• ×
الخميس 28 مارس 2024 | 03-27-2024
هيثم صديق

من هنا و هناك

هيثم صديق

 0  0  3845
هيثم صديق
البرير (اب شطب) هييييع
قيل ان رجلا طلق خمس نساء في يوم واحد
كانت له اربع نساء
لادحته الاولي فطلقها
استهجنت الثانية الامر فطلقها
استغربت الثالثة الحكاية فطلقها
فرحت الرابعة فطلقها ايضا
وهنا صاحت زوجة جاره التي كانت تتنصت
هوي يا راجل انت جنيت والا شنو
فقال: انت برضو طالق لو وافق زوجك
فصاح زوجها :موافقون موافقون
والله يا البرير انت ختري
هييييع (اب شطب)
الله مرق الحيمودي حي
المعز يكون هسي ماسك سبحتو
في اخبار تحت تحت انو قلق زاتو شطبو البرير
البرير ده بربري
عامل ابادة جماعية
قالوا عمر بخيت جاب دعم للنادي عشان يرجعوه
سيف مساوي قالوا ليك شيبتو كسحت الشعر كلو
سامي عبد الله الجديد ده قالوا رجف
هلا هلا اااالبرير
عافي منك
التلكمو ينفعك
والبرنس حقوقو 7200
قال ليك في شوية فكة كده ما دفعوها
والله يا برنس ما رضيناها ليك
لكن شطبوك ولا جوك جوك
جوك سينا اييه يكا
البرير ده بيحب المصارعة والاكشن
علاء شلاليت لاقي برير بونية
وايييه يا دنيا
البرير ده صعب صعب
لو لقي النار مولعة بزيدها (شطب)
واخر خبر:
البرنس انشطب
والجمهور عامل شغب
الجمهور جوه بالبمبان
والبرنس الا يلعب كونكان
في ناس مسكها (هارت)
وفي جرايد وصفت الاحد باليوم (الاسود)
اتوقع البرنس يمشي للفرسان او (للاولاد)
في ن(اس) قالوا يبقي مدرب
لكن الارباب قال حايولعها
علشان كده حقو (الدامات) يطلعن بره
في بنات لما شافن مجلس الهلال جاي مكاتب الاتحاد كوركن:
جو(كر ) علي البرنس
لكن حركة البرير كت(شينة) شديد
يشطب سيدا
ويخلي الهلال علي الحديدة
البري ده زول واصل
حبيب البلد وقفها والبرنس شطبو
البرير مافي امرا غلبو
البرير ده والله الا غلبو المريخ
اداه 3-2
ناس حبيب البلد قالوا عندهم حوار مع علاء الدين
الحوار لسه ما اتعمل
البرير شطبك شطبو
شطبنا
الشطب يريد ارجاع البرنس
البرير ده مغبون من هيثم بطريقة
قال ليك عاين لي ساعتو لقاها عاملة الساعة(8) كسرها علي طول
خليفة قالوا عنده صاحبو في الكلاكلة اسمه الامين
ناس البيت قالوا لي خليفة اللمين جاك هنا
خليفة يرجف لي هسي
قايلو اللمين البرير
سفير النوايا الحسنة
لاقي سفير النوايا السوداء
البرير نيتو سوداء شديد
17 سنة ما قدرها ولا راعاها
ما راعي عامل السن
وعلولو اتشطب يا ولداه
لا نفعتو بسمة لا انقذتو بصمة
بصمة العز يا سماحة
اريتو لو البرير ده نقاش
كان يشطب العمارة في ساعة واحدة
سادومبا ضيع بلنت اتجاهلو
يوسف هوت ضيع بلنت فلسعو
البرير (اب تكو)
قراقوش
نيرون
هولاكو
هولاكو قال ليهم الله معاكو
البرير ده ذكرني نكتة الزول الختري
دخل الحرب
شايل سيفو وبيضرب علي كيفو
زولنا بيحكي:
تصدقوا يا جماعة راسي انقطع ما حسيت بيهو
ما عفتو انقطع الا بعد ما جيت البيت
وداير اخت لي سفة
سف: نحن من خلفكم
البرير بالطريقة دي بيعلن الطواري
البرير بيمرق ليكم باعلان دستوري
الدكاكين بناهن من غير تصاديق
البر(ير) للطيران
فريقو يطير
كابتنو يطير
هدافو يطير
البرير يا خطير
البرير معاونوه هم ولد زعيم الهلال
وولد زعيم المريخ
ود ملاح
وود خالد حسن عباس
البرير الثوري
البرير (ام بي ثري) اديل كده
اي حاجة بيسجلها
واي حاجة بيشطبها
لكني خايف علي فاطمة الصادق منو
شطبنا


امسح للحصول على الرابط
بواسطة : هيثم صديق
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019