همس الهتاف
العجب حبيبي
ويستمر الهذيان في الأوساط الإعلامية الحمراء .
صحفهم تعج بالضجيج ...والجرسة....وحمى الضنك الازرق .
وفي واحدة من تخاريفهم العجيبة يتأؤه صديقي الاصلع وزميل المحبسين المحاماة والتحبير السيد بابكر سلك منادياً شيخه الشغيل ...يا سيدي الشغيل كان ما كسرتو ورقدتوا ...المقصود طبعاً الود سانيه ...ضراب الشباك .
اما مزمل ابوالقاسم اخصائي التخدير المريخي فالتجأ الى التاريخ بعد ان اعيته الحيلة وضرب المحل والجفاف كبد الحقيقة التي لم تعد رطبة بأي حال من الاحوال .
ود ابوالقاسم ارجعنا الى عهود الترام والانجليز وسيدي وسيدك وسوق القش .
قال صاحب كبد الحقيقة ان المريخ هو الاكثر فوزاً بالقمة ...وفي اطار اكمال المشهد...بالبهارات الحرفية واكسسوارات الكلام، استدعى التاريخ ....وحجا الحبوبات...في بلد حتى تاريخها السياسي غير منضبط وليس ثمة اتفاق على كنه احداثه الكبرى .
التاريخ الماثل امامنا هو الفيصل ..فنحن شعب بذاكرة مثقوبة...الم تر كيف عاش الرئيس الراحل نميري ايامه الاخيرات في وسط الشعب رغم نقمة الناقمين ...وناس اااااخ انا لو لاقيتو..عاش في وسط الناس آمناً سالماً الى ان رحل عن دنيانا الفانية
وتاريخنا الرياضي تاريخ حكواتية وقصص لا تخلو من الظرف الخاص والمزاج الشخصي والتحيز المبني على الحب والايلاف أو الكره و(المكاجنة) .
نحن اولاد النهار ده يا زمل يا اخوي...اولاد والي الدين ...وشيل زيكو للكورة بايديه...اولاد قوديون... وكلاتشي ما قبل الكلتشة...وسادومبا البطاح..وكاريكا اللماح ...وبشة الفسااااااااااااح .
نحن اولاد عهد الثلاثية ..التي اتم ناقصتها المعلم عمر بخيت بصاروخ حارق لاذع وافريقيا تتفرج ...وترقص عشرة بلدي كمان .
نحن اولاد جيل بشة...لمسة وعييييييييييييك...وشوفوا هداك برتع رافع رؤوسنا في اغلى دوري عربي .
اما هبشيك لسيدا فده قصتو تانية ...جلت منك يااخوي.... لقيت الهاء الناس بمسجوع الحروف...والاحابيل المحتذلقة سوق ميت.... قلتا النتعلق في طرف سيدا...غايتو يا سيدا عفيت منك .
سيدا ده انت عارفو..حافظوا....ولو ختيت الرحمن في جوفك...وازلت عن سويداء قلبك المرض المزمن المسمى (رجفة سانيه) ....لادنت نفسك بنفسك..فكم خرجت من حروفك اشادات بسيدا وفنونو..لمساتو...وهبشاتو الهباشة .
العتب على الرجفة يا صاحب..كلو منك يا سانيه .
فاروق جبرة يقترح العجب لملاقاة الهلال....ويبدأ في تجهيزه بنفسه .
فاروق جبرة اشتغل مدرب لياقة ..المسكين يعتقد في نفسه انه من سيحل عقدة هلال النجام...المشاء.. القلام ...بوصفة العجب حبيبي .
العجب حريف قطع شك..وما عندنا فيهو أي كلام .
لكن الايام دول...والزول كبر خلاااااااااااااااااص .
عجبكم ده ما بنستر مع الماكينات الاجنبية....
ايكانقا ده ثمانية بستم...رش من جميع الجهات .
وسانيه ..قال كلامي مع الشباك...وعندي رغبة في التعرف باكرم الكريم ..وحضريها البجليها .
اها يا سلك قول الشغيل ده فك حظر البرنس ومسك في سانيه ...البباري كاريكا منو..قول كاريكا اتمسك..البمسك سادومبا منو ...امااااااااااااااااك .
انا كان العجوز الفرنسي اداني خاطري زولي الطاهر حماد .
قوة..حيوية..لعب جاد..تصويب بالقدمين .
الطاهر لو لعب بيحرز هدف...ود حماد عندو حسابات مع الناس ديل يا غارزيتو ياخ..خلي الزول يصفي حساباتو .
امبارح الجابوا الاقوان في جزيرة الفيل عبده جابر وكايا وبكري .
الهلال دهك لو بسجل والا شنو .
اها كمان عبدو جابر ده ممكن يحاورك ما تعرف الليلة كم رمضان .
وبكري المدينة ..جسارة..قوة...وعزيمة لا تلين .
غايتو الهلال ماشاء الله .
بس ظبط الدفاع يا فرنسي .
وخلي عمر وعلاء صاحين ..ايكانقا ما داير البصحيهو .
مساوي راجل الحارة..القوي الامين موجووووووووووود .
وصالح الامين ...شديد ومتين .
وبوي في الطرف الايسر جسارة ..انقضاض..ومتابعة لصيقة .
اولادنا جاهزييييييييييييييييين .
سانيه جااااااااااااااااااااااكم .
هتاف اخير
سلك بالغ ياخ...الزول ده شوفوا ليهو دكتور
العجب حبيبي
ويستمر الهذيان في الأوساط الإعلامية الحمراء .
صحفهم تعج بالضجيج ...والجرسة....وحمى الضنك الازرق .
وفي واحدة من تخاريفهم العجيبة يتأؤه صديقي الاصلع وزميل المحبسين المحاماة والتحبير السيد بابكر سلك منادياً شيخه الشغيل ...يا سيدي الشغيل كان ما كسرتو ورقدتوا ...المقصود طبعاً الود سانيه ...ضراب الشباك .
اما مزمل ابوالقاسم اخصائي التخدير المريخي فالتجأ الى التاريخ بعد ان اعيته الحيلة وضرب المحل والجفاف كبد الحقيقة التي لم تعد رطبة بأي حال من الاحوال .
ود ابوالقاسم ارجعنا الى عهود الترام والانجليز وسيدي وسيدك وسوق القش .
قال صاحب كبد الحقيقة ان المريخ هو الاكثر فوزاً بالقمة ...وفي اطار اكمال المشهد...بالبهارات الحرفية واكسسوارات الكلام، استدعى التاريخ ....وحجا الحبوبات...في بلد حتى تاريخها السياسي غير منضبط وليس ثمة اتفاق على كنه احداثه الكبرى .
التاريخ الماثل امامنا هو الفيصل ..فنحن شعب بذاكرة مثقوبة...الم تر كيف عاش الرئيس الراحل نميري ايامه الاخيرات في وسط الشعب رغم نقمة الناقمين ...وناس اااااخ انا لو لاقيتو..عاش في وسط الناس آمناً سالماً الى ان رحل عن دنيانا الفانية
وتاريخنا الرياضي تاريخ حكواتية وقصص لا تخلو من الظرف الخاص والمزاج الشخصي والتحيز المبني على الحب والايلاف أو الكره و(المكاجنة) .
نحن اولاد النهار ده يا زمل يا اخوي...اولاد والي الدين ...وشيل زيكو للكورة بايديه...اولاد قوديون... وكلاتشي ما قبل الكلتشة...وسادومبا البطاح..وكاريكا اللماح ...وبشة الفسااااااااااااح .
نحن اولاد عهد الثلاثية ..التي اتم ناقصتها المعلم عمر بخيت بصاروخ حارق لاذع وافريقيا تتفرج ...وترقص عشرة بلدي كمان .
نحن اولاد جيل بشة...لمسة وعييييييييييييك...وشوفوا هداك برتع رافع رؤوسنا في اغلى دوري عربي .
اما هبشيك لسيدا فده قصتو تانية ...جلت منك يااخوي.... لقيت الهاء الناس بمسجوع الحروف...والاحابيل المحتذلقة سوق ميت.... قلتا النتعلق في طرف سيدا...غايتو يا سيدا عفيت منك .
سيدا ده انت عارفو..حافظوا....ولو ختيت الرحمن في جوفك...وازلت عن سويداء قلبك المرض المزمن المسمى (رجفة سانيه) ....لادنت نفسك بنفسك..فكم خرجت من حروفك اشادات بسيدا وفنونو..لمساتو...وهبشاتو الهباشة .
العتب على الرجفة يا صاحب..كلو منك يا سانيه .
فاروق جبرة يقترح العجب لملاقاة الهلال....ويبدأ في تجهيزه بنفسه .
فاروق جبرة اشتغل مدرب لياقة ..المسكين يعتقد في نفسه انه من سيحل عقدة هلال النجام...المشاء.. القلام ...بوصفة العجب حبيبي .
العجب حريف قطع شك..وما عندنا فيهو أي كلام .
لكن الايام دول...والزول كبر خلاااااااااااااااااص .
عجبكم ده ما بنستر مع الماكينات الاجنبية....
ايكانقا ده ثمانية بستم...رش من جميع الجهات .
وسانيه ..قال كلامي مع الشباك...وعندي رغبة في التعرف باكرم الكريم ..وحضريها البجليها .
اها يا سلك قول الشغيل ده فك حظر البرنس ومسك في سانيه ...البباري كاريكا منو..قول كاريكا اتمسك..البمسك سادومبا منو ...امااااااااااااااااك .
انا كان العجوز الفرنسي اداني خاطري زولي الطاهر حماد .
قوة..حيوية..لعب جاد..تصويب بالقدمين .
الطاهر لو لعب بيحرز هدف...ود حماد عندو حسابات مع الناس ديل يا غارزيتو ياخ..خلي الزول يصفي حساباتو .
امبارح الجابوا الاقوان في جزيرة الفيل عبده جابر وكايا وبكري .
الهلال دهك لو بسجل والا شنو .
اها كمان عبدو جابر ده ممكن يحاورك ما تعرف الليلة كم رمضان .
وبكري المدينة ..جسارة..قوة...وعزيمة لا تلين .
غايتو الهلال ماشاء الله .
بس ظبط الدفاع يا فرنسي .
وخلي عمر وعلاء صاحين ..ايكانقا ما داير البصحيهو .
مساوي راجل الحارة..القوي الامين موجووووووووووود .
وصالح الامين ...شديد ومتين .
وبوي في الطرف الايسر جسارة ..انقضاض..ومتابعة لصيقة .
اولادنا جاهزييييييييييييييييين .
سانيه جااااااااااااااااااااااكم .
هتاف اخير
سلك بالغ ياخ...الزول ده شوفوا ليهو دكتور
