• ×
الجمعة 29 مارس 2024 | 03-27-2024
الواثق عبدالرحمن

همس الهتاف

الواثق عبدالرحمن

 0  0  13003
الواثق عبدالرحمن
همس الهتاف
شطة باااااااااااااااردة
الاخبار ترشح والاوساط الرياضية تتناقلها .
ونحن في بلاد لا تحفظ السر.... ولا تخفى فيها الخوافي .
التنسيق بكل اسف يمتد ليصل اسوار الاتحاد العام .
مشاوير ماكوكية .
والزرق باعينهم الطويلة وايديهم اللاحقة يعرفون كل شيء .
الاخبار تصل للبرير فيقهقه في مجلسه الفخيم وهو يسامر علية الكيان الازرق الميمون .
وارقام الرحلات الى القاهرة معروفة ومحفوظة ولهلال الناس اذرع في كل مكان .
وقبلها له رب يحميه من المؤامرات التي تهدف الى شيء واحد .
الا يخرج الهلال من قفص اللقب السخيف (الصفر الدولي) .
وعلى طريقة الطيب عبد الرحمن وسيكافا مدراكا فان القوم ينسجون لكل شيء حبائله .
عفوية ما عندهم .
تلقائية وشرف تنافس بابح .
المؤامرات ...وتغيير الوقائع...وحرف الاتجاهات شغلهم الشاغل .
واخبار الشطة المصرية تصل الى عند البرير وجلسائه .
ومن يعتقدون ان الهلالاب نائمون عليهم ان يعيدوا النظر كرتين .
الهلال صاحي .
وذلك المسكين الذي يعتقد ان حربه للبرير تستحق ان يحرق من ورائها الكيان واحلامه سيعض بنان الندم .
من يحيك ضد الهلال المؤامرات لن يرجع الى معاقل القلعة الزرقاء الماجدة .
والجماهير باتت تعرف كل شيء .
ومن جرب الركض من حجارة جماهير الهلال وغضبتها الكنود عليه ان يفكر مرتين وأكثر قبل الإقدام على أي حركة .
المؤامرة سخيفة وجبانة .
والشطة عليها ان تتأقلم فما كل معدة تتأثر .
والأعين الزرقاء مفتحة وراصدة كل شيء .
وفي غد نكشف لكم مزيد من تفاصيل محاولة التآمر البغيض على هلال الناس .
للهلال رب يحميه وابناء يعرفون كيف يزودون عن عشقهم السرمدي .
هتاف الهمس
* سانيه ده مالو
جزيرة الفيل تتشنج وسانيه يسجل .
انت اتشنج لي وانا بسجل ليك .
سانيه قصتو عجيبة...وسرو باتع .
الزول ده كدي فشتوه...التقول مسكون .
الجماعة فضل ليهم لقب الهداف وسانيه حالف ما يضقوهو .
الزول ده سوداني مركب مكنة محترف والا شنو ؟؟؟؟
كانت ساسا واحدة... بقن اتنين .
سا سادومبا...وساااااااااااااااا سانيه .
الزول ده تشوفو مسكين وكاتل ضلو .
لكن لدغتو عجييييييييييييبة .
قال ليك نجم الدين قرر يكرر مشهد البونية الفائت ويخارج نفسو .
الزول ده مفتح شديد .
مالو ومال ناس سانيه الما معروف يجيك من وين .
الشي شنو....جني .
يا سانيه ياخ ما بالغت .
سادومبا ده الشلاقة ليهو شنو ما يخلي سانيه يشوت البلنتي .
لقب الهداف كان راح في حق الله .
الزول الانطرد ده اول مرة ينطرد .
الهلال ده طوالي بيعمل كده .
اول مطرود...اول زول شال الكورة بايدوا...واولات كتيرااااااااااااات .
الجماعة جابو الحضري .
وين قيم المريخ..وين كرامة المريخ ...
سانيه عجييييييييييييييييب .
ناس جزيرة الفيل لو بلعبوا بي نوع الحماسة دي ماكنوا بقوا الطيش .
اول مرة اشوف لي طيش نفسو قائم كده .
طيش بتحدى الاول .
جنس طياشة .
الطيارة الشالت الزول معروفة ومخبورة .
والهلالاب يحذرون الشطة .
نحن ما بنحب الشطة .
اسؤا حاجة انو الشطة مرات تظبطا براك وتاذاك .
شوف ليك جنس اذية .
سانيه عجييييييييييييييييب .
هتاف اخير
وهجك يخاتل في الشموس
يحقن وريد الغيم غنا
وضلك يمارس في التخوم
كل الطقوس الممكنة
يا نابتة من شدو السحاب
بيني وعيونك ازمنة
جاييكي متعاطي النشيد
فارد مباهج الشوق جناح
امسح للحصول على الرابط
بواسطة : الواثق عبدالرحمن
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019