كرة ارضية

‏راشد حسن طه

اتفاق البرير والوزير:-

(بقيتو تجيبوها لينا من فوق)

* زمن النميرى الله يرحمو كان فى سواق بسوق زوجة احد الرتب الكبيرة لى النادى

* اها زوجة الضابط لاحظت انو (رتبة) السواق اقل من رتب السواقين بتاعين صاحباتها

* المرة قالت لى السواق انت رتبتك صغيرة ليه؟

* قال ليها كلو من راجلك ما قاعد يرقينى

* اها المرة قالت ليهو بكرة تركب اظبليطة بتاعت ( صول) عشان نسوان الضباط ديل تانى ما يتبوبرن على

* يا زول السواق ما صدق مشى طوالى ركب ليك رتبة (صول)

* تانى يوم الصباح جا الضابط لقى سواقو مركب رتبة صول

* قال ليهو انت البقاك صول منو؟

* قال ليهو دى مرتك يا سعادتك

* قال ليهو (بقيتو تجيبوها لينا من فوق )؟

* القصة دى ذكرتنى اتفاق الوزير مع البرير

* الوزير عشان (الفيفا) (ما تجيبا ليهو من فوق)

* عمل الاتفاق مع البرير

* والبرير قال خير وبركة

*سحب الشكوى

* وبقى بين يوم وليلة فى نظر الوزارة ( شرعى)

* البرير ده شرعى ليهو اقل شئ 30 سنة

* زول اشتغل مع الطيب عبد الله زعيم امة الهلال الله يرحمو

* واشتغل مع عبد المجيد منصور الله يرحمو (قاهر الظلام)

* واشتغل مع طه على البشير امد الله فى عمره

* تجى المفوضية العملوها (اول امس) دى تقول ما شرعى؟

* البرير اقدم من المفوضية فى الوسط الرياضى

* الهلال كيان كبير

* ولم يخلق بعد من يحارب الهلال

* الهلال كان بتحارب كان من زمن نميري انتهى

* نميري عمل كأسين من الدهب عشان يدعم المريخ

* الهلال الثقيل فاز بالكاسين

* النميرى طوالى الغى الكورة فى السودان

* والنميرى مريخابى بشاكل

* اصلوا الدلاقين ديل من زمااااان فريق ( حكومات)

* هسة جات الحكومة بنت ليهم استاد وادتهم رأسمالية ( لوردات) ولما مجلس اللوردات انتهى عمرو قاموا مددوا ليهم ويجو يقولوا ليك البرير ما شرعى

* والهلال ده التقول تابع لى ( تل ابيب)

*لو كان هنالك عدل لبنوا للهلال استاد

* نحن الاغلبية

* ونحن عز البلد وفخرها

* الهلال ده جاب ليكم عيسى حياتو فى الخرطوم فى نهائي دورى ابطال افريقيا

* واتحدى الدلاقين الى يوم القيامة ان يصلوا نهائي دورى الابطال

* نحن وصلناه مرتين

لذلك الكاف والفيفا قالت الهلال نادى القرن فى السودان

* يعنى كأسات المجاعة بتاعتكم دى ما معترف بيها فى التصنيف يا وصيف

* نحن براااانا بنبنى استادنا

* وهلال الشعب السودانى ما بتحارب لأنه محروس برب العالمين

* واى حاجة تحصل بنمشى ( الفيفا) القاطعة قلبكم دى

* كان (زير) انكسر فى النادى بنمشى الفيفا

* وخليك مفتح يا البرير

* اى محاولة لغوثة الفيفا قاااااعدة

* ونحن قاعدين