[[[[]]] الف ليلة وليله :

انها ليلة الهلال الجوهره والحفل البهيج

انهم كبار الهلال واقطابه وقد نوروا الحفل البهيج

انه الكاردينال عريس الحفله وقد نور الحفل البهيج

وانهم قدامي اللاعبين امين زكي قاقارين وغيرهم وقد نوروا الحفل البهيج

انهم اللاعبين المحليين والاجانب وقد نوروا الحفل البهيج

انه رديف الهلال الرائه والاسد وعاكف وقد نوروا الحفل البهيج

انهم براعم الهلال الرائعين وقد نوروا الحفل البهيج

صلاح بن الباديه وياسر تمتام ومحمد الحسن وقد اطربوا الحفل البهيج

فافرح شعب الهلال بهذا الحفل البهيج
وافرح شعب الهلال هذا التوحد والنسيج
يقول المؤرخون أن اختيار اسم الهلال جاء في جلسة مسائية لمؤسسيه
فجأة أطل عليهم القمر
وسطع وأنار موقع الجلسة في ليلة منتصف الشهر
واختار أحدهم أن يكون اسمه القمر
ورد عليه آخر ولما لا يكون هلالاً
وتم الاتفاق على هذا الاسم الرائع والجميل
وهو أول نادي يطلق عليه اسم الهلال في السودان
في افريقيا احبوه

وفي بلاد العرب عشقوه
وناس الكاف احترموه
وايه الهنا ده كله يا عيسي

وعشان خاطرك يا ازرق جيب معاك 3 اندية سودانيه
حفل كل الابطال
وممنوع اصطحاب الاطفال
ولا مكان للصغار
وممنوع مناقشة التمهيديين
ولا مكان للعالميين والما متكلميين
واي واحد بيحب الهلال يرفع يده
وعيسي حياتو قال الهلال هو السودان
وعيسي حياتو الظاهر هلالابي
وعيسي حياتو ما مريخابي
وعشان كده قال المريخ في التمهيدي
وعشان كده قال الهلال مع العظماء

يا روعة كبار الهلال

ويا روعة لاعبي الهلال
وياروعة اعلام الهلال
وياروعة رديف الهلال
وياروعة براعم الهلال

ويا روعة ايباد الهلال

اليوم لا تحدثوني ابدا عن المريخ

ولا تحدثوني اخوتي عن جمال الوالي والتاريخ

ولا تحدثوني اخوتي عن هيثم مصطفي وبكري المدينه وعمر بخيت والمعز

ولا تحدثوني اخوتي عن صلاح ادريس والسخافات

ولا تحدثوني اخوتي عن معسكر مصر وحظر التجول

ولا تحدثوني اخوتي عن انطونيو والمنطقه الصناعيه

ولا تحدثوني اخوتي عن معارضة المريخ وقريش ونادر مالك وبنك الثروه الحيوانيه

ولا تحدثوني اخوتي عن اعلام المريخ والعالمي ولا تكلمني

لا تحدثوني اخوتي عن الاعلام السالب وقصة كروز

ولا تتحدثوا اخوتي عن الحقد الذي ملأ قلوب اخوتنا في المريخ حين شاهدوا هلال 2015

حدثوني اخوتي عن جمهور الهلال الجميل الفرحان بهلال 2015

حدثوني اخوتي عن الجوهرة الزرقاء

حدثوني اخوتي عن اجانب الهلال

حدثوني اخوتي عن عضم الهلال

حدثوني اخوتي عن الرديف الرائع

حدثوني اخوتي عن الكابيتانو مساوي

حدثوني اخوتي عن الفجيره

حدثوني اخوتي عن مفاجأت الكاردينال

حدثوني اخوتي عن مناشط الهلال

حدثوني اخوتي عن الايباد

حدثوني اخوتي عن هلال مولع نار

ورحم الله شاعر السودان والهلال محمد حسن سالم حميد :
الليلة دا يوم السودان البلد الليلة هلالابى
النيل الأزرق نشوان والأبيض أبيض ياأحبابى
يامشرّف كل الأتيام فى يوم السعد الافريقى
يا مفرّح كبد الأيتام باللعب البعد الموسيقى
يا هلال فى جبيرة سودانك فى جبين الشعب الحبّوب
أبشر لاباشر وأقوانك ياعريس السمر المحبوب
تعجبنى الرمية الزنجية لى رأس الحربة النوبية
بى خفة لمسة بجاوية تتسامى الهامة العربية
وتتناول نسمة صعيديّة تسكن بى كلّ أريحيّة
ما بين الخصل البنيّة وزغريدة تبق سودانية
لى أروع دخلة على النية لى أروع دخلة هلالية
البحر الليلة هلالابى
المطر..
الحجر..
الترّابى
الشدر الشايل متكابى
الساقى عروقو الحطّابى
الشوقو عنقريب هبّابى
الشاقّى مروقو هلالابى
الوسّار ذوقو هلالابى
القمر البيتو قصاد بابى
حبيتو لانو هلالابى
وين تمشى الراضى على المابى
بالشمش الفوقو هلالابى
يا ليم يا الكورة وكت تبقى
أخلاق موروثة مع الخلقة
الغالب حاضنو المغلوب بمودة وحنية ورقة
وجمهور بيشجع مصحوب
بالنغم الطيب والصفقة
الله ياشعب ياحبوب
ما أحلى الدخلة على المرقة يا فريق بيطلع كم فرقة
يامارق بينا من الزنقة وحدنا شبعنا من الفرقة
جددنا عشان نبقى وتبقى ياريت الطالقة المنطلقة
وعلى بعض طلقة ياريت يا أبونا يا ابو الحرقة
لو تقرا بياضك والزرقة



[[[[]]]] ياريت :

((())) نترك الكاردينال يعمل بهدوء ونراعي صحته

((())) يسكت صلاح ادريس حتي موعد الانتخابات القادمه

((())) تتوقف بعض الاقلام الزرقاء عن حملاتها المسعورة علي ادارة الهلال

((())) نعمل جميعا علي النهوض بالهلال العظيم

((())) اقطاب الهلال واستشاريه يصطفوا والكاردينال

((())) ادارة الهلال تبدأ في تنظيم توعية جماهير الهلال في كيفية المساهمه في الجوهره الزرقاء

((())) ادارة الهلال تبعد كل الصحفيين الذين يتمرغون في بلاط رئيس النادي

((())) ادارة الهلال تسير نحو لوزان دون التفات للجوديات وتدخلات من ارسلهم جمال الوالي بعد تلكأ اتحاد المريخ في تسليم قرار الرفض



محمد حسن شوربجي