• ×
الجمعة 29 مارس 2024 | 03-28-2024
عمر عطية

في الـ 18

عمر عطية

 1  0  3075
عمر عطية
في ال18

عمر الطيب الامين

حركتكم دي أحسن منها تسريحة شريف الفحيل ...!

# والله بقيت كل ما أشوف أكرم الهادي حارس مرمي المريخ الدنيا دي بتمسخ لي ....!

# ما عارف لشنو بحس أنو الدنيا دي ما عندها طعم ...!

# الاحساس ده بس عندي ...!

# أكرم الذي يعد صديق الكنبة في المريخ أكتر من حسن كمال قال أنه يهدد بالاعتزال ...!

# والله كم بتهدد بالاعتزال أنا ما عارف ...!

# هو أنت مفروض الاعتزال يهددك مش أنت تهددو ..!

# هسي عليك الله عمليتك العملتها في الحصاحيصا دي عملية ...!

# دي عملية زول ممكن يعتزل كرة القدم الله بسالك ...!

# والله عمليتكم دي شماسة السوق الشعبي ما يعملوها ...!

# مش هم شماسة لكن في النهاية بخجلوا يعملوا عملية زي دي ....!

# خجلنا ليكم يا الما بتعرفو الخجل والله ...!

# غايتو بعد كده انا عندي ليكم اقتراح تاني اي نادي في الدوري الممتاز مطالب بكتابة لافتة وبالخط العريض (ممنوع.....بأمر السلطات )...! # هسي بالله ده تصرف لاعبين حيشيلوا لقب الدوري الممتاز ...!

# فرق يا معتصم جعفر ...!

# حركتكم دي أحسن منها تسريحة شريف الفحيل ...!

# طبعا شريف الفحيل ظهر في الفترة الماضية بنيولوك خاصة في العيد عبر فضائية النيل الأزرق والتلفزيون القومي، وبدا الفنان الضجة شريف أنيقا وبتسريحة شبابية ربما راجت وأصبحت إحدى صيحات الموضة في الأوساط الشبابية ،...!

# لكن ومن باب المعلومية شريف الفحيل دائما ما يظهر بتسريحات غريبة وتقليعات غريبة ..!

# هسي شريف الفحيل الدخلو في الموضوع ده شنو ؟

# قالت أفراح عصام فنانة، على ما أظن، إن علاقتها بالمطبخ ضعيفة ونحن بنقول لأفراح ما جبتي شيء جديد لانو الجواب باين من عنوانو ... #

أدفع نص عمري وأعرف منو القال لنادية انتي مذيعة ...!

# قلتي لي عايزة تعرفي اليوسف أفندي من فصيلة شنو ...! # من فصيلة البقوليات ...!

# هسي في ذمتكم دي مذيعة ....!

# (أعتقد وبعض الاعتقاد صاح) صلاح ولي فنان وكذلك نسرين الهندي فنانة ...! # وويا خسارة ريد بعتوا بتلفون جلاكسي
امسح للحصول على الرابط
بواسطة : عمر عطية
 1  0
التعليقات ( 1 )
الترتيب بـ
الأحدث
الأقدم
الملائم
  • #1
    جعفر صالحين 11-09-2013 01:0
    كلام خارم بارم .. حرام ان تفتح الصفحات لمثل هذا الكلام .. الذى يشبه الغنا ( الهابط ) ... بالله عليك ماذا استفدنا من هذا الكلام الذى لا معنى له ... ولا تنطبق عليه جميع قواعد اللغة العربية ...
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019