مكتبة الاخبار
ثقافه
البنت الاسمها شطة
البنت الاسمها شطة
07-01-2017 01:47 PM
معاذ عباس البعيد
الدنيا الحارة وطعم الشطة ..والناس الفايرة وما بتتنطا.. والبنت الوقفة ما بتتفطه خليك واقف وماتتعدى خطة السته قريب ياشطة والحكم الوقف امك.. والراجل الوقف باليسطونة ابوك.. ياحته .. والناس الكشفت سرك بتحمر ليك ..كان قلت تفك الكلمة بتدقى دق الفندق وبتتحته حته ..جته .. والبت الواقفة ما هاميها دايرة الضحكة وانا شايل همها ودايرة تقول لي بي كل الفيها بالحرس الكاتم انفاسها .. والبسمة الما عارفها مقاسا .. القهقها ممنوعة وحاتك ..ومحظورة عليك صاحباتك ..والشارع اسمك فيهو.. بس للمجبورة عليهو ..والجامعة يسمك فيها بنات واولاد بنفسيها ..وود عمك البارم شنبو كديس الحلة يهووزز ضنبو بقى دكتور واتربع اتقدم وعرس وخطف من الحارة الشطة ..والشطة البردت يا دوبها مسكينة الشطة اتكتمت تاني الكتمة الياها في حوش بيتهم صغارها التسعة يجضو.. الاول راح الجامعة والاخر سمياته الليلة .. والحال اتبدل ياشطة والراجل بقى زي الليمونة المعصورة شال البومو يقلب في الصورة ويعاين في الحيطة والصورة.. عريس وعروس لابسين الفركة ونسوان شايلات المبخر والحاجة بخيته فاكه الزغروته .. عارفك يا ابزرد بتاكل الشطة وما بتفوتة .. ما جارتنا وبت حارتنا ... وبنريده...
moazalobeid@gmail.com

تعليقات 0 | إهداء 0 | زيارات 2021



تعليقات 0 | إهداء 0 | زيارات 2021

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




تقييم
1.00/10 (2 صوت)