هيثم صديق .. من هنا وهناك
///////
شطب وبطش
شطب معكوسها بطش...فتأمل
كما انها مبعثرة تكون(شبط)
ورحم الله العميري
ليك حق تخافي
ما دام جبت ليك شبط هدية
وانا طول الدنيا حافي
.......................
مشكلة اخلاء الخانة هي المشكلة الكبري
والخانة كلمة تركية
لذلك تبقي التسجيلات مسلسل تركي
ويبقي مهند اللعاب كمهند الوسيم
بطلا للموسم
نحتاج الي (فاضي خانة)
كاحتياجنا للاجزخانة
الشفخانة
الادبخانة
ويا عنكبة انت معانا والا مع الخيانة
......................
ناس تعتصم امام مكاتب الاتحاد لمنع شطب
وناس تعتصم امام منزل لمنع استقالة
وناس تعتصم بالصمت
وناس تنظر لعصام الحاج
الغريبة شفت لي صورة معتصم وهو مبتسم
رئيس الاتحاد زاتو معتصم
وكفارة لمعتصم محمد الحسن
عمل عملية في دبي
و
اعتصام في اعتصام يا عوض دكام
او
ان الاعتصام مثل الفطام
ينبغي ان يوجد بديل للمفطوم
وقد قرأت علي تندةلوري
(مفطوم اللبن ما بينفعوا اللولاي
.........................
ان يأتي مرتضي كبير من هلال مريخ
فذاك تطور طبيعي
مرحبا بالكبير
والضفر جاهو منكير
لون لنا النص يا جوكر
نص المريخ بقي زي نص الدرب
لا وصلت ليك
لا الرجعة تاني عرفتها
.........................
جاء في الاخبار ان البرنس طالب باعفاء حمد كمال
اتذكرت نكتة الجماعة الاشتروا ليهم حمل
اشتروه من عمر شهر للاضحية
الحمل لامن بقي خروف ما فارق اولاد البيت
بقي يمشي معاهم الميدان ويترسل الدكان
يوم الوقفة الخروف قعد يبكي
:كل الناس جابوا ليهم خروف الا نحن
فالبرنس مربوط للشطب
ويريد شطب حمد كمال
......................
عثمان مصطفي لا يعرف ترباس
ترباس لا يعف فلان
فلان لا يعرف علان
وكل فنان يريد ان يخبرنا انه الاول
رحم الله الكاشف كان ما بيعرف يقرأ
ووصل الي طيات السحاب
وحده وحده
..............................
في هولندا قتل لاعبون حكما
اي والله لكموه الي الموت
يكون يار بي عمل شنو
ما طرد مدافع اعتدي علي مهاجم
والا ما حسب بلنت
ام كل ما ذكر صحيح
صحيح الما اختشوا ماتوا
...............................
بعد تطاول ظاهرة تكسير المسارح
اخشي علي المسرح القومي
اخاف ان يغرقوه
المسرح ده قريب للنيل
وكده خطر
..........................
قال لي صديقي (قرمان):
عليك الله ما تلمني في شلة قندهار بتاعة الهلال
قلت له :لكنك مريخابي
فقال لي :ياخي كيلو اللحمة بقي بي 60
وبعدين سفاري ده قاعد ساي وداير من المريخ
لم ادر ما يربط هذا بذاك
لكن صاحبي قرمان ده عليه جنس محن
...............................................
لو صحيفة حبيب البلد لسه بتصدر
كان الهلال شطب الكشف كلو
......................................
قال علاء يوسف ان البرنس باع البرادو
انا كنت فاكر البرنس عنده كريسيدا
ضللتني الاغنية
كريسيدا وسمح(سيدا)
.........................
اتمني من الاندية ان تعمل تجنيبا لاموال الاقطاب
التجنيب الابيض ينفع في اليوم الاسود
التجنيب بجيب الاجانب
والاجانب عايزة الارانب
والارانب عند العديلين
ربنا يا بنا
ربنا جيب العديلين
.........................
متعة المتعة ان تقرأ المنظوم والمنثور للحلنقي
حتي مقالاته المعادة اتلذذ بها كما اتلذذ بدرره الغوالي
واعذ الناس حبايبك نحن
زيدنا قليل حنان
..........................................
قالوا ان تحية زروق ستعود للتمثيل
من هي تحية زروق
هذا سؤال الاجيال الجديدة
فحتي الارشيف ضنين علي الظهور
الاف لا يعرفون تحية
التحية الوحيدة التي يعرفونها هي التي يديها العجب
والمنام ابي لينا
العجب يلوح بتحية الوداع
كبرت السن
وتقلت الكراع
///////
شطب وبطش
شطب معكوسها بطش...فتأمل
كما انها مبعثرة تكون(شبط)
ورحم الله العميري
ليك حق تخافي
ما دام جبت ليك شبط هدية
وانا طول الدنيا حافي
.......................
مشكلة اخلاء الخانة هي المشكلة الكبري
والخانة كلمة تركية
لذلك تبقي التسجيلات مسلسل تركي
ويبقي مهند اللعاب كمهند الوسيم
بطلا للموسم
نحتاج الي (فاضي خانة)
كاحتياجنا للاجزخانة
الشفخانة
الادبخانة
ويا عنكبة انت معانا والا مع الخيانة
......................
ناس تعتصم امام مكاتب الاتحاد لمنع شطب
وناس تعتصم امام منزل لمنع استقالة
وناس تعتصم بالصمت
وناس تنظر لعصام الحاج
الغريبة شفت لي صورة معتصم وهو مبتسم
رئيس الاتحاد زاتو معتصم
وكفارة لمعتصم محمد الحسن
عمل عملية في دبي
و
اعتصام في اعتصام يا عوض دكام
او
ان الاعتصام مثل الفطام
ينبغي ان يوجد بديل للمفطوم
وقد قرأت علي تندةلوري
(مفطوم اللبن ما بينفعوا اللولاي
.........................
ان يأتي مرتضي كبير من هلال مريخ
فذاك تطور طبيعي
مرحبا بالكبير
والضفر جاهو منكير
لون لنا النص يا جوكر
نص المريخ بقي زي نص الدرب
لا وصلت ليك
لا الرجعة تاني عرفتها
.........................
جاء في الاخبار ان البرنس طالب باعفاء حمد كمال
اتذكرت نكتة الجماعة الاشتروا ليهم حمل
اشتروه من عمر شهر للاضحية
الحمل لامن بقي خروف ما فارق اولاد البيت
بقي يمشي معاهم الميدان ويترسل الدكان
يوم الوقفة الخروف قعد يبكي
:كل الناس جابوا ليهم خروف الا نحن
فالبرنس مربوط للشطب
ويريد شطب حمد كمال
......................
عثمان مصطفي لا يعرف ترباس
ترباس لا يعف فلان
فلان لا يعرف علان
وكل فنان يريد ان يخبرنا انه الاول
رحم الله الكاشف كان ما بيعرف يقرأ
ووصل الي طيات السحاب
وحده وحده
..............................
في هولندا قتل لاعبون حكما
اي والله لكموه الي الموت
يكون يار بي عمل شنو
ما طرد مدافع اعتدي علي مهاجم
والا ما حسب بلنت
ام كل ما ذكر صحيح
صحيح الما اختشوا ماتوا
...............................
بعد تطاول ظاهرة تكسير المسارح
اخشي علي المسرح القومي
اخاف ان يغرقوه
المسرح ده قريب للنيل
وكده خطر
..........................
قال لي صديقي (قرمان):
عليك الله ما تلمني في شلة قندهار بتاعة الهلال
قلت له :لكنك مريخابي
فقال لي :ياخي كيلو اللحمة بقي بي 60
وبعدين سفاري ده قاعد ساي وداير من المريخ
لم ادر ما يربط هذا بذاك
لكن صاحبي قرمان ده عليه جنس محن
...............................................
لو صحيفة حبيب البلد لسه بتصدر
كان الهلال شطب الكشف كلو
......................................
قال علاء يوسف ان البرنس باع البرادو
انا كنت فاكر البرنس عنده كريسيدا
ضللتني الاغنية
كريسيدا وسمح(سيدا)
.........................
اتمني من الاندية ان تعمل تجنيبا لاموال الاقطاب
التجنيب الابيض ينفع في اليوم الاسود
التجنيب بجيب الاجانب
والاجانب عايزة الارانب
والارانب عند العديلين
ربنا يا بنا
ربنا جيب العديلين
.........................
متعة المتعة ان تقرأ المنظوم والمنثور للحلنقي
حتي مقالاته المعادة اتلذذ بها كما اتلذذ بدرره الغوالي
واعذ الناس حبايبك نحن
زيدنا قليل حنان
..........................................
قالوا ان تحية زروق ستعود للتمثيل
من هي تحية زروق
هذا سؤال الاجيال الجديدة
فحتي الارشيف ضنين علي الظهور
الاف لا يعرفون تحية
التحية الوحيدة التي يعرفونها هي التي يديها العجب
والمنام ابي لينا
العجب يلوح بتحية الوداع
كبرت السن
وتقلت الكراع
