كرة ارضية

راشد حسن طه

الخرطوم (الوطنى) ومريخ ( المؤتمر)

* امس جارنا عبد الجبار قال لى كلام غريب خلاص

* اصلو عبد الجبار الايام دى هو نجم القعدات فى الحلة

* مع انو مفروض يكون نجم الاسبوع ده والاسبوع القادم (محمود) الجزار

* محمود الجزار دى ايامو والله

* لكن البقنع عبد الجبار شنو

* المهم

* عبد الجبار لاقانى وانا واقف عند (الغسال) بتاع الحلة

* عبد الجبار قال لى (جاى تغسل هدومك)؟

* قلت ليه يعنى جاى ( اغسل اموال)

* قعد يضحك

* البضحكك انت شنو مع عبد الجبار

* غايتو جنس محن

* يعنى انا جاى الغسال لى شنو؟

* دايرو يغسل لى (عربيتى) يعنى؟

* نجى لى كلام عبد الجبار الغريب

* قال لى الود عبدو (دلع عبد الجبار) طبعا يا (رفيق) كورة بكرة دى انا نقاطها خاتيها فى جيب جلابيتى دى اما انت الله يمرقك من كادوقلى

* قلت ليهو (رفيق) الحريرى)

* ( رفيق ) ولا (الخلا الفسل)

* ولا هو المثل بقول (الخلا ) ولا ال( رفيق) الفسل

* والله انا من يجيبو لى سيرة كادوقلى دى (الدورى الممتاز) بشوفوا (عشرة عشرة)

* قلت ليهو انت يا عبد الجبار المطمنك لى كورتكم شنو؟

* قال لى كيييييييف ياخى (خرطوم) و(وطنى) ملاقينا نحن ( مريخ الحكومة) يعنى (زيتنا) فى ( استادنا)

* قلت ليهو لكن الناس ديل كايسين الصدارة

* قال لى (صدارة) شنو مع (رفع الدعم ده)

* قلت ليهو الغريبة انتو الاتنين (مدعومين)

*(مدعومين) غداء هىىىىىىىىىىىىىىىى يكا

* مدربنا صلاح ده ما يقعد ينظر لينا ويمسخ (الاربعاء) علينا

*(اربعاء) وعقاب ( شهر)

* اصلو (الخروف) نحن ( قنعنا) منو

* كمان تبقى علينا لا (خروف) لا (دورى ممتاز)

* كتيرة والله يا عبدو

* قال لى كان (راجى) الممتاز) اخير ترجى ( الخروف)