسة مشاطات وتريقة على الهلال وإدارته ولاعبيه فهو دائماً يشغل جمهور القراء بسفاسف الإمور. فلا خلاص للمريخ إلا بالخلاص من هذا الثالوث.المشكلة أن الوالى المسكين يثق فى هذا الثالوث ثقة عمياء وينفذ كل مايكتبوه سجل يسجل أشطب يشطب عين أعين أفصل يفصل عشان كدا الرماد كال حماد.
  • #7
    هلال كبسووووور 02-03-2015 03:0
    الهلال الشايفو دا كتاحه يلعب،فيه اساسي خليييك من خيال الماااته وليد هههههه كمان سموه نيمار الصفرااااب رايح ليهم نجم ساي...اي واحد يسيئ للزعيم الصفرااااب يشبكوه انت افضل صحفي هههههههه...يا والي صلح الدول دا بيتو الاتكسر خليه يهمد شويه....ودي كل الحكايه يا صفراااب
  • #8
    fadil 02-03-2015 02:0
    يا جماعة انتو بتحلمو..قلتو لى تحاربو منو؟ الاعﻻميي
    السماسرة والمنتفعين ؟
    هو ديل بتحاربو؟ البقدر عليهم منو..ديل عصابة وبيلعبو بينا..
    تلقى العمود كله نقد لى الراسمالى الكبير..والمساء تلقى الكاتب معاهو فى عربيتو او المزرعة او المطعم الفﻻنى
    يضربو الشواءات..كل الامور مسرحية متفق عليها..الليلة ينتقده وبكرة نسمع مديح وكﻻم تانى
    ونحن قنابيرنا كبيرة..نحن هنود ..الفلم دا معيود الف مرة..محمد كامل رجل نظيف..حتى الان

    ديل ما بخلو زول ياكل حﻻل ..الله يستر
  • #9
    mohamed 02-03-2015 12:0
    وليد شنو ياخونا اللاخمنا بيهو بالله هسى لو جاء اليوم المريخ حايلعب وين ؟؟؟؟؟ يارجل ما تصلى على النبى والله انت زينا وااااحد لامحلل ولا حاجه ولا بتعرف فى الكوره عشان جاب قون يعنى خلاص بقى نيمار زمانه ؟؟ ياخوى الباشا قاعد كنبه انت ما نصيح ولا شنو بنان شنو وندم شنو
  • #10
    حوري 02-03-2015 12:0
    تخريماتك كتيرة..والسواقة الايام دى صعبة مع الزحمة دى..اعمل حسابك نا مزمل السايقين البرادو ديل بضغضوط بى دغالة وبيعوقوك..سوق براحة وخليك فى طرف الشارع..صحيح انت جرئ ونظيف..لكن اكل العيش..اﻻوﻻاد يقولون لك ﻻ تسرع يا بابا نحن فى انتظارك..
    ونحن المريخاب فى انتظارك..من اجل مريخ جديد..باراءك السديدة ونقدك البناء
    من يدعم محمد كامل لمريخ جديد..
    محمد كامل فكر ثاقب..وجيب خاوى..يكتب بشرف..قلم حر
    الاعلام السالب ..زمرة تأكل بثديها..لن تتركه
    فلنقف معه ضد الطغاة والمفسدين
  • #11
    البازووكا 02-03-2015 12:0
    اعتقد ان ثلاثة ارباع كلامك صحيح ونتفق معك فيه فقط لااتفق فى حكاية العقرب لنتركه يبدع...

    بازووكا..
  • #12
    sami 02-03-2015 12:0
    اليوم الردود معقولة والهجوم بسيط..لانك اصبت الجماعة فى مقتل..الموضوع مهم..هو تكلم عن ولبد عﻻء الدين..ولكن الموضوع برؤئة بانورامية يهم اغلب الفرق وبالزات الهلال والمريخ..ولكى ندقق اكثر المريخ هو اكثر نادى لم يتوفق فى الشطب والتسجيل..ﻻنو بسجل وبشطب تبعا ﻻعﻻم السمسرةوالمكاواة والمصلحة الشخصية..هناك اعﻻميين معروفين جنو ثروة طائلة من عمليات التلميع والسمسرة فى التسجيل..لماذا لا تتم محاسبتهم على عشرون عاما ضاعت من عمر المريخ على الاقل سد ا..ﻻ يزالون فى غيهم ويستغلون طيبة وجهل البعض ويصعدون على جثثهم واشلئهم للوصول لاهدافهم..متى تستفيقون يا محبى المريخ..انه الاوان لثورة شاملة مريخية..نبدأ فيه مرحلة العمل العلمى المؤسس..ثم نصبر حتى يؤتى اكله..فلنتحرر من عبودية الشخص الواحد الذى يحرك الجميع اعﻻميين وجمهور ولعيبة..ولنكن شركاء بفكرنا ومالنا ووقتنا فى المريخ الجديد..وشكرا لك اخى محمد..لقد ايقظ صوتك اهل كهف المريخ من سباتهم العميق
  • #13
    ابوكتير 02-03-2015 11:0
    بداية النهاية لوليد إن كان هو فعﻻ بهذا الحجم من النجومية.
    اتركوا وليد يلعب كورتو بعيد عن اﻻكثار من تسليط اﻻضواء .
  • #14
    جلابي --- الدوحة قطر 02-03-2015 11:0
    للاسف هذه هي الحقيقه كامله وانك ذكرت الحق ..والخوف الان في ابراهومه وحسن واخرين لا ياخذون فرصتهم كامله خوفا من جلوس بعض اصحاب الورثه كاحتياطين
    نعم فرط المريخ في وليد ..والان تحاك مؤامره هلاليه حول ابراهومه واخرين وانا اؤكد لو امتلك اي فريق سبعه لاعبين امثال ابراهومه ووليد واطهر وحسن ..لما احتاج الي محترفين ...ومشكلة الكره السودانيه في المقام الاول.قتل المواهب لمصلحة اسماء بعينعها ...وهذا الكلام ينطبق ايضا علي الهلال وليس المريخ فقط وليد متذ متي وهو مسجل في الهلال ولم ياخذ فرصته الا عند قدوم باتريك وكل المدربين السابقين ابقوه علي الدكه بفهم خاص ..
    كل القول ماقلت اخي
  • #15
    أبو البنات 02-03-2015 11:0
    أظنك إنت أكتر العارفين إنه وليد هو الأبى المريخ وقال بالحرف الواحد أنا هلالابي وداير ألعب في الهلال
  • #16
    عاشق الهلال 02-03-2015 10:0
    ويعنى المشكلة فى شنو يا محمد كامل !! وليد وابراهومة وشمس الفلاح اولادكم وسيعودون لكم بالسلامة بعد تنشأتهم ووصولهم سن النبوة وستتحول احزانكم الى احتفالات ويسود ناس مزمل صفحاتهم بعبارات على شاكلة ولدنا وعودة الابن الضال وتتصدر صور متوكل اثناء عملية التوقيع الصفحة الاولى فى صديد مزمل ودقى يا مزيكة
  • #17
    ابوابتسام 02-03-2015 10:0
    انت انسان رائع وشغوف بالمواهب وليد علاء الدين مستقبل السودان وليس الهلال لما تعتذر لوليد وهاهو يبدع وينثر الدرر بقميص النادي الاكثر شعبية والاكثر ايواء لعمالقة الفن الكروي علي مر التاريخ احترم جدا قلمك لما تبدية من اراء من زوايا المحافظه علي المواهب ياخي كتر خيرك
  • #18
    عادل سليمان حسين 02-03-2015 10:0
    أخى ،محمد كامل سعيد ،ألمحترم ألسلام عليكم ورحمة ألله وبركاته وبعد ، أأؤيدك بشدة وأشد على يدك ،وإننى من ألمعجبين بتحليلاتك ،على ألرغم من إختلاف لونينا ألكرويين . أخى ،محمد ،ما يعجبنى فى كلامك هو بعدك عن أسلوب ألمكاواة ،ألذى ينتهجه ألبعض وكذلك بعدك عن ألكلام ألجارح وألبذىء.وفقك ألله لحمل أمانة ألكلمة وسدد خطاك وأعانك على مقاومة ألنفس ،ألأمارة بألسؤ ،وألسلام ختام . أخوك عادل ج:0508123129 ألدمام .
  • #19
    ِجاد 02-03-2015 09:0
    اصحاب المصالح والمطبلين هم مزمل ابو القاسم والاصلع سلك وجميع كورال الوالي النشاذ
  • #20
    محمد 02-03-2015 09:0
    سؤال العشرين ألف دولار الذي يتقاضاه براوري المدة مع الفريق المالي والأيقام البغيب فيها بيأخذ راتبه والله بقسموها منه
    مال سايب ما عنده وجيع بلد فوضى
  • #21
    omer 02-03-2015 09:0
    كلامك عن خطأ شطب وليد علاء الدين كلام سليم واعتقد ان كل كتاب المريخ بدون استثناء لهم نفس الرأي وكذلك تلميحك لمشكلة ابراهومة صحيح ويجب حل المشكلة حتي لايحدث ماحدث مع وليد وغيره من المواهب الشابة.
    بس انت تطرقت لهذا الموضوع اكثر من مرة - يعني كل ما وليد يتألق او يخفق ح تستخدمو كأداء لتصفية حساباتك وبث سمومك وفش غبينتك ؟
    كلنا مريخاب اصلاء وكل كتاب المريخ اصلاء وليس دخلاء كما تلمح باسلوب خبيث .من هو الدخيل علي المريخ في نظرك ؟
       الرد على زائر
    • 21 - 1
      ودالقيد 02-03-2015 01:0
      نشاز بين الردود اخى تخديرك قوى ههههههههههههههه
    • 21 - 2
      ود الحاج 02-03-2015 12:0
      الوااااااااالي هو الدخيل
  • #22
    ظافر 02-03-2015 09:0
    قل الحقيقة مرة وستفقد نصف اصدقائك..قلها مرة اخرى تجد نفسك وحيدا..اذا اخطأت وقلتها مرة ثالثة فستجد ان الجميع اعداءك..نصيحة..امشى جنب الحيط وﻻ تلقو بانفسكم الى التهلكة..مداراة المؤمن على نفسه حسنة..بارك الله فيك ولكنك لا تسمع الموتى ولا تسمع من فى القبور
  • #23
    ابوطالب 02-03-2015 09:0
    يا محمد كامل انت الناس الببلعو الحبوب المخدره دى ما عارفين ضررها؟ عارفين وببلعوها وبدفعو دم قلبهم عشان يشتروها ودا كلو عشان ينتشو..طيب ما دام مزمل وغيرو بيخلوا الناس ديل منتشين وهم راضين وبحبوهم ياخى ما تمشى فى نفس الخط .اكل عيشك..مالك ومال المريخرش الكﻻم المخدر واتكل على الله
  • #24
    القعقاع 02-03-2015 09:0
    دائما تحليك يصب في اتجاه النقد البناء وبالذات على المريخ رغم انك مريخابي ولكن للأسف كل المريخاب لا يعجبهم ذلك النقد ويحبون تزييف الحقائق وينجرون وراء مقالات السيد مزمل أبو الطاشم لما فيها من المدح وتزييف الحقائق ...!!

    نعم وليد علاء موهبة كرويه وشاب يافع ينتظره مستقبل باهر فلماذا فرط فيه المريخ كما فرط في غيره من اللاعبين والذين نجحوا في الهلال .. الهلال أثبت وبمالا يدع مجالا للشك أنه مدرسة وبئته خصبة تساعد على النجوميه والابداع بعكس المريخ حيث أن لغة المال هي السائدة ليس إلا ..!!
  • #25
    جوجو 02-03-2015 08:0
    تعبنا والله التقول عندنا مريخين .نقرا لى صحفى نشوف مريخنا فى السما..نقرا للاخر نشوفو راقد واطه الحاصل شنو؟ الناس ديل ما عاقلين وﻻ نحن بالعين حبوب هلوسة..والغريبة الحال ده ليهو سنين.
    لكن انا بقول يمكن الكاتب ده ليهو حق ﻻنو لو الجماعه ديك كﻻمم صاح كان بقى فى اثر ملموس لكن الشايفنو المريخ راجع لى وراء شديد
       الرد على زائر
    • 25 - 1
      وردة 02-03-2015 11:0
      ما يمكن كلامو صاح , كلامو عين الصاح , المريخ ده النادي الوحيد المتمنية اهلو ينتقدوه في أغلاطه او ينتقدوه نقد يفيده , غايتو يا استاذ لو استمريت في نفس الدرب حتكسب عداوتهم بالتدريج لانهم يحيون من يمتدحهم في الصاح والغلط .
  • #26
    نادين 02-03-2015 08:0
    الداء المريخى وعرفناهو
    والدواء معروف..بتر اﻻعﻻم السالب
    واﻻعﻻم السالب هو من يطبل للوالى بالمقابل
    واعمالهم التجارية ومصالحهم ماشة
    والوالى بيده كل شئ بالمريخ والوالى حكومة ومؤتمر
    ودى اسمها حجوة ام ضبيبينة
    وانت حتجيك لوز من النفخ فى القربة المقدودة
  • #27
    مختار مكين 02-03-2015 08:0
    دا طلع لينا من وين كمان.شايف الايام دى سوقو حار وكمان منجضنا ﻻبخلينا نفرح وﻻ بخلينا ننسى
    ارحمنا شوية.والله لو طرنا من عزام اﻻ نخلى البلد دى للهﻻﻻب
    وليد نيمار كتلنا مغصة.واثبت انو مزمل واب شيبة وغيرهم انو نظرتهم اضيق من خرم الابرة
    وفى الطريق ابراهومة وشمس الفلاح..روحتو قروش الوالى فى ابو كهربة زايدة والعجوز حارس المرمى والله نسيت اسمو
       الرد على زائر
    • 27 - 1
      عاشق الهلال 02-03-2015 11:0
      والله يا مختار يا اخوى ابو شيبة ما قصر جاب ليكم واحد اسمو احمد ابكر اهم صفاتو انو بيشبه نزار حامد (حكمة الله نفس الجسم ونفس الطول والكورة دى ما مشكلة بيتعلمها على راحتو) ،،، على الطلاق انا لمن قريت وصف ابو شيبة لى جسم احمد ابكر وضخامة عظام حوضوا وطول ساقيه قلت يا ربى مامون دا داير ابو العز يشترى ليهو بقرة لبن ،،،،بس النصيحة لى الله محمد كامل دا مفروض يخليكم تنسوا وتفرحوا ويديكم واحدة مصلحة من علبة مزمل
  • #29
    طارق 02-03-2015 08:0
    يا محمد كامل يا ولدى ارحمنا شوية..برانا اعصابنا بايظة وانت شايف المريخ كيف.
    لحم راس.المجلس لحم راس.اللعيبة لحم راس ..الروابط لحم راس.صحفيي المريخ لحم راس
    الهم كاتلنا..عزام قدامنا والطيران شكلو محمدنا ﻻنو حتى الان شفنا مباراتين مع فريق صاعد حديثا وفريق كان مهدد بالهبوط وطلعنا بالنقاط باعجوبة خلينا من عزان اللى ليهو شهرين شغال استعداد مع فرق نارية
    وان الماغصنى اخوانك ال ببيعو لينا الوهم ديل.تشوف الاعمدة كنت تسمع عن برشلونة وﻻ ريال مدريد.
    ما عارف بيجيبو الكﻻم دا من وين.مافى نقد بناءالمهم الجريدة ما تبور
    والمريخ ان شاء الله فى ستين داهية وهم ما عارفين انو كده بياكلو فى حرام ﻻنو الدين النصيحة.
    اتقو الله فى المريخ يا هؤﻻء
  • #30
    علوب 02-03-2015 08:0
    تعرف شعور الزول المفلس ومقشط وهموم الدنيا كلها على راسو .وبحاول ينسى ويمشى يلعب ضمنة وﻻ كوتشينة ولا غيرو وبعدين يﻻقى زول مصاقرو محل ما يمشى يذكروا ويقول ليهو ضمنة شنو وانت مفلس..اتخيل زولك المفلس بكره صاحبو ده كيف..بس ده ياهو العملتو اليوم انت..يا اخى نحن المغصة كاتلانا وبالذات فى الموضوع ده وعايزين ننسى .والله باقى يومنا خليت خشمنا ملح ملح.عليك الله الموضوع ده انساهو ﻻنو بذيد غمنا وبفتح ليك انت ابواب الجحيم
  • #31
    عثمان 02-03-2015 08:0
    الليلة شيل شيلتك....امبارح حذرناك من هبش المواضيع الزى دى وانت اليوم هبشت اصعب موضوع وارجى الراجيك من الردود الحارقة..واحفر اللى حيحفروا ليك زمﻻءك لانك هبشت مصالحهم واكل عيشهم
  • #33
    sami 02-03-2015 07:0
    اخى محمد ..كﻻمك عين الحقيقة ولكنك ضربت وترا حساسا يتفادى كل المريخاب اﻻقتراب منه ولذلك سوف ترى هجوما وردودا اليم لم ترها فى حياتك..ثم انك وضعت يدك تماما مكان الداء المريخى..هذا الداء تسبب فيه البعض كما قلت ويسترزقون عليه..وهذا يحدث سنويا ولو كانت الادارات واعية والجمهور واعيا لما تكرر هذ ا..ﻻن هؤﻻء اﻻعﻻمين الذين يعرفهم الجميع يؤثرون كثيرا بكتاباتهم فى شطب هذا وتسجيل ذاك والتمديد لهذا وتلميع ذاك..وهم من يجلبون المدرب وهم من يستغنون عنه..ثم هم من يضعون التشكيلة..بصراحة علة ومرض مريخنا العظيم سببها الاعﻻم السالب ليس الا..وانا من هذا المنبر ادعو لعقد ندوة عنوانه اثر الاعﻻم السالب على مسيرة الفرق الرياضية..وليس المريخ وحده رغم انه الاكثر تاثرا بذلك..واظنك تستطيع ان تدعو لهذه الندوة..رغم انك ستواجه حربا ضروسا ﻻنها ستمس مصالح الكثير من اغنياء الحرب..وفقك الله
  • #34
    ابوالملوك 02-03-2015 07:0
    يا راجل تقول الكلام ده بالطريقة الصريحة دي يعني ما خايف من شتيمة كورال الوالي
    و شلة مزمز ابو القنابل .. الناس عايزين الطبطبة و الاشادة و التلميع و غيرها
    .. غايتو اقرأ التعليقات الجاية و حا تقرأ كمية الشتايم الجاياك ..
    طبعا الهلال لمن يسجل من لعب في المريخ يسجل من له مستقبل مش زي ناس سيدا و ديدا
  • #35
    وليد علي 02-03-2015 07:0
    غايتو في دي معاك الحق 100%
    وكالعادة الطبالين حيمشو في المقال ده كانو ما شايفنو
    لكن بيني وبينك
    بيجيبو ليهم حاجة
  • #36
    اللدر 02-03-2015 07:0
    الزول دا كلامو صاااااااح ، هسه يشب ليك تمهيدابي ويكيل ليك السباب
       الرد على زائر
    • 36 - 1
      صفر البلد 02-03-2015 03:0
      وليد ذهب لأحدى حقول التجارب أذا نجح وقوى عوده فسيأتى برجليه ***لزعيم ***وعميد*** البلد*** وأن وقع على عقد "مبدىء" مع صقر قريش عفوا أقصد مع الكاردينال و"فاطنة" التى عليها أن تفطن لألفاظها وكلماتها عندما تتحدث عن رموز الرياضة فى بلادنا وأن كانوا من العرضة شمال وأن تحترم نفسها وأحسن ليها تقعد تعوس كسرة وآبري بدلا من هذه الألفاظ والأتهامات التى لم يسلم منها حتى الأموات والتى لم أسمعها حتى فى مدرجات الدرجة التالتة
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019