• ×
السبت 27 فبراير 2021 | 02-27-2021
الواثق عبدالرحمن

همس الهتاف

الواثق عبدالرحمن

 0  0  12015
الواثق عبدالرحمن
احوال
متين العودة تاني
تطاولت بنا السنون في هذه المهاجر واستطالت...علقنا في فخاخ العادية..والدوران اليومي للاحداث...والخوف المقيم...علمتنا هذه الغربة الخوف..والتردد..والتعتعة...تفكر في العودة ..الرجعى..والاستقرار في حضن الوطن..حيث هو الاصل...وما دونه ..سراب بقيعة...ومستقر الى حين...تنهض في راسك االاسئلة..اها وكيف مع البيت الابى يخلص ده...المقاول ده ما عدمني القرش...هو قايلني عندي ضرع بحلب منو...شوف الزول العجيب ده...والمدارس...والنقاطة....لا حولا من النقاطة والزول الاخترع النقاطة...عاوز ترجع لازم يكون عندك نقاطة...حاجة بتدخل ليك يومي...ده الشغل ....لا ما الشغل..دي النقاطة ساي..تجهز نقاطتك ثم تبدأ بعد داك تلقط...غير كده ما بتعيش...يا زولا ما بتمش ما بتقدر على السودان..انت قايل البلد زي زمان...شيء نفايات..وشي حكايات...موية وكهرباء...وعوائد...ودمغة جريح..وهلم نهبا....اها وبعدين ..بعدين لو ما عندك ضهر غليد..ارقد رقادك في غربتك دي...لازم يكون عندك زول كارب وواصل..ابان بدل عجيبات ديلك....يكتر ليك من ...ان شاء الله.... و(احسب)...وجزاك الله خير...واعمل حسابك من السماسرة....وناس الحلة...الزمن ده ما في صليح....انت قايل وردي ده زمان غنى ساي...انت ما بتعفر صليحك من عدوك..حب شنو..وغرام شنو..اسماعيل حسن ووردي ديل كانو قاصدين المغتربين عديل كده ...اها وفي حاجة...اوعك تعملا لي نظري ...ودراسة جدوى وشنو ما عارف...دراسة الجودى دي في السودان وهمة ساي....تعمل الدراسة الليلة وباسعار معقولة..وهامش ربح محسوب..اها باكر كدي..يقوموا ليك ناس السوق العربي...وسماسرة اب صلعة..يرفعوا دولار الجن..الغريبة عفريتتهم ديك اربة...اصلو ما بنزلهوهو..طوالي هو مرفوع بالجشع الظاهر على آخره ..يرفعوهوا وهو ما يصدق..يتقافز براهو؟؟ينطط متل ديك الحديقة..وانت ودراسة جدوتك تروحوا في حق الله ....بعدين مافي زول يقول ليك استثمار مدروس..القصة ترازيق..وتساهيل..وقسم..هسة عليك الله انت كنت متخيل في زول بياكل ليهو مديدة بالنهار..الشيء شنو..نفساء..اهو القصة ماشة...وسمك عوضية ده براهو ما حكاية..والقراريص...بالروب...وام جنقر..بلد ياخ البوكس موديل 81 اغلى من موديل 91..تقول لي راجع..وكاني وماني..البد لبدانك...ودرس اولادك..والزارعا ربك...في الغربة بتقوم

الواثق
امسح للحصول على الرابط
بواسطة : الواثق عبدالرحمن
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019