تربع سيد البلد على صدارة دورى الوطن الممتاز برصيد 28 نقطة بعد فوزه على النيل الحصاحيصا بربع دستة نظيفة تبادل فى إحرازها الدكتور بشة فى أول دقيقة فى المباراة كانت بمناسبة هدف فتح شهية ...إحنا فى السودان عندنا فتح الشهية دائماً قبل الوجبة الرئيسية زى المرارة قبل الفطور وإن كنت لست من أنصارها ولكن من أنصار الشطة بالدكوة والليمون قبل الشية ...معذرة ياشباب لقينا الشية ونسينا أهداف الهلال ( العجب كان شية جمر !! ) حاجة ماتخلص ...المهم خلونا فى أهداف الهلال أحرز الماكوك نزار الهدف الثانى وطرح الحارس هانى ماهر أرضاً ...وإنتهى الشوط الأول بهذه الثنائية الرائعة وأضاف عقد اللولى صلاح الجزولى الهدف الثالث ...ورفع سيد البلد شعاره المحبب ( تمتع بالرحلة ودع القيادة لنا ) ...وأهم مافى مباراة هلال العشق الجميل والنيل أن الهلال عاد للإبداع والإمتاع ( زى ماتقول المباراة كانت بالإنجليزى خاصة تمريرات سيدى بيه ( الله عليه ) أقول ليكم حاجة ياهلالاب بطلوا الكبكبة وحاجة إضافة نجوم للفريق فى يونيو أو مايو ... والكل شاهد عودة بعض النجوم لكتيبة الموت الزرقاء بقيادة المعز وأتير ومساوى وسيسيه ماشاء الله ...نتمنى من إدارة الهلال أن تتمتع بالشجاعة وتعلن ثبات التشكيلة خلال الشهور القادة وجددوا الثقة فى هؤلاء الأبطال وشاهدنا كيف عاد فداسى بقوة وشارك الغزال مهند ووارغو ...وأبناء الهلال خيار من خيار ...طبعاً الجيران تعادلوا فى عاصمة الحديد والنار أمام فهود الشمال بهدف لكل فريق ... الحكم وديدى الفاتح لو ماكانت المباراة فى عطبرة ماكان سمح بالتعادل للأمل وفى الزمن الصعب ...بالمناسبة صحيح المريخ وصل لعطبرة بالقطار لكن السكة حديد ماواصلة بين الأستاد والفندق و وديدى لو ظلم الأملاب كان البص راح فى حق الله !! لذا لزم التنويه .
*** محلى أفريقى وعرب ما إنت نار بتسوى بق
جرت بالقاهرة قرعة الثمانية الكبار لأبطال أفريقيا وكان للسودان حضوراً زاهياً بواسطة ممثل الوطن الوحيد هلال الملايين ... وكما قال نجم الهلال مدثر كاريكا إن الهلال سبق له أن صرع هؤلاء الكبار ووصل مربع الذهب ونهائى الكأس أكثر من مرة ...وتضم مجموعة الهلال مازيمبى وفيتا كلوب من الكنغو والزمالك من مصر ...ومباراة الهلال الأولى ربما مساء السبت 17 مايو بالخرطوم أمام مازيمبى ومازيمبى كما نعلم تأهل لدورى المجموعات بشق الأنفس حيث خسر من سيوى العاجى بهدفين لهدف وفاز بالكنغو بهدف التنزانى ساماتا وأضاع ساكواها ضربة جزاء لمازيمبى ...ومباراتنا الثانية أمام فيتا كلوب بالكنغو والمدرب النابى سبق له التدريب فى الكنغو مع فريق موتيبا والمباراة الثالثة مع الزمالك فى الخرطوم والرابع مباراة الرد بمصر والخامسة مع فيتا كلوب بمقبرة الخصوم والسادسة مباراة قزقزة بين الهلال ومازيمبى فى الكنغو ...طبعاً هلال 2014 هلال صلاح الجزولى وأتير وسيسيه وسيدى بيه وبشة والمعلم وكاريكا أصبح شعاره الداوى ( ورونى العدو وأقعدوا فراجة ) .
*** رسائل غنائية رياضية من أغنية السنين للطيب عبدالله .
فنان السودان الكبير والصديق العزيز والمريخابى الأصيل الفنان الطيب عبد الله ..نعلم أنه من قراء كفر ووتر المداومين عليها ومن أحباب رحيق الختام ونريد أن نرسل 3 رسائل من أغنية السنين وهى من كلماته ...وأذكر أننى عام 2007 عملت لقاء مع الطيب فى جدة وسألته عن أحب أغانيه لنفسه فأجابنى ( فى جناك ليك جنا ) وأغنية السنين أحب الأغانى لنفسى .
الرسالة الأولى من جماهير الهلال لمن يدعو لنسف إستقرار الفريق بعودة الكابتن المشطوب هيثم مصطفى وتقول الرسالة *** قالوا لى أنساه وأمسح من خيالك ذكرياتو... وأنسى كل الماضى وأبعد عن طريقو وعن حياتو ، والرسالة الثانية من معاوية فداسى وهو يعود للمشاركة بقوة بعد فترة جلوس فى الكنبة وأكاذيب الأعلام الأحمر التى تحدثت عن الخلاف بينه وبين النابى وتقول الرسالة *** السنين العشت فيها معاك هنايا ...أقوى من قول العوازل وأسمى من كلمة وشاية *** لو خلاص قلبك نسى الأيام معايا ...برضى راضى وفى الغرام كم من ضحايا ...بس تأكد يا حبيبى إنو حبك فى دمايا ...والرسالة الأخيرة من فرق الممتاز لمتصدر الدورى سابقاً وتقول الرسالة الأخيرة ***بالأمل صبرت قلبى وعشت فى دنيا الأمانى ... أهدهد الشوق بين ضلوعى وأترجم الآلام أغانى ...نعتذر لكل الإخوة الهلالاب الذين إتصلوا بى لأنى كنت أعانى من نزلة برد شديدة والهلال أعاد لنا روح التفاؤل وغالبنا الحمى والنزلة وكتبنا الرحيق ونقول لأدورب بكرى عيسى من هلالاب مكة الذى سألنى صبرت قلبك بى شنو !! يعنى يابكرى إنت ماعارف ولاّ عايز الصفوة تهاجمنى ساكت .
*** همسة الوداع
حبايبنا الحلوين زعلانين فى قرعة الهلال لأنها جنبتنا فرق شمال أفريقيا المعروفة بالخبث الكروى ...وعلى نياتكم ترزقون !! ونحن ناس بنعيش حياتنا الغالية بالنية السليمة ...وكلو زول دايرين سعادتو تشهد الأيام علينا ...ونقول للجيران ماتخافوا سوف نلاقى الترجى فى المربع الذهبى ...تصدقوا وتآمنوا الهلال وصل عام 1966 مربع الذهب للأبطال أيام ناس جكسا وسبت دودو ...لكن فى ناس مربع الذهب إلا يسمعوا بيه سمع عند الجيران ...جدو أوتوفيستر آخر مرة يأكل فيها سمك الموردة يوم 10 مايو ...مش ملاحظين أوتو مدنقر فى الواطة طوالى !! الشئ شنو ...وبهذه المناسبة نهمس فى أذن صاحب القلم الأحمر إنتوا جدو أوتوفسيتر يعاين فى الواطة على طول الزول قاعد يرمى فى تيراب ولا شنو ؟ مجرد سؤال .
*** محلى أفريقى وعرب ما إنت نار بتسوى بق
جرت بالقاهرة قرعة الثمانية الكبار لأبطال أفريقيا وكان للسودان حضوراً زاهياً بواسطة ممثل الوطن الوحيد هلال الملايين ... وكما قال نجم الهلال مدثر كاريكا إن الهلال سبق له أن صرع هؤلاء الكبار ووصل مربع الذهب ونهائى الكأس أكثر من مرة ...وتضم مجموعة الهلال مازيمبى وفيتا كلوب من الكنغو والزمالك من مصر ...ومباراة الهلال الأولى ربما مساء السبت 17 مايو بالخرطوم أمام مازيمبى ومازيمبى كما نعلم تأهل لدورى المجموعات بشق الأنفس حيث خسر من سيوى العاجى بهدفين لهدف وفاز بالكنغو بهدف التنزانى ساماتا وأضاع ساكواها ضربة جزاء لمازيمبى ...ومباراتنا الثانية أمام فيتا كلوب بالكنغو والمدرب النابى سبق له التدريب فى الكنغو مع فريق موتيبا والمباراة الثالثة مع الزمالك فى الخرطوم والرابع مباراة الرد بمصر والخامسة مع فيتا كلوب بمقبرة الخصوم والسادسة مباراة قزقزة بين الهلال ومازيمبى فى الكنغو ...طبعاً هلال 2014 هلال صلاح الجزولى وأتير وسيسيه وسيدى بيه وبشة والمعلم وكاريكا أصبح شعاره الداوى ( ورونى العدو وأقعدوا فراجة ) .
*** رسائل غنائية رياضية من أغنية السنين للطيب عبدالله .
فنان السودان الكبير والصديق العزيز والمريخابى الأصيل الفنان الطيب عبد الله ..نعلم أنه من قراء كفر ووتر المداومين عليها ومن أحباب رحيق الختام ونريد أن نرسل 3 رسائل من أغنية السنين وهى من كلماته ...وأذكر أننى عام 2007 عملت لقاء مع الطيب فى جدة وسألته عن أحب أغانيه لنفسه فأجابنى ( فى جناك ليك جنا ) وأغنية السنين أحب الأغانى لنفسى .
الرسالة الأولى من جماهير الهلال لمن يدعو لنسف إستقرار الفريق بعودة الكابتن المشطوب هيثم مصطفى وتقول الرسالة *** قالوا لى أنساه وأمسح من خيالك ذكرياتو... وأنسى كل الماضى وأبعد عن طريقو وعن حياتو ، والرسالة الثانية من معاوية فداسى وهو يعود للمشاركة بقوة بعد فترة جلوس فى الكنبة وأكاذيب الأعلام الأحمر التى تحدثت عن الخلاف بينه وبين النابى وتقول الرسالة *** السنين العشت فيها معاك هنايا ...أقوى من قول العوازل وأسمى من كلمة وشاية *** لو خلاص قلبك نسى الأيام معايا ...برضى راضى وفى الغرام كم من ضحايا ...بس تأكد يا حبيبى إنو حبك فى دمايا ...والرسالة الأخيرة من فرق الممتاز لمتصدر الدورى سابقاً وتقول الرسالة الأخيرة ***بالأمل صبرت قلبى وعشت فى دنيا الأمانى ... أهدهد الشوق بين ضلوعى وأترجم الآلام أغانى ...نعتذر لكل الإخوة الهلالاب الذين إتصلوا بى لأنى كنت أعانى من نزلة برد شديدة والهلال أعاد لنا روح التفاؤل وغالبنا الحمى والنزلة وكتبنا الرحيق ونقول لأدورب بكرى عيسى من هلالاب مكة الذى سألنى صبرت قلبك بى شنو !! يعنى يابكرى إنت ماعارف ولاّ عايز الصفوة تهاجمنى ساكت .
*** همسة الوداع
حبايبنا الحلوين زعلانين فى قرعة الهلال لأنها جنبتنا فرق شمال أفريقيا المعروفة بالخبث الكروى ...وعلى نياتكم ترزقون !! ونحن ناس بنعيش حياتنا الغالية بالنية السليمة ...وكلو زول دايرين سعادتو تشهد الأيام علينا ...ونقول للجيران ماتخافوا سوف نلاقى الترجى فى المربع الذهبى ...تصدقوا وتآمنوا الهلال وصل عام 1966 مربع الذهب للأبطال أيام ناس جكسا وسبت دودو ...لكن فى ناس مربع الذهب إلا يسمعوا بيه سمع عند الجيران ...جدو أوتوفيستر آخر مرة يأكل فيها سمك الموردة يوم 10 مايو ...مش ملاحظين أوتو مدنقر فى الواطة طوالى !! الشئ شنو ...وبهذه المناسبة نهمس فى أذن صاحب القلم الأحمر إنتوا جدو أوتوفسيتر يعاين فى الواطة على طول الزول قاعد يرمى فى تيراب ولا شنو ؟ مجرد سؤال .
استمتع بالرحلة .. نحن الرواد