• ×
الخميس 28 مارس 2024 | 03-27-2024
محمد كامل سعيد

المطبّل (الذكي).. يحقق مصلحته و(يختفي)..!!

محمد كامل سعيد

 10  0  2910
محمد كامل سعيد
* قررت لجنة اللاعبين غير الهواة تأجيل البت في شكوى المريخ ضد هيثم مصطفى الى جلستها القادمة في الثامن من ديسمبر.. وفي اتجاه القضية عينها تابعنا الهدوء الغريب الذي فرض نفسه على الاسرة المريخية..!!

* والمتابع للقضية يجد انها مرت بالعديد من المراحل بداية من (الترحاب الكاذب) بالمشطوب من الهلال، ووصولاً لمعاداة المدربين بداية من الكوكي ومروراً بكروجر وأوتوفيستر، ذلك قبل ان (يقلب الهواء) ويتحول هيثم الى عجوز متمارض ..!!

* هدوء غريب فرض نفسه على الاسرة المريخية بداية من قادة المجلس، ومروراً بالمطبلاتية، وانتهاءً بعشاق النجمة لا يعرف احد اسبابه او دواعيه اللهم الاّ اذا كانت هنالك مصالح يتم الترتيب لها في الخفاء وبعيداً عن الانظار..!!

* وفيما يبدو ان هنالك اشارة ثم ارسالها ووصلت الى صاحبها مفادها ايقاف الحرب ضد هيثم وهدفها تهدئة الرأي العام (المسكين) الذي ينفعل و(تشيلو الهاشمية) بما يكتب المطبلاتية الذيم لا هم لهم غير مصالحهم الشخصية..!!

* اتحاد الكرة، وعلى رأسه لجنة اللاعبين غير الهواة، اتسلم رسالة او اشارة جعلت قادة اللجنة المعنية يتهربون كعادتهم كلما واجهوا اشكالية حقيقية حيث يعزف الجميع على وتر الزمن وذهابه ورهانهم على الذاكرة السمكية المنتشرة بين جل المتابعين..!!

* المتابع يجد ان الارسال بخصوص قضية هيثم، وشكوى المريخ ضد اللاعب الذي تمرد على المريخ، انقطع تماماً بل على العكس بدأت مرحلة جديدة عنوانها (عفى الله عن ما سلف) ومعليش (الزول ده عديل داك) وكده..!!

* بمعنى آخر ساهم الجميع في (تنويم) الموضوع.. وكما هو معروف فان اصحاب التخدير لا يتأخرون، وليس بغريب عليهم وضع المادة (المنومة) لأجل تمرير أجندتهم التي لا علاقة للمريخ بها..!!

* نعم لقد أكدت قضية المريخ مع هيثم (والنوم الفجائي) الذي أصابها ان (المطبّل الذكي.. بيحقق مصالحو.. وفجأة يختفي) ومن الطبيعي ان (يعمل رايح) او كأنه ليس من هذه البلد لدرجة انك اذا سألته عن المريخ يحدثك عن الكوكب..!!

* لقد فشل مجلس المريخ في الدفاع عن حقوق النادي وتحديداً في قضية هيثم مصطفى وساهم قادة من اتحاد الكرة في (تمييع) القضية بمباركة المطبلاتية الذين تلقوا الاشارة و(عملوا رايحيين) وكأن النادي تسلم كافة حقوقه طرف اللاعب..!!

* ضرب هيثم باستدعاءات دائرة الكرة المريخية عرض الحائط وسلّم النادي تقاريره المرضية ولم يشارك في التمارين لشهور عديدة رغم استلامه لمستحقاته واخلاله ببنود العقد الموقع مع النادي ولا بديل الاّ باعادته للأموال ومعاقبته..!!

* نقول ذلك لأنه المنطق الذي يفترض ان يتعامل به قادة المريخ واتحاد الكرة الذين اذا وجدنا لهم العذر في تعاملهم بالجودية فاننا لا نعفي المطبلاتية الذين ثبت انهم يسيرون في اتجاه مصالحهم وبس..!!

* تخريمة اولى: اقترب موعد بادية تمارين المريخ تأهباً للموسم الجديد.. وده معناه ان (أب قلباً ميت 2) سيتأخر كعادته وربما طالب براتب ستة شهور مقدماً كشرط للعودة..!!

* تخريمة ثانية: حتى اذا وصل (أب قلباً ميت 2) في الموعد فان الواقع يشير الى جهل الجميع بموعد عودة (الرجل الثاني) برهان الى الخرطوم..!!

* تخريمة ثالثة: طبعاً لن نمل من متابعة (ان برهان وضع برنامج الاعداد وظل يتابعه لحظة بلحظة من أديس ابابا حيث يقضي اجازته النصف سنوية)..!!
امسح للحصول على الرابط
بواسطة : محمد كامل سعيد
 10  0
التعليقات ( 10 )
الترتيب بـ
الأحدث
الأقدم
الملائم
  • #1
    الجعلي 12-04-2014 04:0
    الموضوع واضح يا شباب .. هيثم لو كان رجع الهلال كان القضية اتحكم فيها بالاعدام ... بس لان هيثم مشي الاهلي شندي ... طبعا جمال الوالي ما بقدر يحرج عديلو صلاح .. بس خلالص المسألة انتهت .. لا في حقوق تدفع ولا في متأخرات تدفع .. زيتنا في بيتنا .. والاتحاد اتحادنا ... عوجة ما في ... ويا هو دا السودان ..
  • #2
    سيد البلد الأصلي مش التايواني 12-04-2014 01:0
    عزيزي محمد كامل والله أرتاح لقراءة عمودك الواعي والذي فيه الكثير من النصائح العاقلة شيمة الصفوة لا ينحازون عن الحف ولو على أنفسهم سعيا نحو المصلحة العليا للزعيم. يعجبني نقدك لأب قلبا ميت 2 وطبعا سوف يتكرر الحال المرة تلو المرة دون حسم في عهد الطيب الغالي رغم حبنا له .. بس لدي سؤال أنا معك في الثنائي الوطني بدلا من الأجانب بس ما فاهم حكاية برهان دي مع أديس هل أهله هناك أرجو الإفادة مأجورا مشكورا ودمت.
  • #3
    Mahmoud Hanafi 12-04-2014 12:0
    يا استاذ بعد التحيه .. المسأله ما دايره ليها درس عصر هيثم لم يستلم مستحفاته كامله ولو عاوز تتأكد اسأل الاستاذ جمال الوالي
  • #4
    mohamed 12-04-2014 10:0
    مشكلتك انت فاكر جمهور المريخ دا ساذج لدرجة ان تشيلو الهوشه ويتخدر وما الى ذلك بكلام من تسميهم المطبلاتيه الامور ما للدرجه دى يا عم الناس فاهمه الحاصل شنو وقادره تربط ما تقراهو من كتابات مطبلاتيه وتقارنه بما تراه امامها فيا اخى انت المطبلاتيه ديل لو كتبوا بالنسبه لك (( ووب)) ولما كتبوا (( وووبين )) لانك انت ما عندك افكار تخلى الناس تكتب وتجى تنظر لينا فى ما كتبوا قوم لف ياخى
  • #5
    هلالابي الرياض 12-04-2014 09:0
    يا عزيزي محمد كامل .. كلامك ده كلام صحفي واعي. . ودي المشكلة لانو بهمنا انو ناسك ديل يكونوا مخدرين بكاتابات سلك وكابو والمتصوحف مزمزو
       الرد على زائر
    • 5 - 1
      mohamed 12-04-2014 01:0
      هلالابى الرياض اوك كلامك صاح هو صحفى واعى لكن مشكلته فاكر انو هو الوحيد الواعى فى الدنيا دى شابك ليك الناس دا طبل ودا زمر ودا رقص لدرجة انه هو بحدد للقراء المقال الفلانى دا تطبيل والعلانى دا رقيص . انا كقارئ لو ما بعرف الحقيقه من التطبيل كيف اكون قريت مقال اصلا بعدين انت وكت هلالابى ايه المدخلك هنا ؟؟
  • #7
    ابو السعود الابياري 12-04-2014 07:0
    صدق او لا تصدق انت في وادي والصحافة الرياضية في وادي آخر.
    قصة هيثم واضحة وضوح الشمس في كبد السماء.
    هنالك طابور خامس من الهلالاب داخل جميع لجان الاتحاد، وهم يعملون كالوبي اليهودي ضد المريخ.
    افهمها يأخي وريحنا من كتاباتك الفارغة.
  • #8
    اسيياد 12-04-2014 07:0
    الزول دا زووول نصيحة ، النصيحة ليك يالله ، بس انتو تحبو التخدير والإبر المسكنة من المرشد ، دا بيعالج بالكي ، اركزو زينب وراكم
       الرد على زائر
    • 8 - 1
      الكمندان 12-04-2014 10:0
      قصدك (فطومه الناطقة) وراكم ههههه
  • #10
    ماجد 12-04-2014 01:0
    مافي شي مكسر بيتك غير سيرتك البطاله ف الناس خلي الصحافه دي الله يكفيك شر المطر والعمدان
       الرد على زائر
    • 10 - 1
      ابو جدو 12-04-2014 10:0
      والله يابدر انت سمعوك كلمه مطبلاته ووقعته فيها بطولك وين موقع عبدالمجيد هنا من الاعراب والله دا بكتب بالخيره بعيد عن الصحافه لغه ومعنى قال صمت المطبلاتيه هو اصلا ما بتصفح العواميد والليله داخل منشرح وعامل فيها كونان. واغلب عواميد الكاتب المدعى من منشيتات الصحف يابتاع يعقوم حاج ادم والاعتزارات منو مطبلاتى بحجمك
    • 10 - 2
      الكمندان 12-04-2014 10:0
      شكلك يا (بدر الهليل) ما سمعت قصة الامجاد
    • 10 - 3
      بدر هلال 12-04-2014 07:0
      ياماجد انت رجل مطبلاتي لو انك نفهم في الامور لاثنيت علي هذا الصحفي الذي يعتبر افضل من المطبلاتيه مزمز وكابو ومن هم علي شاكلتهم لمعلوميتك محمد كامل ده هو الوحيد الساير علي درب عبد المجيد عبد الرازق ود قوز الناقه لانه يحترم قلمه ولاياكل من موائد الاداريين
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019