كرة ارضيةراشد حسن طه(الخلعة ) بتعمل اكتر من كده.... (المشطوب نجما لكل مباريات الوصيف) ولا داعى (للاجتهاد )* الباشا* خريج مدرسة الهلال* ثم التألق فى بورتسودان* ثم افضل لاعب حاليا فى ديار الوصيف منذ قدومه* والى الان* ظلموه ظلم الحسن والحسين فى مباراة الوصيف امام النسور* الباشا افتتح التسجيل* وقال لكلتشى (هاك جيب قون)* كان ينتظر ان يتسلم جائزة نجم المباراة* قالوا ليهو (معليش يا باشا)* نحن لسة (مخلوعين)* (نحن الليلة ما فلقنا بالطوب) عشان كده الجائزة اديناها ( المشطوب)* ( المشطوب ) شوية ... شوية ونار (الخلعة ) كتيرة عليا* معليش يا احمد يا (باشا) كنت نجما بلا منازع* ولو اعطيت الجائزة لى (بلة) الذى حرك ساكن الطرف الايمن لصار الامر ( مبلوع)* لكن الما شاف البحر ( بتخلعوا ) الترعة* ريحو بالكم واى جائزة نجم مباراة ادوها ليهو* لزوم (رفع المعنويات) ومحاربة ( النفسيات)* هووووووى يا وصيفاب والله الباشا ده يغيب من مباراة الا تجيبوا قووون فى ال(بلاى ستيشن)* انت يا (الباشا) عند الله جزاك* كم انت كبير يا نصر الدين (ابو شاكوش)* وكم انتم صغارا يا (متعهدى تكسير التلج)
