سيف الظريف
معاذ عباس العباس
سيف الدومة راجل ظريف جدا ..لكنه شين شنا مرة ..(استغفر الله واتوب اليه ..يا ربي تغفر لي) كما تقول الحاجة جارتنا _وكان سيف يأتي كل فترة من احدى محافظات السعودية الى مدينة الرياض..لتكملة بعض الاعمال المكلف بها من عمله وبعض أعمال السفارة المكلف بها من الاخوة السودانيين من تجديد جوازات وخلافه وكان ينزل في الرياض مع الاخوة العزابة الذين يفرحون بقدومة ويتسابقون على استضافته لتبدأ المناوشات معه ويكثر الضحك والحكاوي كلها عن( شناته) التي يتحدث عنها هو كثيرا ويعجبه الكلام فيها واصبحت له مدخلا لتجاذب اطراف الحديث مع شخص لا يعرفه فمثلا يقول : انا عاوز اتزوج لي بنت حليوة شديد عشان اخلطها مع شناتي دي ولوني الاسود دا عشان تطلع لينا بنت جميلة كدة (خاطفة لونيين ) لكن ان خايف القصة تبقى زي قصة شكسبير ، حيمنا قالت له زوجته اتمني ان يأتينا مولود بجمالي وبذكائك ، فقال لها شكسبير : اخاف ان يأتي العكس بذكائك انت وبشلي انا ..يعنى انا زي شكسبير ومعروف الله كان اخذ منك شئ بديك شئ بعوضك يعني انا عندي ميزات الناس ما عارفنها..ويقولون له يا خي عندك شنو ؟ لا شكل لا قيافة لا صوت جميل فهمنا يأخي .. ويضحك سبف ويقول لهم :تعرفوا يا أخوان انا امبارح مشيت الاستديو عشان اجيب صورتي منه..واداني الصورة قلت ليهو : دا شنو دا دي صورتي دي؟ دي ما صورتي . تعرفوا الله يهديهو قال لي شنو؟ قال لي كدا : أسمع يا ابن العم ( انا مصور ودي كمرة والكرة ما بتكضب : أنا كان جاني قرد بطلعوا قرد ) وضحك الجميع وصاروا ينادونه ب ( سيف القرد).......
معاذ عباس العبيدmoazalobeid@gmail.com
- - - - - - - - - - - - - - - - -
تم إضافة المرفق التالي :
1.jpg
سيف الدومة راجل ظريف جدا ..لكنه شين شنا مرة ..(استغفر الله واتوب اليه ..يا ربي تغفر لي) كما تقول الحاجة جارتنا _وكان سيف يأتي كل فترة من احدى محافظات السعودية الى مدينة الرياض..لتكملة بعض الاعمال المكلف بها من عمله وبعض أعمال السفارة المكلف بها من الاخوة السودانيين من تجديد جوازات وخلافه وكان ينزل في الرياض مع الاخوة العزابة الذين يفرحون بقدومة ويتسابقون على استضافته لتبدأ المناوشات معه ويكثر الضحك والحكاوي كلها عن( شناته) التي يتحدث عنها هو كثيرا ويعجبه الكلام فيها واصبحت له مدخلا لتجاذب اطراف الحديث مع شخص لا يعرفه فمثلا يقول : انا عاوز اتزوج لي بنت حليوة شديد عشان اخلطها مع شناتي دي ولوني الاسود دا عشان تطلع لينا بنت جميلة كدة (خاطفة لونيين ) لكن ان خايف القصة تبقى زي قصة شكسبير ، حيمنا قالت له زوجته اتمني ان يأتينا مولود بجمالي وبذكائك ، فقال لها شكسبير : اخاف ان يأتي العكس بذكائك انت وبشلي انا ..يعنى انا زي شكسبير ومعروف الله كان اخذ منك شئ بديك شئ بعوضك يعني انا عندي ميزات الناس ما عارفنها..ويقولون له يا خي عندك شنو ؟ لا شكل لا قيافة لا صوت جميل فهمنا يأخي .. ويضحك سبف ويقول لهم :تعرفوا يا أخوان انا امبارح مشيت الاستديو عشان اجيب صورتي منه..واداني الصورة قلت ليهو : دا شنو دا دي صورتي دي؟ دي ما صورتي . تعرفوا الله يهديهو قال لي شنو؟ قال لي كدا : أسمع يا ابن العم ( انا مصور ودي كمرة والكرة ما بتكضب : أنا كان جاني قرد بطلعوا قرد ) وضحك الجميع وصاروا ينادونه ب ( سيف القرد).......
معاذ عباس العبيدmoazalobeid@gmail.com
- - - - - - - - - - - - - - - - -
تم إضافة المرفق التالي :
1.jpg
