• ×
الجمعة 29 مارس 2024 | 03-28-2024
مزمل ابوالقاسم

كبد الحقيقة

مزمل ابوالقاسم

 65  0  11107
مزمل ابوالقاسم
أبرز سلبيات مباراة سان جورج

* مثلما تطرقنا لإيجابيات أداء المريخ أمام سان جورج لابد أن نتعرض للسلبيات.

* وأبرزها خطأ التشكيل، لأن كاربوني أقصى أفضل لاعب في المريخ حالياً (مصعب) من التشكيلة بلا سببٍ مقنع، وأصر على إشراك وارغو في خط الوسط فجعل فريقه يلعب ناقصاً منذ البداية.

* للمرة المليون نرددها: وارغو ليس لاعب وسط، وقد اشتراه المريخ مهاجماً هدّافاً، وإشراكه في وظيفة لا يجيدها، ولا يمتلك مقوماتها أفقده الثقة في نفسه وصنع حاجزاً سميكاً بينه الجمهور!

* بوضع وارغو في الناحية اليمنى للوسط تتقلص خطورته وتصعب مهمته وتسهل رقابته.

* لا عذر لكاربوني في إقدامه على إقصاء مصعب من التوليفة الأساسية وعدم إشراكه حتى في الحصة الثانية، كما أن تجاهله في التبديل والزج بقلق البعيد عن لياقة المباريات التنافسية أمر غير مفهوم أيضاً!

* لولا ارتفاع مستوى مصعب لما فاز المريخ على هلال كادوقلي!

* فرض حاج موت نفسه على مدربه وعلى جماهير المريخ التي تسرعت في تقويم مستواه بطريقة سلبية مطلع الموسم الماضي فأجبرها بجديته ومهارته وقوة شخصيته وحرارة قلبه على التصفيق له!

* من الواضح أن النفطي تأثر بإرهاق السفر إلى تونس قبل مباراة سان جورج فظهر بمستوى غير مرضٍ!

* وهذا خطأ غير مبرر، وبغض النظر عن مبررات سفر اللاعب فإن ذلك يجب ألا يتم قبل مباراة مصيرية!

* عانى المريخ في مطلع المباراة من عدم دقة التمرير وضعف الحركة من دون كرة، ومن إصرار الزومة على التسديد العشوائي، ومن عدم مشاركة وارغو والنفطي في الضغط على الخصم عند فقدان الكرة، فسيطر سان جورج، وعندما تدارك كاربوني السلبيات استعاد فريقه السيطرة على الملعب وفاز.

* أعيدوا وارغو إلى خانته الأصلية واعفوه من المعاناة في خط الوسط!



المريخ من أديس إلى إنجمينا!

* سينتقل المريخ من سان جورج إلى الغزالة!

* زعم الأهلة أن المريخ محظوظ!

* زمان قلنا ليكم دوري الأبطال ده زاخر بالحمام الميت ما صدقتونا!

* في الكونفدرالية لعب المريخ مع الصفاقسي والشبيبة والنجم والإسماعيلي والشلف وخريبكة والأشانتي!

* وفي دوري الأبطال قابل سان جورج والغزالة والهلال!

* بإذن الله يتواصل حظه الجميل ويطير الترجي بعد أن أنقذه الحكم من الطيران أمام الأسود السيراليونية!



مع ولدنا العمدة سعد

* قال سعد العمدة: سافر كامبوس إلى مصر لمتابعة أداء الإسماعيلي!

* علماً أن الهلال سيلاقي آفريكا سبورت في الدور الأول لدوري الأبطال وليس الإسماعيلي!

* وحسب علمنا فإن كامبوس سافر إلى مصر لمتابعة عرض الإسماعيلي وليس مستواه!

* هذا مع عميق تعاطفنا مع رئيس الهلال المكلف سعد العمدة الذي تعرّض إلى هجوم غاشم من بعض إعلاميي الهلال لمجرد أنه لجأ إلى رئيس المريخ ليضمن الهلال لدى أحد الفنادق، واتهموه بالفشل في توفير بعض نثريات الأجانب وعدم القدرة على شراء أحذية للاعبين!

* ألم تزعموا أن الوالي هلالابي؟ فماذا يضيركم إذا دعمكم؟

* ولدكم ضمنكم، دي فيها حاجة؟

* الهلال خرج أصلاً من ضلع المريخ!

* يعني مننا وفينا، ومعاناته لا تعجبنا!

* العمدة إداري شاطر، فمعظم أندية السودان تلجأ إلى الزعيم طالبةً العون والسند!

* وبما أن ظروف الهلال هذه الأيام غاية في الصعوبة فمن الطبيعي أن يجد العون من الوالي، وأن يحظى منه بالسند كي يتمكن من إقامة معسكراته وتوفير حافلات صالحة للاعبيه بدلاً من تلك التي تتعطل في الشوارع وتجبر اللاعبين على دفرها وتلزمهم بركوب المواتر ليصلوا متأخرين إلى الملعب في المباريات الدورية، وبدلاً من الأمجاد التي تنقلب بأعضاء الجهاز الفني للفريق الأزرق في عرض الشارع وتعرض حياتهم للخطر!

* قوة المريخ من قوة الهلال، ومن هذا المنطلق نتفهم دواعي إقدام الوالي على ضمان الهلال لدى أحد الفنادق كي يتمكن من إقامة معسكراته التحضيرية لمباريات الدوري!

* نشيد بمبادرة رئيس المريخ الذي ضرب المثل الأعلى في التكافل بين الرياضيين وضمن مجلس ولدنا سعد العمدة لدى الفندق.

* ونطالبه أن يتدخل مرة أخرى لمنع طرد أعضاء الجهاز الفني للهلال من أحد الفنادق، وإذا أصرت إدارة الفندق على قرارها يمكن استضافتهم في فندق لاعبي المريخ بالخرطوم 2!

* كما نتوقع من الوالي أن يحتوي مشاكل الشيكات المتطايرة، ويساهم في دفع مستحقات كامبوس ومساعديه وسادومبا وإمبيلي وأمادو ومهند ومساوي وفييرا وحمودة وبشة ونادر والتاج والدعيع وديمبا وأمولادي!

* وصوني أحب لسابع جار، وإنت أول جار!

آخر الحقائق

* كتب صاحبنا على لسان العمدة سعد: ذهب كامبوس إلى مصر لمراقبة الإسماعيلي (القاهري)!

* بطريقته نقول: إذا تخطى المريخ الغزالة فسيتأهل غالباً لملاقاة الترجي (الصفاقسي)!

* اليوم يعود الزعيم إلى ساحة الدوري لملاقاة الرومان.

* سيفقد المريخ اليوم الثلاثي النيجيري بسبب الإيقاف، ونتمنى عودة طمبل.

* نتوقع من كاربوني المبادرة بمعالجة هفوات الدفاع ليخرج مرمى المريخ نظيفاً.

* مطلوب من البرازيلي مراجعة تقويم الصربي ميشو مدرب سان جورج لأداء المريخ في المباراتين.

* حذر ميشو المريخ من الاستهانة بالغزالة وتوقع تأهل التشادي على حساب باييلسا النيجيري.

* يعاني وارغو من ضعف الثقة في النفس بسبب توالي إخفاقه في خط الوسط.

* النيجيري بحاجة إلى دعم جماهير المريخ.

* ساندوه وآزروه كي يستعيد ثقته في نفسه ويعود للتألق.

* ما هي مبررات تأجيل لقاء الهلال من الجمعة إلى السبت؟

* قرار مريب وعجيب!

* بالأمس قدم الأمل بياناً بالعمل!

* الأمل حديد، مثل السكة حديد.

* لم تكن مجرد مباراة في كرة القدم بل ملحمة حقيقية جسدت جسارة رجال مدينة الحديد والنار.

* ولا غرابة، فعطبرة مشهورة بالصمود منذ قديم الزمان.

* بأمر الطاهر حماد، الرماد كال حماد.. الرواندي!

* الفارق بين هدف ميدو وهدف الضباح نفس الفرق بين الإبداع، والجمال.

* غادر حافظ إلى الأردن مستشفياً، بالسلامة يا محافظ!

* كريزة الفاتح المقبول كلفته مائتي جنيه في مباراة الحبش!

* قال نهاد شاخور: كريزة العمدة بي ميتين، لو دخل ترباس تدفعوه كم في العمّة؟

* وقال: في مباراة الغزال مزمل عليهو تذكرتين، واحدة ليهو والتانية (للاب توب)!

* مقصورة المريخ أصبحت مثل اللوفتهانزا، تدفع للتذكرة وتدفع للعفش!

* ناس (الملح) يمتنعون!

* علاقة المريخ بالغزلان قديمة، منذ عهد النشأة الأولى!

* زمان غنى شاعر المريخ: (لي في المسالمة غزال)!

* لم تقصر الصفوة في دعم الزعيم، لذا من حقها أن تتلذذ بلحم الغزال الطري.

* شعار لقاء الذهاب: من انجمينا، إنجمينا!

* الغزالة في الطريق، يا الضباح جهّز السكين!

* يا إيداهور الضبح بالدور!

* آخر خبر: ما حيلة الغزال مع النبال؟

امسح للحصول على الرابط
بواسطة : مزمل ابوالقاسم
 65  0
التعليقات ( 65 )
الترتيب بـ
الأحدث
الأقدم
الملائم
  • #1
    ود الرياض 03-03-2010 09:0
    انت صحفى ماهر لكن بس لجمهور القلعة الحمراء
    بعدين الابطال لو ما حمام المريخ ينافس
  • #3
    صالح الحاج 03-03-2010 04:0
    والله يا مزمز بعد المستوي داء أنا خايف من الغزالة فريق يعج بالنجوم ومستوي دون الوسط الله يستر
  • #4
    ناصر بدوي 03-03-2010 03:0
    سان جورج والغزالة والهلال !!
    ماذا حدث عندما قابلت الهلال أفريقياً ؟؟
  • #5
    elmahi 03-03-2010 02:0
    التحية لصحيفي بلادي الحبيبة
    ياريت الصحافة تتجهه للنقد البناء
    عشان نطور كورتنا
    وتبقي لينا سمعة
    واسم في كورة القدم
    وينقاشوا اسباب تدهور كورتنا
    لانكم اصحاب الاقلام واصحاب رسالة ودوركم كبير
    وعمر المهاترات مابتقدمنا
    والتشجيع واجب لفرقنا
    والتحية للصحفي الرائع عبدالمجيدصاحب الذوق الرفيع
    يااستاذ مزمل ىاريت تتواضع وانت وكل الصحفيين المنتسبن باقلامهم
    لفرق ان تكونو هادفين
    تحياتي يااساتذه
  • #6
    الامين نصر ودكروري 03-03-2010 12:0
    (وتحياتنا لهداف افريقيا \"حتي الان \" السعودي ونقول ليه راجين منك اكتر .).

    يا احمر ياوهاج مع احترامي ليك اهداف التمهيدي لا تحسب وده دليل علي ضعف التمهيدي واتمني انو السعودي او اي لاعب سوداني مريخي او هلالي انو يكون الهداف وانا شخصياً برتاح لي لعب السعودي
  • #7
    ود القبة 03-03-2010 12:0
    أتقارن الهلال بسان جورج و الغزالة يا صحفي الوصيف
    انته وامثالك من الصحفيين الشغالين ضد الرياضة عندنا في السودان هم من أسباب تدمير المريخ 0-
    للمرة الألف خليك صادق مع قلمك الداير تكتبوا بتكتبوا والتطنشوا بتطنشوا
    واقول ليك حاجة وينو والشريف جيبه معاك خليه يتم الناقصة 0
    كل ما تتكلموا عن الهلال الهلال بزيد قوة ومتانة وهو زعيم الكورة في البلد شئتوا أم أبيتوا 0
    ولو عايز تعرف كيف هو الزعيم شوف المقال الانته بتكتبوا وشوف كمية اهل الزعيم البردوا عليك وشوف عددهم وشوف عدد الوصيفاب 0
    مع أنك تعبان تلقاك يومك كله تكتب واقترح عليك جيب معاك ود الشريف يساعدك على الاقل في لم المعلومات 0
    في الختام أدعو ربنا يهديك ويوجه قلمك فيما ينفع الرياضة في السودان وعجبي من صحفيين الرياضة في سودان العزة والشموخ0
  • #8
    ياسر دنقلاوى 03-03-2010 09:0

    للاسف هذا الصحفى يلعب بعقول القراء الموسم الماضى عندما تم نقد اللاعب وارغو
    بعدم تسجيل الاهداف كتب هذا الصحفى بأن اللاعب وارغو لاعب وسط وصانع اهداف
    وليس مهاجم صريح وفى هذا المقال ينتقد المدرب بعدم اشراك وارغو مهاجم صريح
    ارجعوا الى ارشيف هذا الصحفى المتناقض مع نفسه لتعرفوا !!!!

    حقيقة بلد ليس فيها اى كرة قدم وتجد مليون صحيفة رياضية وكلها تتحدث عن الهلال والمريخ ولاتوجد اى انجازات على مستوى الفريقين ولا حتى الفريق القومى الدورى الانجليزى الذى يعتبر من اقوى الدوريات فى العالم لاتوجد به هذه الكمية المهوله من الصحف الرياضية تطور الكرة السودانية يبداء من كنس هذه الصحافة الفارغة المضمون
    وامثال هولاء الصحفى وهم كثر ( مشجعين يكتبون عواميد ) والله المستعان .
  • #9
    مهدي دلاس 03-03-2010 05:0
    يا استاذ الود اسمه بيبتو وليس ميدو ياخي انت ما شاهدت ميدو ؟؟؟؟؟؟
    ارجوك ناديه بالاسم اللايق بيبتو
    مع تحياتي للسعودي
  • #11
    محمد اسماعيل 03-02-2010 10:0
    ورد في المقال ان بدوري الابطال حمام ميت كتير (وفي دوري الأبطال قابل سان جورج والغزالة والهلال) ...الهلال الحمام الميت غلبك ثلاثة في دوري الابطال وفي مبارتين لم تكسب منه سوى نقطه واحدة ... يعني فريقك يطلع شنو ... حمام ميت ومعفن كمان ... بعدين دوري الحمام الميت دا ما قدرت تصل فيه دوري الاربعة الى الان وافضل ترتيب لك فيه هو وصولك للمجموعات ... اختشي ياخ .. استغرب لصحفي يدعي انه كبير ويفرض على نفسه مقارنة هو فيها الاضعف ... وطبعاً واضح انت قاصد تقول انو نحن البطولة الاحرزنا كاسها وصلنا فيها النهائي هي الاقوى ... بس انت كده بتثبت انك مجرد مشجع وليس كاتب ... لانو معروف ترتيب قوة البطولات على مستوى العالم ... بطولة الاندية هي الاقوى ... اي محاولة لتغيير هذا الواقع عديمة الجدوى .. وبالتاكيد سيصنف صاحبها في خانة الغبي.
  • #13
    هلالنا فوق 03-02-2010 08:0
    \" وفي دوري الأبطال قابل سان جورج والغزالة والهلال! \"

    ههههههههههههههههها

    الزول د نسا التلاتة ولا شنو
  • #14
    عبدالقادر أحمد 03-02-2010 08:0
    أنا الحاجة الغايظاني انو اسياد البلد يردو على كلام المشجع دة
    وهو واتباعو بينبسطو من الحكاية
    دعوة لكل هلالابي غيور
    ألأ يرد على مهاترات هذا المشجع
  • #15
    والبدوي 03-02-2010 07:0
    والله يا جماعة الخير الفنان المبدع الناس بتستمع لاغانيه والملحن الفذ الناس بتردد الحانو والرسام المدهش يجذب الانظار عشان كده يا اخواني الاهله عمود مذمل لانو لذيذ وحلو وانيق لاذم تقروه وتردو عليهو دا مش المذمل الكتب في الصلوي والخلوي اقول ليكم بصراحه استتمتعو بالحقايق في قلم مذمل ودايما بترجعو في اخر المطاف وتقولو بتحت تحت والله صاااااااااااااااااااادق المهم في الامر مبروك للمريح اكل الحمام بس نحن والله ما بنحب الميت نحن اسود نحن خلود ما بنصد الضيف كان عندو شيك مردود مع اجمل تحياتي @البطحاني@
  • #16
    الاحمر الوهاج 03-02-2010 06:0
    الاستاذ الرائع مزمل ، ياجبل الزعيم الذي لايهزه صفر دولي كبير ..

    لك التحية وهم الصفراب مهما كان جيرانا وزي ماقلت النبي وصي بسابع جار ..

    لا اتفق معك في ان وارغو لم يلعب بشكل جيد ، لو شفت المباراة بعد الاعادة وباعصاب هادئة سوف تري كم من فرصة صنعها وارغو من وسط الملعب وهو لاعب يجيد التحرك بالخصم من دون كرة في كل الجهات ...

    بس اعطوه الثقة والتشجيع وشوفو كيف حا يلعب ..

    وتحياتنا لهداف افريقيا \"حتي الان \" السعودي ونقول ليه راجين منك اكتر ..

    ولك ودي

    تخريمة: اسال لي الارباب زعلان مالو يارب ؟ لان تجاوز امس في الاشارة الحمراء
  • #17
    محمد حامد ( أبو ضحى ) 03-02-2010 06:0
    نعم قوة المريخ من قوة الهلال ! .. و عطبرة معروفة بالصمود من زمان !! .. و دا كلام مقتبس ما بيشبهك !!! .. خليك في كتاباتك كما أنت !!!! .. الطبع بيغلب التطبع !!!!! .. حقيقة مؤكدة .. فلا تحاول ترقية نفسك !!!!!! .. و الكذب حبله قصير سترى !!!!!!! .
  • #18
    الزعيم 03-02-2010 06:0


    السلام عليكم

    الى صاحب التعليق رقم

    لا تخدعوا انفسكم اخي الهلال لم يلعب التمهيدي بالقرعه فقط

    والا ماذا تسمي ان يلعب فريق مثل الاشانتي كتوكو الدور التمهيدي وهو بطل افريقيا مرتين والواصل الى المباراه النهائيه 5 مرات

    او الترجي بطل افريقيا ( صاحب الخمسات والستات ) الذي لعب التمهيدي وغيرهم

    لا تخدعوا انفسكم
  • #19
    محايد 03-02-2010 06:0
    سلمت يداك
    على الرغم من انتقاد بني زرقان الشديد والدائم لكم يظل قلمك هو الأول في الصحافة الرياضية..... لماذا؟؟
    لأنه يحرص العدو قبل الصديق للإطلاع عليه.. بل والرد والتلعيق
  • #20
    كورنجي 03-02-2010 05:0
    عشنا وشفنا ناس التمهيدي بتكلموا ...
    تمهيدي سااااااااااااااااااااااااكت ...
  • #22
    هلالابي موت 03-02-2010 05:0
    واحسسسسسسرتنا لو ماكنا هلالاب
    العز كيف
    الهلال بدون ادارة وبمشاكل
    وعنده زريبة
    لكن والحمدلله عنده ضل كبيييييييييييير
    وعندهه وصييييييييييييييييييييييييف تحته لمدة ستتتتتتتتتتتتتتتتة سنوات
    الضل والوصيف الناس كلها عارفاه
    الحكم الكيني كيف
  • #23
    هلالابي موت 03-02-2010 05:0
    يادكتور مزمز
    السمسرة كيف
    ووين عمو ديوب
    الوالي لو دفع من جيبه الكل عارف من وين
    انت بتاخد حقك من المريخ بتطبيلك
    نحن ما عندنا قروش
    لمن عندنا وصصصصصصصصصصصصصصصصصصصصصصيف ضلنا وتحتنا ليه ستة سنوات
    وفي تالحقيقة من ما انت بديت التطبيل
    والحكم الكيني كيف ولو لا الحكم كان بن الحبشة كله ما يعدل راسك
    يادكتور مزمز
  • #24
    cardas 03-02-2010 04:0
    الحمد لله انك اعترفت انو المريخ في مباراة الحبش
    كان اللعيبه بيتاقشوا
    يعني الدرون تيم تعباااااااااااااااااااااااااااااااااااان
    يبقي كلامك الكنت بتكتب فيه الايام الفاتت بنج
    تخدير شديد
    وانت كل مدرب ما عاجبك وقاعد تنظر
    انت زملن ما كنت بتقول وارغو لاعب نص متقدم 100%
    اسي بقي مهاجم
    كويس
    انا عندي ليك فكره سيب الصحافه وامشي درب المريخ
    ههههههههههههههههههههه
  • #25
    الكركسي 03-02-2010 04:0




    صاحب كبت الحقيقة والله نحن إمكن يكون لينا حوجة في الوقت الراهن للفلوس بس برضو مالي درجة نقبل بفلوس المريخ عشان أصلاً عندنا فيها راي




    سيد البلد وهلال الملايين ونادي الخريجين يامزمز مد كراعك قدر لحافك


    أنا قبل كده قلت ليك إنتا مندوب مبيعات جيد وصحفي فاشل خبرة في التسويق والتنظير
  • #26
    معاوية 03-02-2010 03:0
    ليس من مات فاستراح بميتتة انما الميت ميت الاحيائي
    ماعندي ليك تليق يا مزمل غيرهذا يا هذا
  • #29
    مصعب مصطفى 03-02-2010 03:0
    انتو مزمل دا وقت ماعاجبكم بتقروا مالكم
    لابريدك ولا بستحمل فراقك ؟؟؟؟؟؟؟؟؟؟؟؟؟؟؟
  • #30
    هيثم 03-02-2010 03:0
    والله يامزمل حيرت الناس كلام شداد صاح تدهور الكورة السودانية سببا الصحافة حقيقى ناسف لهذا الوضع من بعض كتاب الاعمدة
  • #31
    ودالمكوك الجد 03-02-2010 03:0
    بطريقته نقول: إذا تخطى المريخ الغزالة فسيتأهل غالباً لملاقاة الترجي (الصفاقسي

    ذكرت بطريقة صاحبنا وهذه ليست متطابقة فرمضان أخطأ خطأ غير مقصود لايشبه مااتيت به ياحاقد ..
    أنت لاتشبه رمضان الموضوعي الخادم لفريقه يازعيم السوالب ...
    اما الهلال فلن تطالوه ياوصفاء ..
  • #33
    ابوقناية الاحمر 03-02-2010 02:0
    عفارم عليك يا مزمز فعلا لم تقل الا الحق

    الغزالة وسانت جورج وابو الهل فعلا حماااااااااااااااااااااااااااام ميت

    وانتو يا رشاشات لو بتتفاخرو بي انكم جيتو تاني المجموعة فلا تنسو كيف!!!!!!

    زيسكو: هدف التعاون من ركنية وهمية!!!!!!
    المريخ : طرد الباشا ببطاقة وهمية!!!!!!!
    كانو: ضربة الجراء القمة في الوهمية!!!!!!!!!!!!!!!!!!!!!!!!!!

    ولاحظو حتى لم دفنوكم في مقبرتكم بالخماسية الشهيرة كان الحكم قد صرف ركلة جزاء صحيحة مليون في المية وجامل المعز الذي كان يستحق الطرد, تخيلو لو كان التحكيم نزيه كانت الكورة انتهت كم؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!

    ردو يا رشاشات........... ردو يا البتقولو على روحكم اسياد البلد وانتو في الحقيقة اسياد الصفر الدولي الكبيييييييييييييييييييير..... ردو يا ناس اشهر خماسية في التاريخ.......... ردو يا ناس ابو يوسف,, وسادمبا البمبا,,وهلالابي صفرابي,, وعبدو الشيخ ولا عابدة الشيخ انت
  • #34
    م/ محمد حسن 03-02-2010 02:0
    انا صراحه ماعارف اقول شنو
    لكن جد المابعرف يقول عدس


    حقيقه يا استاذ مزمل المفروض في بلد مثل السودان لو في فريق جاب ليو لاعب بي 5 مليون وله بي 3 مليون دولار زي ما بعمل المريخ

    دي حاجه تخجل

    انا بس عايزك تشوف فرق تانيه بتعرف تلعب كوره اكتر من الهلال والمريخ
    واداريين بفهمو الكوره اكتر من اداره المريخ والهلال
    بجيبو لعيبه راتب اللاعب الشهري لا يتجاوز ال1000 دولار
    والكلام دا لو ما مصدق حاصل في انديه سوريه ومغربيه وتونسيه وجزائريه
    ولو عايز تاكيد اقول ليك انو فريق الكرامه السوري الموسم الماضي كان وصيف كاس الكووس الاسيويه وعندو لاعبين برازيليين رواتبهم الشهريه الف دولار لكل لاعب وانا شفتهم بلعبو ومستواهم عالي جدا
    عارف ليه
    علشان الفرق دي عارفه هي بتعمل في شنو
    مازي اداره المريخ
    تشتري لاعب بي 3 مليون دولار علشان تسوقو
    حاتسوقو بي كم يعني
    كان من المفترض على اداره المريخ ان تعرف لماذا ابتعد الاهلي عندما كان ينافسها على اللاعب وارغو
    بس لو انت ملاحظ
    عايزك تشوف اداره نادي الهلال بتعمل في شنو
    انت ليه ما اتكلمتا يوم عن اللاعب قودوين جاب كم لاداره الهلال نتيجه تسويقو في الخليج
    واداره الهلال اشترت اللاعب بي كم
    لكن نعمل شنو الوصيف وصيف
    والظل عمرو ما بفوت صاحبو
    ولما حاول يتفلسف طبظا
  • #35
    محمد عبدالرحيم 03-02-2010 02:0
    الاخ/مزمل
    شكرا على تلمسك أخطاء التشكيل في مباراة الفريق مع سان جورج ، ولكن الا يجب ان نعطي الفرصة كاملة للمدرب الذي اظن انه حقق المطلوب واكثر خاصة ان الفريق في بداية اعداده ويضم نجوم ولاعبين جدد.
    لايجوز لنا كجماهير او اعلام ان نستعجل في احكامنا وندع الشأن الفني في هذه الفترة على الاقل للجهاز الفني فقط وصدقوني القادم احلى ولكن بقليل من الصبر ......المريخ كبداية لم يكن سيئ الى درجة التخوف والحبشي لم يكن صيدا سهلا...
    مع الامنيات لمريخ التاريخ بمزيد من التقدم والإنجاز...
  • #36
    ابومحمد 03-02-2010 02:0
    اسالك بالله يامزمل قا ل سان جورج والغزالة والهلال! الفرق الثلاثة بيلتقوا مع بعض الهلال المره الوحيدة التي صعد فيها المريخ للمجموعات في دوري الابطال كان ضمن الاربعة الكباروانتم خرجتم بنقطتين عجبي والله يستركم من الغزاله شوف ليكم حكم وارشوه
  • #37
    محمد الواثق ضي النور 03-02-2010 01:0
    مزمل ... صحفي بدرجة فنجاط!! وهو أحد عوامل تدهور الكرة السودانية بكتاباته الغير مسؤولة.

    واثق - جدة
  • #38
    أبو مازن 03-02-2010 01:0
    (الهلال خرج أصلاً من ضلع المريخ!) بالله يا جماعة في كذب ونفاق أكتر من كده؟ هو منو الخرج من التاني ولا نسيت أبو العائلة الهلالي القح الذي ذهب للمريخ لكي لا يصبح في طي النسيان ولا دي برضو عاوزين تزوروها زي ما زورتوا أول بطولة خارجية لسيد البلد عام 1965؟ يا مزمل الكلمة حق ولسانك حصانك واتق الله في تزوير الحقائق وجمهور الهلال ليس كالدلاقين كل معلومة تمر عليهم
  • #39
    الضباح 03-02-2010 01:0
    مقال غير موفق ، وفيه تدخل صريخ في الأمور الفنية أتمنى أن تنأى بنفسك عنها والمدرب هو الذي يحدد من يلعب وفق خيارات هو أدري بها من غيره .
  • #40
    حمزاوي 03-02-2010 01:0

    اخي مزمل ... حياك
    النجم وارغو لم يكن سيئاً في مباراة سان جورج وهو يجيد اللعب في الخانة التي كلف باللعب فيها وسط يمين وهو دائماً ما ينتقل من اليمين لليسار حسب ظروف المباراة وأداءه متوازن أما عدم تسجيله للاهداف فاعتقد عدم التسجيل ناتج لتحركه من الوسط مع الكرة فالمسافة طويلة حتى يصل المرمى الخصم ... فقط عليه ملاحظة أمل ان يتكرم المدرب بالتوجيه وهي ان يلعب الكرة لزميله بسرعة وعدم الانتظار والدخول في مراوغة الخصم كتيراً وأعتقد ان مصعب ليس البديل لوارغو لان الفارق كبير لصالح وارغو .
  • #41
    بهاء الدين حسن 03-02-2010 01:0
    مريخنا فوق عزنا افريقيا مابتهزنا ياحاقدين نحن معانا جمال الوالي ومزمل والنفطي وورغو وايدهور والعجب حبيبي وطمبل وكلاتشي ومصعب خلاص كده كفاية عشان ماتجيكم نفسيات
  • #42
    رامى 03-02-2010 01:0
    انت والله يا مزمل افشل صحفى فى السودان طبعا بعد ياسر المنا
  • #43
    حسن عمر 03-02-2010 01:0
    قال مزمل ان دوري الابطال في حمام ميت وان المريخ قابل سان جورج والغزالة والهلال
    اشاء الله قدرت علي الهلال يا مزمل
    مش اعطاك ثلاثة ولا انا كذاب
    الكلام دا ما تم عليه عام يا مزمل اوعك تنكر
  • #44
    صلاح الدين عبدالله محمد - الرياض المملكة 03-02-2010 01:0
    يا هلالاب تاعبين حالكم ليه لو ما عجبكم كلام مزمل ما تقرأوا أعمدته . فى حد جابركم على ذلك ؟ وبينى وبينكم يا حبايبنا نحن عاجبنا والما عجبو يشرب من البحر
  • #45
    الجراح .. 03-02-2010 12:0
    بسم الله الرحمن الرحيم

    الأنيق ... مزمل ... سلام

    كلماتك دائماً تأتي خفيفه علي الروح ومشبعه بالألق والروعه....

    نعم لروح التكافل ودعم الهلال ....

    لا للملح وألف لا لجميع السلوكيات السالبه فهي لا تشبهه مجتمع الزعيم ...


    وإلي الأمام ...........
  • #46
    عمرو عكاشه 03-02-2010 12:0
    والله يا مزمل ماشاء الله قراءك بزيدو كل يوم يعن الجلافيط ديل يقرو المقال ويحللوا ويوميا بلاحظ انهم بعلقو على مقال بذات سادومبا وهجلفوطابر اقصد هلالبى
    وشكرا شكرا صاحب المقال الممتع منقب الحقائق كاشف التزوير القلم الملتهب الرائع مزمل ابو القاسم
  • #47
    كمال 03-02-2010 12:0
    انت بتقارن الهلال بالحمام الميت . لما قابلتو الهلال اداكم ثلاثة وعصف بيكم الى مؤخرة الفرق يعني الطيش بدون اشتراك وشال منكم الدوري والكاس . اتكلم عن فريقك وكل الاعلام السالب وانت منهم كتب عن مباراة سانت جورج وكأن مافي واحد شاهد المباراة غيركم انتم.
  • #48
    ابوالفاتح 03-02-2010 12:0
    والله يامزمل ماعندك اى موضوع الهلال ما حمام حمام فريقك البطبل لية انت الطيشاب والوصيفاب عام 2009
  • #49
    عبدوالشيخ الخليفة 03-02-2010 12:0
    الاخ مزمل / صاحب عمود كبت الحقيقة
    أراك تتباهى بمال المريخ والجيران و...و.. وتنسى ان المولى نهى عن ذلك وقصة صاحب الحديقة وهو يتباهى بماله الوفير وحديقتة العامره حتى اصبحت غورا واصبح يقلب كفيه ,
    واذا سلمنا انك تتحدث عن نادى ولكن من الناحيه السيكولجيه الانسان الذى فى نفسه نقص تتنازع جواه جمله من الاضطرابات النفسيه المكمله . بمعنى اخشى انك كذلك واظنك كذلك
  • #50
    عبدوالشيخ الخليفة 03-02-2010 12:0
    فى كل يوم تثبت انك صحفى فارغ:
    حمام الابطال يكون فى البدايات فقط ومن المعلوم الغريق قدام , واكبر دليل المريخ نفسه العام السابق لم يصطدم بفريق قوى ليعرف مستواه الحقيقى واصبحت انت اول المطبلين وكبت الحقائق كالعاده بقولك المريخ لم يهزم فى المباريات الست الاولى وإعلام الهلال يذكركم بضعف الفرق التى واجهتوها ودفنتو رؤسكم فى الرمال حتى
    ( الرماد كال حماد ) وخرجتو بالثلاثيات المشهوره (3من كانو و3 من زيسكو و3 من سيد البلد و3 تعادلات و3 نقاط وطيش طيشة المجموعات منذ العمل بها )
    عزيزى مزمل :-
    لعيبة الهلال يجو بموتر او كارو او كدارى او مفلسين ....فى الملعب رجال اكرر رجال رجاااااااااااااااال يا هذا ,
  • #51
    د . سامي 03-02-2010 12:0
    قمة السذاجة و المفهوم و رحم الله الصحافة بل سخافة
    أتقارن الهلال بسان جورج و الغزالة ...عجبي
    أليس الهلال من نعادل معك في دوري أبطال أفريقيا و هزمك في ملعبه بثلاثية مع الرأفة .
    فعلا الاختشو ماتو
    بس افهم انك واحد من أسباب نكسة المريخ..
  • #53
    سالم سلامه 03-02-2010 12:0
    قلل مصطفى يونس مدرب الهلال الأسبق من حظوظ الأهلي المصري في استعادة لقب دوري الأبطال ورأى أن فريق القرن ليس في أفضل حالاته مشيراً إلى عدم استقرار عروضه في الدوري المصري واعبتر أن الأهلي يعاني على صعيد الهجوم مشيراً إلى أن انتقال عماد متعب سيزيد معاناته ولم يبد يونس حماساً لمسيرة الإسماعيلي مبيناً أن الدراويش لا تملك بدلاء جيدين مستبعداً ذهابه بعيداً في البطولة.
    وأوضح المدرب أنه لم يكن يتمنى اصطدام الإسماعيلي والهلال في دور الـ16 وقال: الصدام المتوقع بين الناديين سيدفع أحدهما ثمنه وكنت آمل أن يكون الفريقان في المجموعات وتحدث مدرب الهلال الأسبق عن المريخ مشيراً إلى أنه يستطيع أن يذهب بعيداً في البطولة الأفريقية لافتاً إلى الفريق الأحمر نظم صفوفه واستقدم عناصر ممتازة ورجح يونس كفة بتروجيت على الكوماندوز واعتبر أن بتروجيت الآن أحد أفضل الفرق في مصر وأنه يملك لاعبين مميزين للغاية .
    ههههههههههه

    والله مصيبتكم مصيبة يا ناس الصدي

  • #54
    ود الزعيم 03-02-2010 12:0
    طبعا مزمل عايز يفرض مصعب ليكون اساسي

    وسوف يكون .... حد يراهن

    وشوفو اليوم
  • #55
    سادومبا 03-02-2010 12:0
    دوري الأبطال المليان حمام ميت دا .. كم كان ترتيبك فيه

    الطيش بدون أي إنتصار داخل الأرض أو خارجه

    الهلال الذي صعد لدوري المجموعات ثلاث مرات متتالية لا يحتاج الى شهادة من طيشاب أفريقيا


    كما أنقذ الحكم الترجي فقد أنقذ الطيشاب وسكت عن ضربة الجزاء البتوجي التوج من التمهيدي يا تمهيداب
  • #56
    هلالابي 03-02-2010 12:0
    سبحااااان الله
    لما فشل وارغو السنة الفاتت في احراز الأهداف قلتو أساسا نحنا جبناهو لاعب وسط وليس مهاجم ... هسة بقى مهاجم ووجوده في الوسط خطأ من المدرب ؟!

    عجبني لما بديت عمودك بانتقاد مستوى المريخ وقلت الود ده بدأ يتعلم الكتابة البتفيد فريقو ... ولكـــــــــــــــــــــــــــــــــــن لما لقيتك رجعت تاني تتكلم عن الهلال ومشاكلو عرفت إنك عمرك ما راح تتعلم إلا أن تكون مشجع متعصب فقط...
  • #57
    سادومبا 03-02-2010 12:0
    عادت حليمة لعادتها القديمة

    يجب ان تتعلم كيف يكون الحديث الى زملاء المهنة

    حديثك عن رمضان ينم عن حقد دفين

    فليشفك الله من هذا المرض العضال

    تبحث عن المشاكل لتبيع بضاعتك الكاسدة

    ولكن العقلاء أمثال رمضان دائماً ما يفوتون الفرصة لأمثالك

    ليتك كنت في عقل رمضان ورجاحته وقلبه الناصع وإتذانه وإحترامه لمهنته ولزملائه

  • #58
    احمد حداد 03-02-2010 12:0

    كاتب لغته تشوبها كلمات مثل \"حمام ميت وملح ورش\" لا يستحق ان يسود اي صحيفة ولو كانت حائطية
  • #59
    خالدمرغني 03-02-2010 12:0
    والله اول مرة مزمل يغيظنا ويستفزنا وبدون مايقصد يكتب لصالح الهلال وحتشوف نتيجة عمودك علي كبار الهلال من اقطاب و. . . .
    شكرا مزمل
  • #60
    خالد عبد النبي - الرياض 03-02-2010 12:0
    لوكان دوري الابطال يضم الحمام كما تزعم كم كان ترتيبك العام الماضي فيه ( طشطش ) يعني انت الحمام الميت كتيير عليكم ..... والله عجائب ؟
  • #61
    Khalid B. Musa 03-02-2010 11:0
    Mr. Muzamil,
    Alhilal is not dead hamam we beat u. in the CL 2009 3/1 & 0/0 u. gain just 1 point of 6 we 4 points of 6
صفحة 1 من 2 صفحة     

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019