• ×
الخميس 28 مارس 2024 | 03-27-2024
شوربجي

الهلال وان تعادل فهو بطل الدوري

شوربجي

 15  0  2688
شوربجي

[[[]]] واسألوني لماذا ؟

و حتي لو قطعوا ناس شندي الكهربه بتلفون من جده

فالهلال سيفوز بالدوري

وحتي وان كان الاداء متواضعا جدا

فالهلال سيفوز بالدوري

وحتي وان غابت الاهداف الرائعه وضعفت الحماسة والقتال

فالهلال سيفوز بالدوري

وحتي وان كانت في ورعونة في التهديف وضياعا للفرص

برضه الهلال سيفوز بالدوري

وحتي ولو كان في تطفيش دفاعي مستمر واتكالية وعدم تقدير لخطورة الكرات الشنداويه

فالهلال سيفوز بالدوري

وحتي لو انعدمت الحلول الفردية وقوة الالتحام

فالهلال سيفوز بالدوري

وحين قالها الكاردينال سخروا منه جميعا

الكاردينال اخوتي يعني ما يقول

وقد اكد ان الهلال سيفوز بالدوري بسبب قضية بكري المدينه

وهكذا وضع كردنه المريخ تحت ضغط نفسي رهيب

والمريخ قلقان وينوم ويصحي ويحلم بلوزان

الكاردينال قالها بصريح العباره بكري ما حيلعب مع المريخ

والقانونيين نصحوا المريخ سرا بعدم لعب بكري

عبد الصمد (القرشي) يقول انه سيلعب امام مريخ كوستي

ولكن ذنبك علي جنبك فقد اعذر من انذر

فكل هذه النقاط حتلغيها لكم الفيفا اذا لعب بكري

اخير بكري يلعب في بطولات سيكافا او البط العائم

لن يلعب بكري محليا او افريقيا بأمر كردنه الشفت

ونحن في الهلال نتمني ان تطول القضيه عشان نقول للمريخ جيب من جوه

وكل فريق افريقي يأخد حقو ونحن في الهلال ناخد حقنا

اساءة بكري لمقام رئاسة الهلال (وهنا لا اقصد الكاردينال) انما اقصد الرئاسه هي مبعث غضب كل اهل الهلال

معقول توقع علي عقد وتستلم ٨٠٠ الف وتصرح نفاقا انك لن تترك الهلال وتضرب الاتفاق عرض الحائط

ونتركك كده لله في لله

لا لن يلعب بكري في المريخ بأمر الاسياد

ونحن ما مستعجلين علي قضاة لوزان

يأخدوا راحتهم ونحن نعد ونوثق في المباريات الرسميه التي يشارك فيها بكري

وعلي اقل من مهلك يا روس بيرل

وغيب ليك جلسه جلستين وده هو شغل المحامين الاذكياء

سافر اجازه بسيطه اعمل عيان ما مستعجلين

ولازم تقبض علي بكري متلبس بمباريات كتيره

وان كان ناس المريخ حيلعبوه في مباريات مريخ مريخ فقط

فمريخ الفاشر لن يقاضي المريخ

ومريخ كوستي لن يقاضي المريخ

والعديل بتاع اهلي شندي لن يقاضي المريخ

وطبعا نيل الحصاحيصا لو كان موجود ما كان سيقاضي المريخ

اما اصدقاء الهلال وهم كثر فلن يناصروا المريخ في هذه القضيه

وصدق الكاردينال حين قال ان بكري لن يلعب مع المريخ

( واذا قالت حذام فصدقوها ** ان القول ما قالت حذام )

لوزان اخوتي هي من ستهدي الدوري هذا العام للهلال

وعلي الهلال ان يلعب الدوري كما يشاء وبأقل مجهود

ففي النهايه سيجد الهلال نفسه وحيدا وهو يحتضن الكاس

ودون مؤمرات مريخيه او مكايدلت اتحاديه

دوري هذا العام مضمون للهلال

ان تعادل الهلال او خسر

الدوري ازرق ازرق ازرق يا ولدي



[[[]]] هلال ٢٠١٥ في طور الاعداد :

نقول هذا لمن كان له قلب او القي السمع وهو شهيد

فالهلال اخوتي في طور الاعداد فلا تتعجلوا نتائجه

ففي الامارات طالب باتريك بمباريات افريقيه قويه

ولكنها لم تتوفر فكانت القمة بديلا للمباريات الافريقيه وان كانت اقل فائدة

وجاءت بعدها مباراة اهلي شندي لتكون الاعداد الثاني واظن انها مباراة افادت الهلال كثيرا

وهي افضل كثيرا من مباراة المريخ

ليتكم تعلمون ان ﺍﻟﻬﻼﻝ ﻛﺴﺐ مدربا شجاعا وﺣﺎﺭسا ﻣﻤﺘﺎﺯا + ﻟﻌﻴﺒﺔ ﺻﻐﺎﺭ ورائعين



[[[]]]صنعاءٌ أم هيفاء !!!

دخل الحاجب قصر الوالي على استحياء

كان الوالي يرقص بين جواري القصر

دون ثياب .... دون حياء

قال الحاجب يا مولانا : قد سقطت صنعاء

قال الوالي ببله واضح : ماذا !؟ هل سقطت هيفاء

أحضروا كادرنا الطبي واستدعوا جميع الحكماء

استدعوا فرق الإنقاذ واستدعوا جميع العلماء

يا مولانا لم تسقط أبدا هيفاء بل صنعاء

رفع الوالي سرواله : من صنعاء ؟

أهي تغني ؟؟

أهي ترقص ؟؟

هل هي فاتنةٌ حسناء

يا مولانا هي عاصمة الحكمة ببلاد الأدباء

تدعى مولانا صنعاء

صدم الوالي وقال بغضب

تقطع هذا المرح علينا

تدخل قصري بكل غباء

وتخوفني على هيفاء

ماذا إن سقطت صنعاء ؟

فلتسقط كل عواصمكم ولتحيا بغنجٍ هيفاء

أحمد مطر



محمد حسن شوربجي
امسح للحصول على الرابط
بواسطة : شوربجي
 15  0
التعليقات ( 15 )
الترتيب بـ
الأحدث
الأقدم
الملائم
  • #1
    Hajjam 01-29-2015 11:0
    عفارم عليك يا حراق الدلاقين....الجماعة موجوعين بالحيل من سكاكينك....
  • #2
    ضمره عثمان 01-29-2015 07:0
    ياخي اسلم فكرك وقلمك ومزاجك والله لقيت المريخاب متالميين بي الحيييل منك ومن الابر بتاعتك بالله استمر وسير سير وكتر البنسليين ونفس كل واحد معباء ومخدر بي كتابات مزمل هههههههههههههه
  • #3
    ابو الانقار الكسلاوى 01-29-2015 05:0
    شوربجى يا رائع - اتحفنا بمزيدا عن لوزان و اكتب لينا عن سهر الجداد لا نومو و الهلال بطل دون منازع و الدورى ماركة مسجلة للهلال ز عفارم عليك يا كردنة و ناس شندى ديل اولادنا و سماهم الرائع (الهلال ب )ز اتمنى هلال مريخ قريبا و فى مناسبة حتى لو وداع الوالى و تكريمه
  • #5
    حسن 01-29-2015 01:0
    أنا استغرب معلقي المريخ يعيبون علي كتاب الهلال الكتابة عن المريخ كانهم لم يسمعوا بسموم مزمل ورهطه وعشان ترتاحوا انتو اقرأوا مزملكم واتركوا لنا لنا شوربجي ،، وكدي ترتاحوا
       الرد على زائر
    • 5 - 1
      عابر سبيل 01-29-2015 04:0
      بكري المدينة ما هو إنجازه حتى تتباكون عليه الموسم الماضي كله أفريقيا ومحليا أحرز خمسة أهداف مع الهلال
  • #6
    سيداحمد الحاج محمود 01-29-2015 12:0
    ارى كما فعل مزمل ابوالقاسم من قبل واعطى احد الفرق النيجيرية إبان مشكلة امولادي واللاعب الاخر (موضوع الاعارة) معلومات لكي تشكو الهلال وذهب بنفسه الى الفيفا وقابل قرن شطة .. ارى ان يبلغ نادي عزام بموضوع بكري المدينة لكي يشتكوا المريخ والبادي اظلم وعلى الباغي تدور الدوائر ... لانهم لا يتوارون في متابعة اي نقطة تبعد الهلال عن اي بطولة
  • #7
    ابوالفاضل 01-29-2015 11:0
    معقول ترضي بالوضاعة دي لو سلمنا جدلا انك كسبت الشكوي (ودي يابني النجم كان اقرب) كيف تجيك نفس وتشيل الكاسات بالصورة الكبسورية دي؟ والله كل ماتكتب عن بكري وتتجرس كده بتبسطنا جدا ياشوربة ،علا عندي سعال ياشوربة النمر الشنداوي كيف امبارح؟
  • #8
    homad 01-29-2015 10:0
    يابخت الخرطوم الوطنى الجماعة راقدين خل العترة الثانية فى الجوهرة السوداء
       الرد على زائر
    • 8 - 1
      ابوالفاضل 01-29-2015 11:0
      ياخوي انت كمان ماتبالغ اسمها الجوهرة الزرغاء زي ماقال كردنة.
  • #9
    جلابي --- الدوحة قطر 01-29-2015 10:0
    مسكين يا شوربجي ..فريقك لعب امس وفاز بي نقطه من دار جعل وبدل تحلل مباراتك شغال بي بكري والمريخ..والكردينال قال والكاردينال حيعمل ووووو...الصدمه الشنداويه قويه.
    اصحابك االيله احتجبو عن الكتابه ياربي مالهم يكون جاهم فايروس شنداوي ولا حمي وهلوسه
    وسلم لي هلال 2015
  • #10
    وديدي 01-29-2015 09:0
    خليك عايش في الوهم والصفر. الكلام ما بي فلوس ام اخدت وعد من لجنة الحكام
  • #11
    ياسر بوب 01-29-2015 09:0
    هضربو و ابكو كدا على بكري لحدي ما يحصل فيكم شي ... فريق غير الشكاوي و الفضائح ما عندو شي .. بعدين مش كردنالك ده ياهو القال شكوى فيتا مضمونه 99٪.. بالله ورينا الشكوى ده وصلت وين و ح تلعبو النهائي مع وفاق سطيف متين ..
    كبسور يقصر ههههههه
  • #12
    هاشم 01-29-2015 08:0
    زعم الفرذدق ان سيقتل مربعا فابشر بطول سلامة يامربع
    تاكيدك لفوز الهلال ببطولة الدورى نبصم عليه بالعشرة فحكام صلاح جاهزون لمد يد المساعدة وتعديل النتائج لمصلحة المواسير اما الهلال الذى شاهدناه امس اكرر شاهدناه فهو لايقوى على الانتصار الا بمساعدة حكام صلاح وسلم لى على بوتاكو وكيبى
  • #13
    ابو مازن __ الدمام 01-29-2015 08:0
    (( من الرجال من يولدون أذنابا ، ومن العبث أن تجعلهم رؤوسا )) وهو

    اشارة الى بعض الاخساء والحقيرين الذين لا تصدر عنهم الا الخسة والحقارة،،

    ترفع قليلا وأن لنفس من الداخل !!!!!
  • #14
    ابو المصطفي 01-29-2015 08:0
    يا زول قول بسم الله .. المريخ دخلو شنو في تعادلكم مع الاهلي شندي . وهيفاء ده ما عاصمة العرضة شمال ؟؟؟؟؟
  • #15
    عماد عثمان - جدة 01-29-2015 07:0
    كلماتك تقطر ألما و حروفك تنزف دما على فقدان نقطتين فى شندى و تحاول طمئنة نفسك بقضية بكري ... أصحى يا رجل ففريقك الهلكان لن يقوى على فرق الولايات لأنه صناعة اعلامية فقط لا غير.
    أين المهاجم المرعب كيبى و أين نيمار وأين كاريكا و أين و أين ... لقد صدعتوا رؤوسنا بفريق الأحلام الذى سقط فى أول اختبار.
    أفيقوا من أحلامكم الوردية و استعدوا لضربات أشد ايلاما من ضربة النمور.
       الرد على زائر
    • 15 - 1
      عماد عثمان - جدة 01-29-2015 01:0
      يا أبو الأسود الزول القاعد 30 سنة فى السعودية بدون تصحيح أوضاع ده محتاج كل يوم لمن يذكره أنه صفراوى و فريقه عبارة عن ربطة مواسير أفريقية ذائدا كم ماسوره محليه عشان يفهم و كده.
    • 15 - 2
      أسد الشمال 01-29-2015 10:0
      يا اخى عماد عثمان لا تردوا على الشخص كدة ح يصدق إنوا هو صحفى جد ثم ثانيا هو مريض والمرض سلطان ومرفوع عنه القلم رجاءا ما تردوا عليه انا معى كم هائل تركنا التعليق هذا المسكين اتركوه يفرفر كالطير المذبوح الواحد يناقش الكاتب لو بيكتب فى مجال الرياضة لكن هذا الشخص يغرد خارج الرياضة ومقيم فى السعودية أصلا من قبل 30سنة وهو ما عندوا علاقة بالرياضة وأناشدكم مرة اخرى اتركوه وأدعو له بالشفاء
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019