العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقسام المتخصصة > ملتقى أهل الفن والأدب

 
إضافة رد
 
أدوات الموضوع انواع عرض الموضوع
#1  
قديم 02-01-12, 08:09 PM
حبوبة
زائر
لوني المفضل Cadetblue
 رقم العضوية :
 فترة الأقامة : 16180 يوم
 أخر زيارة : 01-01-70 (12:00 AM)
 المشاركات : n/a [ + ]
بيانات اضافيه [ + ]
افتراضي (طواقى الخوف ) أغنية جديدة لعقد الجلاد




أغنية طواقى الخوف للشاعر محمد طه القدال .... غناء مجموعة عقد الجلاد الغنائية

ما خايف المطر
يتحاشى الضهارى الراجية قولة خيرا
ولا خايف المطر
يمشى على الصحارى تلموا فى بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفى على البلد
الطيب جناها وقمنا فى خُديرا
شاحدك يا كريم
لا تحصل خراب لا أرجى يوم ودّيرا
****
وانا ما بجيب سيرة الجنوب
عيال بتسرح للمدارس ..
والفطور نجماً بعيد .
بنوت بتجرى
على الخطاطيب الخطاطيف
البتجرح ..
والعريس نجماً بعيد .
الدكاكين التملا تفضى ،
السماسرة يسمسروا ،
والبسفو الطين ..
يسفو ،
والبحتّوا الراب ..
يحتّو ،
والبناطلين ليها سستم ،
والقوانين ليها سستم ،
البنوك الفيها بستم ،
من سويسرا ولى ماليزيا
بالسفارات
والعمارات
والخبارات
أنا كنت متغطى ..
ومتدفى ،
العمة ملوية ،
والشال على كتفى .
سودان وكان ما كان
سودان على كيفك
السكة ساعة إيد
والأرض مروية
والناس حُنان وظُراف
والرايح يجيك ..
للحول .
والخدمة مظبوطة
مظبوطة مدنية
والدُّنيا حرية
الماشى درب الكار يغور
والتاب من التمباك يتوب ..!
انا مابجيب سيرة الجنوب ،
الغبّو عرفوهو
والعرفو سوّوهو
والسوو بلقوهو ..
**********
أصبحت زى الزول
قادر بوسط السوق
( ..... )
لو العِرق مسروق
أو قلبى نشلوهو
طعم الكضب مسلوق
ماسخ تضوقوهو
لو فمى ما مطلوق
أو كمى غسلوهو
يانى البسوى القوق
قولى البتابوهو
ما عندكم دمى
ما عندهم دمى
من دمى لا لا لا
ما قدروا فصلوهو .
وأنا ما بجيب سيرة الجنوب
قول استقل ..
انا فى صفوف الزوق
واقف مع الواقفين مزنوق بهنِّيهو
ويهنوهو
أو استقال ..
ودا أول الأحزان
أو قالوا باعوهو
ودا ياهو قطِّيع القلوب
انا ما بجيب سيرة الجنوب
فالسيرة كمين ألف عام
لونى المحرق مندكور
وشكلى شكلين
شكل منقة
وشكل تور
دمى المشتت من قبايل نوح وحام
شعرى المقرقد زى حصايا
اتشتت فوق الدروب
كتفى المهدل بالعيوب
وأنا ما بجيب سيرة الجنوب
أصل البقت
من ساس وسايس ويسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقى
ما يخموكا تانى على
الدفافير والكناتر والحروب
الباقى تعظيم التماسك
فى الخطوب
لا نافع الشِّدة العلوق
ولا نافع المبقوص يحوق
لا بنفعك عَرَق الزنوج
ولا برقعك لبن العروب
إلا الوقوف ألفًا ضكر
واحد براك
فى الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
أدخل على التاريخ
يغلب أجاويدك
من قرقريب عوسك
اخرج من التاريخ
شيخك وعربيدك
لا نافعك التكفير
ولا نافعك التوبيح
فامشيه وحيدك
وامرق على التاريخ
تلقاه فى السهلات
مستنى كمسيدك
لا بيظلم التاريخ
ولا يرحم التاريخ
إياه عوس إيدك
والأرض موقوت القنابل
فى الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم فى المنصات
والشراكة الفى المكايد
والخناجر فى الحناجر
والمنابر ..
آه من تلك المنابر ،
إنداية كرتلة وبنابر
والجرايد
داقة طارات المدايد
الصَدق فى الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب ؟
واللى بنى الأرض كان فى الفرض
سودانى
عينى عليها
اتمزعت
حتة فى قلبى وحتة ف غصتى .. تانى
آدى اسرائيل فى النيل
بكينى ولعبطنى
والنيل أدندانى
إحنا حبايب فى الطيبة والآه ؟
آ .
غنيلى ورقصنى ؟
طيب .
بس سمعنى آه الآه فى ودانى ..
****************
أنقد السّقا وما بنصلح وكّايو
وانكشح اللبن ما بنفعن بكّايو
بعدن فى الدروب ما بقصّرن تكّايو
والشاكى النقاص ناقص قمح شكّايو ..

******************
ونواصل ...............




رد مع اقتباس
قديم 10-01-12, 02:20 PM   #2
حبوبة
زائر


الصورة الرمزية حبوبة

بيانات اضافيه [ + ]
 رقم العضوية :
 أخر زيارة : 01-01-70 (12:00 AM)
 المشاركات : n/a [ + ]
لوني المفضل : Cadetblue
افتراضي رد: (طواقى الخوف ) أغنية جديدة لعقد الجلاد




وانا لا بجيب سيرة الجنوب
ولا أكلونى
إذا ما أكلو التور الأبيض ..
( الأرض فى الجزيرة )
وبدر الله فوق سماهو
يا ساسا يا بسا حوتة
مكوار حبس مياهو
عطشت قبايل ابقوتة ؟
البودة فى خلاهو
والأرض فى بيوتا ؟
الزول رِبَت كلاهو
سمينة بى مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلونى
إذا ما أكلو التور الأبيض ..
***************
يدر الله يا بسلوكة
سلوكة الجزيرة
كل يوم فينا بتنتش
سكك الحديد بى كم ؟
بى كم بيت المفتش ؟
والبيع بيعة عدوكا
بعت الأرض بترابا ؟؟
باكر تبيع أبوكا
وان مت مُتَ من تخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا
وانا لا بجيب سيرة الجنوب
ولا أكلونى
إذا ما أكلو التور الأبيض ..
***************
حمدتكم بالجاية
والجاية فوق الجاية
وعسكرى الجباية
قلبوالحجر اللداية
**********
بشرتكم بالسادة
والسادة بعد السادة
وجرادة فوق جرادة
من دوكة لام كدادة
*************
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***********
بشرتكم بالتوبة
والصبنة لى الدامبوية
فى الحلة دى ام كدوية
ما تقعدوا شدرة موية
**********
والأرض لا حليوة
ولاها دى الجزيرة
الأرض أمات الحنين
لو نقط الضحوى البريق ،
فى الحين تبتق شهوتِن ،
تحبل
كما الأمات
وتشرق بالوحم
لو تسعة الميلاد بتمرق بالسنين ،
أو دى الشوارع بالبنات متحينة ،
ترسل تراتيل الخروج فى يوم
وتقطع سرتِن .
الأرض تعريف الهديل
هدل الحمام بشرى
وشوق السلام انسان
بالحيل بيعرف أنّتِن
والأرض شافت
إلا خافت
من عيون الليل
تناجى حبيب
غريب فى الليل
وتفرز غنوتِنْ .
زى بذرة فى جوف الأرض
أو ضحكة عند طرف القلب
بتغنى لو جات فى العيون
والضحكة لاقت مرقتِن
الأرض منصوص الضمان
حضن أمك الدافى وأمين
ريحة حبيب
جايانى من شمة حبيبتى وكرفتِن
لو جاتا فى يوم الهموم ،
فى الحين تزغرد فرحتِن .
أو حرقصت فوقها السموم ،
باكر تهبهب نسمتِن .
والأرض ما بتعرف تنوم
ترتاح
وغابت جمتِن
بسِ تدْى مدين للعديم
بالمدة تحفظ ذمتِن
***********
هن مارقات خلاهن
ما مارقات بَراهِن
لى بصاص حِداهِن
أو قصاص بِراهِن
هن ما مارقات تراهِن
تريانات تراهِن
الخوف ما حماهِن
من شوفة حِماهِن
طمانات جناهِن
بى لبنا معاهِن
يوم الشينة جاهِن ..
مرقن ليهو جَاهِن
بالعز المبطّر
والزوق الشفاهِن
لا حايدات مداهِن
لا قايدات عماهِن
وما كشحن بلاهِن
فوق زولاَ أباهن
لو الضيم رماهِن
هِنْ ياهِنْ
وما هِنْ .
************
وانا لا بجيب سيرة الجنوب
لأنى زول بالمرة خايف
إلا شايف
إلا شايف
إلا شايف
********
أنا شايف المطر
يتحاشى الضهارى الراجية قولة خيرا
وانا شايف المطر
يمشى على الصحارى تلمو فى بشكيرا
وانا شايف العشم
يتناسى العشامى ونيما ياكل نيرا
وانا شايف النفس
تتذكر نفسها وتنسى يوم حِدّيرا
وانا شايف البلد
الطيب جناها وقمنا فى شِدّيرا
************
شاحدك يا كريم
لا تحصل خراب لا أرجى يوم وِدّيرا .




 

رد مع اقتباس
قديم 21-01-12, 05:50 AM   #3
عضو مميز


الصورة الرمزية حسن زيادة
حسن زيادة غير متواجد حالياً

بيانات اضافيه [ + ]
 رقم العضوية : 614
 تاريخ التسجيل :  Mar 2010
 أخر زيارة : 23-12-13 (11:05 AM)
 المشاركات : 187 [ + ]
 التقييم :  10
لوني المفضل : Cadetblue

اوسمتي

افتراضي رد: (طواقى الخوف ) أغنية جديدة لعقد الجلاد



التحية ليك حبوبتي وانت تثرين المنتدي بلوحات رااااائعة وتوثيق جميل عن الارث المكنون


 

رد مع اقتباس
قديم 07-02-12, 10:35 AM   #4
حبوبة
زائر


الصورة الرمزية حبوبة

بيانات اضافيه [ + ]
 رقم العضوية :
 أخر زيارة : 01-01-70 (12:00 AM)
 المشاركات : n/a [ + ]
لوني المفضل : Cadetblue
افتراضي رد: (طواقى الخوف ) أغنية جديدة لعقد الجلاد



تسلم ولدى المتألق .. حسن زيادة ..
احترامى ،،،


 

رد مع اقتباس
قديم 30-03-12, 06:14 PM   #5
حبوبة
زائر


الصورة الرمزية حبوبة

بيانات اضافيه [ + ]
 رقم العضوية :
 أخر زيارة : 01-01-70 (12:00 AM)
 المشاركات : n/a [ + ]
لوني المفضل : Cadetblue
افتراضي رد: (طواقى الخوف ) أغنية جديدة لعقد الجلاد





 

رد مع اقتباس
قديم 02-12-12, 07:47 AM   #6
عضو مميز


الصورة الرمزية الرمح الملتهب
الرمح الملتهب غير متواجد حالياً

بيانات اضافيه [ + ]
 رقم العضوية : 1556
 تاريخ التسجيل :  Oct 2012
 أخر زيارة : 18-05-13 (05:54 AM)
 المشاركات : 110 [ + ]
 التقييم :  10
لوني المفضل : Cadetblue

اوسمتي

افتراضي رد: (طواقى الخوف ) أغنية جديدة لعقد الجلاد



ياحليل زمااااااااااااااان ياحبوبه لو بتتزكرى

لك التحيه ولعقد الجلاد الفرقه الماسيه على التميز والحفاظ علىه على مر العقود


 
 توقيع : الرمح الملتهب

وللدمع بقيه لا ازرفه الا لوطنى
وطن مثالى كالمدينه الفاضله


رد مع اقتباس
قديم 12-01-13, 05:44 AM   #7
المراقب العام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : اليوم (07:52 AM)
 المشاركات : 13,119 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: (طواقى الخوف ) أغنية جديدة لعقد الجلاد



مشكوووووور والله يعطيك الف عافيه


 
 توقيع : المجمر



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

الساعة الآن 10:45 AM.

Powered by vBulletin® Version 3.8.5
Copyright ©2000 - 2014, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com