**** هلال الجوهرة الزرقاء كان تمام التمام
**** وهزم الزمالك وجننو في الميدان
**** واخوان عمر كانوا بالجد رجال وجدعان
**** قوة و حماس وعزيمه وما في خذلان
**** بطولة كبار بالجد وانسوا يا اخوانا مريخنا التعبان
**** سيكافا شنو وفيتالو وناس الغزاله وناس عزام
**** والبوليس وايدام الاثيوبي وناس المان
**** وانتهت افريقيا الكبار والهلال بقي التالت
**** والهلال ما طيش ويا مزمل ليه بتغالط
**** فلا وقت لدينا للمواضيع الانصرافية
**** ولا في زول فاضي للمهاترات المريخيه
**** وبراكم شايفين الهلال لعب مع مين
**** مع الزمالك المعروف والفوز لينا يا تمهيديين
**** الزمالك كان عندنا معاه تار وتار
**** ومع كده كان قوي و مولع نار
**** وان كان شايف نفسو اقوي من الهلال
**** وما يهمنا ميدو او حسام حسن او اوباما او شفيق جلال
**** ودايرين سد النهضه ورجعوا لينا حلايب وسيبوا لعب العيال
**** 18 مباراة للهلال كانت مع الفرق المصرية في البطولات الافريقيه
**** حقق الهلال فيها 5 انتصارات ناريه
**** فازت الفرق المصرية في 7 لقاءات قويه
**** وكانت 7 مباريات تعادليه
**** سجل الهلال 8 اهداف صاروخيه
**** واحرزت الفرق المصرية 15 هدف بالمساعدات التحكيميه
**** التقى الهلال مع الزمالك في اربع مباريات في بطولة كأس الاندية الافريقيه :
**** في دور الـ16 في مايو 1985 فاز الزمالك على الهلال باستاد القاهرة 4/صفر سجلهم كل من نصر ابراهيم «هدفين» وهدف للغاني كوارشي وهدف لمحمد حلمي وفرحوا الزملكاويه .
**** مباراة الرد باستاد الخرطوم انتهت بالتعادل 1/1 سجل هدف الهلال عمر النقي وهدف الزمالك احرزه محمد حلمي وكانت تعادليه .
**** في عام 2007 التقى الهلال والزمالك في دور الـ32 فاز الهلال باستاده في المباراة الاولي 2/صفر سجلهما مهند الطاهر وللزمالك المدفعجيه
**** مباراة الرد بالقاهرة انتهت بالتعادل 2/2 سجل هدف الهلال قودوين وكلتشي وسجل هدف الزمالك عمرو زكي وجمال حمزة وانتهت حبيه
**** والليله منتصرين علي الزمالك ومبروكين للسودان وكل القبيله الهلاليه
[[[]]] يا علم هل في سيكافا كبار ؟
و ايهما اولي بالمشاهدة ؟
دورة صغيرة وغير معروفه ولا معترف بها اسمها سيكافا
ام بطولة كبيره ابطالها كبار افريقيا ؟
بالتأكيد اتجهت اليوم كل عيون اهل السودان وافئدتهم صوب استاد الخرطوم حيث كبار القاره
وبلاها مباراة المريخ واكمبالا سيتي وناس التمهيدي
ودعونا نمتع اعيننا بكاريكا المزيكا وبكري العقرب وهما يخلخلان دفاعات الزمالك
دعونا نمتع انفسنا بنزار حامد والشغيل وعمر والغزال
والحكايه في النهايه تكاتفيه مع جينارو وردا علي ذلك الصحفي الابله والذي وجه اليه كلمات مسمومه ملؤها العنصريه
اختار شعب السودان كله ان يكون مع الهلال دون غيره
ومعليش يا مريخ فنحن نعشق الرقي
ولا مجال لاية التفاتة الي الوراء
لن نشاهد سيكافا لانها موسومة بالوهن
فدعونا نمتع انفسنا بالاقوياء
بهلال السودان والزمالك ومازيمبي وفيتا
دعونا مع اقوياء تونس والجزائر والمغرب وليبيا
دعونا مع الثمانيه الكبار
لن نذهب ابدا الي كيجالي الابادة الجماعيه حيث قتل اكثر من 800000 روح
ولن نذهب الي الهوتو والتوستي والقبور الجماعيه
كيجالي اخوتي ليست عاصمة للرياضه بل هي ديار للموت
دعونا نمتع انفسنا بقاهرة المعز ولوممباشي وتونس الخضرا والجزائر وطرابلس الثوره
بطولة افريقيا الكبيره خالص هي اولي بالمشاهده
وسيكافا لا فيها مويه لا نور
ولا نظام ولا تنظيم ولا عجب
والداير يلعب فيها يلعب والما داير ينسحب
وفيها بواليس و جيوش و دلاقين وفيها صومال والمان وعزام وفيها حبش ايدام
وفيها مريخ وما فيها تاريخ
وفيها ايمن سعيد بيعيط وما عارفين ليه بيعيط
وخلاص اسكت عمك جمال الوالي حيجبلك حلاوة وهو لسه بيعيط
مساكين ناس المريخ لامن القعده طولت في ضل النيمه قالوا ننستر بسيكافا
واخونا علم الدين اضحكني حين كتب يقول :
وجود المريخ ضمن الاربعة الكبار فى سيكافا لايعنى ان كل الفريق ( تمام التمام )
وهل في سيكافا اربعة كبار يا اخونا علم
كم انت كبير يا هلال فموتوا بغيظكم ايها الصغار
محمد حسن شوربجي
