• ×
الإثنين 10 مايو 2021 | 05-09-2021
محمد كامل سعيد

سيرجيو الهلال (طار).. من (المطار)..!!

محمد كامل سعيد

 9  0  2342
محمد كامل سعيد
* نسير في السودان، كغيرنا من بقية شعوب العالم، في اتجاه (عكسي) ونتعامل مع كل الأمور ببساطة متناهية.. ويدعي البعض اننا متفردون في ارائنا وقد يكون ذلك صحيحاً لكن وللحقيقة فان ادارات كرة القدم الحالية عندنا لا تعرف الف باء العمل الاداري..!!

* نتعامل وللاسف بسياسة قديمة وبالية تعتمد أول ما تعتمد على العشوائية في كل شئ كبيراً كان او صغيراً خاصة في الامور المتعلقة بشئون اللاعبين والمدربين سواء المحليين او الأجانب..!!

* هلال الزمن البالي (الحالي) وتحت قيادة لجنة التسيير، التي لا تفرق بين اللاعب غير المُباح ونظيره مُطلق السراح، ظل يتخذ من التخبط عنواناً في كل تعاملاته بدليل قبول مجموعة عطا المنان استقالة النابي الشفاهية ارضاءً للاعبين..!!

* ولأن المدرب الجديد القديم كامبوس يعرف طريقة التعامل الاداري في السودان عموماً والهلال على وجه الخصوص فضّل عدم تفويت الفرصة الذهبية المتمثلة في الاستعانة بخدماته مرة أخرى فجاء ومعه بضاعته المضروبة..!!

* وصل سيرجيو الخرطوم برفقة مواطنه كامبوس ولدرجة اعتقدنا معها ان المدرب اشترط على لجنة التسيير التعاقد مع اللاعب (المضروب) كشرط اساسي يسبق توقيعه بالموافقة على قيادة الازرق تدريبياً.. فتم التعاقد مع الثنائي دون اي كلمة..!!

* وقبل الدخول في تفاصيل الصفقة المضروبة هل لنا ان نسأل عن الجهة التي تولت أمر التكاليف الباهظة المتعلقة بسفر سيرجيو واقامته من البرازيل الى الخرطوم ومنها الى القاهرة ثم الى ريو دي جانيرو..؟!!

* لو كنت مكان لجنة تسيير الهلال الحالية لقمت بخصم تلك التكاليف الخرافية من راتب المدرب كامبوس اليوم قبل الغد ثم لأعلنت فسخ عقده من جانب النادي وأرجعت التونسي النابي الذي صنع الهلال الحالي..!!

* مطبلاتية الهلال الذين لم يتركوا جانباً للمريخاب بخصوص (طيران) الاحمر من ربع النهائي ببطولة حوض النيل سيكافا نقول لهم لقد (طار) سيرجيو البرازيلي من (المطار) قبل ان يرتدي الشعار الازرق..!!

* لقد استمرأ الاداريون في المريخ والهلال السقوط المتواصل وظلوا يقدموا كل ستة اشهر ما يشيب له الرأس من الهفوات والسقطات التي وصلت مراحل متأخرة جعلت أمر ضمهم الى قائمة المساهمين في اهدار المال العام ضرورة..!!

* اعتقد ان (الترام) سيرجيو ضحك على الهلال بواسطة مواطنه كامبوس وعليه يبقى حق الرد على تلك (الصفقة المضروبة) مكفول لقادة لجنة التسييير باقتصاص ما ضاع على اللاعب من السمسار الاصلي..!!

* في المريخ، ولو افترضنا جدلاً بمقدرة قادته وجديتهم في اعادة الهيبة المفقودة، لابد من محاسبة الالماني "أوتو" وخصم مصاريف (التنابلة) الذين جاء بهم للاختبار قبل الانضمام الى الكشوفات، من راتبه..!!

* تخريمة أولى: عندما (يطير) الفريق، اي فريق، من اي مرحلة من مراحل بطولة ما فان ذلك يكون من الاشياء الطبيعية والمنطقية ولو من باب ان ذلك من قانون التنافس..!!

* تخريمة ثانية: لكن ان (يطير) لاعب محترف قبل ان يرتدي شعار الفريق وبعد ان يكمل النادي معه التعاقد فان ذلك من تفانين ادارتنا السودانية..!!
امسح للحصول على الرابط
بواسطة : محمد كامل سعيد
 9  0
التعليقات ( 9 )
الترتيب بـ
الأحدث
الأقدم
الملائم
  • #1
    Khlalidfox 06-03-2014 08:0
    سقوط مريع للقائمين علي ادارة الاندية في السودان حتي لو ما طار سيرجيو ماجدودي التعاقد مع لاعي عدي الثلاثين للننسي هلال مريخ ونركز علي العك الاداري وعدم المحاسبة لابد ان يحاسب كل مخطئ وعند اخفاق اي محترف لابد من نشر اسم السمسار والاداريين الذي ساهموا في التسجيل ولكن للاسف في السودان نفقد الشفافية حتي داخل البيت
  • #2
    أبو السارة 06-03-2014 06:0
    انحنا عندنا واحد طار ، لكن إنتو عندكم كم ماسورة سجلتوها ولقيتوها مخرومة، علي الطلاق إلا تودوهم سوق كرور.
  • #3
    حموري 06-02-2014 02:0
    يا اخوانا الزول متعقد من الطيران ، لانه السنه دي طايرين ساكت .
  • #4
    mojback 06-02-2014 01:0
    انت ياللخو عمو نجاد داك ماسمعت بيه ولا سجلوهوا معاكم مساعد مدرب كان . لاعب جنسوا وسجلو في القاهرة وشطبوه فيها قبل ما يصل السودان دايقولوا عليهو شنو كمان والبيتو من قزاز مايفلق بالحجار
  • #5
    adil 06-02-2014 12:0
    ده الكلام البخلينا نجيب سيرة التوحد تاني. اللاعب لا يمكن الحكم عليه بين يوم وليلة والادلة متوفرة في قودين وكلتشي وفيصل العجب في البدايات. انت ثقافتك الكروية بالية ومتخلفة ولا تتلف عم مزمل وسلك ناس الدافوري لا يمكن باي حال ان تكون لك رؤية فنية افضل من كامبوس او اي مدرب عادي لكنه الAutism
  • #6
    هلالابي وافتخر 06-02-2014 11:0
    سيرجيو لم يشطب حتى اللحظه ارجو تحري الدقه في نقل الاخبار.
  • #7
    بكري عبده 06-02-2014 09:0
    وانت القال ليك سيرجو مضروب منو ؟ تضربك الكرونا . لاعب اتمرن تمرينين ولعلب شوط وااااحد في مباراة تجريبية بمصر تحكموا عليهو بانه مضروب وما نافع !!!؟ والله زي ما قال اخونا اعلاه : شفقة نفيسه , جات تشرو شرطتو .
  • #8
    سليمان 06-02-2014 09:0
    يااستاذنا الفاضل ماهو ياتكتبوا بكل صدق وامانة حسب ماتقتضيه المهنة او ياخ روح شوف ليك جريدة حائطية واكتب فيها ياخ تحرو الدقة وماتكتبوا عن اوهام خيالية المراد منها بلبة الراي العام الرياضي وهل انت متأكد انو سيرجيو خلاص في ريو دي جانيرو واندفعت التكاليف بتاعتو ولا انت من عينة البكتبو اي كلام وخلاص وياريت لو كده وبس يعني تحس انو من كتابتك عايز تعمل بلبلة كده وخلاص ياخ اتق الله فيما تكتب وتحر الحقيقةوخليك ابديت
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019