[[[]]] هلالابي وبالمقلوب :
هكذا يريدنا اهل المريخ ان نكتب والا فأنت متعصب وانت مشجع وانت متحيز وانت غير وطني
اليكم الكتابه بالمقلوب ان كانت سترضي اهل المريخ :
(()) تريليون مبروك للمريخ
(()) المريخ لا يمكن ان يشتري سيكافا ويقطع لسان صحف يوغندا
(()) المريخ فاز علي البنابر الصومالي والجيش وهدف ايكانغا ليس تسلل
(()) المريخ خبير قوي بالضربات الترجيحيه
(()) المريخ يا اخوانا فريق كبير وكبير قوي وعالمي وعالمي قوي
(()) المريخ صاحب احلي استاد ومخطيء من يقول انها حفره دخان
(()) المريخ الأكثر فوزا بالبطولات المحلية والجويه والارضيه والبحريه
(()) المريخ تأسس قبل عام 1927 وقبل ما يولدو الهلال
(()) المريخ في بداياته كان يحمل اسم (المسالمة) وحولته سيده غير يهوديه وغير نصرانيه الي اسم المريخ
(()) المريخ فاز بكاس مانديلا وهو كاس حقيقي يا اخوانا وما صفيح
(()) المريخ فاز بكاس سيكافا وماهو مجاعه كما يقول بعض الحاقدين
(()) المريخ فاز بالدوري (17 مرة) دون مساعدة الحكام ودون مساعدة الوزير ودون مساعدة اتحاد معتصم
(()) المريخ جماهيره اكثر عددا من جماهير الهلال والفيفا والكاف والفرنسيين كذابين واحصائياتهم ان الهلال اكثر عددا غير صحيحه
(()) المريخ تعاقد مع اعداد مهوله من اللاعبين الاجانب والمحترفين بمبالغ قليله جدا لا تتعدي ال 5 الف دولار فقط وليس كما يهول بعض الحاقدين
(()) المريخ يملك صحفيين كبار قوي لا يتملقون الا قليلا ولا يكذبون الا قليلا ولا يتجملون الا قليلا ويملكون شجاعة ادبيه احيانا ولا ينتقدون جمال الوالي ابدا
(()) المريخ عنده مزمل وسلك وابوشيبه وحسن محجوب وصحفهم اكثر مبيعا من التايمز والنيوزويك
(()) والمريخ يتهمه البعض باطلا بدفع مبلغ مالي لفريق حي العرب لكي يهزم الهلال في الدوري وهذا افتراء
(()) المريخ ومزمل لم ينشروا تلفونات الحكام في المنتديات لتقوم الجماهير بارهابهم
(()) والمريخ يا اخوانا لم يرشي شبيبة القبائل الجزائري ب 40 الف دولار للتنازل عن نقاط المباراة الافريقيه والشريف الحناشي رئيس الشبيبه ربما يكذب ويفتري علي المريخ البريء برآءة الذئب من دم ابن يعقوب
(()) والمريخ وعبد الصمد والجكومي نفوا ما نشرته الصحف عن تبول لاعبي المريخ في مكاتب إستاد الحصاحيصا وتركوا قوارير ممتلئة بالبول فيها وبداخل الثلاجة الخاصة بالإستاد، والظاهر السوائل التي تحدثوا عنها عبارة عن عبوات (فايتمين سي) مركز
(()) المريخ العالمي معقول يتبول لاعبوه في 18 قاروره في مكاتب اتحاد الحصاحيصا وعشان تصدقوا يا اخوانا ممكن عبد الصمد والجكومي يشربوا واحده من القوارير دي قدام الاعلام بعد تبريدها واكيد حتكون اطعم من شامبيون شامبيون شامبيون
(()) المريخ فريق عالمي من زمان لانه فاز علي الهونفيد المجري
(()) المريخ عالمي من زمان لانه تعاقد مع ليما البرازيلي وريكاردو البرازيلي
(()) المريخ عالمي من زمان لان احد لاعبيه وهو بله جابر كان سيحترف في باريس سانت جيرمان
(()) المريخ عالمي لانه استطاع الخروج بهزيمه بسيطه وبسيطه جدا مع البايرن صاحب الاسم دون ان يدفع 12 مليار للبايرن
(()) المريخ عالمي لان ريبيري عاين لامير كمال باستغراب
(()) المريخ عالمي لان رافينا قال لموسي الزومه you are crazy
(()) المريخ عالمي لان 500 قناة تلفزيونيه عالميه كانت تتابعه في الدوحه واللعيبه كانوا مطاردون عالميا
(()) المريخ يا اخوانا هو الاجمل والاكمل والاحلي في كل افريقيا والعالم العربي وما تصدقوا مصطفي الآغا
(()) المريخ جنن البنابر وناس اطلع بره وعزام والبواليس والجيوش
(()) المريخ مظلوم لانه بيلعب دايما من التمهيدي
(()) المريخ لازم يلعب مع الكبار لانه فاز بسيكافا بدون رشاوي
(()) المريخ ايها الاعداء يملك المليارات ولا يشتري البطولات
(()) ومش معقول جمال الوالي يدفع ويكذب علينا
(()) ومش معقول الفريق طارق يكذب علينا
(()) ومش معقول مزمل يكذب علينا
(()) ومش معقول سلك يكذب علينا
[[[]]] كتب احدهم يقول :
ادوني ســوط وحــزام اجلد فريق عـــــــــزام
وادقو دق العيـــــــــش ومعاهو ناس الجيــش
بالمــــــــدفع الــــرزام ازعاج شديد وزعيــــق
والكورة زي الليــــــــق اب سبعة ذاتو شليـــق
كيشة وملاقي حمـــــام كرهتنا العيشــــــــــة
والكـورة مافيشـــــــــا وزنك وزن ريـشــــــــة
يا طيــــــشنا يا كيشة قالو الوصيف مفجــــوع
حاضن بطولة الجـــــوع سيكافا كل اسبــــــوع
فعلا عدم مــــــــوضوع
[[[]]] وكتب آخر (ود البشري) يقول :
اتلمو الحمام كمباﻻ و اطلع برة
رصو بنابرهم من تااااني عادو الكرة
غايتو سؤالي ما بقصدبو اي مضرة
سيكافا العجيبة .. بتتلعب كم مرة ؟
سيكافا العجيبة اﻻصلو ما بننساها
شاﻻ ) التشي تشي( وجوة البلد شفناها
يا المريخ حكايتك غايتو ما عرفناها
سيكافت رواندا التانية شن معناها ؟؟؟
ما شفتوهو كيف مريخ جمال الوالي
تم رجالتو في التنزاني والصومالي
كان بالصح زعيم قارة ومقامك عالي
ما بمرقوكا من دوري الكبار طوالي
لو بالصح زعيم بهديك غناي وقصيدي
بهديك القوافي وتبقى فرحي وعيدي
نجمة سيدة هوي اوعك تبالغي تزيدي
ود البشرى عااارفك لسة في التمهيدي
ود البشرى عااارفك يا النجيمة حمام
وفي كورة القدم ما بتمشي لي قدام
دحين يا النجمة اصحي وبطلي اﻻحﻼم
شن طعم البطولة الفيها ناس عزام
محمد حسن شوربجي
