الهلال نايم في العسل وان قالوا انه سيبدأ اعداده غدا بملعبه وتحت اشراف مدربه البرازيلي كامبوس

كذلك يدرس المجلس خيارات معسكرات في كل من الكنغو و جنوب افريقيا و الكنغو برازافيل وياريت تنتهي بمروي

وحتي الآن لم نري شيئا علي ارض الواقع

والاداره نايمه بحجة ان الرئيس نفسو قايم من تسجيلات نيلسون

وناس فيتا والزمالك ومازيمبي اكيد بدأوا اعداداتهم لهذه البطوله القويه

والتي ستقود الفريق الفائز الي دور الاربعه

فيتا قد يعد نفسه وبقوه وبمباريات افريقيه عنيفه

والزمالك علي موعد لمعسكر كبير في غانا او المغرب كما سمعنا

ومازيمبي اكيد رئيسه الغني جدا جاهز بمعسكر رهيب للغربان

هلالنا الجميل مازال لاعبوه يتابعون كاس العالم حتي الصباح

وممكن معاها شيشه ومزه وحاجات تانيه ..

ولا تدريبات ولا لياقه وكأن المدة الباقيه سنه

وما عارفين انها ايام معدودة

ورمضان داخل علينا واللياقه حتكون تعبانه شديد

وناس مازيمبي وفيتا اكيد حيكونوا فاطرين

وحتي وصيفنا العجيب الغريب في صدد اقامة معسكر قوي في القاهره

وما عارف ما ضرورة المعسكر بالنسبة ليهم

ومع مين اصلا حيلعبوا حتي يعسكروا

الوصيف الفاضي والعامل قاضي حينزل في فندق موفنبيك الرائع

وحيكون جاهز مويه ونور لناس نيل الحصاحيصا والنسور وهلال كادوقلي

وفرق الممتاز يا عيني لا معسكرات ولا يحزنون

والمريخ جايب ليهو محترفين من عيار ثقيل ومعاهم و تراوري وجمال سالم وايمن سعيد

وتسجيلات المريخ كانت هي الافضل في كل السودان

والمريخ سجل ٨ لاعبين جدد

وبعكس تسجيلات الهلال الذي يلعب في افريقيا و في المحلي

والهلال ما استفاد من هذه التسجيلات التي خصصها له الكاف لبطولة الكبار

ونيلسون( ونفسي قام ) ثم اطهر الطاهر ونفسي انقطع

اما ناس برهان تيه ومحسن فقد سجلوا للمريخ سيد شيبون و إسماعيل صديق و عماد عبدالله و مجدى عبداللطيف وبخيت خميس أيمن سعيد وجمال سالم و ألان وانغا قائد المنتخب الكيني

والقروش زي الرز لكن العافيه معدومه

وقام رئيس المريخ جمال الوالي وقبل مغادرته إلى لندن بتوفير جميع احتياجات الفريق المالية من تكاليف معسكر القاهرة وتذاكر السفر بالإضافة إلى مرتبات المحترفين وإجراءات الحجز بفندق موفنبيك بمدينة السادس من أكتوبر بالقاهرة ونثريات الإقامة لبعثة مصر.

المريخ يواجه المصري والمقاصة

أمَّن الجهاز الفني للمريخ على خوض ست تجارب ودية بالعاصمة المصرية القاهرة على أن تبدأ مباريات الفريق في الثالث والعشرين من الشهر الجاري، ومن أبرز الفرق التي سيواجهها المريخ فريق المصري والمقاصة المصريان، خاصة وأن المدير الفني لفريق المقاصة الكابتن طارق يحيى يبحث عن تجارب ودية قبل انطلاقة بطولة الدوري المصري في الـ26 من الشهر الجاري وهو ما يقوي فرص الإطار الفني للمريخ في خوض تجربة جادة تعود على الفريق بالفوائد الفنية المرجوة.

والمصيبه ان الدنيا قايمه في المريخ ضد هذا الصرف غير الرشيد واتهامات للرئيس طوالي علي انه حنفيه خربانه تظل تصب دون فايده

فكان رده عليهم جميعا ان الله سبحانه وتعالي قال ( العارف عزو مستريح )



[[]] اخوانا المريخاب طبعا زعلانين شديد من زلة لسان قائدهم والتي اصبحت اكثر تداولا في مواقع التواصل الاجتماعي

[[]] صلاح ادريس يعمل ليل نهار لارجاع هيثم للهلال ولكن ادارة المريخ رفضت العوده - الكثير من لاعبي المريخ عبروا لاهلي شندي بمباركة العديلين - يا ريت صلاح ادريس يقنع جمال الوالي بتسجيل هيثم في اهلي شندي

[[]] اخوان دروجبا رفعوا راس افريقيا في المونديال وياريت الخضر يرفعوا راس العرب

[[]] بابكر سلك وبسذاجة يقارن ما بين لاعبي الهلال وكاس العالم واقرأوا ما كتب هذا الساذج واحكموا براكم وشوفوا كيف المريخ و اعلام المريخ والمطبلين - تصدقوا بيسخروا من فريق افضل منهم كثيرا ومع الكبار وهم طلعوا من التمهيدي وطلعوا من بطولة البط العائم

يقول سلك :

ﺍﺗﻔﺮﺟﻨﺎ ﻓﻲ ﻛﺎﺱ ﺍﻟﻌﺎﻟﻢ

> ﻋﻨﺪﻫﻢ ﺍﻃﺮﺍﻑ ﺻﺎﺡ

> ﻭﻧﺤﻨﺎ ﻋﻨﺪﻧﺎ ﻃﺮﺍﺋﻒ

> ﻋﻜﺴﺔ ﻏﻠﻂ ﻣﺎﻓﻲ

> ﻣﺪﺭﺏ ﺑﻜﻮﺭﻙ ﻫﻠﻴﻔﺔ ﻫﻠﻴﻔﺔ ﻣﺎﻓﻲ

> ﻣﺴﺎﻭﻱ ﺑﻌﻤﻞ ﺑﻠﻨﺖ ﻓﻲ ﺍﻟﺪﻗﻴﻘﺔ ﺧﻤﺴﺔ ﻭﺗﻤﻨﻴﻦ

ﻣﺎﻓﻲ

> ﺍﺗﻴﺮ ﻳﺪﻳﻬﺎ ﻟﻠﻤﻬﺎﺟﻢ ﻣﺎﻓﻲ

> ﺯﻭﻝ ﺟﺎﺭﻱ ﺳﺎﻱ ﺯﻱ ﺟﺮﻱ ﺍﻟﻤﺪﻳﻨﺔ ﻣﺎﻓﻲ





محمد حسن شوربجي