////////////////////
في الـ18
عمر الطيب
# والله عندي ليكم أقتراح يالفريق طارق ....!
# أقتراح جميل ....!
# كلامي ده ما ترمي واطة .....!
# أنتو جربوا الارضة جربت الحجر ....!
# وغير أنو الارض جربت الحجر أنتو جربتوا الطيران ....!!
# مش أنتو طيرتوا من الابطال من دوري ال72 وجيتوا برضو شبه فقدتوا الممتاز وجيتوا تاااااااااااااني نظمتوا حوض الهجين وبرضو طرتوا .....!
# الدور ده نظموا بطولة أسمها (شليل )....!
# لكن على شرط البطولة يكون مشارك فيها فريق وحيد هو المريخ .....!
# لو دخلتوا فريق تااااااااااني ما بتشيلوا البطولة ....!
# والله خجلنا ليكم يا الما بتعرفو الخجل .....!
# بطولة ميتة زي دي وفي رواية اخري شبعانة موت وما قادرين تشيلوها ....!
# الفيكم أتعرفت ياخي يومي بتودعوا محترف وبتستقبلوا محترف ما قادرين تشيلوا بطولة منتهية زي دي ....!
# والله البلد دي لو فيها زول بفهم كورة أنتو مفروض يخصموا منكم 20 نقطة من الدوري الممتاز ياخي أخجلوا ....!
# أنا غايتو سمعت أنو المريخ طااااااااااااااااار لكن الطيرو منو الله أعلم .....!
# فريق ما معروف أسمو منو وساكن وين وجنسوا شنو الله أعلم ....!
# الاختشوا ماتوا .....!
# غايتو المريخ ده فيهو حاجة ما معروفة ....!
# فهمتوا علي ....!
# حاجة لكن هي شنو .....!
# الناس ديل لعبوا تمهيدي طارو ....!
# سجلوا محترفين عشان يلعبوا بيهم في الدوري ....!
# شطبوا سعيد وخلوا هيثم مصطفي وأوليفية ....!
# هسي نظموا سيكافا وطارو برضو .....!
# ديل يعملوا ليهم شنو عليك الله .....!
# جمال الوالي قالوا قال ليهم قلتوا ينظموا ليكم حوض نيل نظمناهو , قروش دفعت ليكم , لعيبة جبنا ليكم تاني الا ألعب ليكم ....!
# حل برضو والله ....!
# حوالينا وما علينا .....!
# اللهم لا شماته ....!
# مريخ السجم الليلة سوى حكاية ..دراويش لعيبة وحارسهم صفاية ...!
# كمان شطبتوا أكرم والله حتشربوا وما تروا أصبروا بس ....!
# بمناسبة اكرم داير أقول ليكم حاجة واقفة لي هنا ....!
# أصلا يا أكرم والزومة ما تشيلوا هم شهر 6 بترجعوا المريخ زي الما حصل شئ ....!
# بس ما تشيلوا وش القباحة .....!
# لوكوا القرضة بس ....!
# الرجعة هينة .....!
# هو ياسين جاء راجع لمن أنتو ....!
# أنا عندي أحساس انو المريخ ده برجع نجاد في التسجيلات دي ....!
# طبعا بمشوا يتعاقدو معاهو على أساس أنو هو لاعب جديد ....!
# بكونوا ما عارفين أنو ده قبل كده لعب ليهم .....!
# تسجيلات المريخ زي بنك الحظ ....!
# المهم والله لمصلحتكم النادي ده اقلبوهو ثقااااااااااااااااااافي .....!
# أعتبرو أنكم ما نجحتوا في الموضوع ده ....!
# مافيها حاجة الموضوع عادي ....!
# زي الزول لمن التجارة ما تنفع معاهو بخليها وبشوف حاجة تاني ....!
# هسي أنتو الكورة دي ما نفعت معاكم عشان كده خلوها ....!
# شوفوا غيرها ....!
# المشكلة وين ....!
# ياخي الحوض حقكم وأنتو أسيادو وبعد ده ما قادرين تسبحوا فيهو ....!
# فضحتونا مع الاجانب والله ....!
# هسي ناس أكاديمية تشيتي البورندي ديل يقولوا علينا شنو .....!
# أها الحنك بعد كده شنو ياعبد الصمد ....!
# حتعملوا شنو ....!
# مستحيل تقعدو ساي ....!
# عدم الموضوع مشكلة ....!
# فكرو أحتمال تلقوا ليكم فكرة بطولة جديدة ....!
# أنشاء الله بطولة (شطرنج ) أسحن من قعدة سااااااااااااااي ....!
# قعدة ساي دي بتعمل ليكم (بواسير ) .....!
# هسي في زول جاب سيرة مرتضي كبير ....!
# والدخل كنبة الاحتياطي شنو في الموضوع ....!
# غايتو الهلالاب ديل بعملوا في جنس حاجات ....!
# بمناسبة البورندي دي أنتو عندكم عقدة مع الناس ديل .....!
# الله بسألكم عندكم أربعة مدربين وبعد ده تطيرو من قولة تيت ومن حوض النيل كمان .....!
# غايتو المريخ ده فيهو حاجات بس الحمد لله ده طرفنا منها ....!
# الواحد لمن يتذكر أنو هو هلالابي طوالي بقوم يوزع بلح .....!
# توزيع البلح ده عندنا زي خروج المريخ من البطولات الأفريقية .....!
# ساااااااااااااااااااهل ....!
# المانع شنو هلالاب ونحمد الله وبنلعب في المجموعات وقروش الكاف عندنا كمان البلح ما بنقدر نشتريهو .....!
# المريخ سلام ..الليلة يوم منكورك !!
# في دوري الكبار دائما مضلم نورك ..!!
# ما دام العوج والشين مرق من كورك .!!
# تبقي العوجة فيهم ولا في جمهورك ...!
# يا مريخ جزم شعبك رقد موجوع ...!
# ولا هماهو تااااااااااني الطابق المرفوع ...!
# الغلب الكتير علمنا لحس الكوع ....!
# البورندي جاكم وبوظ الموضوع ...!
# قبل الطبع : ست الودع هاكي الودع لي (تشتشي ) كدا وشوشي كدا وشوفيهو لي كان فيهو (عريس بورندي ) وبي أي شئ ...!!
في الـ18
عمر الطيب
# والله عندي ليكم أقتراح يالفريق طارق ....!
# أقتراح جميل ....!
# كلامي ده ما ترمي واطة .....!
# أنتو جربوا الارضة جربت الحجر ....!
# وغير أنو الارض جربت الحجر أنتو جربتوا الطيران ....!!
# مش أنتو طيرتوا من الابطال من دوري ال72 وجيتوا برضو شبه فقدتوا الممتاز وجيتوا تاااااااااااااني نظمتوا حوض الهجين وبرضو طرتوا .....!
# الدور ده نظموا بطولة أسمها (شليل )....!
# لكن على شرط البطولة يكون مشارك فيها فريق وحيد هو المريخ .....!
# لو دخلتوا فريق تااااااااااني ما بتشيلوا البطولة ....!
# والله خجلنا ليكم يا الما بتعرفو الخجل .....!
# بطولة ميتة زي دي وفي رواية اخري شبعانة موت وما قادرين تشيلوها ....!
# الفيكم أتعرفت ياخي يومي بتودعوا محترف وبتستقبلوا محترف ما قادرين تشيلوا بطولة منتهية زي دي ....!
# والله البلد دي لو فيها زول بفهم كورة أنتو مفروض يخصموا منكم 20 نقطة من الدوري الممتاز ياخي أخجلوا ....!
# أنا غايتو سمعت أنو المريخ طااااااااااااااااار لكن الطيرو منو الله أعلم .....!
# فريق ما معروف أسمو منو وساكن وين وجنسوا شنو الله أعلم ....!
# الاختشوا ماتوا .....!
# غايتو المريخ ده فيهو حاجة ما معروفة ....!
# فهمتوا علي ....!
# حاجة لكن هي شنو .....!
# الناس ديل لعبوا تمهيدي طارو ....!
# سجلوا محترفين عشان يلعبوا بيهم في الدوري ....!
# شطبوا سعيد وخلوا هيثم مصطفي وأوليفية ....!
# هسي نظموا سيكافا وطارو برضو .....!
# ديل يعملوا ليهم شنو عليك الله .....!
# جمال الوالي قالوا قال ليهم قلتوا ينظموا ليكم حوض نيل نظمناهو , قروش دفعت ليكم , لعيبة جبنا ليكم تاني الا ألعب ليكم ....!
# حل برضو والله ....!
# حوالينا وما علينا .....!
# اللهم لا شماته ....!
# مريخ السجم الليلة سوى حكاية ..دراويش لعيبة وحارسهم صفاية ...!
# كمان شطبتوا أكرم والله حتشربوا وما تروا أصبروا بس ....!
# بمناسبة اكرم داير أقول ليكم حاجة واقفة لي هنا ....!
# أصلا يا أكرم والزومة ما تشيلوا هم شهر 6 بترجعوا المريخ زي الما حصل شئ ....!
# بس ما تشيلوا وش القباحة .....!
# لوكوا القرضة بس ....!
# الرجعة هينة .....!
# هو ياسين جاء راجع لمن أنتو ....!
# أنا عندي أحساس انو المريخ ده برجع نجاد في التسجيلات دي ....!
# طبعا بمشوا يتعاقدو معاهو على أساس أنو هو لاعب جديد ....!
# بكونوا ما عارفين أنو ده قبل كده لعب ليهم .....!
# تسجيلات المريخ زي بنك الحظ ....!
# المهم والله لمصلحتكم النادي ده اقلبوهو ثقااااااااااااااااااافي .....!
# أعتبرو أنكم ما نجحتوا في الموضوع ده ....!
# مافيها حاجة الموضوع عادي ....!
# زي الزول لمن التجارة ما تنفع معاهو بخليها وبشوف حاجة تاني ....!
# هسي أنتو الكورة دي ما نفعت معاكم عشان كده خلوها ....!
# شوفوا غيرها ....!
# المشكلة وين ....!
# ياخي الحوض حقكم وأنتو أسيادو وبعد ده ما قادرين تسبحوا فيهو ....!
# فضحتونا مع الاجانب والله ....!
# هسي ناس أكاديمية تشيتي البورندي ديل يقولوا علينا شنو .....!
# أها الحنك بعد كده شنو ياعبد الصمد ....!
# حتعملوا شنو ....!
# مستحيل تقعدو ساي ....!
# عدم الموضوع مشكلة ....!
# فكرو أحتمال تلقوا ليكم فكرة بطولة جديدة ....!
# أنشاء الله بطولة (شطرنج ) أسحن من قعدة سااااااااااااااي ....!
# قعدة ساي دي بتعمل ليكم (بواسير ) .....!
# هسي في زول جاب سيرة مرتضي كبير ....!
# والدخل كنبة الاحتياطي شنو في الموضوع ....!
# غايتو الهلالاب ديل بعملوا في جنس حاجات ....!
# بمناسبة البورندي دي أنتو عندكم عقدة مع الناس ديل .....!
# الله بسألكم عندكم أربعة مدربين وبعد ده تطيرو من قولة تيت ومن حوض النيل كمان .....!
# غايتو المريخ ده فيهو حاجات بس الحمد لله ده طرفنا منها ....!
# الواحد لمن يتذكر أنو هو هلالابي طوالي بقوم يوزع بلح .....!
# توزيع البلح ده عندنا زي خروج المريخ من البطولات الأفريقية .....!
# ساااااااااااااااااااهل ....!
# المانع شنو هلالاب ونحمد الله وبنلعب في المجموعات وقروش الكاف عندنا كمان البلح ما بنقدر نشتريهو .....!
# المريخ سلام ..الليلة يوم منكورك !!
# في دوري الكبار دائما مضلم نورك ..!!
# ما دام العوج والشين مرق من كورك .!!
# تبقي العوجة فيهم ولا في جمهورك ...!
# يا مريخ جزم شعبك رقد موجوع ...!
# ولا هماهو تااااااااااني الطابق المرفوع ...!
# الغلب الكتير علمنا لحس الكوع ....!
# البورندي جاكم وبوظ الموضوع ...!
# قبل الطبع : ست الودع هاكي الودع لي (تشتشي ) كدا وشوشي كدا وشوفيهو لي كان فيهو (عريس بورندي ) وبي أي شئ ...!!
