فدعوهم يتآمرون علي الهلال

دعوهم يستعينون بشوبير والحكام

دعوهم يتحدثون عن ضعف خليفه

ودعوهم يفرحوا لعروض الهلال جنائزيه

ودعوهم يرقصوا لسقوط الهلال امام اهلي شندي

ولكن ورغم كل العروض الجنائزيه والسيئه التي اتسمت بها كل مباريات الهلال

الا ان قلبي يحدثني ان الهلال قد يمضي بعيدا في بطولة افريقيا

وقد يصعد منصه التتويج الافريقيه

و قد يصبح بطلا لاندية افريقيا

وليقولوا ما يقولون

وليتهم يواصلون

وليتهم يتوهمون

فالحملاتهم المسعورة هي وقود الهلال للانطلاق

ومن رحم المعاناة تولد العظمه والعزة

ومن رحم المعاناة تولد المعجزات

ومن رحم المعاناة يولد الإبداع

ومن رحم المعاناة يستمد الانسان القوة

و المعاناة منة من الله عز و جل

حيث أننا بعدها نكون قادرين على تحمل المصاعب

و نكون قادرين على النجاح و التقدم

دعوهم يتآمرون

ودعوهم يستهدفون

ودعوهم يتحدثون

الكتابات كثيرة

ولت وعجن وبلبلة لجماهير الهلال

وكأن هذه الجماهير غبية

لا ايها السادة الهلال كيان جميل لا تهزه الرياح الحمراء

ومسيرته لن تتوقف حتى وان حاصرته الحمرة والدماء من كل جانب

فحين قال محبوه انه كبير ..

قلنا ان الامر ليس بجديد فالازرق قد تعود ان يكون كبيرا وهو يتقدم كل الصفوف

وان غيره وكأنهم ركاب درجة رابعه فى قطار بخار يسير بسرعة رغم الضباب وسوء الرؤيه

و رغم ما يملكه الآخرون من اموال وأبواق وألسن

ورغم كل السلطة والجاه الا ان الهلال تحرسه العنايه ومحبة بنوه.



ومع سيحه ما تغير المحطه

وكأن الامبراطور سيحه هو من سيعيد لمحمد موسي هدفه المنقوض

كل المريخاب منتظرين يوم الجمعه وحلقة الامبراطور

ويا جماعه ما في زول يصلي الجمعه في جامع عبد الحي يوسف لانه بيتأخر

ولو دايرين تحضروا برنامج الحج سيحه ما تصلوا مع الشيخ ابوزيد في امدرمان

يعني المريخاب بكره حيفتشوا جامع ابو سريع

واهم شيئ ما يفوتكم برنامج رضا

امبراطور شنو البقي يشغل ناس المريخ

وفعلا وزي حبيبنا محمد عبد الماجد قال

الناس مع القرعه وناس المريخ راجين سيحه يوم الجمعه

سيحة قال ضربة جزاء.

سيحة قال بستحق الكرت.

سيحة قال ما قون.

سيحة قال قون.

سيحة قال دا ما ملعب.

سيحة قال دي ما رأية كورنر.

سيحة قال مساوي كترها.

سيحة قال الحارس بضيع في الزمن.

سيحة قال ما تصرفوا.

سيحة قال اصرفوا.

سيحة قال كيلو اللحمة بتاعة الضان بقى بـ (55) جنيه.

سيحة قال رمضان باقى ليه 68 يوم.

سيحة قال للمخرج عليك الله ارجع لينا تاني.

سيحة قال كاريكا ما متسلل.

احرسوا لي (سيحة).

انشغلوا لي بـ (سيحة).

نحن لا سيحة ولا صلاح محمد صالح ..تاني ما بنشتغل بيهم.

نحن بعد كدا بقينا ناس (جمال الشريف).

يا محمد عبد الماجد الناس دي فعلا فاضيه شديد

وفعلا قاعدين في ضل النيمه

وخلاص ختوا عناقريبهم

ومنتظرين سيحه يقول ليهم البلنتي صحيح

وان بلنتي هلال كادقلي ما بلنتي

والله مساكين فلا دوحة نفعت ولا افريقيا نفعت ولا دوري نافع

وليك حق يا عيسي حياتو الناس دي تمهيدي وكلمني

والغريبه روبن كيف وافق يلعب ضد المريخ

ويابايرن هل تتذكر المريخ القاعد حسع في ضل النيمه

ويا جارديولا هل تتذكر بله جابر القاعد حسع تحت شجرة النيمه

و ياريبيري انت وينك ووين واصحابك في ضل النيمه

ويا جورديولا هل تصدق ان الجماعه شالوا كروجر وجابوا ليهم مدرب فوق التمانين ورجله والقبر ومرات بتجيهوا نومه ضل النيمه

ناس فاضيين وما عندهم شغله غير حرب الهلال وهم قاعدين في ضل النيمه

واشطبوا الهلال واوقفوا الهلال وكل البيانات بطلعوها من تحت ضل النيمه

والله لا كسبك يا كمبالا سيتي

وفعلا كل الونسات كملت وما باقي الا فتاوي الحج سيحه

والتي لا تسمن ولا تغني من جوع

ومع سيحه مش حتغمض عينيك

وارجوك ما تغير المحطه

سيحه للافتاءات التحكيميه

وسرعة بكري المدينه تهزم كل حكام صلاح

يا اخي ما شفت سرعة ناس جاريث بل

الراجل خرج من الملعب وراح بيته ورجع وسجل زي ما قالوا المصريين

ويا بكري المرة الجايه السرعه محدوده عشان خاط عمو سيحه

والطريق مراقب بالرادار

وممنوع تجاوز السرعه في مباريات المريخ

وياربي كم ستحدد سرعة بكري المدينه في مباراة القمه

٨٠ كلم في الساعة



محمد حسن شوربجي