كرات ارضية
راشد حسن طه
هدا جاييك انا جيت داخل قبل شوية من الخرطوم
النسور (والطيور)....... وزانت ارضها الوان الزهور
* لم اجد فنانا سودانيا او شاعرا غنى ( للنسور)
* الفنانين والشعراء يغنون عادة ( للطيور)
* والزهور
* والبلابل
* اها البلابل ديل فنانات عدييييل
* فى فناين غنوا ( للحمام)
* لكن (النسور ) ما فى زول غنى ليها
* زمان قرونا قصيدة اسمها ( العقاب الهرم) للأستاذ عباس محمود العقاد
* شفع مرحلة الاساس ديل ما حضروها
* هسة قصايدهم فى المدرسة مسيييييييخة جدا جدا
* المهم ما علينا
* كل زول حر فى منهجو وقرايتو
* ان شاء الله تقروهم ( حرامى القلوب)
* نحن قرونا (دجاجى ) يلقط الحب
* لما كبرنا قرونا ( الثعلب) المكار
* لكن (النسور) دى لاقاتنا لما بقينا نحضر الدورى الممتاز
* اما ( الحمام) لسة ما عمل ليهو فريق عشان يطلع الممتاز
* ولا فى حمام فى الممتاز وانا ما عارفو ؟؟؟؟؟
* (النسور ) صاحية وانت نايم
* الله يدينا الفى مرادنا يا النسور
* بس ما نطير زيك
* الليلة برضو كرومى ولا الحضرى مشكلتو حلاها (الوالى)؟
* انتو ياسين ده (محرسنو) شنو فى كنبة الاحتياطى؟
* بقى (اندر) من العجب
* غايتو انا احساسى ما قاعد يكضب الليلة استاد الخرطوم ده بتملى ( حجار)
* (حجار بطارية) وبدون هىىىىى يكا