• ×
الجمعة 29 مارس 2024 | 03-28-2024
شوربجي

هلال الجمال كان فى كوستى :

شوربجي

 0  0  1327
شوربجي

كوستى سيتى يا امنا يا حضن دافى يضمنا
يدينا احساس بالامان جرعة حنان فى دمنا
نشرب معاك شاى الصباح نتصفحك بارتياح
ونلاقى احبابنا العزاز بكل بلهفه وانشراح

هلال الجمال كان هناك
وهلال الجمال ابدع هناك
وهلال الجمال امتع هناك
وان كان الابداع وسط الاحزان ليس بأبداع
والابداع مع الرابطه ليس هو المراد
ورحم الله اللاعب محسن عبد الله
وقالوا فى حاجة غلط فى كوستى
وقبل الكورة قلنا لناس كوستى صلحوا الغلط
وكوستى هى كوستى الرديف
و النابى طلع غتيت وبصبر ايوب حير المدربين
وحيرنا ببكرى المدينه
وحيرنا نحن بهلال رهيب
ومره يدافع بتلاته ومره يهاجم باثنين
2-4-4 /4-3-3
والبيطمنا انو غالب طوالى
ومغلوب دى ما فى حساباتو
وجرب ناس مالك والجزولى
وجيبو لينا تراورى
وجيبو لينا اوليفيه
واكرم هو اكرم
وجيبو البدري وجيبو مازدا
برضوالدورى عندنا ما اولويه
والهلال كل همومه افريقيه
ودفاع المريخ شوارع شعبيه
والفاتح رينجو كرهم الثلاثيه
وعالمى وما تكلمنى
وهدف رينجو والله هجمنى
وخلونا فى كوستى الجمال
ونحن مالنا ومريخ الاطلال
وقولنالكم قولوا كوستى الرديف وما تقولوا كوستى حاف
وكوستى سماها الخواجة كوستينوس
والهلال جنو وجن الخواجات
وهو فريق الحركة الوطنيه
وما بيحب الاستعمار ولا حكم العسكر
وانا بكره اسرائيل وبكره عمرو موسى
وعشان كده الهلال غلب الرابطه بالتلاته
وحيشيل كل نقاط الدورى وحتى لو ما لعب
وممكن يشيلها بالرديف او بالاساسيي
او بناس وليد ومحمد عبد الرحمن
او بناس صلاح الجزولى ووارغو
وبل راسك يا اتو فيستر
ومطلوب سيارة اسعاف جنب دكة اتوفيستر
وسامحونا يا ناس كوستى
الهلال بيحب كوستى
وبيحب حى الرديف
وبيحب حى السكة حديد
وبيحب حى المرابيع
وبيحب الحلة الجديده
سامحنا نصر الدين شلقامي.
سامحنا خالد المبارك،..
سامحنا قريب الله عبدالواحد.
عبدالعظيم محمد عثمان، شاعر..
سامحنا الزاكي (زيكو الكبير).
سامحنا الجيلى عبد الخير.
سامحنا علي سيد أحمد.
نعمات حماد.سامحينا
سامحونا يااهل كوستى فانتم فى حضرة الهلال
وسامحونا فالهلال لا يرحم
فهو القضية على مر التاريخ
وهو القضية ان فاز أو خسر
وهو القضية أن حضر أوغاب
وهو القضيه ان خسفت كل اقماره
وهو القضيه ان اصبح بدرا
كلمات فى ختام :
(()) اصدر الكاف امس نشرة عن الاندية التي تاهلت الي دور الــ(16) من ابطال افريقيا حيث وصف الهلال بانه الاقوي من بين الاندية التي تأهلت حيث لم تهتز شباكه و لم يتذوق طعم الخسارة بعكس اندية عملاقة اهتزت شباك على غرار الأهلي المصري و الترجي التونسي و مازيمبي اللكنغولي و اعتبر الكاف دفاع الهلال الأفضل في المرحلة الحالية بالتساوي مع وفاق سطيف الذي لم تهتز شباكه رغم انه لعب التمهيدي
(()) وارغو ليس خارج التشكيله كما يعتقد الاعلام السالب وانما النابى يعده تكتيكبا لمباريات افريقيا الثقيله وحتشوفوا كلامى

(()) احتل السودان المركز الــــ(122)عالميا في تصنيف الاتحاد الدولي للاحصاء لشهر فبراير متأخرا بثلاثه مراكز عن تصنيف شهر يناير 2014 وذلك بــــ(236) نقطة و جاء في المركز الـــ(36) افريقيا و الحادي عشر عربيا فيما تصدر التصنيف الدولي منتخب اسبانيا و جاءت الجزائر الاول عربيا و افريقيا

(()) الخندقاوى داعم كبير للهلال ولا يمكن التفريط فيه البعض يتخوف ان الرجل سيفوز برئاسة الهلال طيب مالو يا اخوانا مادام الرجل مقرش تمام يجيب مستشارينو وخبراء ومدربين ويجي يجرب حظوا الهلال فى حاجه الي المال والخبراء وخلونا ننسي الصادق المهدى والترابى والبشير وحلقات البربره والربربه والهيثمه وبلا هم

(()) هل ياترى مريخاب الحكومه هم من اوقفوا كاتب الهلال الرائع محمد عبد الماجد اكيد طبعا فبعد الخروج المر من تمهيدى افريقيا توقعوا اى شيئ من جمال الوالى العضو البارز فى المؤتمر الوطنى ومين عارف ربما يكون جمال الوالى الرئيس السرى لجهاز الامن

(()) مباريات الهلال الافريقيه لا تحتمل الخرمجه فالدورى غير مهم بالنسبة لنا بقدر اهمية المباريات الافريقيه انتبهوا اخوتى من اتحاد المريخ الاحمر ومعتصم جعفر والجكومى

(()) ﺍﻟﻨﺎﺑﻲ ﻓﻲ ﻣﺆﺗﻤﺮ ﺻﺤﻔﻲ ﺃﻋﻘﺐ ﻣﺒﺎﺭﺍﺓ ﺍﻟﻴﻮﻡ : ﺍﻓﻀﻞ ﺩﺍﺋﻤﺎ ﺍﻻﺣﺘﻔﺎﻝ ﻟﻴﻮﻡ ﻭﺍﺣﺪ ﺑﻌﺪ ﺍﻟﻔﻮﺯ ﻓﻲ ﺍﻱ ﻣﺒﺎﺭﺍﺓ ﺗﻨﺎﻓﺴﻴﺔ ﻭﻟﻜﻦ ﺇﺫﺍ ﺍﺳﺘﻤﺮﺕ ﺍﻻﺣﺘﻔﺎﻻﺕ ﻓﺎﻥ ﺫﻟﻚ ﺳﻴﺆﺛﺮ ﻋﻠﻰ ﺍﺩﺍﺀ ﺍﻟﻔﺮﻳﻖ ﻓﻲ ﺍﻟﻤﺒﺎﺭﺍﺓ ﺍﻟﺘﺎﻟﻴﺔ ﻭﻫﺬﺍ ﻣﺎ ﺣﺪﺙ ﺍﻟﻴﻮﻡ ﺍﻣﺎﻡ ﺍﻟﺮﺍﺑﻄﺔ ﻛﻮﺳﺘﻲ
(()) جمهور الهلال رائع فى كل مكان وما احلاه فى كوستى



من اجل الهلال : سيعود محمد عبد الماجد وان طال السفر



محمد حسن شوربجى

امسح للحصول على الرابط
بواسطة : شوربجي
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019