• ×
الثلاثاء 19 مارس 2024 | 03-18-2024
محمد كامل سعيد

واليوم كان (جمعة)..!!

محمد كامل سعيد

 21  0  2571
محمد كامل سعيد

* الحقيقة ان عشاق الكرة في السودان، خاصة الذين يشجعون المريخ والهلال، يتعاملون بأسلوب واحد ومتشابه مع الاحداث.. ولا يعرفون غير النظر للأمور الا بعين واحدة.. واذا حاول اي شخص مواجهتهم بواقعهم نجدهم يتهربون..!!

* سقت تلك الكلمات استناداً على سقطة الهلال في الدوري امام الاهلي شندي أول أمس وخسارته (0/2) بعدما ظهر لاعبوه على حقيقتهم المتواضعة التي تناولناها في هذه المساحة قبل اسابيع..!!

* لقد أكدنا مراراً وتكراراً تواضع وتراجع مستوى الهلال سواء في البطولة الافريقية او الدوري المحلي.. وللأسف كانت المكابرة من جانب اصحاب المرض هي ردة الفعل المشتركة للسواد الأعظم من المشجعين..!!

* لقد تحملنا الاساءات والشتائم واتهامنا بالحقد على الهلال.. ووصل الأمر الى التشكيك في سودانيتنا ووصفنا بأقبح الصفات.. لماذا..؟! لأني قلت ان مستوى الهلال متواضع..!!

* لم يترك القراء، سواء اصحاب التعليقات على الشبكة العنكبوتية او عبراالهاتف، لي جانباً او وصفاً غريباً او اساءة الا والصقوها بي.. وألهمني المولى عز وجل للتعامل مع تلك التجاوزات بالصمت والصبر..!!

* أول أمس كشف الاهلي شندي هلال (الوهم) وفاز عليه بثنائية بعد مباراة شهدت سيناريو مطابق لذلك الذي حدث امام ليوبار وكان بالامكان ان يحدث في دوليسي وقبلها في باماكو الا ان احد لم ينتبه..!!

* تناولنا سوء التمرير واخطاء لاعبي الهلال المتكررة في هذا الجانب وأكدنا ان تلك الهفوات ادهشت كل المتابعين واجبرتهم على التساؤل: كيف لنجوم (كبار) يكررون اخطاء بدائية لا يقع فيها لاعب ناشئ..؟!!

* امام الشنداوية تخلى (الحظ) عن الهلال.. وسقط جمعة يوم الـ(جمعة) ورحبت شباكه بهدف سدد من مكان قريب لمستوصف (المودة) الذي استقبل مساعد الحكم الطريفي المعتدى عليه من جانب جماهير الهلال التي واصلت السقوط كالعادة..!!

* نسب بعض المطبلاتية ترجع مستوى الهلال امام ليوبار الى الارهاق ونسيوا او تناسوا الدور السلبي للاحتفالات والكرنفالات التي حدثت قبل وبعد العبور الكاذب..!!

* نعم عبر الهلال لربع نهائي الابطال لأن الكنغولي كان الاقرب ورغم ذلك تابعنا الفرح الهستيري الذي غطى على كل السلبيات وحوّل افراد الفريق الى اشباح..!!

* لقد عاش الهلالاب وهم كبير ظهر باسماء عديدة ابرزها (الفريق الذي لا يهزم).. و(الشباك العذراء).. و(قاهر الكبار).. وغيره من الخزعبلات والمكياجات التي سقطت أول امس بهدفين سجلهما احمد عادل والاثيوبي آبي موقيس..!!

* لقد تأخرت الهزيمة كثيراً الشئ الذي جعل الهلالاب (ينفشون ريشهم) ويعتقدون ان بطولة الابطال ستأتي اليهم طائعة مختارة.. طالبة ود لاعبيهم الذين وصلوا الى مرحلة متأخرة من الغرور..!!

* تخريمة اولى: أول أمس انهار حائط الوهم الهلالي.. وكشفت الهزيمة حقيقة مستوى لاعبي الازرق.. وتبخر بعض المفاهيم الكاذبة..!!

* تخريمة ثانية: ونزلت مني (دمعة).. والأمة (مجتمعة)، واليوم كان (جمعة)، واهتزت شباك (جمعة).. ولنا عودة باذن الله..!!
© 2014 Microsoft Terms Privacy & cookies Developers English (United States)
امسح للحصول على الرابط
بواسطة : محمد كامل سعيد
 21  0
التعليقات ( 21 )
الترتيب بـ
الأحدث
الأقدم
الملائم
  • #1
    عبدالرحمن محمود 04-07-2014 09:0
    خلاص الوالي رضى عليك وأوصى بأن يكون لك ظرفا منفوخا... بالله كم دفع ليك في الحنة بعد ما كتبته عنه وعن مريخه... الاسلوب ده ما بشربك موية مع الهلال..
  • #2
    موسى بشرى 04-06-2014 08:0
    اول مرة اعرف انك لا تعرف اعطاء تحليل فنى سليم تسندة البراهين والحجج , كيف لك ان تقول تراجع مستوى لعيبة الهلال , كرة القدم نصر وهذيمة اولم تعرف ان بايرن ميونخ انهزم من فريق مغمور , اتمنى ان تسمع هذة الكلمات هذيمة الهلال تعنى استمرارة فى البطولة الافريقية هذيمة الهلال تعنى بعث الروح فى لعيبة الهلال سترى كيف يجندل الهلال من يقابلة افريقيا ومحليا
  • #3
    خالد مالك 04-06-2014 08:0
    لو كان عندك فريق يصبر لحدي المجموعات كان بتكتب فيهو انشر سمومك دي فرصتك
  • #5
    احمد ابوعاصم 04-06-2014 03:0
    صدقت يامحمد ديل موتورين - لاحول ولاقوة الا باللله - الهليل والياء للتمليح وليس للتصغير - عضمو لين زي العندو كساح - اقول ليك نصيحة ياود الكامل - تاني كلمة الهلال ماتجيبها على لسانك هلال رمضان لو شفتو ماتقول الهلال انا شوفتو - الله يجازيك الجماعة جننتهم
  • #6
    اب درق 04-06-2014 12:0
    اترك الهلال و شأنه .. متواضع و نحنا راضييين بيهو و ساري بالنا .. انت الدخلك شنو ؟.. غايتو عدم الشغلة كعب بالحيل
  • #7
    هشام عامر الشيخ 04-06-2014 12:0
    فالنترحم على اعلامنا الرياضى لو كان ده مستواه وشكل النقد من المفترض ان يكون بناء وليس بنابع من داوخل خربة سبحان الله
  • #8
    حسام 04-06-2014 11:0
    و طيب ما انت عامل فيها بتكتب بعقلانيه شنو اسلوب القعدات ده !! اهو ظهرت بحقيقتك الواضح انها مليانه حقد على الهلال و لو قريت انتقاد الهلاليين لفريقهم و حتى المريخاب البتكلموا كوره خالى حقد حا تعرف انك بتنافق بروحك و الناس لما تعمل فيها مصلح اجتماعى بتكتب الحق ..على كل حال دى كبوه وان شاء الله تتصلح فى البطوله الافريقيه الماغسااااااك دى
  • #9
    عثمان الحكيم 04-06-2014 11:0
    بعيدا عن هذا هلالى وهذا مريخى حقيقه ان محب ومشجع للهلال من زمن بعيد والهلال الحالى يتاج للكثير حتى ينافس فى المجموعات اولا وجود البديل الجاهز وهل الهلال يوجد به بديل جاهز فى كل الخانات لا والف لا ليس هنالك بديل جاهز 2/ صانع العاب وفائد للفريق بعد رحيل هيثم وهزه حقيقه لايوجد 3/ لابد من لاعبين اجانب يعملو اضافه حقيقيه للفريق لان المنافسه فى المجموعات صعبه واذا اراد الهلال المنافسه يجب عليه تسجيل لاعبين محترفين على مستوى عالى وهم 1/صانع العاب 2/ متوسط دفاع 3/ مهاجم واخيرا لابد من الاستعداد الجاد والبعد عن الاعلام وهو مصيبة الكره السودانيه عثمان الحكيم الدمام0508170463
  • #10
    بلال 04-06-2014 10:0
    اهو حقدك ظاهر من مقالك ده وهو انك لم تتطرق لموضوع التحكيم بتاتاً نحن معترفين انو الهلال واللعيبه كانو كعبين ولكن لازم تقول الحقيقه ياحاقد
  • #11
    المهاجر 04-06-2014 10:0
    ناس تترقب قرعة المجموعات بكل فخر وشموخ .... وناس حدها التمهيدي لضعف المستوي وقلة الطموح ....
  • #12
    حسن حلفا 04-06-2014 10:0
    السخفي خلع راء المهنية وظهرت عورتة تماما ساطعا باينا بينونته الكبري ..حقد دفين ينم عن نفس مريضة مرض عضال ...الهلال يلعب في دوري الكبار التمانية الكبار ...نحنا مبسوطين اننا مع الكبار والشعب السوداني كلو فرحان ...مالك حزين ؟؟؟؟؟ انه الحقد الاعمي .
  • #13
    صالح عثمان سعيد 04-06-2014 09:0
    للمرة المليون ما الذي نستفيده من هذا الهراء الذي سودت به الصفحة القعده في البيت أريح ليك .
  • #14
    بكري عبده 04-06-2014 09:0
    يا سلاااااام كلام جميل ... كده مزمل ابو القاسم حيكون رضى عنك وحيشعلك فى جرائده . انت قائل بكتاباتك المنافقه ديك كان فى زول مصدقك ؟ انت مكانك المساطب الشعبيه مع ناس الجنيد .. ﻻ عﻻقة لك بالنقد والصحافة الرياضية .. الراجل اداك باقى حقك وﻻ لسه بماطل .. معليش السفره الجايه انت فى نصها ، بس ركز على الحكومة .
  • #15
    الزيدابي - الجزيرة ام طرفة 04-06-2014 09:0
    ياهذا اترك الهلال وشأنه كل من هب ودب صار صحفي ومادح ومغنواتي وشاعر في السودان ... كيف لك ان تظهر هذه الشماته النتنة وحالك كحال مشجعي المساطب . قوم لف وكفاية ظهور نتن على حساب الهلال ...
  • #16
    عاشق الهلال 04-06-2014 09:0
    عجبى لصحفى لا يمتد نظره لابعد من ارنبة انفه ،،، كرة القدم هى نصر وهزيمة وبالامس خسر بايرن ميونخ والذى تفتخرون بان احد لاعبيه سب بلة جابر فهل يعنى هذا انه ضعيف ،،، عموما الهزيمة مفيدة جدا فى نظرنا لانها تستدعى المراجعة اولا و لانها تخفف من امراض الضغط والسكرى وعمى الحقد على فئة مريضة من شعبنا تهمنا صحتها
  • #17
    sahal 04-06-2014 09:0
    لا دري ماذا يريد هذا الكاتب المريخي من الهلال, راجعت اخر 14 مقال للكاتب فوجدت 11 عن الهلال (تبخيس طبعا) و مقالين عن المريخ فريقة و مقال عن الاتحاد العاموو عجبي؟؟؟؟؟؟
  • #18
    صلاحكو 04-06-2014 09:0
    يا مطبلاتي انت اليوم كشفت عن حقيقك والحقد يملاء حبر ك الجاف يا ستار علي جميع الحاقدين يا اخي امشي تعلم من الاستاذ علم اليوم كتاباتة رائعة
  • #19
    توتر 04-06-2014 08:0
    انحرف قلمكم 180 درجة بعد حضور الوالي لزواجكم الميمون ( وكفى )
  • #20
    أبو السارة 04-06-2014 06:0
    فصاحه وحقد منك وناس التمهيدي يسكتو وبس ، وخليكم مع ركوب باصات النيسان من ولايه لي ولايه ذي فرقة تيراب الكوميديا لمن تجيكم بواسير على الطلاق دكتور عمر محمود ما يعالجكم. ، ولكل جواد كبوة ، وما تنسى إن أخر ماتش مع فريقك السكه دا ماخد ليك (3) مسامير من أبو الهل طفشت الحضري من السودان وخلتكم مزهللين حتى الآن.
  • #21
    سيف الامين 04-06-2014 06:0
    ا سفي علي مستوي النقد الرياضي المنحدر.. اذا كان هذا الكاتب يعتبر ناقد رياضي فعلي الرياضة السلام.. واذا كان هذا مستواه.. لن تتقدم رياضاتنا شبر واحد..
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019