• ×
الجمعة 29 مارس 2024 | 03-28-2024
محمد كامل سعيد

مليارات في التسجيلات.. والمنقذ (عجب)..!!

محمد كامل سعيد

 26  0  3648
محمد كامل سعيد
* فاز المريخ، وللمرة الثانية في الممتاز، بشق الأنفس، وعبر المريخ كوستي (الرهيب) بهدف رمضان عجب الذي جاء قبل دقائق معدودة من نهاية اللقاء.. واعتقد ان السير في اتجاه التهرب من حقيقة ان الاحمر يعيش تفاصيل (ورطة) لن يغيّر من الواقع..!!

* ولعل ما حدث خلال مباراة الرابطة كوستي تكرر أمس بذات الطريقة.. حيث تراجع اداء اللاعبين وبمثلما كان بالامكان ان تتعادل الرابطة كاد الاحمر بالامس ان يسقط بالامس لو لا تألق عنكبة وخبرة عجب..!!

* وانغا وبكري المدينة كانا ضيفا شرف المباراة، او كما قال الكابتن زيكو الكبير خلال فترة ما بين الشوطين.. ولعل الوصف والحركة المضحكة التي أتى بها بكري ونال على اثرها الانذار الأول مع المريخ عكست بعمق حقيقة مستوى اللاعب..!!

* أكد المعلق ان بكري اطاح بالكرة السهلة التي تهيأت له امام مرمى الرهيب في الشوط الأول فوق العارضة، والى جانب تراجع مستوى بكري تابعنا غارزيتو يُصرّ اصراراً غريباً على استمراره في الملعب..!!

* نزل عنكبة بديلاً لوانغا.. وفيما يبدو ان فوز اللاعب بنجومية المباراة السابقة لم يشفع له باللعب اساسياً نسبة لانتهاء فترة عقوبة الايقاف لبكري.. كما ان تألق عبده جابر لم يمنحه شارة المشاركة لا اساسياً ولا بديلاً..!!

* النتيجة والعرض في لقاء الأمس امام (الرهيب) الصاعد الواعد، ذكرتني نهاية مسلسل الموسم الماضي والانتصارات التي كان يحققها المريخ بشق الأنفس وبفارق هدف وحيد مع العلم ان الفريق استعد بمعسكرين خارجيين..!!

* والى جانب المعسكرين الخارجيين صرف مجلس الاداراة مليارات الجنيهات على التعاقد مع الأجانب وبكري المدينة والجهاز الفني الجديد ورغم ذلك ظل الحسم والانقاذ يأتي بقدم رمضان..!!

* فوز المريخ بهدف يجب ان لا ينسينا تألق (الرهيب) الذي اشرنا الى تميزه بالامس وتفرد مدربه فاروق جبرة.. واعتقد ان غياب الخيرة والانسجام وحداثة عهده بالممتاز تسببت في اهدار نقطة التعادل..!!

* وتبقى التشكيلة الغريبة للمريخ هي محور علامات الاستفهام اذ لا يستوي عقلاً ان يظل بكري اساسياً رغم تراجعه وان تكون عودته الى التشكيلة الاساسية على حساب عنكبة نجم المباراة السابقة..!!

* القائد الباشا صار بعيداً عن التشكيلة.. واذا كان ذلك القرار له اي علاقة بالمستوى المتراجع فاننا نتساءل عن الاسباب التي تجعل غارزيتو يعتمد على بعض اللاعبين في الخانات الاساسية رغم تراجع مستواهم دوناً عن الباشا..!!

* على العموم نجح المريخ في تجاوز مطب صعب بالامس لكن يجب علينا ان نحذر من تراجع وتواضع الاداء لأن العودة لسكة الانتصارات الضعيفة وبشق الأنفس يمثل خطراً على المسيرة الافريقية..!!

* نتمنى ان لا يكون تواضع المستوى المريخي له علاقة ببعض الاملاءات من بعض الجهات بخصوص الاصرار على اشراك بعض اللاعبين وابعاد البعض الآخر من والى التشكيلة..!!

* تخريمة اولى: غياب التلفزة حرمنا من معرفة السبب الحقيقي الذي جعل المدينة يطيح بالكرة السهلة امام الحارس الى فوق المرمى.. كما اننا لم نعرف أسباب نيله للانذار..!!

* تخريمة ثانية: سمعنا ان (أب قلباً ميت 2) سيعود اليوم من غينيا بعد رحلة (ترفيهية) مع بعثة مالي دون ان يشارك في أي مباراة.. عوداً حميداً يا كابتن..!!

* تخريمة ثالثة: التحية لجماهير كوستي التي اكدت بالامس أحقيتها بجائزة الجمهور المثالي.. وان كان هناك عتاب فسنوجهه الى اللجنة المنظمة للمباراة بخصوص الفوضى التي ظهرت..!!
امسح للحصول على الرابط
بواسطة : محمد كامل سعيد
 26  0
التعليقات ( 26 )
الترتيب بـ
الأحدث
الأقدم
الملائم
  • #1
    عماد النور 02-02-2015 01:0
    اخوتي احباء وقراء كفر ووتر لكم مني التحية انا اخوكم عماد النور ولو كنتم تتابعون انا اكثر شخص اغلظت بالهجوم والنقد علي الكاتب محمد كامل لاسلوبه الذي كااان يحتوي علي الهمز واللمز لاشخاص بعينهم اما الان ماشاء الله اراه تغير كثيرا واصبح نقده شبيها بالنقد الهادف فقط اعيب عليه تركيزه المستمر علي بكري المدينة وكانه يريد ان يوصل رسالة الي محبي المريخ بان من قام بهذه الصفقة لايفقه شئ في كرة القدم ويرريد ان يفشله اما الناس والجمهور اخي محمد كامل كلنا مريخاب وكلنا نتمني نجاح لاعبي المريخ وتفوقهم وايضا نتمني نجاح كل من يحمل قلما ويدافع عن المريخ ومن ضمنهم انت اخي محمد كامل
  • #2
    ظافر 02-01-2015 07:0
    مبروك لكفر ووتر..اعظم موقع سودانى..استطاعت ان تملك قلوب الرياضيين بمتابعتها لكل الشأن السودانى..ومبروك لها بهذا الكاتب الهمام صادق الكلمة وصادق الحب للمريخ..والغريب بدﻻ من ثناء المريخاب عليه نشاهد العكس..لقد اصبح السودانيون يحبون الملق والدهنسة..لا يأمرون بمعروف وﻻ ينهون عن منكر..يكرهون من يقول الحقيقة..حفظك الله ووفقك..وكفاك شر اعداءك..نرجو من الحكومة ان يتم اختيار الكاتب لموقع يستطيع فيه خدمة هذا الوطن..ونسال الله ان يكثر من امثاله
  • #3
    هشام 02-01-2015 07:0
    حظك يا محمد كامل..صبرت وظفرت..صرت اشهر كاتب مريخى واثرت لغطا كبيرا فى كل الاوساط الرياضية..البعض مندهش والبعض مؤازر لك والكثير يحقدون..لذلك اعمل حسابك..سوف يبدأون حملة لتدميرك..وبالزات زمﻻء المهنة من تسحب البساط من تحت ارجلهم..كلنا وراءك نشد من ازرك..سير على بركة الله
  • #4
    هلال كبسووووور 02-01-2015 06:0
    الدليل علي ترصده وحقده لماذا ركز فقط،علي بكري ونسي وأنغا بالرغم بان بكري لم يشارك في مباراة الرابطه ولكنه قدم مباريات جيده امام كمبالا والهلال الوديان..لماذا لم يزكر وانغا الذي ظل. أساسيا بالرغم من مستواه الضعيف...لي علمك يا حاقد افندي بكري حاليا المهاجم الاول بالمريخ ودع الحسد مرض معظم السودانيين
       الرد على زائر
    • 4 - 1
      فادى 02-01-2015 07:0
      نتمنى مريخا جديدا..بفكر جديد..واتمنى تكوين رابطة او مجموعة يشرف عليها الكاتب..وننتهى من مجموعة الحرس القديم..لقد هرمنا ..هرمنا
  • #5
    وليد 02-01-2015 04:0
    لو كان فى فك تسجيﻻت صحفيين كان حظك يا محمد كامل..اكبر عدد من القراء والردود..رغم النقد الحار وعداوة المريخاب اخوانك..ظلم اولى القربى..لكن معليش..سوف يأتى يوما يتأسفون لك..سير وعين الله ترعاك..كل الصحف الان تحاول استقطاب محمد كامل سعيد..هنيئ له
  • #6
    ابومجتبي 02-01-2015 02:0
    رمضان عجب لاعب مميز وحسم كتير من المباريات الموسم الفات ..
    تراوري لاعب صاحب إمكانيات كبيرة مجرد اختياره لمنتخب مالي المدجج بالنجوم يكفي...
    ظللت تطلق لقب اب قلبا ميت علي افضل محترفين لعبو فب السودان كلتشي وتراوري...
    والان تهمز وتلمز باسباب ابعاد الباشا من التشكيل ..
    اخيرا:
    مافي اب قلبا ميت غيرك
    بالواضح كده انت هلالابي ومعروف وده عيب لكن العيب انك تظهر خلاف ماتبطن
    تخريمة:هدية بازوكا قلت لي وراها منو
  • #7
    sami 02-01-2015 02:0
    شكرا اخى عشر على الرد..والله العظيم انا ما محمد
    كامل. لكن بقول المعقول..يا اخى انا كنت ما بحب كتابات محمد كامل ووالله كانت الصدى صحيفتى المفضلة لعدة سنوات ..وكنت اعشق كتابات مزمل وابوشيبة وهيثم..ا ثم سالت نفسى..وانا اعلم الدور الكبير لﻻعلام فى تطوير الرياضة والارشادند والتوعية الرياضية للجمهور والاداريين واللعيبة ..ماذا قدم هؤﻻء للمريخ؟ اﻻجابة..صفر كبير..همهم الاول بيع الصحيفة..مع اسفاف كبير..كبيرهم ينفخ والكورس يشيل ويردد..واحد عمره ماقال المريخ لعب مباراة سيئة..وكﻻمه كله الحكام ظلمونا..و يوميا يضع التشكيله للمدرب..وواحد شابكنا الللللليللا ونار منقد..وواحد عامل شاعر واديب..الدماعه..الدماعه..ما ليهو عﻻقه بالرياضة ..ثم جاءت الطامة الكبرى..واحد كان عامل ناقد فنى..يعنى بتاع غنايين..ده ببرطع برطعه غريبه..وتم الناقصة..وكبيرهم عامل عمايل..قائد كورس المكاواة..وبوق ضد المعارضه المريخية..بالله ماذا استفاد المريخ من هؤﻻء..متدحرج للخلف..اذن دعونا نسمع للراى الاخر الذى رفضناه عطة سنوات..كﻻم الببكينا
  • #8
    عماد عثمان - جدة 02-01-2015 02:0
    و عجب ده المريخ مستلفه من الجيران ؟
    الله يشفيك يا رجل لا يعجبك العجب و لا الصيام فى رجب.
  • #9
    الرايق 02-01-2015 01:0
    والعجب ده لاعب في الاسعاف نيالا ام لاعب في العصمة الكاملين صحفيين اخر زمن
  • #10
    Zoal 02-01-2015 01:0
    الاسمو سامي ده هو محمد كامل سعيد او عندو صلة بيهو.... ما تلمع زولك ساي مهما كتبت يا محمد كامل مافيش حد طايقك في المريخ وانت تفتقر لابجديات الكتابة ناهيك عن النقد.... يا اخونا شوف ليك شغلة تانية غير الكتابة.... انت متصلبط فيها ساي
  • #11
    جلابي --- الدوحة قطر 02-01-2015 12:0
    الاخ محمد ..يبدو ان بكري المدينه قد فرض علي المدرب حتي لا يشمت به من قال انه صفقه خاسره ونذ تسجيله اوضحت حقيقة ان المدرب اذا اعتمد علي اللعب الممرحل فلا فائده من وجود بكري .فبكري يريد المساحات لسرعته فقط ولكنه ليس مهاري داخل الصندوق..واستغرب كيف يجلس كوفي احتياطيا وهو مت تالق في المباراة الاولي..نعم حققنا 3 نقاط ..ولكن في ماذا ..في بطوله ممله لا تهمنا كثيرا ما يهمنا تجهيز الفريق لافريقيا ..والمدرب مازال يجرب والبطوله علي الابواب..لست قلقا من المحترفين .فاني اجد بهم حسنات كثيره..ولكني قلق من هذا الفرنسي وخوفي منه كبير ..اعتقد بان عنكبه قد طور مستواه بعد تسجيل بكري وصار افضل منه وهذه حسنه كبري يجب اعطائه الفرصه الكامله ..وبعودة تراوري وايمن سعيد سيقوي الفريق
  • #12
    omer 02-01-2015 10:0
    للناس الانخدعو بمقال امبارح : ياجماعة ماتغشو ا نفسكم ساي وتفتكرو الزول ده ممكن يكون استعدل وبقي يكتب لمصلحة المريخ وانو خلي الكتابة التشاؤمية وتصفية الخلافات الشخصية .
    الراجل دا كان وعدنا في مقال ١/١/٢٠١٥ ان يكتب بطريقة عنوانها التفاؤل وعبارات جديدة.
    ولكنه لم يفي بوعده حتي ولو لشهر واحد وعاد لقديمه من العبارات ( المطبلاتية واب قلبا" ميت وغيرهما .
    من صفات المنافق اذا وعد اخلف . ولكن لانصفك بالنفاق لانه ليس علي المريض حرج . نسأل الله ان يشفيك ويعافيك .
  • #13
    أبومازن 02-01-2015 10:0
    "غياب التلفزة حرمنا من معرفة السبب الحقيقي الذي جعل المدينة يطيح بالكرة السهلة امام الحارس الى فوق المرمى" وهذه عايزه معرفة ما قلنا ليكم بجري المدينة ده ليس بلاعب كرة ويضيع من الأهداف أكثر مما يحرز هذا إذا أحرز أصلاً، ولو عايز تعرف السبب شوف مباراة الهلال وأهلي شندي في الدورة الثانية من الموسم الماضي وإنت تعرف السبب، ربنا أراحنا من مرض السكري والضغط والحمد لله الذي أذهب عنا الأذى وعافانا.
  • #14
    على 02-01-2015 10:0
    يعنى التسجيﻻت الجاية رمضان عجب مفكوك والبدفع اكتر يكسب..والوالى شهر خمسة ببح..وكردنة موجود والعشرة مليارات ما كتيرة على عجب..لو الخازوق داك دفعتو فيهو ثلاثة..يﻻ يا ابو الوهم..اجمعو مال الكرامة من هسع..والى فلسع..
       الرد على زائر
    • 14 - 1
      النقر جا 02-01-2015 11:0
      القصد من تسجيل بكري في المريخ هو اضعاف الهلال وليس تقوية المريخ لان لدي المريخ لاعبين ان لم يكونوا مثله فهم خير منه مثل عنكبة والعجب بالرغم من انهم يلعبوا احتياطي حيث لم تتم الاستجابة لمطالب العجب وبسبب مليارات بكري رفض العجب التجديد علي امل ان يجتهد اكثر في هذا الموسم ويتألق ليحسن من موقفه التفاوضي وهذا ما فعله بكري الذي لم ان يستطع ان يمرر هذا الفعل علي واحد ابن سوق مثل الكاردينال ومرت علي واحد مثل الوالي وهي قنبلة موقوتة في المريخ يحاول الكاردينال ان يفجرها والخوف كل الخوف ان لا يستطيع بكري ان يفعل شي للمريخ في التمهيدي كما كان في الهلال خلال فترة التصفيات الافريقية الماضية حيث كان النجم الابرز فيها لاسلوبه الافريقي القوي
  • #15
    باكمبا 02-01-2015 09:0
    ياناس ريحونا من الكﻻم ود نحن كلو عارفنو والنقد حار بصحينا من الحلم الجميل المعيشنا فيهو مزمل والكورس
    ونحن عارفين انو محمد كامل على حق ونحترمو كثيرا ولكن كمان لمن نقرا للكتاب الاخرين عارفين انهم ما بفيدو المريخ فى شئ لكنبرضو بنشترى صحفهم عشان نشوف تحليل التحكيم ﻻبو شيبة وبرطعة كابو واخر قنابل مزمز..وصحى نحن بنبدا موسمنا بكلمة نار منقد ولكن النار دى ما انتو عارفين اخرها رماد وهبود..ود حا المريخ..نعمل شنو دى قسمتنا..ولن نوالى غير الوالى..ونحن وصحفيننا عيننا للقروش نمشى نفتش للفلس..لو كان الفقر رجﻻ لقتلته
  • #16
    منصور2020 02-01-2015 09:0
    ياراجل والله كرهتنا الكورة ذاتو إنت ياخي ماعندك اي علاقة بالمريخ لامن بعيد ولامن غريب ياخي شوف ليك شغلة غير تحليل مباريات المريخ إنت ياراجل ولا إنتصار المريخ بعجبك ولا شئ جميل في المريخ مابعجبك مالك إنت ياخي إصالح مع نفسك لو عايز تكتب للمصلحة العامة ياخي متي الدوري بدا لمن عايز تعمل لينا فيها مورينيو ياخي دا المريخ كده انحنا عاجبنا لوماعاجبك ماتعمل لينا فلقة اصلك محبط كن جميلا تراء الوجود جميلا او إذا عندك مشكلة شخصية شوف صفي مشاكلك بعيد عن المريخ وإنت اصلا ما عارف حاجة الله يهديك .
  • #17
    Nabeel Hassan 02-01-2015 09:0
    "ولعل الوصف والحركة المضحكة التي أتى بها بكري ونال على اثرها الانذار الأول مع المريخ عكست بعمق حقيقة مستوى اللاعب..!!"

    " * تخريمة اولى: غياب التلفزة حرمنا من معرفة السبب الحقيقي الذي جعل المدينة يطيح بالكرة السهلة امام الحارس الى فوق المرمى.. كما اننا لم نعرف أسباب نيله للانذار..!!"

    الفقرتين أعلاه لكاتب واحد وفي عمود واحد؟؟؟؟؟؟؟؟؟؟
    حسبي الله ونعم الوكيل
       الرد على زائر
    • 17 - 1
      النقر جا 02-01-2015 11:0
      انما يقصد انه يريد ان يتأكد هل الوصف الذي زكر لسبب الانزار هل فعلا معبر عن الحالة وهو كالاتي بكري منفرد وداس علي الكرة فترك الكرة خلفه وعندما رجع وحاول الوصول اليها كانت تحت الاستحواز الكامل من المدافع فهنا حدث الاصتدام ويبدو انه كان مروعا ذو شرر
  • #18
    secafa 02-01-2015 09:0
    والله بقت اسطوانة..اصابننا الملل..كل سنة نفس الموال ..يكتبو لينا مريخنا نار منقد..نار منقد..وبداية الدورى ننتصر وفى النهاية الدورى للهلال..يا جماعه الكاتب ده ليهو حق..شوفو الخلل وين وخلونا من نار منقدكم دا..ان شاء الله نار المنقد دى تحرق لينا صحف الوهم التى كانت سببا فى غرور لاعبين فاقد تربوى..هم من يخدعوننا يوميا ويجعلوننا نحلم ثم نفوق على الحقيقة التى يتكلم عنها كاتب العمود..تعالو من اليوم نحارب كل صحف النفاق حتى نجبرهم على احترامنا وكتابة ما يفيد المريخ العظيم..كفانا وهم وكفانا سراب ..نفس هؤﻻء الصحفيين ﻻ يعتذرون لنا فى نهاية كل موسم بعد ان يخرج المريخ خالى الوفاض..بل يجدون موضوع التسجيلات موضوع اخر للاثارة وبيع صحفهم..والمريخى البسيط الذى ﻻ يجد ما يسد رمقه يستقطع من قوت عياله لشراء صحيفة..بينما الذين يبيعون هذا الوهم يتنعمون فى المليارات
  • #19
    ajab 02-01-2015 08:0
    اين هو الكاتب
       الرد على زائر
    • 19 - 1
      هادى 02-01-2015 10:0
      طيب لمن هو ما كاتب انت الجابك هنا تشوف العمود وترد عليهو شنو؟ خليك موضوعى لو عندك رد هادف المساحة حرة وموجودة..اما لو عاوز تهرج وتتفوه بكلام ﻻ يليق فهناك مواقع بالنت مفتوحة لذلك.
      مبروك لكفر ووتر بكاتب متميز..سير بقافلتك ودع لهم النبيح
  • #20
    ابو قصى الدمام 02-01-2015 08:0
    رجل يشخص الحالة بتجرد و يسردالواقع بشجاعة و لما الزعل يا شباب و لا ارى سببا لامتعاض البعض من هذا المريخابى الذى يملك قلما حرا يعبر عن قناعاته و ليس كبعض الافلام الماجورة او كأصحاب الاجندة خفية.
       الرد على زائر
    • 20 - 1
      mohamed 02-01-2015 10:0
      تجرد شنو ياخوى ابوقصى ... آخر مباراه لعبها المدينه كانت قمة الاستقلال وكان مستواه جيد جدا وقبلها مباراة بورتسودان وكان ممتاز واحرز هدفا ... وغاب المباراه الفاتت مع الرابطه بسبب الايقاف ... المشكله شنو لو لعب اساسى فى مباراة امس قياسا بمستواه فى المباريات الفاتت ؟؟ وبعدين المليارات التى يقول الكاتب ان المريخ دفعها فى المدينه هل دفعت عشان يكون احتياط لعنكبه ولا غيره ؟؟؟ والمشكله شنو لو عجب جاب قون يعنى عجب لم يكن لاعب لوحده ... هذا الرجل بتاع تحريض وحايكون شغال كده ضاغط على بكرى مع كتاب الهلال كلما اخفق فى احراز هدف فى مباراه يقعد يردح ويحرض الناس عليه من حق المريخ على المدينه ان يكون اساسيا فى التشكيله وحتى لو طالب بفرصه لعنكبه لماذا لم يطالب ان يكون على حساب الكينى وانقا ؟؟؟
  • #21
    جمال الدين هاشم 02-01-2015 08:0
    ماهي حقيقة التي قالها نحن في بداية الدوري يعني اي صحفي مبتدي يكتب مايعرف في الكورة لكن اخونا دي لاعاجب عجب ولاصيام في رجب ارحمنا شوفك مهنة غير تحليل في كورة
  • #22
    sami 02-01-2015 08:0
    والله حيرتونا..يعنى الكاتب ده كلما يقول الحقيقة تلقى القيامة قامت..بالله عليكم الله ما بتزهجو من الكﻻم الجميل والمديح للمريخ الذى يقال فى اكتر من عمود؟ والنتيجة شنو؟ شنو الحققو المريخ منذ عشرين سنة؟ ما تقولو لى سيكافا..يا جماعة خلو عندكم طموح شوية..ما بقول ليكم زى الفرق العالمية الاوربية..لكن على الاقل لو شفنا جيراننا المصريين نجد ان بطوﻻت الاهلى المصرى الافريقية ابطال وكاس وكونفدرالية تفوق العشرة غير السوبر..وغير اﻻهلى بقية الفرق المصرية..ثم فرق المغرب العربى..ثم مازمبى..وكل سنة نطير من التمهيدى..وبعد ده كلو لمن محمد كامل سعيد ينتقد نقد هادف تلقى القيامة قامت..حتى داخل السودان الهﻻل متفوق علينا فى البطوﻻت والتصنيف الافريقى والعالمى..انتو غاوين غش وتخدير؟ بﻻ بطوﻻت جوية بﻻ وهم..كل هذه البطوﻻت للاهلى والفرق المصرية وﻻ توجد احتفاﻻت ولا مهرجانات ولم نسمع يوما واحدا كلمة كاس جوى..نحن سيكافا المريضة عاملين لها قومة وقعده واستقبل فى المطار وحمل لاعبين على الاعناق..حقيقة نحن شعب مسكين..نعيش بﻻ طموح..ﻻ يوجد كاتب مصرى واحد يمجد الاهلى كما يوجد هنا فى السودان..الاف الاعمدة تكتب عن امجاد وهمية..نعم..لان القراء يحبون ذلك..وهو السبيل الوحيد لبيع صحف تافهة ومحكوم عليها بالبوار لو لا النفاق..هذا الكاتب مريخى تهمه مصلحة المريخ لا شك..ويكفى القراء الذين يحبون ان يخدعو انفسهم عشرات الاعمدة بالصحف المريخية..كتابات المكاواة..وفﻻن ولدنا..وفﻻن حكام..وغيرهم من غثاء..امض ايها الكاتب فى طريقك..ﻻ تلتفت لهؤﻻء..لن يرضو عنك حتى تتبع ملة من يبيعونهم السراب والوهم..وفقك الله
       الرد على زائر
    • 22 - 1
      ياسر بوب 02-01-2015 10:0
      الكاتب له اجنده واضحه يكتب من خلاله و معروفه للجميع .. و كدليل لا يوجد مقال واحد للكاتب ايجابي عن المريخ .. و هو يكتب عكس ما يكتبه بعض الاعلاميين و خاتي في بالو المثل خالف تذكر.. على حسب سيرتو ليهو 30 سنه بكتب .. لكن لاجديد ..
      اما بخصوص البطولات فمعليش لانو شكلك بتبخس البطولات في حين انو السلم درجات .. كيف تبخس سيكافا و فرق منطقته هي البتطيرك من البطوله الافريقيه؟ مش احسن تمشي تشارك معاهم في سيكافا و تحتكا بيهم عشان لمن تلاقيهم فب البطوله الافريقيه تقدر تتجاوزهم؟ ...
      بعدين منو القال ليك ماف كاتب من الانلي المصري بمحد فريقو زي هنا؟ المصريين متعصبين لفرقهم اكتر مننا و الحصل لي جمهور الاهلي في بورسعيد سببو الاعلام ..
      بتمنى انو يكون كلامك كلمه حق تريد بيها الحق ...
    • 22 - 2
      منصور2020 02-01-2015 09:0
      يا سامي دي كورتنا وبنتفاءل خير إنشاء الله المريخ وحدة ماممكن يوصلك الي مصافي العالمية او بالاصح الافريقية لكن هنالك اتحاد هنالك راسة جمهورية كل الاشياء دي اذا وضعت كرة القد نصب اعينها ممكن نحقق البطولات كل الدول التي ذكرتها واقرب مثال مصر عندما إنشغلت بالتدهور الامني فقددت كل شئ في كرة القدم كرة القدم يااخي الكريم لعبة جماعية تتكاتف فيها كل الجهات والله المستعان
  • #23
    sami 02-01-2015 08:0
    والله حيرتونا..يعنى الكاتب ده كلما يقول الحقيقة تلقى القيامة قامت..بالله عليكم الله ما بتزهجو من الكﻻم الجميل والمديح للمريخ الذى يقال فى اكتر من عمود؟ والنتيجة شنو؟ شنو الحققو المريخ منذ عشرين سنة؟ ما تقولو لى سيكافا..يا جماعة خلو عندكم طموح شوية..ما بقول ليكم زى الفرق العالمية الاوربية..لكن على الاقل لو شفنا جيراننا المصريين نجد ان بطوﻻت الاهلى المصرى الافريقية ابطال وكاس وكونفدرالية تفوق العشرة غير السوبر..وغير اﻻهلى بقية الفرق المصرية..ثم فرق المغرب العربى..ثم مازمبى..وكل سنة نطير من التمهيدى..وبعد ده كلو لمن محمد كامل سعيد ينتقد نقد هادف تلقى القيامة قامت..حتى داخل السودان الهﻻل متفوق علينا فى البطوﻻت والتصنيف الافريقى والعالمى..انتو غاوين غش وتخدير؟ بﻻ بطوﻻت جوية بﻻ وهم..كل هذه البطوﻻت للاهلى والفرق المصرية وﻻ توجد احتفاﻻت ولا مهرجانات ولم نسمع يوما واحدا كلمة كاس جوى..نحن سيكافا المريضة عاملين لها قومة وقعده واستقبل فى المطار وحمل لاعبين على الاعناق..حقيقة نحن شعب مسكين..نعيش بﻻ طموح..ﻻ يوجد كاتب مصرى واحد يمجد الاهلى كما يوجد هنا فى السودان..الاف الاعمدة تكتب عن امجاد وهمية..نعم..لان القراء يحبون ذلك..وهو السبيل الوحيد لبيع صحف تافهة ومحكوم عليها بالبوار لو لا النفاق..هذا الكاتب مريخى تهمه مصلحة المريخ لا شك..ويكفى القراء الذين يحبون ان يخدعو انفسهم عشرات الاعمدة بالصحف المريخية..كتابات المكاواة..وفﻻن ولدنا..وفﻻن حكام..وغيرهم من غثاء..امض ايها الكاتب فى طريقك..ﻻ تلتفت لهؤﻻء..لن يرضو عنك حتى تتبع ملة من يبيعونهم السراب والوهم..وفقك الله
       الرد على زائر
    • 23 - 1
      omer 02-01-2015 11:0
      يا سامي نحن مع النقد البناء وليس الهدام وتصيد الاخطاء ونحن ضدالمدح المبالغ فيه واسلوب المكاواة واسلوب تمام ياريس ولكننا في نفس الوقت ضد اسلوب محمد كامل في الكتابة - اسلوبه غير مهضوم للجميع وتشعر فيه بالتشفي والغرض والمرض والتشاؤم والهمز واللمز والتبخيس واستخدام العبارات التهكمية علي لاعبي المريخ وليس اعداءه. وتحس انه يسعي للفتنة والوقيعة بين الادارة والجهاز الفني واللاعبين .
      هو يكتب احيانا" عن حقائق ولكن اسلوبه في الطرح منفر ومقزز لذا لايتقبلها القارئ . علي سبيل المثال راجع مقال اليوم لعبدالله ابووائل ( وهو كاتب ليس له جماهيرية وغير معروف ) وقارن ماكتبه عن اشراك بكري المدينة وكان رأيه نفس رأئ محمد كامل ولكن طريقة واسلوب ابوائل مقبولة للقارئ .
      انا عندما اقرأ لمحمد كامل لا اضع حكم مسبق علي مقاله قبل قراءته ولكن معظم القراء يشتمونه قبل قراءة المقال وهو السبب في ترسيخ ذلك في عقول القراء لاصراره علي نفس الاسلوب وعدم اخذه لرأي القراء بعين الاعتبار .
      بالمناسبة اشك في انك محمد كامل نفسه
  • #24
    ابو خالد الدمام 02-01-2015 08:0
    من اقوال المطبلاتية (( مريخ 2015 نـــــــــــــــــــــــــار منقد ))
  • #25
    نووور 02-01-2015 07:0
    يا محمد دي يا دوب المباراة التانية
    لكن من خلى عادتو قلت سعادتو
    بس عايز ليك ثغرة ولو ضيقة عشان تنفذ منها وتبدأ في الردحي

    الله يهديك ويشفيك
  • #26
    ابو عبدالله 02-01-2015 06:0
    رغم المليارات التى صرفت فى الهلال لايوجد منقذ والنتيجة صفر كبير
    والمريخ متصدر ومتحكر .. ومرحب بايمن سعيد وتراورى
       الرد على زائر
    • 26 - 1
      adel hassan 02-01-2015 08:0
      ما تفرح كتير حتى لا تصاب بالصدمة
      فى النهاية حا ترجع لي وصافتك ومن خلا عادتو قلت سعادتو
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019