• ×
الجمعة 29 مارس 2024 | 03-28-2024
شوربجي

انقلاب في السودان

شوربجي

 11  0  2235
شوربجي

[[[]]] صباح اليوم :

وحركة غير عاديه

وسيارات شرطه وجيش

ومارشات عسكريه و بعد قليل سنذيع عليكم بيانا هاما

والناس تسأل يا جماعه في شنو

الحاصل شنو - انقلاب ولا شنو

ديل منو ديل - قالوا ده الكاردينال بسجل في ناس بكري

وانا سيد احمد الكاردينال اليكم هذا البيان الهام

اعلن انا سيد احمد الكاردينال انه لا مساس بابناء الهلال

وان بكري وبويا وبشه باقون في الهلال

(صدر تحت توقيعي بقصر الشعب : لواء سيد أحمد الحسين)

والدنيا مقلوبه - فالهلال هو السودان والسودان هو الهلال

يا اخونا الكاردينال بدأ الشغل الجد

ومرة واحدة هدم المعبد علي كهنة القبيلة الحمراء

وان كنا نرد عليه باغنية الرائع ابن الباديه :

المريود شوية شوية نار الشوق كتيرة عليا

شويه شويه ياكردنه علي ناس مزمل وسلك

الناس دي ما بتتحمل

وقالوا ان صدمة امبارح طلعت ليهم في راسهم

انها حقا رصاصات الرحمة الزرقاء وقد انهالت عليهم

ولقد قضت علي كل المتطفلين الحمر من مزمل وسلك وابوشيبه

وكل من تسول نفسه الاقتراب من نجومنا الزرقاء

لقد ظلوا يطلقون الاكاذيب والترهات نحو لاعبي الهلال

وقصور واراضي ونمرة 9 لبكري المدينه

واكرم خلاص حسم تسجيل بكري المدينه

وبكري ولدنا وبويا ولدنا وبشه التشة ولدنا

يا جماعة اختشوا شويه

اليس فيكم رجل رشيد

من يقرأ اكاذيبكم الصفراء

انهم حقا يكذبون ويتطفلون علي جماهير المريخ

قال رسول الله صلى الله عليه وسلَّم

عليكم بالصدق ، فإن الصدق يهدي إلى البر ، وإن البر يهدي إلى الجنة ، وما يزال الرجل يصدق ويتحرى الصدق حتى يكتب عند الله صديقا ، وإياكم والكذب ، فإن الكذب يهدي إلى الفجور ، وإن الفجور يهدي إلى النار ، وما يزال الرجل يكذب ويتحرى الكذب حتى يكتب عند الله كذابا

صحيح مسلم

ليس بالضرورة ان ابيع اصداراتي بعد حشوها بالكذب الفاضح

وليس بالضرورة ان نشتري الصدي ان كانت مليئه بالكذب

وليس بالضرورة ان نشتري الزعيم ان كانت مليئه بالشتول

وليس بالضرورة ان نشتري صحيفة فاقدة مصداقيتها وينعتها القراء بتهمتي الفتل والشتل

جنبوا انفسكم مجالس الكذب والنفاق وسوء الاخلاق



[[[]]] هكذا يقول اهل الانقاذ:

دكتور حسن مكي : الانقاذ تطبق الاسلام على الشعب وتستثني نفسها

كما استنكر فقه التحلل قائلاً: بأنه كارثة ولا يمكن ترك المال العام للاجتهادات الشخصية، واضاف كان مشروعنا الاسلامي يقوم عل الأمر بالمعروف والنهي عن المنكر والآن يمكن تطبيق هذا على كل الشعب عدا العصبة الحاكمة.

اللهم لا تسلط علينا من لا يخافك ولا يرحمنا



[[[[]]] المريخ ينوي الهروب :

المريخ يلوح بعدم اداء مباراة الديربي قبل صدور قرار اﻻستئنافات و رئيس اﻻتحاد يتدخل و يلزم لجنة اﻻستئنافات بقرار واضح وحسم شكوى الخرطوم في سيدي بيه،

يا ناس الهلال غير معني بالامر مادامت رئاسة الجمهوريه قد اصدرت قرار التجنيس

والهلال غير معني بالقضيه مادام الاتحاد العام قد سجل اللاعب في سجلاته

والهلال غير معني بالقضيه لان الاتحاد ظل ساكتا كل هذه المده ودون ان يحرك ساكنا

سيدي بييه لاعب هلالي بشهادة الاتحاد

سيدي بييه لاعب مقيد بكشوفات الهلال بموافقة الاتحاد العام

لا يمكن ان يعاقب الهلال ان اخطأ الاتحاد العام

اكيد الاستئنافات ستؤيد قرار اللجنه المنظمه وستقام القمه في موعدها

اها ما في طريقة زوغه

وموعدنا في المقبره



[[[]]] اللهم انصر الهلال



محمد حسن شوربجي

امسح للحصول على الرابط
بواسطة : شوربجي
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    الدبراوى 10-30-2014 06:0
    اولا يامفتح مافي خريج اصلاحيه بيقبل فى الجيش او الشرطه {حسن سير وسلوك . والشرف .والامانه}قال لواء قال اللوءلوء ال.......... وإياكم والكذب ، فإن الكذب يهدي إلى الفجور .
  • #2
    idris 10-30-2014 01:0
    يا استاذ لي معلوميتك بسس المريخ ما محتاج بكري احنا عارفين انو هو سريع لكن المريخ محتاج طرف شمل فقط واحنا مابنتهرب من ممواجهتكم وانت عارف كويس لانو اخر كورة احنا غلبناك 3 ان شاء الله نجيبها تاني و سبب تدهور الكورة ما من مزمل منك انت ذاتك
  • #3
    جعفر صالحين 10-30-2014 12:0
    بالله يا شوربة اضحك شوية مع هيثم كابو ... بالمناسبة انت دايما تذكر مزمل وسلك وهيثم وغيرهم من العظماء .. انت عايز تبقى زيهم والا شنو ؟؟؟ دى فى الاحلام ... ديل وين وانت وين .. وكما قالوا ( المابتلحقه جدعه) .. انت اسهل ليك تجدع بس ... ههههها (((* تدريب الوصايفة بقى شغلة للما عندو شغلة و(برنامج للما عندو برنامج) ..!!

    * الواحد تلقاهو اليومين دي قاشر وطالع من بيتهم يقول ليك : (اسمع يا حبيب نمشي نشرب قهوة في شارع النيل، والا نمشي ندرب الهلال ؟؟).. إذا كنت مستعجل بتقول ليه : (يا أخونا قهوة شارع النيل بتتأخر ودايرا قعدة، أحسن لينا نمشي على الواقف كده ندرب الهلال ونجي) ..!!

    * صف مدربين الهلال أطول من صف العيش زمن الأحزاب ..!!

    * زمان عيش مافي لكن في حرية رأي، هسه الإنقاذ وفرت ليكم العيش وحرية (التدريب)، يعني لو عندك رأي قولو في التشكيلة ..!!

    * تدريب الهلال ساهم في حل مشكلة البطالة ..!!)))

    خطير يا هيثم كابو ...
  • #4
    مجاهد محمد بشير 10-30-2014 12:0
    اسالك بالله لا تستحي من ان تسمع يطلق عليك لقب صحفي اين الموضوعيه كيف نسال ان ينصلح حال الرياضه في بلدنا وهذا اسلوب صحفي زكرتني بايام الدراسه الابتدائيه وطابور الصباح اقراء مقالك وسوف تفهم ردي عليك
  • #5
    اللعب مع الكبار 10-30-2014 12:0
    إعلام يغير الحقائق ويتشر الأكاذيب.
    إعلام يحرض مشجعيه على الشغب والتخريب.
    إعلام يطبل للرئيس ليقبض المعلوم.
    إعلام يلبس ثوب المظلوم ليستعطف الاتحاد.
    إعلام ينشر هواتف الحكام للضغط عليهم وإرهابهم.
    إعلام يفرح لبطولة غير معترف بها ويجعل منها بطولة عالمية.
    هذا هو الإعلام السالب، هذا ما يقوم به الطبال وفرقتة الموسيقية.
    وزمان قلنا ليكم :
    "العارف عزو مستريخ"
  • #6
    مرتضى 10-30-2014 11:0
    زمان كنانتعلم من قراءة الجرايد والصحف الكثير من الاشياء المفيدة ,الكلمة والفكرة والمضمون والتحليل والمنطق والمناظرات واهم من هذه كله المصداقية و الاخلاق والتعامل وغيرها
    امااليوم ليس هنالك غير الهبوط والسقوط في الكلمة والاخلاق معا وصار كل عمود ومقالة عبارة عن مشاجرة وحتي المشاجرة مشاجرة حريم
    الله يهديك ويزيدك علم قول اميييييييييييين
  • #7
    تمبساوى 10-30-2014 10:0
    امشى يا جاهل. انقلاب فى عينك. صحيفة الصدأ والزعيم حق صحفيين مثقفين مش من أمثال اُسلوب ما عندك كل يوم تنبذ البشر بالنفاق عليك الله فى منافق اكثر منك. نشوف بكر ة تكتب شنو.
  • #8
    تمبساوى 10-30-2014 10:0
    امشى يا جاهل. انقلاب فى عينك. صحيفة الصدأ والزعيم حق صحفيين مثقفين مش من أمثال اُسلوب ما عندك كل يوم تنبذ البشر بالنفاق عليك الله فى منافق اكثر منك. نشوف بكر ة تكتب شنو.
  • #9
    Hajjam 10-30-2014 09:0
    هع هع عفارم عليك...احرق الدلاقين ودخلهم التجاني الماحي...
  • #10
    الكمندان 10-30-2014 09:0
    احترم سنك يا رجل.... كلامك كلو كلام عيال.....اتمنى يوم بس تكتب كلام منطقي وتحليل فني متوازن ياخي الليلة مباراة قمة المفروض تتكلم عن المباراة بشكل موسع مش (قصور واراضي ونمرة 9 لبكري المدينه واكرم خلاص حسم تسجيل بكري المدينه وبكري ولدنا وبويا ولدنا وبشه التشة ولدنا)انت لي متين حتقعد تثرثر على كلام الاخرين ياخي جيب حاجة من عندك ولو غلبتك سيبا..
  • #11
    هلالي بالميلاد 10-30-2014 07:0
    اخي محمد
    والله ما في شيء مدمر الكورة و الرياضة بشكل عام في السودان غير خبث و أحقاد مزمل ابو القاسم و اتباعه من أمثال الطفل كابو و ابو شيبه و سلك.... المتابع بدقة لي كتابات مزمل ابو اقاسم و اللي يقرا بين سطوره لا يمكن ان تفوت عليه الجهود الجبارة لتحريض الجهلاء علي الفتنة و الدمار و تحويل المنافسات الرياضية الى معارك تشفي غليلها و تعطيشهم للدمار.....مثل هؤلاء ينبغي الا يسمح لهم بالكتابة مطلقا و هم لا يجلبون الا الإساءة و المهانة لمهنة الصحافة الرياضية.....
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019