• ×
الثلاثاء 7 ديسمبر 2021 | 12-06-2021
شوربجي

البلد الليله هلالابي

شوربجي

 4  0  1327
شوربجي


افرح شعب الهلال بهذا المقام الرفيع

وافرح شعب الهلال فأنت دوما مع الكبار

وافرح شعب الهلال فليس بتاريخ السودان انجاز شبيه

وافرح شعب الهلال فقد سئمنا المحلية

وافرح شعب الهلال فالتاريخ يشهد

فكم انت عظيم يا هلال وانت تحلق عاليا

يقول المؤرخون أن اختيار اسم الهلال جاء في جلسة مسائية لمؤسسيه

فجأة أطل عليهم القمر

وسطع وأنار موقع الجلسة في ليلة منتصف الشهر

واختار أحدهم أن يكون اسمه القمر

ورد عليه آخر ولما لا يكون هلالاً

وتم الاتفاق على هذا الاسم الرائع

وهو أول نادي يطلق عليه اسم الهلال في السودان

في افريقيا احبوه

وناس الكاف خيرووه

والهلال يسجل علي كيفه

والهلال يدلع علي كيفه

والهلال يقدل علي كيفه

وايه الهنا ده كله

وﺍﻹﺗﺤﺎﺩ ﺍﻟﻌﺎﻡ وغصبا عنه ﻳﻌﻘﺪ ﺍﺟﺘﻤﺎﻋﺎ ﻃﺎﺭﺋﺎً ﻟﺘﻔﻴﺬ ﻗﺮﺍﺭ ﺍﻟﻜﺎﻑ ﺑﺎﻟﺴﻤﺎﺡ ﻟﻠﻬﻼﻝ ﺑﺎﻟﺘﺴﺠﻴﻼﺕ ﺍﻟﺘﻜﻤﻠﻴﺔ

اليوم هو العيد الكبير في السودان

واليوم هو يوم الهلال الافريقي

وممنوع اصطحاب الاطفال

ولا مكان للصغار

وممنوع دخول التمهيديين

ولا مكان للعالميين

ونسجل علي كيفنا -

ونختار الدايرنو

وما في حليفة لضفر وما شكل علي فيصل موسي وما في سمسره

وما في جمال والي وما في ابوجريشه ولا رش الدولارات اللي علي بالي

واقيفوا صف لو سمحتوا

والهلال هو اليختار

والهلال هو اليقرر

والهلال هو اليعزل

واي واحد داير يتسجل في الهلال يرفع يده

وعيسي حياتو قال الهلال يسجل علي كيفه

هو والثمانيه الكبار وبس

وعيسي حياتو الظاهر هلالابي

وعيسي حياتو ما مريخابي

وما بيحب العملوا المريخ في الحصاحيصا

وحكاية الفيتامين سيي والفضيحة القاروريه

والكاميرونيين ما بيحبوا الكضب

والكاميرونيين ما بيحبوا الزول الكضاب

وعشان كده عيسي قال المريخ في التمهيدي

وعشان كده عيسي قال الهلال مع العظماء

وعشان كده وافق علي التسجيلات التكميليه للهلال

و اليوم قرعة بطولة افريقيا للاندية

وكل السودان شوق لهذه القرعه ليري بطله مع الابطال

فالهلال اليوم سيمثل السودان في دوري ابطال افريقيا

والهلال اليوم هو العريس في هذا العرس الكبير

وسيكون بامكان الازرق اضافة لاعبين الى كشفه الافريقي قبل انطلاق مرحلة المجموعات

واكيد الهلال سيحميه اعلامه الرهيب

وياروعة اعلام الهلال

وياروعة اقلام الهلال

وياروعة حماة الهلال

بصراحه الاعلام الهلالي هو سيد الساحه الرياضيه

والاعلام الهلالي هو المتحكم في الاحداث الرياضيه

والاعلام الهلالي هو الحاضر في كل المناسبات الرياضيه

ولا تفوته وارده ولا شارده

والاعلام الهلالي هو الاعلام الوحيد والجدير بأن يقرأ

فهو اعلام مقنع وممتع ومبدع

والمريخ اكيد بيخاف شديد من اعلام الهلال

والاتحاد العام بيخاف شديد من اعلام الهلال

والمتآمرين بيخافوا شديد من اعلام الهلال

والجكومي بيخاف شديد من اعلام الهلال

الهلال بصراحه فخور باعلامه الرائع

والهلال بصراحه قوي بأعلامه القوي

اعلام الهلال هو من سيحرس الهلال في المجموعات

واعلام الهلال هو العين الساهره لكل الاسياد



رحم الله شاعر السودان والهلال محمد حسن سالم حميد :

الليلة دا يوم السودان البلد الليلة هلالابى

النيل الأزرق نشوان والأبيض أبيض ياأحبابى

يامشرّف كل الأتيام فى يوم السعد الافريقى

يا مفرّح كبد الأيتام باللعب البعد الموسيقى

يا هلال فى جبيرة سودانك فى جبين الشعب الحبّوب

أبشر لاباشر وأقوانك ياعريس السمر المحبوب

تعجبنى الرمية الزنجية لى رأس الحربة النوبية

بى خفة لمسة بجاوية تتسامى الهامة العربية

وتتناول نسمة صعيديّة تسكن بى كلّ أريحيّة

ما بين الخصل البنيّة وزغريدة تبق سودانية

لى أروع دخلة على النية لى أروع دخلة هلالية

البحر الليلة هلالابى

المطر..

الحجر..

الترّابى

الشدر الشايل متكابى

الساقى عروقو الحطّابى

الشوقو عنقريب هبّابى

الشاقّى مروقو هلالابى

الوسّار ذوقو هلالابى

القمر البيتو قصاد بابى

حبيتو لانو هلالابى

وين تمشى الراضى على المابى

بالشمش الفوقو هلالابى

يا ليم يا الكورة وكت تبقى

أخلاق موروثة مع الخلقة

الغالب حاضنو المغلوب بمودة وحنية ورقة

وجمهور بيشجع مصحوب

بالنغم الطيب والصفقة

الله ياشعب ياحبوب

ما أحلى الدخلة على المرقة يا فريق بيطلع كم فرقة

يامارق بينا من الزنقة وحدنا شبعنا من الفرقة

جددنا عشان نبقى وتبقى ياريت الطالقة المنطلقة

وعلى بعض طلقة ياريت يا أبونا يا ابو الحرقة

لو تقرا بياضك والزرقة





محمد حسن شوربجي

امسح للحصول على الرابط
بواسطة : شوربجي
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    عثمان الطاهر 04-29-2014 02:0
    اخوي محمد اللعب للكبار فقط و البقية يقعدو فراجة اسألك سؤال اللي بسجلهم الهلال ديل بلعبو في الدورة الثانية للدوري اذا كانت الاجابة نعم فربنا يستر امدرمان بتغرق من الفيتامين سي
  • #3
    أبو ناهد 04-29-2014 01:0
    جميييييييييييييييييييييييييييييييييييييييييييييييييييييييييييل يا شوربة، أيوه أديوهم بالجهة الفيها الحديدة أصلو التمهيداب ديل ما بنفع معاه إلا كده.
  • #4
    الدبراوي 04-29-2014 02:0
    اضيف ليك بيت .[والحكام بخافو من الماعندة شعار}ئ...ام كيكى ...وبالله وينهم الاعلامين الهلالاب اوعك تكون تقصد ناس انتو [الشفيع ياراجل] اعلام قال ها .ها .ها . دى اهانه للمهنة
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019