• ×
الجمعة 25 يونيو 2021 | 06-25-2021
محمد كامل سعيد

هل تذكرون عبارة (موسم الخبت) المريخية ..؟ !!

محمد كامل سعيد

 18  0  3430
محمد كامل سعيد
* لم اتفاجأ بتعاقد الهلال مع نجم المريخ السابق فيصل موسى ولو من باب ان تلك الخطوة تسير في اتجاه (المكاواة) والتعصب الذي سكن نفوس السواد الاعظم من محبي كرة القدم بالسودان .. خاصة خلال السنوات الاخيرة .. !!

* فيصل موسىى كان من المفترض ان ينضم للهلال لكن خوفه اي فيصل من سيطرة هيثم مصطفى وتمسكه بخانته كصانع ألعاب في الهلال قبل عامين هو الذي قاده الى المريخ .. !!

* وأذكر ان فيصل موسى أسر للمقربين منه بعد تعاقد المريخ مع هيثم مصطفى بالقول: (ده سبنا ليهو الهلال .. جايبنو لينا هنا عشان يقعدنا كنبة والا شنو) .. !!

* وفي الاخبار ان الهلال تقدم بشكوى رسمية ضد لاعبه السابق بكري (السفينة) واعلن ملاحقته لحقوقه الادبية بداية من اتحاد الكرة ووصولا الى الفيفا .. وبلا شك فان الاحداث التي حفظناها عن ظهر قلب ستتواصل طوال الشهور القادمة .. !!

* المريخ حاول التعامل مع (طيران) صانع الألعاب المميز فيصل موسى بشئ من التجاهل فأعلن مباركته انتقال اللاعب للهلال .. طيب يا جماعة ليه هو كان جاري وانتو كنتو جاريين وراه ..؟ !!

* نعود ل (الحلزونة) التي ظللنا نعيشها منذ سنوات عديدة او بالتحديد منذ تولي الرئيس الطوالي مقاليد الرئاسة واستسلامه ل (المطبلاتية) ونشير الى اننا سنترقب بلاشك الترويج لكرنفال استقبال النجوم الجديد بقيادة (السفينة) .. !!

* وبلاشك فان الاحتفال (اياه) سيجد البهرجة اللازمة وتجارة الوهم من هواة بيع الكذب للمتابعين وبصورة لا ولن تقل عن تلك التي اعتدنا عليها في السنوات ال (13) العجاف الاخيرة والتي لم يعرف فيها المريخ غير اللهث خلف لاعبي الهلال .. !!

* سنتابع (كم حصان) يظهر على ارضية الملعب ومن فوقه نجم النجوم وصاحب مصباح (المدينة) السحري الذي سيحل كل الاشكاليات الفنية التي ظلت تعترض مسيرة الاحمر طوال السنوات العجاف الاخيرة .. !!

* الغلابى من شعب المريخ، خاصة اولئك الذين تجرعوا الكلام المخدر بكل عبواته الصغيرة والمتوسطة والعائلية، سيتوافدون الى مدرجات الرد كاسيل لشراء احدث صيحات الوهم (يعني آخر حاجة) طلعت في سوق السماسرة والتجار .. !!

* ولن نستبعد ان يخرج علينا احد الموالين والذين لا يعرفون غير ترديد عبارة (لن نوالي غير الوالي) ليبشر الجماهير الصابرة والمحتسبة بمريخ جديد يهز الارض ويكون قادرا على احراز بطولة الابطال الافريقية .. !!

* نعم بطولة الابطال الافريقية عديييييل كدة وليس بطولة الابطال السيكافية .. وينسب ذلك الوهم الى الدرر والجهود الخرافية التي بذلت من جانب المجلس بقيادة ربانه الماهر وقائد الركب الملهم .. يعني منو ؟؟ (الله اعلم) .. !!

* وفي ختام الكرنفال واضواء الليزر ومكبرات الصوت وصيحات الغلابى من شعب المريخ ربما نسمع من يقول ان الموسم 2015 سيكون موسما ل (الخبت) وساعتها سيشتعل الاستاد بالصيحات .. !!

* تخريمة اولى: موسم شنو ..؟! (الخبت) .. يا ربي العبارة دي سمعتها وين قبل كده ..؟ !! اها تذكرت فقد قالها قادة المريخ بعد التعاقد مع مشطوب الهلال هيثم مصطفى .. !!

* تخريمة ثانية: طيب يا شيخنا الحصل شنو ..؟ هل عمليا صار الموسم المذكور لل (الخبت) ..؟! لا ادري .. الاجابة عايزة ليها تفكير .. !!

* تخريمة ثالثة:؟ سؤال تاني سنوجهه الى نجوم المريخ .. من منكم يا ترى لا يستحق ثلاثة مليارات مثل تلك التي تحصل عليها بكري السفينة .. !!
امسح للحصول على الرابط
بواسطة : محمد كامل سعيد
 18  0
التعليقات ( 18 )
الترتيب بـ
الأحدث
الأقدم
الملائم
  • #1
    SA 11-05-2014 07:0
    الموسم القادم سيكون فية الهلال ملطشة للجميع واذكر هذا الكلام جيدا يا محمد الكامل
  • #2
    عثمان الطاهر 11-05-2014 01:0
    انت حاقد وفتّان ولا يعجبك العجب ولا حتى فيصل العجب. كيف تقول السنوات العجاف والمريخ وصل نهائي الكونفدراية وحاز علىكاس سيكافا وكاسات محلية للدوري والكاس الانجاز الذي لم يحققو اي فريق سوداني. خليك واقعي ومنطقي

    عليك الله دا كلام
    المحصلة النهائية
    مانك سرو اجترار الذكريات زي الجمال
    ما ورد في هذا العمود هو كبد الحقيقة
    اللاختشوا ماتوا
  • #3
    عثمان الطاهر 11-05-2014 01:0
    و الله ما قلت الا الحق سلمت البطن الجابتك

    نأمل من المريخاب العودة للثلاثة مواسم للتسجيلات
    و نجلس نفكر شوية في كل مرة يتم تغيير اكثر من نصف الفريق
    شتاء 2013 و صيف 2014 و نحن الان في شتاء 2014 و الساقية مدورة

    اين هو التميز الاداري في كل ما جرى و يجري؟
    ما هي الاستراتيجية التي ينطلق منها مجلس الادارة ! اسف رئيس مجلس الادارة! اسف الوالي لانه اكبر من رئيس لمجلس الادارة... دا المجلس بحاله
    كم سيصل متوسط اعمار الفريق؟ هي مكايدة و السلام يا اخوانا اعقلوا
  • #4
    alhgani 11-05-2014 12:0
    انت مفتكر جماهير المريخ دى جاهله كل البيتكتب فى الصحف دى للتسليه ليس الا وانا سخصيا افتكر ان اى لاعب لبس قميص الهلال دا مابينفع ولو كان ميسى اما انت بتكتب عشان يقال كاتب عقلانى انت وامثالك يبب تدهور الرياضه فى البلاد اللهم خلص البلاد من المنافقين
  • #5
    عماد عثمان - جدة 11-05-2014 12:0
    جاهل و حاقد و تحاول أن توقع بين ادارة المريخ و لاعبيها ... بس بربك انت شايت على وين و لصالح ياتو ادارى ؟
  • #6
    الكمندان 11-05-2014 12:0
    من منكم يا ترى لا يستحق ثلاثة مليارات مثل تلك التي تحصل عليها بكري السفينة .. !!
    بالله دا ما شغل مشاطات كمان بايرات...ياخي ارتقي شوية بفكرك
  • #7
    وديدي 11-05-2014 10:0
    انت حاقد وفتّان ولا يعجبك العجب ولا حتى فيصل العجب. كيف تقول السنوات العجاف والمريخ وصل نهائي الكونفدراية وحاز علىكاس سيكافا وكاسات محلية للدوري والكاس الانجاز الذي لم يحققو اي فريق سوداني. خليك واقعي ومنطقي
  • #8
    simsim 11-05-2014 10:0
    والله يا محمد كامل مرات بتقول كلام غريب وما منطقي وهامشي ، يعنى المفروض انتو الصحفيين كلامكم يكون الحقيقة ولانكم الاقرب للحدث وليس العكس تماما
    الجمهور لديه معلومات صحيحة واكثر دقة منكم.
    كيف الكلااااااااااااام ده؟؟؟
  • #9
    ابو محمد 11-05-2014 10:0
    كلام في الصميم، لكن والله انا لسع محتار في لوينيتك يا استاذ، ريحنا انت سيد بلد ولا وصيفو؟
  • #10
    ابو محمد 11-05-2014 10:0
    كلام في الصميم، لكن والله انا لسع محتار في لوينيتك يا استاذ، ريحنا انت سيد بلد ولا وصيفو؟
  • #11
    اسيياد 11-05-2014 09:0
    انت رجل رشيد ، والخوف امثالك يمسكو مقاليد الامور في الوصيف، الله يخلي الوالي والمرشد دائماً في سدة حكم المريخ فهم اكثر من يطمئننا
  • #12
    mohamed khedr 11-05-2014 08:0
    اولا العباره قالها عصام الحاج وليس الوالى وثانيا كل ما كتبته من توقعات فى الايام القادمه من مهرجانات وحفلات وغيره سيحصل ان شاء الله وسنكون حضور وكل جماهير المريخ وبالمناسبه الجماهير ليست مجموع ناس غلابه كما وصفتها وتعتقد انت الذى صرت وصيا عليها بسبب فكرتك الخاطئه هذه ولكنا جماهير فاهمه وعارفه وشايفه ومتابعه احسن منك لانها تتابع بتركيز دون مؤثرات خارجيه كما تعانى انت من هذه المؤثرات
  • #13
    abdulrahimawad 11-05-2014 08:0
    خليك في هلالك يا فردة وانسانا شوية وركز في الكتابة في صفركم الكبير
  • #14
    الرايق 11-05-2014 07:0
    شغل مشاطات تحريض لاعبي المريخ ضد الادارة يا جاهل اللاعبون ليسوا سياراة موديل واحد سعرها واحد بل لكل لاعب سعرهه كما هو فىجميع اأنحاء العالم اسع انت عمودك دا سعرو زي عمود محمد عبدالماجد وعمود مزمل او دسوقي المرض النفسي عاو. ليهو دكتور اتصل علي صحة وعافية عشان يرسلوك لأخصائي نفسي
  • #15
    طائر الجنة 11-05-2014 07:0
    غريبة .. المرة دي استخدمت كلمة (المطبلاتية) مرة واحدة بس .. يا خوي دا المريخ وعاجبنا .. والوالي حبيبنا وعاجبنا .. إنت اطلع منها .. وخليك في عوارتك دي!!
  • #16
    نووور 11-05-2014 07:0
    يخبتك فوق راسك دا
    هسي انت ما اكبر طبال.....يومك كلو تطبل بس طبلك اجوف زي كلامك دا

    اقعد انبح كدي لامن يطق ليك عرق
  • #17
    ابو جدو 11-05-2014 02:0
    ياشبيه الصحفى شى طبيعى المريخ يبارك لفيصل موسى حتى ولو كان المريخ يرغب باللاعب مافى جديد يا فرانك ديبورو .الشى التانى انت زول نصيح الوالى دا راجل بدفع دا بفرطو فيه كان ما انت صحفى نص كم .والان الهلال به فيصل موسى والشغيل والمريخ به بكرى المدينه .موسم الخبت دى مقوله عصام ايام سجل ساكواها صحح معلوماتك
  • #18
    Ali yas 11-05-2014 02:0
    يااستاذ ديل ما شغالين بعمودك دا ، فقط مفاهيم عمود كبد الحوت ولا الكذب ما عارف ، عمود مزمز أبوالقنابل هو المدرب وهو الكابتن وهو مخطط دينمو الوالي .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019