[[[]]] المريخ مازال حبيس اوهامه السيكافيه
والمريخ التعبان يفوز علي هلال الشجعان
فالهلال حقا صال وجال في شوطين كاملين لكنه كان الخسران
وولجت مرماه اهداف عجيبة و غريبة وبدون استئذان
وفعلا عنتر قتله اعمي كما قال اخونا معتصم محمود
والارجنتين فازت بكأس العالم بهدف ماردونا الذي سجله بيده في الفرقة الانجليزيه
وان فاز المريخ علي الهلال فهو مازال حبيسا لشرنقته المحلية
وان فاز المريخ علي الهلال فهو مازال حبيسا لاوهامه السيكافيه
وان فاز المريخ علي الهلال من فرصتين فحدود تفوقه المراحل التمهيديه
وان فاز المريخ علي الهلال فلن يكون مع كبار القارة الافريقيه
وان فاز المريخ علي الهلال فلن يتجاوز حالاته الوصيفيه
فرحة هسيريه وحفلات ومسيرات ومبالغات والنهاية تخلف كبير في التصنيفيه
وصحيح الكيكة في يد اليتيم عجب
وكما هللوا لسيكافا الضعيفه ورقصوا بفرفور وانصاف مدني القلعة المريخيه
وها نحن نراهم يهللون كثيرا لكاس السودان الهزيل والذي يخصصه لهم اتحاد معتصم كل عام وبالاستعانة بصديق والمساعدات التحكيميه
والوديدي شاهد ملك وما يهمك يا ضفر وسجل سجل يا تاريخ
والهدف صحيح وسيحة موافق عليهو ويا هوده المريخ
ودرمة قال صحيح واولاد الحلال قالوا ان كسرتوا رقبتكم ما صحيح
وبراكم شوفوا ضفر كان وين والمعز كان وين ولكن التحكيم بيقول صحيح
ما قلنا فيها جلاكسيات وعربات ودولارات وبيوت في كافوري وممكن فيها طيارات
فرحة المريخ مبالغ فيها لانها تعبر عن حرمان شديد ونقيصه
وفرحة المريخ مبالغ فيها لانها نتاج فريق لم يلعب و انتصر من فرصتين وفي الفاضي عاملين هيصه
وفرحة المريخ مبالغ فيها لان الهلال كان فارس المباراة ولعب مباراة نضيفه
واعترفوا يا مريخاب ما كنتوا خايفين من الهلال شديد ودي ما دايره حليفه
فلم يمرمط مريخ الرجال عيال الكاردينال كما قالت الصحف الصفراء المسكينه
ولم يبكي بكري بحرقة كما قالت صحف المريخ الصفراء المسكينه
والمريخ لم يتلاعب بالهلال بل العكس يا صحف المريخ الصفراء المسكينه
لعب الهلال وان خسر ولم يلعب المريخ وان انتصر
لقد امتعنا فريق الهلال رغم كل الاخطاء الفردية
امتعنا فداسي بانطلاقاته التي فتحت الشوارع في الدفاعات المريخيه
وامتعنا سيمبو حين وضع ترواري تحت الاقامة الجبريه
وامتعنا مالك حين اجبر وانغا علي احترام التقاليد الهلاليه
وامتعنا نيلسون وهو يقوم بوسط الهلال بالطريقة الغانيه
وامتعنا الشغيل جمل الشيل وهو يبدع بوسط الفرقة الماسيه
لقد امتعنا هدف بكري الذي لا هدف غيره في هذه الليلة الخرطوميه
لقد امتعنا سيدي بييه رغم الخطأ القاتل والتسبب في الضربه الجزائيه
لقد امتعنا سيسيه وصال وجال ولكنه اضاع الامال الهلاليه
لقد امتعنا المعز رغم الاهداف الثلاثيه
لقد امتعنا الحاج كاريكا بلمساته رغم انه بعيد عن الملاعب الكرويه
لقد امتعنا نزار واختراقاته للموانع المريخيه
امتعنا الجميع وان اخطأءوا ولن تتكرر الاخطاء في الكاس المصيريه
واكيد اكيد الدوري للفرقة الهلاليه
ولعل ابلغ تعليق هو تعليق اخونا معتصم محمود (عنترة قتلوا اعمي)
ولقد فاز هذا الاعمي علي عنترة
لن نلوم اخوتي اي لاعب من الهلال رغم الاخطاء الفرديه
ولن نلوم اخوتي فوزي اوعاكف رغم سوء قراءة الملعب والتغييرات الفنيه
ولن نلوم اخوتي الكاردينال رغم بعده عن ناديه واهماله للفريق وبقاءة علي الدوام في البلاد الحبشيه
لن نلوم اعلام الهلال الذي بالغ في شحن فريقه بالمعنويات والكلمات التشجيعيه
الهلال كده عاجبنا وان هزمه وصيف دنيانا
والهلال كده عاجبنا لان الهزيمة لن تجعله يفرط في الدوري
ومن رحم المعاناة يولد الامل
[[[]]] حكم وامثال:
*** عندما أقوم ببناء فريق فأني أبحث دائما عن أناس يحبون الفوز، وإذا لم أعثر على أي منهم فأنني ابحث عن أناس يكرهون الهزيمة (روس بروت)
*** ما الفشل إلا هزيمة مؤقتة تخلق لك فرص النجاح.
*** الهروب هو السبب الوحيد في الفشل، لذا فإنك تفشل طالما لم تتوقف عن المحاولة
*** إن الإجابة الوحيدة على الهزيمة هي الانتصار (ونستون تشرشل)
*** لعله من عجائب الحياة، إنك إذا رفضت كل ما هو دون مستوى القمة، فإنك دائما تصل إليها (سومرست موم)
نحن نسقط لكي ننهض ... ونهزم في المعارك لنحرر نصرا أروع .. تماما كما ننام لكي نصحوا أكثر قوة ونشاطا. (بروانبخ)
اللهم انصر الهلال
محمد حسن شوربجي
أحب أن أهنئك على هذا المقال وعلى مقال الأمس والذي أثبت بالفعل بأنك أكثر صحفي متابعة من قبل القراء وذلك بحسب كثرة التعليقات على كتاباتك بالموقع خاصة الذين لم يحلموا بهذه النتيجة.
وأثبت أيضاً أنك غايظهم وحارقهم بالرغم من أن فريقك هو المهزوم.
هنالك ملاحظة أحب أن أذكرها وهي أنه وبعد هذه المباراة المجنونة لم يتهرب أي كاتب هلالابي عن كتابة عموده اليومي بعد المباراة (وهي من شيمة الكبار).
بل بعضهم بعد ساعات قليلة من نهاية المباراة كتب مقاله قبل كتاب الوصيف الذين كانوا غير مصدقين هذا الفوز واعتقدوا أنهم يحلمون إلى أن أفاقهم ما كتبه كبار صحفي سيد البلد فأصبحت معظم كتابتهم رداً على مقالات الكبار.
ولكن إذا ما حدث العكس، فالمتوقع هو الهروب الجماعي عن الكتابة (بقيادة المرشد العام) ولن نسمع لهم صوتاً إلا بعد أيام وفي مواضيع أخرى.
والعارف عزو مستريح ...
إنتو في الكلام وقلب الحقايق مافي زول يغلبكم ...
لكن في الملعب المريخ بغلبكم ...
الكاس الهزيل الملعِبك فيهو شنو ؟ ياااااا هزيل
بتحلمو بالاماني
هههههههه
* جمال سالم حارس مرمى من مواليد برج (نظافة الشِباك) ..!
* جمال سالم لو مسك إدارة مشروع نظافة الخرطوم ما بتلقوا ورقة طايرة ..!
* هنئياً ليوغندا التي أنجبت (خليفة بريمة) ..!
* أجمل مافي مباراة الأمس النصف الثاني من الشوط الأول الذي قرر فيه المريخ منح مساحة للوصايفة ليستعرضوا قدراتهم، ووقف اللاعبون يتفرجون عليهم و(حداشر لاعب) يلعبون ضد جمال سالم ويفشلون في هز شعر من رأسه ناهيك عن هز شباكه ..!
* البشوف المعز (يتنفر في المدافعين) يقول الزول دا لو فكوا فيهو (ليمونة) ما تخش، مع أن هدف راجي أثبت أن المعز لو فكوا فيهو (خالد ليمونة) يخش ..!
* أتخيل صديقنا خالد ليمونة بضخامة بنيته يتهادى في الشباك والمعز يتنفر في اللاعبين ..!))
لمن يكون انصاف المشجعين صحفيين وكمان كتاب اعمدة
ياخي بدل كلامك الما ليهو معنى دا شخص الداء وحاول ان توصف الدواء
هسي دا شنو دا الهردبيس الانت كاتبو دا..؟؟ ويفيد القاري في شنو..؟؟
ارحمونا يرحمكم الله
اوووف
بس ياشوربجى تتغزل فى لعيبه ثقافه الضربه الحره المباشره والغير مباشره لايعرفون عنها شى
فعلا ديل ناس الشوت الضفارى
والله فضيحه وكبيره
المهم التلاته حلاته
وخليك مهضرب كدا طوالى
بتكتب كانك غمران هههههه
هل راجى فطن لهذه المسالة ولعب بهذه الطريقة يبقى والله لاعب وكمان عالمى ويحرز هدف يمثل فضيحة كبيرة لفريق يدعى انه من كبار فرق افريقيا