# داير اقول ليكم حاجة واقفة لي هنا وفي رواية أخرى من الحلق ما بتنزل ...!
# حاجة تحير الما بتحير ....!
# ناس المريخ ديل دايرين يعملوا معسكر لشنو ....!
# الله بسالكم معسكر لشنو ....!
# اللهم الا لو معسكرين لمباراتكم في كأس السودان أمام الشعلة ....!
# هسي في ذمتكم ما بتخجلوا الدوري الممتاز ده داير ليهو معسكر ....!
# غايتو عدم الموضوع مشكلة ....!
# قال للفائدة الفنية قال ....!
# صاح ما أنتو مشاركين في المجموعات ...!
# فائدة شنو في الجو السخن ده بلا فائدة معاكم ....!
# والله ما تخجلوا أمشوا شاركوا ساي في بطولة الظفرة ....!
# الطيران ما عيب ....!
# كونوا تتطيرو ما مشكلة الكلام الفائدة الفنية والإحتكاك ....!
# بالذات الاحتكاك ده أنتو محتاجين ليهو شديد ....!
# ركزو على الاحتكاك يالفريق طارق ....!
# فجأة وبدون أي مقدمات قالوا المريخ إستعان ببرهان ومحسن ....!
# ما عصرتوا على فرق الولايات برهان ومحسن عديل كده ...!
# كان تجيبوا ماو برضو ....!
# بنفعكم والله ....!
# أقول ليكم حاجة أنا عندي إقتراح يجيبوا ليكم حداشر مدرب ...!
# قصاد كلو لاعب أساسي مدرب ....!
# مثلا برهان مسئول من الباشا وماو مسئول من أوليفيه ...!
# كلو زول قصاد زول ....!
# ده نظام أوربي ....!
# العالم ده كلو عندو حداشر لاعب أقصد مدرب ....!
# أجهز يالنابي بكرة المريخ حيقيل برهان ومحسن ...!
# المريخ بقى يتعاقد مع المدرب بنظام القطاعي ....!
# مباراة مباراة ....!
# يومك التخسر داك بتلحق أمات الكوكي يا محسن ....!
# أنا في وأنتو في النابي ده مصيرو يجي راجع السودان ...!
# هسي في زول جاب سيرة أحمد ساري بطلوا الجوطة يا هلالاب ....!
# ده كلو هين كلموا محسن سيد يجيب معاهو الفنيلة ....!
# إحتمال فريقكم ده بس مشكلتوا ما فيهو زول عندو فنيلة زي حقت محسن دي ...!
# كلو شيء عندكم الا الفنيلة ...!!
# مشكلتكم مشكلة فنيلة ....!
# ساااااااااااااااااااااااي شلتوا أحمد ساري ...!
# المشكلة ما في أحمد ساري المشكلة أنو زول عندو فنيلة زي محسن مافي ....!
# كلو شيء وارد وجاز ....!
# غايتو المريخ ده فيهو حاجات بس الحمد لله ده طرفنا منها ....!
# هسي أتعاقدو مع محسن عشان الفنيلة ....!
# خلوا الفنيلة تلعب ليكم ....!
# مش لو جبتوا فنيلة محسن أنتو لو جبتوا فنيلة ميسي بطيرو من التمهيدي ....!
# الحاجة دي ما عادات وتقاليد ....!
# أنتو أسمعوا كلامي الكورة دي أنتو خلاص فشلتوا فيها شوفوا غيرها ...!
# ما عندكم فيها قسمة ....!
# ما ضيعوا زمنكم سااااااااااااااااي ...!
# أكسبوا الزمن وشوفو التجارة ...!!
# الكورة دي خلوها رسمي وشعبي ..!!
# لأنو علاقتكم بيها زي علاقة أفراح عصام بالفن ....!
# أفراح بتريد الفن لكن الفن ما بريد أفراح ...!
# وطبعا دي مشكلتها ....!
# تريد الفن ولا الفن يريدها نحن ما عندنا علاقة بالموضوع ....!
# أجمل ما قريت (أفراح تستعد لتقديم الجديد في رمضان ) ...!
# الجديد هين هو أنتي عندك قديم أصلا ....!
# أعتقد وبعض الاعتقاد في محلو صوت كامبوس أفضل من صوت أفراح وفي رواية أخري ضحكة السر قدور...!
