على رمال الفجيرة الذهبية وعلى شواطئها الجميلة يواصل هلال الأمجاد معسكر الإعداد بإمارات زايد الخير وكما قال رئيس البعثة ونجم الهلال فى الزمن الجميل الأستاذ أمين زكى إن المرحلة الأولى سوف تكون خاصة بإكتساب اللياقة البدنية ...يعنى المباريات الودية ملحوقة ( وكل حاجة عندنا بنظام !! كما يقول الأستاذ محمد عبد الماجد ) ... وأكد كلام الأستاذ زكى المدير الفنى للهلال المستر باتريك الذى أضاف أن فريقه لن يخوض مباريات ودية مالم يصل جميع اللاعبين للفورمة والجاهزية البدنية ، وقدم الهلال برقية شكر لنجل إمارة الفجيرة ورئيس النادى الشيخ مكتوم بن حمد على حسن الضيافة وكرم الوفادة لبعثة هلال العشق الجميل ، وسوف يخوض هلال السودان عدد من المباريات الودية قبل العودة للخرطوم أولها مع فريق رأس الخيمة ( درجة أولى ) نهاية هذا الإسبوع ومن ضمن هذه المباريات سوف تكون هناك مباراة مع صاحب الضيافة نادى الفجيرة وهو من ضمن أندية الدورى الممتاز بالأمارات والذى يطلق عليه دورى الخليج العربى الأماراتى الذى يضم 14 فريقاً ويتصدره نادى الجزيرة برصيد 27 نقطة ويتذيله نادى إتحاد كلباء برصيد 4 نقاط ويحتل نادى الفجيرة المركز رقم 12 برصيد 12 نقطة ...ويقود الفجيرة المدرب التشيكى إيفان هاسيك خلفاً للعراقى عبد الوهاب عبد القادر ومن ابرز نجوم فريق الفجيرة الحارس أيوب عمر وفى الدفاع الجزائرى عبد المجيد بوقرة والأماراتى سالم عبيد وعبد العزيز إسماعيل وفى الوسط اللبنانى حسن معتوق والجزائرى حسان يبدة والأماراتى حميد ربيع الماس وفى الهجوم محمد خلفان والعاجى أبو بكر سانجو ، وهذه فرصة طيبة لأخوان بشة لإبراز مواهبهم خاصة أن الأخبار القادمة من الأمارات أشارت لتألق المهاجم البوركينى أبو بكر كيبى ، والحارس الكاميرونى ماكسيم أشاع جواً من البهجة زينت سماء المعسكر ...وبإذن الله هلال 2015 سوف تكون له بصمته الواضحة فى بطولة كبار أفريقيا حيث الترسانة الدفاعية بقيادة سيف العز المساوى وأتير توماس ومالك والمالى سليمان كانوتيه والصخرة ديفيد سيمبو وفى الأطراف قاذفات اللهب بقيادة بوى وفداسى وسيسيه وعلى النور وبوتاكو أما الوسط ( الله على الوسط ) هناك العرسان بشة و سيدى بيه والصنديد الشغيل وأطهر الطاهر ووليد علاء الدين والمتألق نيلسون ...ياشباب فى داعى أقول ليكم الهجوم ولا بلطوشنا عين حمراء وشرارة ، أنا عندى إحساس إن فيصل الأقرع من هلالاب جدة والأمين عبد القادر من هلالاب الهفوف وعادل محمد محجوب من هلالاب خميس مشيط ومعاهم شيخنا أحمد الفكى من هلالاب حائل وسيف الدين خواجة هلالاب الدوحة والإبن كتاحة من هلالاب الأمارات ومعاهم بكرى النيلين هلالاب أبوظبى ...كل الجماعة ديل ( خاتين أصبعهم السبابة فى خشمهم ولسان حالهم يقول لى أوعك !! ) خلاص ياجماعة السنة دى ماعندنا خط هجوم !! معتمدين على هجمات لعيبة الوسط !! حرام عليكم نسيت نزار حامد الصاقعة !! الحمد لله الخير باسط ....معليش ياكيبى وكاريكا ومحمد عبد الرحمن والجزولى الجماعة ديل هرشونا وخائفين عليكم أعذرونا .
*** سيد الفيفا جاب جواب لى سيد البلد
تخيلوا عمو بلاتر طلع هلالابى ومن هلالاب سويسرا كمان !! الكلام ده كان قلناه ليكم مابتصدقونا لكن أسألوا ناس معتصم جعفر وأسامة عطا المنان ومجدى قول ليهم الخطاب الجاكم من رئيس الفيفا شخصياً مستر جوزيف بلاتر بتاريخ 5 نوفمبر بعد فوزنا بى 5 يوم بى كأس الممتاز وإنتوا ( دسيتوه ) ما مرقتوه إلا يوم 22 ديسمبر فيهو شنو !! تخيلوا رئيس الفيفا طلع راجل ذوق ويعشق الجمال أينما ما كان وجوزيف قال فى جوابه الأتى ... نرسل تهانينا الشخصية لكل أسرة نادى الهلال لأدائهم الممتاز وفوزهم بالدورى السودانى الممتاز 28 مرة وهى مناسبة عظيمة للإشادة بالعمل الذى تم إنجازه بجدارة وهذا هو النجاح الحقيقى للفريق وكرة القدم هى البناء الأفضل للمستقبل وأطلب من كل الفريق العامل فى الهلال لعيبة وإدارة وجمهور أن يتقدموا ويتصدروا ...المخلص دائماً ...جوزيف بلاتر ...رئيس الإتحاد الدولى لكرة القدم ...تخيلوا الخطاب ده لو أرسله بلاتر لى ناس المريخ كان عملوا شنو !! أول حاجة حفلة بى إنصاف مدنى والقلع عبد الحفيظ وترجمة الخطاب لكل لغات العالم ويعملوا ليه عيد ميلاد سنوى !! أها ده خطاب جهة دولية محايدة لم يرسله صلاح إدريس أو طه على البشير أو البرير أو الكاردينال !! ونقول لى ولدنا المحامى عماد الطيب الوصية بالمهلة لما تردوا خطاب بلاتر ( أفتحوا ليه أضانو ) عن موضوع بكرى المدينة الذى إستلم من الهلال 800 ألف ووقع على عقد وبعدها مشى المريخ !! بالمناسبة لو جوزيف بلاتر قال ليكم المريخ ده منو والإسم ده ماغريب علينا !! قول ليه ده وصيفنا وجارنا فى جنوب العرضة !! لذا لزم التنويه .
*** قالوا قطعة سكر قلنا أحلى أنضر
الهلال يتعامل بإحترافية ويرفض المباريات الودية قبل إكمال الجاهزية والعكس تماماً يحدث للمريخ الذى يبحث عن الرخيص بأى ثمن ومعسكره فى مصر أكبر دليل حيث عملوا مباراة مع فريق درجة تانية إسمه الإعلاميين وغلبوه تلاتة وعملوا هيلمانة ولكن الأهلى شندى أحرجهم بالبارد لأنه لعب مع نفس فريق الإعلاميين وهزمهم خماسية بيضاء مكوية وبكل هداوية ودون ضجيج أو إعلام ...وعندما يعانق هذا الرحيق القراء يكون المريخ لعب مباراته التانية وبرضو مع فريق درجة تانية إسمه سكر الحوامدية وهى من ضواحى الجيزة ( يعنى أهل العوض بتاعين مصر ) والحوامدية غير فريق شركة السكر تانى عندهم تلاتة فرق ( حقو المريخ يباريهم بالصف !! ) وفرق الحوامدية التلاتة هى فريق الساحة الشعبية ونادى الشيخ عثمان ونادى أم خنان ...وقالوا قطعة سكر وقلنا أحلى وأنضر ( إن شاء الله تغلبوهم بالرطل إحنا مالنا ومالكم !! ) بس وكت الكلام جاب الكلام أسمحوا لينا نردد أغنية الراحل سيد خليفة ( عقد اللولى ) *** وين الحلوين وين راحو ...فى ليلنا يضوى صباحو *** أمتع بيها عيونى وأضوق من فاها السكر ...لكن الحظ العاثر ...خلاها تغيب ماتظهر ...غشت الجيران لثوانى وقلبى التايه ودر ...فى سرى أقول يا الله ...إن شاء الله تغيب لى أكتر ....أمتع بيها عيونى وأضوق من فاها السكر ... هى !! ماكلمتكم غارزيتو ساق ولده ومشى يعيد فى فرنسا وبرهان تية الأيام ديل متريّس على الفريق عربى وأفرنجى ...الحمد لله مدرب الهلال فى الفجيرة ...يمارس عمله بكل إحترافية !! وده الفرق بين الهلال والمريخ !! وتهنئة بلاتر فى محلها .
*** همسة الوداع
حبايبنا الحلوين نقشوا الفيلم وعرفوا الإعلام السالب بيضحك عليهم والأيام ديل بطنهم طامة ، معقول ناس المريخ مابشوفوا الأهلى والزمالك والإسماعيلى وسموحة عشان يعملوا معاهم مباريات ودية !! شنو الإعلاميين وشركة سكر الحوامدية !! وبهذه المناسبة نهمس فى أذن الإعلام الأحمر إنتوا مادام عايزين تغلبوا شركات السكر !! كنانة دى شركة جمكسين ؟ مجرد سؤال .
*** سيد الفيفا جاب جواب لى سيد البلد
تخيلوا عمو بلاتر طلع هلالابى ومن هلالاب سويسرا كمان !! الكلام ده كان قلناه ليكم مابتصدقونا لكن أسألوا ناس معتصم جعفر وأسامة عطا المنان ومجدى قول ليهم الخطاب الجاكم من رئيس الفيفا شخصياً مستر جوزيف بلاتر بتاريخ 5 نوفمبر بعد فوزنا بى 5 يوم بى كأس الممتاز وإنتوا ( دسيتوه ) ما مرقتوه إلا يوم 22 ديسمبر فيهو شنو !! تخيلوا رئيس الفيفا طلع راجل ذوق ويعشق الجمال أينما ما كان وجوزيف قال فى جوابه الأتى ... نرسل تهانينا الشخصية لكل أسرة نادى الهلال لأدائهم الممتاز وفوزهم بالدورى السودانى الممتاز 28 مرة وهى مناسبة عظيمة للإشادة بالعمل الذى تم إنجازه بجدارة وهذا هو النجاح الحقيقى للفريق وكرة القدم هى البناء الأفضل للمستقبل وأطلب من كل الفريق العامل فى الهلال لعيبة وإدارة وجمهور أن يتقدموا ويتصدروا ...المخلص دائماً ...جوزيف بلاتر ...رئيس الإتحاد الدولى لكرة القدم ...تخيلوا الخطاب ده لو أرسله بلاتر لى ناس المريخ كان عملوا شنو !! أول حاجة حفلة بى إنصاف مدنى والقلع عبد الحفيظ وترجمة الخطاب لكل لغات العالم ويعملوا ليه عيد ميلاد سنوى !! أها ده خطاب جهة دولية محايدة لم يرسله صلاح إدريس أو طه على البشير أو البرير أو الكاردينال !! ونقول لى ولدنا المحامى عماد الطيب الوصية بالمهلة لما تردوا خطاب بلاتر ( أفتحوا ليه أضانو ) عن موضوع بكرى المدينة الذى إستلم من الهلال 800 ألف ووقع على عقد وبعدها مشى المريخ !! بالمناسبة لو جوزيف بلاتر قال ليكم المريخ ده منو والإسم ده ماغريب علينا !! قول ليه ده وصيفنا وجارنا فى جنوب العرضة !! لذا لزم التنويه .
*** قالوا قطعة سكر قلنا أحلى أنضر
الهلال يتعامل بإحترافية ويرفض المباريات الودية قبل إكمال الجاهزية والعكس تماماً يحدث للمريخ الذى يبحث عن الرخيص بأى ثمن ومعسكره فى مصر أكبر دليل حيث عملوا مباراة مع فريق درجة تانية إسمه الإعلاميين وغلبوه تلاتة وعملوا هيلمانة ولكن الأهلى شندى أحرجهم بالبارد لأنه لعب مع نفس فريق الإعلاميين وهزمهم خماسية بيضاء مكوية وبكل هداوية ودون ضجيج أو إعلام ...وعندما يعانق هذا الرحيق القراء يكون المريخ لعب مباراته التانية وبرضو مع فريق درجة تانية إسمه سكر الحوامدية وهى من ضواحى الجيزة ( يعنى أهل العوض بتاعين مصر ) والحوامدية غير فريق شركة السكر تانى عندهم تلاتة فرق ( حقو المريخ يباريهم بالصف !! ) وفرق الحوامدية التلاتة هى فريق الساحة الشعبية ونادى الشيخ عثمان ونادى أم خنان ...وقالوا قطعة سكر وقلنا أحلى وأنضر ( إن شاء الله تغلبوهم بالرطل إحنا مالنا ومالكم !! ) بس وكت الكلام جاب الكلام أسمحوا لينا نردد أغنية الراحل سيد خليفة ( عقد اللولى ) *** وين الحلوين وين راحو ...فى ليلنا يضوى صباحو *** أمتع بيها عيونى وأضوق من فاها السكر ...لكن الحظ العاثر ...خلاها تغيب ماتظهر ...غشت الجيران لثوانى وقلبى التايه ودر ...فى سرى أقول يا الله ...إن شاء الله تغيب لى أكتر ....أمتع بيها عيونى وأضوق من فاها السكر ... هى !! ماكلمتكم غارزيتو ساق ولده ومشى يعيد فى فرنسا وبرهان تية الأيام ديل متريّس على الفريق عربى وأفرنجى ...الحمد لله مدرب الهلال فى الفجيرة ...يمارس عمله بكل إحترافية !! وده الفرق بين الهلال والمريخ !! وتهنئة بلاتر فى محلها .
*** همسة الوداع
حبايبنا الحلوين نقشوا الفيلم وعرفوا الإعلام السالب بيضحك عليهم والأيام ديل بطنهم طامة ، معقول ناس المريخ مابشوفوا الأهلى والزمالك والإسماعيلى وسموحة عشان يعملوا معاهم مباريات ودية !! شنو الإعلاميين وشركة سكر الحوامدية !! وبهذه المناسبة نهمس فى أذن الإعلام الأحمر إنتوا مادام عايزين تغلبوا شركات السكر !! كنانة دى شركة جمكسين ؟ مجرد سؤال .
التحيه والاشواق
هكذا الهلالاب ....انت دوما رائع وفايت الروعه مسافه
ننتظر كلماتك بكل الشوق واللهفه
نبحر معها وانت تركب الصعاب وتختار ماهو احلى من التعبير
عشقا فى هلال العشق الجميل كما تقول..
انحنا والله هلالاب على السكين..من قمنا صغار وعرفنا الدنيا دى عرفنا الهلال
وبقى ...الله ..الهلال...الوطن... اختلاف بسيط فى المضمون الاصلى..
ودا طبعا غصبا علينا من شده الحب والعشق الجميل...ولكن نمشى مع المجموعه ونقول الله...الوطن...الهلال....برضوا عشان خاطر الهلال...
معسكر الفجيره..مازال يواصلل الابداع وبعد يومين ثلاثه..نعانق الاقمار..وجها لوجه..وما حا ننساك ...حا نبلغ تحياتك وسلامك لكل الفرقه الرائعه ونشوف الاروع ان شاء الله..
شكرا على المحادثه وشكرا على ماخطاه قلمك...وشكرا على كل حرف خطه يراعك حبا فى الهلال وذكرى لشخصى....ودمت فى رعايه الله وحفظه...
اخوك..بكرى سر الختم (بكرى النيلين )
بالله كاس الدوحه وكاس بنى ياس...جو بالبر ولا شنو....ياهو دا منطقكم يا مريخاب..
معليش قولوا كاسات نميرى...الله يرحمه.. (كاسات الدهب...بتاعات قاقرين والدحيش) صاح مش محموله جوا...محموله برا...
عاجل : فريق مزرعة أزهري ميرغني للأسماك بالعزازي يرفض التباري مع المريخ خوفا من البوفيه المفتوح....
وهل تصدق سكر الحوامدية والاعلاميين طلعوا (شفّع )
الجو جميل ومعسكر الفجيره اجمل....واعمل حسابك من الضباب..يجمعنا حب الهلال
ويربطنا الرائع الجعلى بكتاباته الاروع...
هدية منى لاتمام العملية بنجاح اما 1111 كرة الا تستعينوا ببلاتر
عاوزين نقدم شال ودرع الهلال للسيد بلاتر على العمل الكبير الذى قام به من اجل هلال الملائين وان شاء الله يكون حضورا فى نهائى كاس اندية افريقيا ليتوج هلال الساجدين بكاس البطولة باذن الله ***
وسالفة بكرى محسومة ولاتحتاج لفتح اضان ياخوى بس قول لاتحاد السجم العام بلو راسكم من الان الدور جايكم وقراراتنا مافيها استئناف ؟
ودمتم للوطن والهلال فى حفظ الرحمن
فريق سكر الحوامدية اهل العوض .. لذا لزم التنويه