نتمني ونحن حييين ان نري السودان في مونديال ما
وانشاء نتغلب من الدور الاول بس نشارك ولو لمره واحدة والسلام
ولماذا نيجيريا ولماذا الجزائر ولماذا غانا ولماذا ساحل العاج
وليه ما السودان
ماذا ينقص اللاعب السوداني
طبعا ينقصه الشيي الكثير
فهذه الدول تعد نفسها بقوة لكي تكون في المونديال
وتبدأ اولي خطواتها بالمراحل السنيه
وهناك اهتمام بالدورات المدرسيه
وهناك تنشئه خاصة للناشئين
وهناك تغذيه وعلم وتكتيك وتدريب
لقد كانت آخر اشواق اهل السودان مشاركه خجوله في اولمبياد ميونخ بالمانيا
وبعدها ظل السودان حبيسا لكل التخلف الكروي
وخروج مبكر من الادوار التمهيديه
وفضايح اداريه وخسران لنقاط واشراك لاعب متوقف
وجهل لقوانين اللعبه
واحتلال لمواقع متأخرة بين دول افريقيا
وجعجعه واتحاد فاشل وشخصيات كرتونيه
وجكومي ومعتصم والطريفي ومجدي
وديناصورات تحتل كل مفاصل الرياضه
ومنتخبات بدون ميزانيات
وخسران حتي من بورندي وسقوط امام اثيوبيا
ومازدا ومازدا ومازدا
ومازدا كيسو فاضي
لكنه مع المنتخب باقي
وما مهم المرتب
وما مهم النتائج
وما مهم التأهل
كل يوم من ايام المونديال نموت الف مرة ونحن نشاهد الاقوياء
وكل يوم من ايام المونديال نموت حسرة ونحن نشاهد الآخرين في هذا المونديال
ولعل القائلين ان الهلال هو صاحب اكبر صفر يغالطون انفسهم
فالسودان هو صاحب اكبر صفر في مشاركات المونديال
وياحسره
والبيطلع من التمهيدي عزو مستريح
وجمال الوالي قال العارف عزو ومستريح
ورجل فوق رجل وفلهمه وكلام فصيح
وقعده في ضل النيمه وشمارات ومعارضات وللوالي مديح
وتسجيلات ومعسكرات في مصر ودولارات وسكن مريح
وسجلوا واشطبوا وفعلا الخارج من التمهيدي عزو مستريح
والوالي زعلان وعصام زهجان واتهامات واساءات وتلميح
وانا جمال الوالي الرئيس طوالي وجيت بالاجماع والعارف عزو مستريح
لا انا عصام الحاج رجل شعبي وبحب التقشف والشغل الصحيح
وانا جمال الوالي دفعت لفلان وعالجت فلان وعندي قروش كتيره وبطلوا تجريح
لا انا عصام الحاج ومعاي قريش ومعاي نادر ويا الوالي لازم تستريح
طيب حتصرف من وين اذا انا مشيت واكيد حترجع لي وانت بتكورك وتصيح
لا نحن جاهزين للرئاسه مويه ونور وكلامنا كلو صريح
وانا جمال الوالي اللي جاب ليكم البايرن ورد بول وزينيت ودفعت دم قلبي وبعد ده كله ليه التجريح
طيب ما قلت عالمي ولا تكلمني ليه في حوش البط غرقت يا فصيح
ومعقول يا جمال في 10 سنوات جبت كل المحترفين ديل للمريخ وبصراحه ده ما حصل في التاريخ
1- نيتو البرازيل
2- ساندرا البرازيل
3- زكريا زامبيا
4- شيكوزري نيجيريا
5- على النونو اليمن
6- شيخ ديوب السنغال
7- لومامي رواندا
8- ايداهو نيجيريا
9- ايفوسا نيجيريا
10- نجاد البوسنه
11- كوني مالي
12- ابالو توغو
13- اليجيا تانا زامبيا
14- باولينو البرازيل
15- عﻼء الزهرة العراق
16- سعد عطية العراق
17- اوبينا نيجيريا
18- كلتشي نيجريا
19- وارغو نيجيريا
20- ﻻسانا مالي
21- ديالو مالي
22- عبدالكريم الدافي المغرب
23- كاسروكا رواندا
24- عبدالكريم النفطي
25- مهدي بن ضيف الله
26- هيثم المرابط
27- رمزي صالج فلسطين
28- ساكواها زامبيا
29- باسكال كوت ديفوار
30- عصام الحضري مصر
31- موتيابا اوغندا
32- ليميا البرازيل
33- سليماني رواندا
34- موانزا زامبيا
35- مكسيم الكاميرون
36- تراوري مالي
37- مالك اسحاق نيجيريا
38- غاندي غانا
39- اوليفيه كوت ديفوار
40- شيميلس اثيوبيا
41- باسيرو مالي
42- كوه تراوري بوركينا فاسو
43- فاكو الكاميرون
44- ساجو هامان الكاميرون
45- ايمن سيعد مصر
46- اﻷن وانغا كينيا
47- جمال سالم أوغندا
ختام منوع :
[[]] واخيرا انتهي تأهيل مقبرة الهلال واحتضن الملعب ابنائه وفيه سيعلن فوز الهلال ببطولة افريقيا وقولوا انشاء الله
[[]] واخيرا الغي فريق المريخ معسكر القاهره الغير ضروري لفريق ما عنده غير المحلي وهل يستحق اللعب مع فريق دلقو المحس معسكرات ومحترفين طبعا النتيجة محسومه لكن اعلام المريخ سيصور لاعبي الفريق وكانهم عالميون
[[]] هيثم مصطفي يتعامل مباشرة مع جمال الوالي وهو لا يعترف بتحقيق او خلافه والقضية كلها في يد العديلين ولن تؤثر تحريضات مزمل ابو القاسم
[[]] ويا سبحان الله فمزمل ابو القاسم كان اكثر الصحفيين تطبيلا لهيثم مصطفي شماتة في الهلال ولكن سقاهم هيثم مصطفي من نفس الكاس
[[]] فرحت كل افريقيا لفوز ساحل العاج علي اليابان كما تتمني كل افريقيا ان تفوز نيجيريا اليوم وكذلك يتمني الافارقه فوز غانا علي امريكا والجزائر علي بلجيكا
[[]] روعة الماكينة الالمانية غطت علي نجومية كرستيانو رونالدو فبدا وكأنه مصاب
[[]] نيجيريا ايران مباراة سيئه للغايه ولا تليق بالمونديال
محمد حسن شوربجي