• ×
الثلاثاء 15 يونيو 2021 | 06-14-2021
شوربجي

بكري لن يلعب في الدوري قبل لوزان

شوربجي

 11  0  1350
شوربجي



[[[]]] اتدرون لماذا لم يشرك المريخ بكري في مباراة اليوم :
الخوف و ( الرجفه ) من فرق بعينها ربما تقدم شكوي ضد المريخ
فالمريخ يعلم جيدا انه خسران لاي مباراة وان فاز فيها حال اشراكه بكري المدينه
المريخ فاز علي الرابطه ١/٣ ولم يشارك بكري
فاذا لعب بكري المدينه اي مباراة في الدوري وقبل لوزان اكيد سيخسر المريخ
واهل الرابطه لعبوا بثقه كبيره وفي بطنهم بطيخه صيفي وهم موقنون بالفوز اذا ما اشرك المريخ بكري
لان الفيفا ستشطب كل نتائج المريخ في حال كسب الهلال القضيه
وهكذا سيخسر المريخ خسرانا مبينا ومع اي فريق في الدوري اذا ما لعب بكري
ودعونا نبدأ ونعد عدد المباريات وعدد النقاط التي قد ينالها المريخ بمشاركة بكري
وليجهز كل فريق شكواه لتقديمها في الوقت المناسب والمكسب مضمون
ما اصعب اخوتي ان يلعب المريخ مبارياته الدوريه بنفسية مضطربه واذا ما اقحم لاعبه الذي لم يوفي بالعقود
المريخ سيضطر باجلاس بكري في الكثير من المباريات الحساسه و حتي حسم هذه القضيه
مليارات بكري التي انهكت جيب جمال الوالي وجعلته منزويا هي مليارات مهدرة دون شك
اليس محزنا ان يظل لاعب كلف خزينة النادي مليارات متلتله ان يظل حبيسا للكنبه حتي تقول الفيفا كلمتها
اهل المريخ الذين يسخرون من تقديم الهلال للشكوي سيعضون اصابع الندم حين يهبط ناديهم الي الدرجة الاولي
فهل سيقبل اوكرا او تراوري او ايكانغا او جمال سالم اللعب في ميدان عقرب ؟
بكري في كنبة المريخ بأمر الاسياد
الدوري محسوم للهلال بسبب بكري
وبصراحة المريخ اخطأ خطأ جسيما حين قام بتسجيل بكري
وها هو الآن نراه خائفا يترقب وكلما دق قضاة لوزان بمطارقهم علي الطاولات قائلين (محكمه)
ولا يضيع حق وورائه مطالب



[[[]]] الهلال ١ والهلال ٢ والهلال ٣ :
انتهت مباراة الهلال ١ ضد الهلال ٢ تعادليه
و بهدف لكل
سجل هدف الهلال ١ كيبي الفنان كاحلي ما تكون الاهداف
وسجل هدف الهلال ٢ لاعب الهلال ١ السابق علاء الدين يوسف بصاروخ
وضاعت اهداف من لاعب الهلال ١ السابق بكري المدينه
والذي خان عهده مع الهلال ١ من اجل حفنة دولارات
واليوم يشد الهلال ١ الرحال الي ديار جعل لمقابلة الهلال ٣
والذي يرأسه السيد صلاح ادريس رئيس الهلال ١ السابق
ويقوم بتدريبه المدرب ميشو مدرب الهلال ١ السابق
وجدير بالذكر ان الهلال ٣ اقام معسكرا ناجحا في قاهرة المعز
وهو يستعد اليوم لمباراته مع الهلال ١ بمجموعة كبيره من النجوم التي كانت تزين الهلال ١
ارفعوا الاكف اخوتي بالدعوات للهلال ١ العظيم بالنصر
فالهلال مدرسة ينهل منها الجميع



[[[]] القرعة بالعكس في صالح الهلال :
هيا نبارك للمريخ اول نقاطه البارده
فهذه النقاط هي اول دعم ملموس من اتحاد معتصم للاحمر
وقرعة رائعة ومنظمه بالمقاس لبدايات سهله
وبعكس الهلال الذي سيتهل مباراته مع اقوي فرق الدوري
وعلي كل حال فبرغم خبثهم وترصدهم للهلال فقد تخدم هذه القرعه هلال الملايين في الخواتيم
وحين يعاني المريخ وتبدأ علي محياه تباشير نزيف النقاط الحاد والذي يصاب به كل عام
حينها سينطلق الهلال ليعانق محبوبته الابديه وعشقه الدائم كالعاده
الهلال الخارج من مباراة قمه عليه ان يقابل اهلي شندي في بواكير الدوري
وما مشكله فقد يتقدم المريخ علي الهلال بنقاط هديه
والمثل يقول (قدم الكيشه والحقه ) ويا ما تقدم المريخ وغني ورقص ثم انحسرت افراحه حزنا
انهم حقا يريدون ذبح الهلال بسكين حاد
فكم حسراتهم قاسية والدوري يستعصي عليهم وقد ارادوا نيله بشتي السبل المحللة والمحرمه
ولكن خاب ظنهم وقد ظلوا مقيدين في عوالم الوصافة تعذبهم الدونيه والخروج الدائم من التمهيدي
لن ينصلح حال الوصيف ما لم تنجلي عنه جموع المطبلين من رجال حول الرئيس ظلوا يحملون طبول نفاقهم يدقون عليها وعاش الرئيس ويحيا الرئيس



[[[]]] ختاميه :
في الاخبار ان اوراق لاعب المريخ جابسون سالمون غير سليمه وان عملية تسجيله من ليبيا تشوبها الكثير من الشكوك وان الايام القادمه ستكشف الكثير من الحقائق - المريخ تحاصره الآن الكثير من القضايا الكبيره قضية بكري المدينه وقضية تزوير مازن شمس الفلاح وقضية جابسون سالمون
وجمال الوالي ماشي شهر خمسه ويا خرابي



محمد حسن شوربجي
امسح للحصول على الرابط
بواسطة : شوربجي
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    سيداحمد الحاج محمود 01-28-2015 02:0
    ههههههه حلوة رجال حول الرئيس .. اضف طبول الوالي ... مسامير الوالي
  • #2
    عثمان الطاهر 01-28-2015 01:0
    يا ياسر اطمئن بكري لن يلعب ابدا في الهلال و مكانه محفوظ في فريق كوبر لمدة ثلاثة سنوات

    او نعملها فركة كعب
    سنة واحدة فقط في كوبر و السنة الثانية في الاهلة المناقل و السنة الثالثة في هلال نيالا و بعد كدا بخيت و سعيد عليكم
    امل ان تقرأ عمود شوربجي من اول جديد عسى و لعل تفهم المضمون

    لله درك يا شو
       الرد على زائر
    • 2 - 1
      ياسر بوب 01-28-2015 10:0
      اذا بتتكلم عن الاحلام ممكن يقيف تلطاشر سنه .. لكن الواقع بقول انو عندنا امثله حاصله قدامنا و اطول فتره كانت اربعه شهور و عمله الحضري مع الاهلي .. و قضيه مؤمن زكريا وقف شهر واحد فقط ..
      ياخ اذا الاعب الببلع منشطات بوقفوهو بين سنه لي سنتين .. عايز قضيه بكري يوقفوهو تلاته سنه؟ ... عشان كدا ما تتابعو الكتاب ديل لانهم اصلن ما ناقشين حاجه و بلعبو بي العواطف ..
  • #3
    Mohammed Ahamed Kashan 01-28-2015 10:0
    يا بتاع الشوربة انا صراحة ما قدرت اكمل المقال بتاعك دا لانو مافيه موضوع بفيدنى , عليه امشى شوف ليك حلجة تانية غير الكتابة .
  • #4
    احمد يس 01-28-2015 10:0
    يكتب هذا الرجل مقالاته وهو في غير وعيه وبهلوسة غير طبيعية ربنا يشفيه ويردله عقله .
  • #5
    ابوالفاضل 01-28-2015 10:0
    ياشوربة بطل سزاجة بكوري عندو 3كروت من الموسم السابق عشان كده مالعب ياخي دي ماكانت لدغة دي كل بتبرهنوا لسه مافقتوا منها كدي اول امرق من النمور وبعدين شوف لوزان ولما القرعة في صالحكم الجرسة في شنو؟قول ياالله درون بس.
       الرد على زائر
    • 5 - 1
      عثمان الطاهر 01-28-2015 01:0
      اعد كتابة التعليق وصحح الاخطاء الاملائية يا بو الفاضل بلازا
  • #6
    واحد من الناس 01-28-2015 09:0
    بكرى لم يلعب مباراة الامس لحصولة على ثلاثة بطاقات فى النسخة الاخيرة مع فريقه السابق واتفرج عليه يوم السبت مع مريخ كوستى.
    حتى ولوفرضنا جدلا ان الهلال كسب شكواه وهذا ابعد من السماء لكم فان القرار لايطبق باثر رجعى ويكون نافذا من تاريخ صدوره
    ارجو ان تحترموا عقول الآحرين ولاتكتبوا ماليس لكم به علم
       الرد على زائر
    • 6 - 1
      jo 01-28-2015 12:0
      إيقاف مباراة تنافسية واحدة استنجاء من نجاسة الهليل!
  • #7
    هاشم 01-28-2015 09:0
    ياسيدى الفاضل بكرى تغيب من المباراة لنيله ثلاث بطاقات صفراء مع الهليل العام الماضى مما يؤدى الى ايقافه مباراة تنافسية واحدة ولا شئ سوى ذلك منعه من اداء المباراة وستراه فى كوستى انشاء الله واخيرا اسديك نصيحة لوجه المولى عز وجل حتى لاتصبح اضحوكة تاكد من جوانب كل معلومة قبل ان تكتب فتصيب قوما بجهالة وتندم حيث لا ينفع الندم وعاش الزعيم عميدا للاندية وعاشت الصفوة غدوة ونبراسا به يهتدى
  • #8
    Hajjam 01-28-2015 08:0
    لله درك ياكايدهم اضرب الهمباتة الذين سطوا علي شعار الهلال ولاعبي الهلال..... بدون رحمة...
  • #9
    ابو مازن __ الدمام 01-28-2015 08:0
    (( الكاذب لا يصدق حتى لو قال صدقا )) وكفى !!!!!!!
  • #11
    ياسر بوب 01-28-2015 06:0
    ايكانغا لاعب المريخ و ميشو مدرب اهلي شندي؟!!!! الخرف دخل فيك ... الحق روحك صلي ليك ركعتين ربنا يغفر ليك قبل ما يبنا يشيل امانتو ..
    اما بكري ده بنلعبو وقت ما نحب .. لاعبنا و نحن حرين فيهو .. امشي انت ابكي للفيفا خليهم يرجعو ليك ..
    واااا نحن دايرين بكري ي الفيفا
    واااا نحن ما بنعرف نلعب غير بكري ي الفيفا
    واااا نحن ضعنا بعد بكري ي الفيفا
    واااا بيتنا اتخرب بعد بكري ي الفيفا
    واااا بكري فات و غناينا مات ي الفيفا
    وااا سجم خشمنا كان ما بكري رجع ي الفيفا
    واااا وووب علينا ي بكري ... تلحقنا و تنجدنا ي بكري ..

    حسي فرق عمودك من الكلام ده شنو ...
    يا ناس كفر ووتر سجلونا بالله نكتب معاكم مدام رص الكلام هو المهم عندكم بدون المحتوى
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019