• ×
الثلاثاء 18 يونيو 2024 | 06-18-2024
راشد طه

كرة ارضية

راشد طه

 0  0  6864
راشد طه
كرة ارضية
راشد حسن طه
هذا هو عام انجازكم فلا تضيعوه يا مريخاب
* جلست بالأمس امام شاشة ( النيلين) لأشاهد مباراة النسور والمريخ
* ولأننى لا استمع لمعلق سوى الرشيد بدوى عبيد قفلت صوت التلفزيون وفتحت الرادى
* لقيت يوسف محمد يوسف
* ما تسألونى عملت شنو؟ جنكم اسئلة
* وبكل امانة قلمية اقولها لو وجد المريخ المهاجم القناص فالمريخ موعود بانجاز خارجى
* قوة وتماسك فى الدفاع
* حيوية ونشاط فى الوسط
* وحركة دؤوبة فى الاطراف
* ما ينقص المريخ كالاتى:-
*حارس مرمى على مستوى عالى( يعنى رجعوا الحضر ساااااى وادوهو قروشو)
* ومهاجم يمتلك الحلول الفردية ويستطيع ان يهرب من المراقبة
* فالمريخ يمتاز على الهلال فى لعب الكرة دوما للأمام
* نحن ناس عمر بخيت (هارننا) بأرجاع الكرة للوراء
* حتى خيل لى ات اغنية ( ورا.. ورا) شاعرها عمر بخيت
* الناس بلعبوا الكورة لى قدام
* ناس برشلونة وناس ريال مدريد وناس مانشستر يونايتد وحتى ناس المريخ
* الا عمر بخيت... الهلال لو لاعب مع اسهل فريق تلقى عمر بخيت برجع الكورة ورا
* المهم كلمة وانا قلتها ليكم يا مريخاب السنة دى لو ما جبتو كأس خارجى تكونوا بالغتو
* اما نحن خلونا سااااى مع ناس ورا ورا ديل الا نجيب كأس دورة فى الباقير ( الورانى)
*حاجة اخيرة:-
* النسور لم تكشف عيوب المريخ الا فى العشر دقائق الاخيرة ولو تخلى النقر عن اللعب الدفاعى لخرج متعادلا على اقل تقدير
* علاء الدين دخولو ومروقو واحد وخلو المجاملات يا الكوكى فرمضان عجب لعاااااب
* اما المشطوب الثانى فلم يقدم اى شئ حتى الان ومال للعب الاستعراضى ليكسب تعاطف الجمهور
* انتو موانزا بالله عامل زى (طبق الديقتال ابو تسعين) من اى حتة بلتقط
امسح للحصول على الرابط
بواسطة : راشد طه
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019