كرة ارضية

راشد حسن طه

على من يضحك الوصيفاب....... كدى امشو حنسو (حضريكم) قبل ما تطيروا فى استادكم

* انهزمنا بالاربعة وليس (بالسبعة)

* ما قلنا السبب ( المطرة) و( البرد)

* لملمنا احزاننا

* لبسنا ملابس معركة العبور

* وسنعبر باذن الله وان شاء الله

* المشكلة فيكم انتو

* دايرين ليكم قووون وااااحد

* لكن البيجيبو منو ؟

* اوعى تقولوا لى موانزا الطلع ماسورة بنت كلب

* اقوان الصدف بتاعت رمضان دى زى بيضة الديك

* اها قول جبتو قوون

* الحارس (مالكم ودمكم) منو؟

* كرومى ولا ياسين

* ولا الاتنين يا بليغ؟

* امشوا (حنسوا) حضريكم)

* الحضرى لو ما لعب ليكم الكورة دى حجارتكم بتتطاقش اليوم داك يا باترة

* ابراهيم يا اخوى انا شايف تسوق ليك وفد مقدمة من هسة

* وشيلوا معاكم مناديل لزوم البكا( والمخاخيت)

* وقولوا ليهو (ملناش غيرك يا بيه)

* ومتأسفين على عدم حسن الاستقبال والتأخير فى المطار يا بيه

* وعليك الله يا الحضرى اكان بتعز الرسول قوم ارحك معانا

* اصلو اولادنا لاعبين فى غانا

* وما بنقدر على ليوبولو برانا

* وبرانا برانا نشيل الشيلة

* غايتو بعد التحانيس دى كان الحضرى ما جاء

* شيلو ليكم شوال بتاع دولارات (الضحاكات)

* امانة الدولارات ما بتجيب الزول

* التعادل محمدكم يا عشة

* امش ناس خميس وجيب صيواناتك من هسة