[[[]]] اقنعوني كسوداني هل الوطنيه تقتضي :
ان نذهب مع جماهير المريخ للمطار لاستقبال المريخ في حالة فوزه بسيكافا القيافه ؟
ان نرفع مع جماهير المريخ علم السودان ونقول ان المريخ قد فاز ببطوله محموله جوا ؟
ان نهلل ونكبر مع جماهير المريخ ونقول ان المريخ قد جلب للسودان بطوله خارجيه ؟
ان ندخل للقصر الجمهوري لاهداء الرئيس كاس سيكافا القيافه ؟
ان نزعج الناس في الشوارع بالبوري ونوزع الشربات والحلاوة ؟
ان نعطل حركة المرور ونقابل ناس بله جابر ضفر ونرفعهم علي الاعناق ؟
ان تزغرد نسائنا للمريخ في حال عودتهم بالكاس الفطيس ؟
ان نصفق للمريخ وهو الفايز في مباراة واحده وهي مباراة البنابر الصومالي
صدقوني سيكافا دي اصلا ما بطولة ولا تستحق الهيلمانه دي كلها ؟
اقنعوني كسوداني :
واثبتوا لي ان سيكافا بطوله معترف بها من الكاف
ما تقولوا لي الهلال شارك 8 مرات وفشل في احراز سيكافا وخلاص
ومازيمبي شارك فيها وفشل
نعم شارك فيها الهلال عندما كان ضعيفا كفرق سيكافا
وشارك فيها مازيمبي كضيف ولم يفز بها وحلف من ساعتها انه لن يشارك فيها مرة اخري
فأين الهلال اليوم ايها الاخوة
واين مازيمبي اليوم ايها الاخوه
انهم ضمن كبار القاره في بطولة رسميه وعالميه
اما هذه البطوله فهي حبيه و اختياريه وللضعفاء فقط
ولا يملك نظامها الاساسي اي صفة رسميه
و يمكن لها ان تجري في اي زمان ومكان
وممكن اربع مرات في شهر
وبمسميات البط والسمك والدجاج
ويمكن تلعب بمن حضر
ولا يراقبها الكاف ولا تنضوي تحت قوانينه
ولا يحضرها مسئول رسمي للكاف
ومش ضروري يعرف عنها عيسي حياتو
لذا فاننا نجد ان فرق افريقيا لا تحبذ المشاركة فيها سوي المريخ العاشق لها حتي الثماله
وان لقي يشارك فيها مرتين وثلاثه في الشهر
ومعه فرق ظل اخري لا تقوي علي الظهور في بطولات الرجال
سيكافا ايها الاخوة بطولة عيانه
وسيكافا ايها الاخوة بطولة مرضانه
وسيكافا ايها الاخوة هي بطولة شرق افريقيا الموسومة بالمجاعة والفقر
ولا يشارك فيها اقوياء افريقيا في الغرب ولا الشمال ولا الجنوب
اتمني ان لا يشارك الهلال في هذه البطوله ولا داعي لوجوده بين ضعفاء افريقيا
نحنا قلنا الكونفدرالية ضعيفه فما بال سيكافا الهزيله ؟؟
اقنعونا وخلونا نفوز بحتة كاس ولو سيكافي
[[[]]] يا خبر بفلوس بكره مجانا
في المواقع اليوغنديه وعلي ذمة صحيفة كاقام اليوغنديه ما يوحي ان بطولة سيكافا تم بيعها (باع) - وان اغلب مباريات البطوله تم حسمها بالضربات الترجيحيه - والبلنتي بالدولار والتسجيل بقيمه والتضييع بقيمه -
وفي افريقيا مش حتغمض عينيك
ويا خبر بفلوس بكره بالمجان
ادخلوا المواقع اليوغنديه واتأكدوا فأن بعد الظن زثم
ويا حليل الجلاكسيات وناس حماده
والعارف عزو مستريح
[[[]]] تحيه لجمهور عكس الملعب :
انها قصيدة الراحل المقيم محمد الحسن سالم حميد:
الليلة دا يوم السودان البلد الليلة هلالابى
النيل الأزرق نشوان والأبيض أبيض ياأحبابى
يامشرّف كل الأتيام فى يوم السعد الافريقى
يا مفرّح كبد الأيتام باللعب البعد الموسيقى
يا هلال فى جبيرة سودانك فى جبين الشعب الحبّوب
أبشر لاباشر وأقوانك ياعريس السمر المحبوب
تعجبنى الرمية الزنجية لى رأس الحربة النوبية
بى خفة لمسة بجاوية تتسامى الهامة العربية
وتتناول نسمة صعيديّة تسكن بى كلّ أريحيّة
ما بين الخصل البنيّة وزغريدة تبق سودانية
لى أروع دخلة على النية لى أروع دخلة هلالية
البحر الليلة هلالابى المطر.. الحجر.. الترّابى
الشدر الشايل متكابى الساقى عروقو الحطّابى
الشوقو عنقريب هبّابى الشاقّى مروقوهلالابى
الوسّار ذوقو هلالابى القمر البيتو قصاد بابى
حبيتو لانو هلالابى وين تمشى الراضى على المابى بالشمش الفوقوهلالابى
يا ليم يا الكورة وكت تبقى أخلاق موروثة مع الخلقة
الغالب حاضنو المغلوب بمودة وحنية ورقة
وجمهور بيشجع مصحوب بالنغم الطيب والصفقة الله ياشعب ياحبوب
ما أحلى الدخلة على المرقة يا فريق بيطلع كم فرقة
يامارق بينا من الزنقة وحدنا شبعنا من الفرقة
جددنا عشان نبقى وتبقى ياريت الطالقة المنطلقة وعلى بعض طلقة
ياريت يا أبونا يا ابو الحرقة لو تقرا بياضك والزرقة
[[[]]] ابحثوا معي عن هؤلاء :
***اين هيثم مصطفي كابتن الهلال 17 عاما ؟ ؟
*** اين الارباب وهمس الهتاف والنعي الهلالي ؟
*** اين البرير وهاشم ملاح وفضائية الهلال ؟
*** اين الجكومي وميدان الامم المتحده ؟
*** اين خالد الاعيسر وسفير السودان في الكنغو ؟
*** اين متوكل احمد علي وهمد وعبد الصمد ؟
*** اين وليد علاء الدين واطهر الطاهر ؟
*** اين المدينه الرياضية ؟
*** قطعة ارض لي في الازهري صادرتها الحكومة مقابل تعويض 700 جنيه وما زال الامر في القضاء
[[[]]] مامون حميدة يأمر الشعب بأكل القعونجات :
ملعون فى ديــــن الرحمن... من يسجن شعباً... من يخنق فكراً
من يرفع سوطاً... من يسكت رأياً... من يبنى سجناً
من يرفع رايات الطغيان... ملعون فى كل الأديان
من يهدر حق الإنسان... حتى لو صلى او زكى
او عاش العمر مع القراَن !! [ جمال الدين الأفغاني ]
عشت حرا كريما ايها الشعب الابي
[[[]]] مع التحيه دعودعوتي لاخونا الحبيب جعفر صالحين :
انت مدعو لقراءة عمود الاخ المبدع محمد عبد الماجد بعنوان : ( المريخ بي حالتو دي لو مرق من البوليس ما بمرق من الجيش)
حتموت من الضحك علي سيكافا القيافه
محمد حسن شوربجي
تم حذف التعليق