المساعد الشخصي الرقمي

مشاهدة النسخة كاملة : أغاني الطمبور


العمرابي
23-10-12, 07:08 PM
كلنا على يقين أن أعذب ما قيل من شعر
ذاك الذي يأتي من شمالنا الحبيب
من شعراء جادت قرائحهم بأعذب الألحان
و عبر هذه المساحة أحاول تقديم غيض من فيض
ذلك الحنين المتدفق ألقاً و روعة

العمرابي
23-10-12, 07:18 PM
الشاعر / حاتم حسن الدابي
الرواسي
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

العمرابي
23-10-12, 07:23 PM
الشاعر/ حاتم حسن الدابي
السودان مشاكلو اتحلت
السودان مشاكلو اتحلت..................................
وفكوا للقيد الفوقو متلت.................................
وقلنا للجميع والداير اتفلت...............................
معليش ياخي رصاصتك جلت..............................
راجع نفسك اقسم واضرب وتعال المركب...................
والداير اركب ياهو دا السودان بطولو وعرضو.............
سياستو زمان بيها الناس مرضو..........................
زي الحوت ياكل في بعضو................................
احنسو ديلا وديل ما يرضو................................
اوفقو ديلا وديل اعترضو..................................
يقعدوديلا وديل انتفضو....................................
وسايدة سياسة الديك والثعلب...............................
وجات المركب الداير اركب مليون مرحب.....................
والما داير يركب شرب المقلب...............................
نحنا الآن داخلين في فترة..................................
بعيد عن قيصر وايوان كسرى..............................
مع التوحيد والنهضة البكرة................................
نحتاج صدق وامانة وخبرة.................................
قبل اللون والجاه والمنصب.................................
وتمشي المركب............................................
الداير يركب مرحب مرحب..................................
والما داير اركب شرب المقلب...............................
الساحات اصلاً ما بتفضى...................................
من الشايت بره العارضة....................................
ومن العندو معاكسة مرضة.................................
قسماً عظماً قط لن نرضى..................................
اباحة الفتنة ونبش الفوضى................................
حجر السور جربتو الارضة ..غلبت!!.......................
هل بتقدو العقرب؟!! يصعب................................
راي الكل في الشجرة اتلما.................................
كانت شورى وراي انتما...................................
عشان نرتاح وعشان ننجما.................................
يا حاكمين في رقابكم ذمة..................................
صحة وتعليم ومأكل ومشرب...............................
وسوقو المركب...........................................
الداير اركب مرحب مرحب.................................
والما بيركب ابقى اتمقلب..................................
السودان في اعناقكم امانة.................................
اتوحدنا والله معانا........................................
لو الناس بتحب سودانا...................................
النيران نخمد دخانا.......................................
لا في قنابل لا جبخانة....................................
شمال وجنوب متماسكين سوا.............................
شروق وغروب بتمثل قوة................................
التوحيد عنوان للخوة.....................................
يقوي صفوفنا ازيدنا مروة................................
يا أولاد آدم وبنوت حوا..................................
سو السودان خامس مذهب................................
وقودوا المركب الداير اركب مليون مرحب..................
المؤتمر الوطني يمين ماقصر..............................
المؤتمر الوطني يمين ما قصر.............................
والسواهو من البال اكبر..................................
لا بتوصف ولا بتفسر.....................................
ولو لفضلو الجاحد انكر...................................
شمس العزة محال ما بتتحجب.............................
وتمشي المركب الداير يركب مليون مرحب..................
ليه الناس اخوان اتقسمو..................................
ومتناحرين يوم ما ابتسمو.................................
السودان بمساحتو واسمو..................................
لازم اكبر ولازم يسمو......................................
وربنا قال بحبلو اعتصمو..................................
والمعصوم بالله بيكسب.....................................
وتمشي المركب...........................................
نحنا شعوب طيبة وبتسامح................................
ونية اليوم بتزيل البارح...................................
باب العودة الطول فاتح....................................
للبكافح وللبصافح.........................................
هذا الشعب الصابر وكادح..................................
اخلقو منو مواطن صالح...................................
ونحنا بنكتب للبستوعب....................................
وسقنا المركب............................................ .
الداير يركب مليون مرحب..................................
والما بيركب ابفى اتمقلب...................................
ياما بكينا علي ماضينا......................................
زمناً كنت منكس رأسك......................................
ومادي ايديك............................................. ..
داك يطردك وداك اديك......................................
يوم بريطانيا ويوم امريكا...................................
ما دام الله رفع لوشيكا......................................
تاني قسم ما نفرط فيك.....................................
وحا تظل راقي وجميل وهذب...............................
وحا تظل راقي وجميل ومهذب..............................
ياها دي المركب الداير يركب اركب..........................
والما داير اركب...........................................
ان شاء الله ما اركب..ان شاء الله ما اركب

العمرابي
23-10-12, 07:34 PM
الشاعر / حاتم حسن الدابي
كسير ثلج
سؤالك رغم إنو بيوحي إستهتار
وللأسف الشديد بتقولو بي إصرار
فيهو عمي بصيرة وزيد عمي أبصار
تسألني الرئيس أداكة كم مليار
اذا الوطنية تبقالة القروش معيار
وإذا الوطنية صوتك يبقي بالإيجار
وإذا الوطنية صبحت ملفحة وجرجار
علي الدنيا السلام ومتين نكون أحرار
شكرا ليك رغم القلتو ياحقار
وشكرا ليك يالوصفتة قصيدتي جلباب عار
ووصفتني اني سلعةبتداولة التجار
وقلتة علي إني انا للتلج كسار
وإتلبستة بالوطني وبقيت سمسار
برضو أنا مني ليك والله شكرا حار
لأنك صح هبشت مكامن الأسرار
أنا أوريك الرئيس (أدانة) كم مليار
يكفي إنو الرئيس بقي للبلد دي شعار
غرس الشجرة ومنها إتفرعت أشجار
وقفولة الرجال وسقوها دم حار
وإنت الإستفدتة سماح وضل وثمار
يكفي إنو الرئيس أدانة إستقرار
وخلي وطنا سيد نفسو عندو قرار
ولبسو توب جديد نالنهضة والاعمار
وجزب كل الدول جات دايرة إستثمار
يكفي إنو الرئيس علمنا نبقي كبار
رفع هاماتنا بعد ماكنا نحنة صغار


هذه القصيدة رد بها الشاعر على الذين وصفوه بأنه ينافق المؤتمر الوطني بأشعاره

العمرابي
25-10-12, 05:15 PM
أنشدنا الشاعر الكبير السر عثمان الطيب
قصيدة العيد كلمات رقيقة ذات مضامين سامية

العيد
اسباب اساى وسر بكايا العيد يمر
للناس فرح وانا لى ترح من حالي كر
الناس تقوم تمرق تحوم قبل الفجر
بين هاش وباش وانا دمعى راش لازم الصبر
الطير نضم رسل نغم فوق التمر
شوف يا رفيق كم بى ضيق العيد فقر
وانا حالى حال ما فى بال مشغول كتر
بى زول نجع لى ما رجع من كم تشر
شيشك بشيش لو لى ريش كت ليك زر
كت عاد بجيك واتهنى بيك باقى العمر
بعدك يمين انيت انين فوق الجمر
كيف النجاة وطعم الحياة فى حلقى مر
جوفى اتحرق وانل ما مرق حدى العصر
لى مافى زول يهدى ويقول ياخد الاجر
انا ما بلوم لو جيتنى يوم فوقى النذر
قبال اموت والروح تفوت امشى القبر
زولى الحنين القالو وين عاد العذر
خلانى تب آه ما كتب لى فد سطر
بين السحاب اتلاشى غاب ضى البدر
سود على دنيانا حى عز الضهر
مبروك عليك العيد يجيك بى حال يسر
يلقاك معاى فى بيت هناى يا الليكى در

المجمر
30-10-12, 09:25 PM
قبال اموت والروح تفوت...ابصم على روعة اختيارك ...وانتقاء بوست حيوى ..يا ريد يا اخوى العمرابى تشوف لينا ابو حميد ...!
تسلم تسلم تسلم
و
http://www.alzaeemsd.com/up/uploads/zaeemsd13516322921.gif (http://www.alzaeemsd.com/up/)

العمرابي
31-10-12, 12:01 PM
قبال اموت والروح تفوت...ابصم على روعة اختيارك ...وانتقاء بوست حيوى ..يا ريد يا اخوى العمرابى تشوف لينا ابو حميد ...!
تسلم تسلم تسلم
و
http://www.alzaeemsd.com/up/uploads/zaeemsd13516322921.gif (http://www.alzaeemsd.com/up/)


تشكر كتير أخي المجمر
على المرور و الإطراء
كل ما نظم الشاعر الراحل ( حميد) موثقة في دفاتري
و إليك عزيزي البداية

زعلان منك أي لأنك
ما هببت قوافل شواقو ولا اكرمت رسايلو الجنك
لا عوافي ولا كيفنك
يجري يلاحق في السُفار العائدين والجايين منك
قبال ياخد خبر البندر شوقو يصبقو ويسأل عنك
يلقى حنينو إندردر ساكت تاري البندر ودر حنك
تاريك ناسي في ليل الغربة حال الناس اليوت طارنك
طاري عيونك لما تستف تمسح دمعة التانية تقطر
نزف وداعك لما شعاعك ساب الحلي ظلامها معكر
فد جوابك طمني عليك صهين تاني أقول مشغول
ابحت ليك العذر براي وأبعت ليك الشوق على طول
فكر أكنك في الطوّالي بيسأل عنك
عبأ رسائل فوقها رسايل ياهو الجاهل كل الجنك
لو كان قايل صدرو الماهل ما بالساهل يسأل منك
ضارب صدرو بي طول صبرو وماك حجر من أيدو يفنك
إنت بشر بى كل ظروفك حر في جودك .. حر في ظنك
ما بتربع يرجى حروفك و لا يشابي على غيم دنك
ما بتضرع عشان ما يشوفك عندو كرامة تبدل حنك

العمرابي
31-10-12, 12:12 PM
محمد الحسن سالم ( حميد)


--------------------------------------------------------------------------------

سنّى على النضال إيدى


سنّى على النضال إيدى

سوّكى بى الهتاف .. فمّى

شوارعك لى .. دويها .. على

إذا ما آخر العلاج الكى ...

مراويدك حُمر يا أمْى



هردت لهاتى بى الغنوات

وقتْ يبرد حشاك .. يا أمّى

من التعب البلا صالح ...

تفيقى .. تروقى .. تنجمّى

تسوّى مكانسك المطرة

تضوى البيت وتنجمّى

تمرقى صبوحة لى الجيران

قدح فوق إيد ... (وفْيد) ألمى



يلاقوك شفّع الكتـّاب

نضاف وظراف بلا النسمى

يغنولك غناوى السـاب

وفى بيوضة مافى سراب

جبال كجمى وفيافى الكاب

تميد بى الخضرة ...منقسمى

فيافى الصّى وبيوضة ..

البراسيم فيها مفروضة

خدارا يرارى شوف عينى

على الأبواب .. طواريها وحواريها

بقت روضة

بقت تشرب من الحامداب ..

تشوفى رهاب ... بُعُد نجمى

.. بشوفو قريب قُرُب نضمى

بشوف العالم التحتانى هيلاهوب وقف ناهض

وهدّ عمايد الفوقانى ..

جوّة الجُب رمى العارض

وفى الساقوا الدمار أفراد

عريق الحب نبض قابض

متل قبض الحروف فى إسمى

وغناوينا القبيل .. رقراق

علينا تصب برد .. قارض

وأجر نمّى ...

أدوبى لهاتى بى الغنوات ..

عُقُب يبرد حشاك .. يا أمّى



وطنى ولا ملى بطنى

سكاتى ولا الكلام النّى

بليلتى ولا ضبايح طى

قليلتى ولا كُتُرْ سمّى

سلام يا أمّى

سلام لا هكمى .. لا دكْمى

العمرابي
01-11-12, 04:33 PM
الشاعر / محمد الحسن سالم ( حميد )
نورة
هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت ا أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالت به جالت
لامن إنجرحت به شالت
للتراب فوق إيدا كالت
ومرة يوم في الدونكا لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم
صاح بتحلم

العمرابي
01-11-12, 04:43 PM
الشاعر / محمد الحسن سالم ( حميد )
حق الغنىمن حقي أغني ...... أغني لشعبي ........ ومن حق الشعب عليّ

لا بي إيدك تمنع قلبي ............... ولا قلبي كما بايديا

علمني أغني .. الطين ......... المخرطه ........... والطورية

الناس الصابرة ........ سنين بالحالة ......... الما دغرية

القابضة الجمرة في إيدا .................. والجمرة تلهلب حية

لا قادرة الجمرة تقيدا ...................... لا قادرة تولع هيّ

يا قلبي بلاش نستعجل .................. في الدرب شوية شوية

واصلين الما بتأجل ............... لليوم الشمشو قوية

علمني الشوق نترجل ........................ نستحمل وجع الجية

لا القش بيهاب المنجل ......... لاطب ........ النار ........ الكيه

يا صقر الآه يا ريح ................ لا تنفض عش قمرية

من حقو يغني صريح .............. ذرية ورا ذرية

ومن حقي أغني العالم ............... إبداع وعلم حرية

إنساني شعوب تنسالم ..................... تنسالم بي حنية

على نخب الود نتنادم ..................... لا جنس ولا لونية

لا عِرق لا آه نتقادم ................ سكتنا بياض النية

مش كلنا جينا من آدم .................. مش آدم ابو البشرية

السجن إذاً يترايم .................. نبنيها قلاع ثورية

عقبال الخير يترادم ............... والدنيا تمش دغرية

مد كفك يا بني آدم ..................... حرية سلام حرية

العمرابي
03-11-12, 09:49 AM
الشاعر الراحل / إسماعيل حسن
بـــــلادي

بلادي بلادي اهلا يا بلادي
صدورنا حماية ليكي من الاعادي
بلادي انا بلاد ناسا مواريثم في اول شي كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا في الخلاوي ورع
والله كم نخلاتا تهبهب في جروفا الساق
بقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلق في جداولو دمع
يخدر في بلادي سلام
خدرة شاربة موية النيل
تزغرد في البوادي زرع
بلادي سهول بلادي حقول
بلادي الجنة للشافوها او للبرّة بيها سمع
بلاد ناسا تكرم الضيف
حتى الطير يجيها جعان ومن اطراف تكيها شبع
تشيل الناس وكل الناس وسع بي خيرو لينا يسع
وتدفق مياه النيل على الخيران
بياض الفضة في وهج الهجير بيشع
بلادي الصفقة والطنبور
داراتا تنح باليل
بنوتا تحاكي الخيل
تشابن زي جدي الريل
وشبالا مكنتل في الطريفو ودع
بلادي بلاد من التاريخ
من تيرهاقا لا عن ميسنا
حتى ان جاي خيرو تروع
بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبر كل الدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل ديل فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي

العمرابي
05-11-12, 08:10 PM
خالد شقوري
الزول القيمة

يلا نسافر فوق الكلمة نشيل الزاد احلام وردية
نحكي حكاية الزول القيمة الزول العاش للخاطر الحية

عاهد نفسو ببذل الروح علم كيف العزة تكون
شال امالو كتاب مفتوح مشروح وتروح من بينو قضية

كان مكتوب في اول صفحة وطن مزروع حنيه وقمحة
ومدن مصقولة عوالم سمحة وناس بتعرف الناس من لمحة

كان مكتوب في الصفحة التانية طفلة تقالد الغيمة الحانية
ونخلة بتهدي قطوف الدانية وهاك البلد الغالي هدية

اغنية فيها تلاتة مقاطع مقطع شال لون الدوبيت
ومقطع شال نفس الجراري ومقطع طالع من قمرية

كان مكتوب في الصفحة الرابعة طالب بيقرأ وعيونو متابعه
خريطة البلد العالي الغالي وموية النيل المنها نابعة

وعز موصول للصفحة الرابعة وشوق موصول للصفحة المية

العمرابي
17-11-12, 03:13 PM
الشاعر / الفاتح إبراهيم بشير
رأيك شنو ؟
رايك شنو نرعى ونصون حق الجوار
يا نحنا نرضى ونتفق يا كل حي يسكلو دار
معقولة طيب طول الزمن راس مالنا يوم الاعتذار
لا اقدر القاك واستريح لا يدرك الليل شهريار
لا انت قبلان تعترف لا قلبو راضي الانكسار
لكن غرورك وعزتي كانت بدايات الودار
اهواك انا و عارف كمان شايلني في دنياك منار
مابين غرورك ودهشتي جنتنا صبحت نار في نار
بالله كان ناقصنا ايه غير نحنا نحترم الجوار
ما ريدنا تشهدلو الجروف والموية والضل والخدار
تذكر ايامنا القبيل احلامنا كان نبنينا دار
ان شاء الله في طرف الفريق يأوينا من حر النهار
ياما كتبنا علي الدروب اشواقنا بي الخط الكبار
يا ربي وين راحو الحنين واللهفة فيك والانتظار

العمرابي
17-11-12, 03:25 PM
الشاعر / الفاتح إبراهيم بشير لا بيني لا بينك

كل ما أقول أنساك لا بيني لا بينك
ألقى الحنين جواي يسأل يقول وينك
مع إني ليّا سنين بينات زنازينك
عشمان أطول في يوم وأدخل بساتينك
فجر الأماني الطاش عشمتو بي لينك
بعد إطمأن معاك جيت بي قوانينك
حبيت عيونك ديل من جوة احساسي
قدستهن تقديس في شعري وأنفاسي
كانن معاي كالطيف في الهيني والقاسي
لكن بدون أسباب جافني يا ناسي
جواك وتر حساس غالبني تفسيرو
وكتين يرن تنداح نغمة مزاميرو
فيهو بلقى هناي وأفهم تعابيرو
لو حتى فيهو شقايأنا ما بدور غيرو
مما عرفت الريد وأهديتك احساسي
جواي سؤال مطروح زاحمني في أنفاسي
ليه إنت دون الناس دايما علي قاسي
قول لي متين يات يوم راعيت اخلاصي
درب الغرام الطال ماشيهو وحدانى
عطشان وجنبى النيل غرقان وأجفانى
كل ما أقول خطوات وألقاك وتلقانى
بين الرمال والموج تتشابى أحزانى
مكتوب علىْ أهواك وأصبح حواريك
مع إنو قاسى علىْ أوصل مراسيك
سيف الظروف بتار حارس أراضيك
لكنى ما شفقان جواى بلاقيك
بلقاك معاي بلقاك في كل لحظة ويوم
بقراك كتاب مفتوح في زحمة الخرطوم
بقراك طفل سهران خاصم عيونو النوم
حبوبتو قالتلو أنا ما بحجيك نوم
بلقاك يوم العيد ويوم مولد المعصوم
وكت الدميرى تفيض ويرحل جفاف الشوم
بلقاك نخيل ممدود فوقو القماري تحوم
بلقاك حنين منساب جوه العيون مرسوم
بلقاك فى كل شى بهواك وبيك مهموم
بلقاك حنين وأشواق ومشوار طويل معلوم
بمشيهو مهما طال مهما بقيت محروم
لامن أموت في رجاك ولا القيامي تقوم

العمرابي
17-11-12, 03:42 PM
الفاتح ابراهيم بشير
دا الشمال يا الدير تشوفو
شوف شمال اهلي الافاضل ليل نهار في العزة رافل
فيه مطبوع سر إلهي بدري كان تحلمبو بابل
حاضنو هو النيل بي محنه وبس عشانو هو جانا مايل
وانحنى وغير مسارو ولفة ابو حمد الدلايل
كل منابع الطيبه فيه نالبهن اعلى المنازل
وبي شعر محفوظ مخلد في دواوين الاوائل
دا اليطوف هيبة ربوعو يستفيد لو يبقى ماهل
يا يشملو نسمه عابري ماخده ريقه من الخمايل
ويا ملك وجدانو منظر يقتل الهم والبهادل
والرسول قال في حديثو ومافي اصدق منو قايل
الخدار والمويه جمبو بلثم الهم والمشاكل
يا سمعلو قصيده صادقي ترسل الاشواق قوافل
يا نغم طمبور حنين يستقر جوه الدواخل
ويا قمريتا تقوقي فوق تميره صبطه شايل
يا قعد بي ايدينو يشرب مويه صافي من الجداول
ويا يشوفلو كمان مزارع شايل الطوريه نازل
بي نشاط قاصد زراعتو والصعب بيشوفو ساهل
ويا كمان متع عيونو بي حسان زي الارايل
زوق وطيبه ادب خيالي في عفاف ما منو مايل
ويا كمان لاقوهو اهلنا بي كرم من غير مقابل
وروهو انو الدنيا لسع فيها خير وانبل خصايل
يكرموك لو جيته فوقم يجبروك لو ماكا نازل
ده الشمال يالداير تشوفو بالنهار الفيهو حاصل
اما في وقت الاماسي ليلو ضمه جميل وحافل
نتفق من بدري شله ونطلع القيزان قوافل
فيها يجمع شملنا في رباط زي العوائل
ونبدا نسأ ل عن بعضنا يا محمد وينو عادل
وشوفو يا ناس وين سيد احمد اصلو زولا ديمه ماهل
ونمسك الطمبور ننقرش لحن تنهاربو المفاصل
ونحن في عزت قعادنا يبدا واحد داير يجادل
وبي محنه نقولو ياخي .. يا فلان خليك عاقل
خلنا النسمع معاكا ..اشتهيت بس اسي كامل
ويا فلان قلك قصيده تروي ايا منا القواحل
جايه من وجدان وصادقي ليها تهتز الجنادل
وفي الختام نطرب نغني وما بنعرف قيل وقايل
ده الشمال يالداير تشوفو رغم وصفي انا ماهو كامل
ده الكمال لله وحدو لا بينوم لا بتلقى قافل

العمرابي
28-12-12, 11:05 AM
الشاعر / محمد سعيد دفع الله

المِطرقة والسَندان

بين مِطرقـة وسَــندان، أصبحــــت يا إخـوان *** لا لاقي مـا جابني، لا العــودة للأوطان



جابني الزمان، جابني، كت ظـانِي ألقى جـنان *** إلا الأمـاني بقــــت: مــتوهّط النيــران



الآهة ساكنه الجوف، أمسي وأبيت ندمــــان *** يا ريتني تب ما جيت، ولعنتَ للشيطان



لو كان صبرت قَعَدْ، هل كان بموت جيعــــان؟*** هادا السؤال المُر، خلاني خالي جَـــنان



وَكَرَهْ ودَخَلْ فيها، من جيت صِبِح محــــــنان *** سهّل لي دربي أعود، يا ربي يا حنّان



يامــا نظمــت حــروف، مـــأساتي في أوزان*** لو كان تفيدني قليل زادت شقاي هَيَجان



وين.. يا صباح يا رباح، نسماتك الريحــان *** من جيت لفحني هجير، دايماً عليْ حزّان



خـلّيت رياضي هناك، بستان ورا بســــتان *** والليلة شوف شدري، من غير صَفَق عيدان



ضــاق صــدري من سَكَني، وقفّيلة البيبان *** داير البراح يا ناس، وين ديلك الحيشان



وين لمّة المغرب، وشاينا أب لبن يا زمان *** يا ليلنا ليّ تعــال، أسعِــد قَــلِب حــزنان



دايرلو قعـــده هــناك فـــوق ديلك القيزان *** وطنبور حنين يمسح دمعي البسيل ريقان



أوتار شجــية تَرن وترنيمــة مــن فـــنان *** شايلاها نسمة ليل، في أبدع الألحان



يا ليلي يا ممــتد، قطــران عُــقُب قــطران *** مالك بخلْ برؤى، ما شـرط اشوفه عيان



أحــلم بأني هــناك، بين أهــلي والحِـــبّان *** ينسرّ كان خاطري، حتى أن بقيت حلمان

العمرابي
10-08-13, 07:08 PM
الشاعر / خليفة عثمان خليفة
تلفون العالم

تلفون العالم حوّل تلاته أصفار إتنين
حاولنا وقالوا نراجع خدمات المشتركين
ولقينا الوعي أصفار والصف العربي إتنين
وعالمنا التالت كلوا مادافع ليهو سنين
ومازالت جوليا تغني الشعب العربي وين
..................
بالمشنقه والتعذيب صهيوني كتل طفلين
جرايد وتلفزيون خبر مأساوي حزين
نقراهو زي التحذير الفوق علب التدخين
بالجرح ولا شاعرين ونقبل في السكين
لمتين لمتين لمتين
.................
جراحك يافلسطين تتعمّق كل مايوم
ويتباكى طفل بغداد والشعب العربي ينوم
والخط الوهمي فصل القاهره والخرطوم
وفي الواقع هم تيمان راضعين من ثديّ النيل
بيناتم إلفه وريد ومشاتل ورد جميل
لمتين لمتين لمتين
................
الطيبه بلاد الشام القبله والحرمين
أحبابي المصريين أحبابي الليبيين
ليه بس يلزمني جواز وأنا ماشي علي البحرين
أخوان كلنا أخوان في الضاد والدم والدين
لمتين لمتين لمتين
...............
وإتحطم سور برلين ويتلموا أطراف الصين
ونتخاصم ومختلفين لمتين لمتين لمتين
...............
لمتين لمتين لمتين في دمنا تجري غُزيه
وعبيد حايكتل زيد ماطال بيملك ديّه
ياعربي نعرفك كيف من غير إثبات وهويه
بالجنز الأمريكاني والجزمه الإيطاليه
والعطر الماتايواني والبنز الألمانيه
لمتين لمتين لمتين
................
شارعنا العربي ضجيج عادات وقيم غربيه
الليله فتاة عدنان كأنها باريسيه
وماينتج في هوليود (عادات عندنا عصريه)
والطفل العربي هزيل يحتاج لي نشأه سويه
وماما وبابا غياب في المشغله والورديه
ياساده ياحكام على مين المسئوليه
القوه بقت أفكار وثورات معلوماتيه
ومقص السلطه يطول أفكار طيبه وثوريه
وللمشنقه راحوا عقول جباره وواعيه ذكيه
والفكر العربي سجين في حوجه إلى حريه
تعليم تعليم تعليم الخبز ولاهميه
أوراق وكتب وأقلام تستورد بالكميه
وبالصوت العالي ننادي بي وحده متينه قويه

العمرابي
10-08-13, 07:13 PM
الشاعر / خليفة عثمان خليفة
أصبر
البت تقول أصبر الأم تقول أصبر وابوها قال نصبر
جاها الغريب وعقد ما قالوا ليهو اصبر
علمتها وربيت إن شاءالله حسنه وأجر
ده زرعك الراويهو قوم لى حصادو وصُر
ده ضلك الحارى يصبح رهين ويشُر
ورغم إنك آ المسكين ما خلو ليك صبر
وأنا ذاتى شن لى غير ليك أقول أصبر
إنفرهدت يا داب تعجب نضاره يسُر
دابه هلاّ هلال قبل إكتمالها بدر
الكسوة والمصروف واجب عليك نزُر
وتلقى ما تلقى إن شاء الله تمشى تجر
الرجعة آخر الليل والقومة بدري فجُر
والريد مروة جان والعاشق آ بيفتُر
ما خافوا فيك الله وما قدروا أى عذُر
وكل البقولوا مُجاب ست الحسان تأمر
خيلك تجقلب حد وما تلقى أى شكر
استاذ خصوصى صباح وواحد يقري عصر
وتعبك على جيدها يلصف سلاسل ودر
بجي من دبي مختوم أصلى ومجمر وحُر
نكران جميل وجحود لو كنتا بتذكر
تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر
من العليك والبيك رب العباد يستر
قدرك تقاسى الويل بيك الحبيب يغدر
وتعد نجوم الليل والدنيا لسه عصر
وتضيع أمانى رحاب حصاد سنين وعمر

العمرابي
10-08-13, 07:17 PM
الشاعر / خليفة عثمان خليفة
شهرزاد
الليلي صامت شهرزاد سكتت عن القول المباح
يا ليلي طول زي ما تطول ما دام صباحي بلا صباح
خدمة يمين وعرق جبين وشقي وكفاح
لهفة وحنين ريد بالسنين الليلي في حق الله راح
روح يا قليب يمكن تطيب رغم انو ما بيجدي النواح
انت انجرحت جروح كتار لكنو ده ماهو جرح نصاح
ندماني شن يجدي الندم وأنا في مهبك يا رياح
عبراتي بي سن القلم تنداح مع الحبر اندياح
وجراحي تتشايح نغم حين تلقي في الأوتار براح
ناري المكتمه ما نضم دخانه شيب في راسي لاح
الليلي صامت شهرزاد
خاب الرجاء المأمول خلاص واتقطعت كل الصلات
ورجعته من مشوار طويل شايل رماد الأمنيات
قولوا لي الله يعوضك أنبل غرام في الدنيا مات
هو الفاتني يتعوض متين وأنا عمري فات فيهو الفوات

الليلي صامت شهرزاد
ليه في دروبك ياهوي دايما حصادي الأغنيات
كل البينساني ويجور جواي يعشعش ذكريات
والبي يا ناس من جروح يكفيني لا حد الممات

الماضي بي أسفو العريض دمعي المترع في الوساد
ياريتو لو يصبح جروح أو عبرة منها يستفاد
يا قلبي ده المكتوب عليك الآهة والنوح والسهاد
فرشا مفرش بالجمر كيفن يطيب فيهو الرقاد
ضاق بي هواك صدر الحبيب ضاقتبك الناس والبلاد
وأصبحت في بحر الحزن راحل رحيل السندباد
لا تاني عشمان في لقاء لا لهفة سايقاك لي ميعاد
جرت المقادير بالفراق رفع القلم وجف المداد

العمرابي
10-08-13, 07:21 PM
الشاعر / خليفة عثمان خليفة
حق الأم
أبوك لبى نداء الأجل خلاك فى الأرحام جنين
عند المخاض ساعة مجيك طار المنام من أى عين
يوم قالو لى أمك ولد وفى الفرحة غرقو الحاضرين
سرحت مع الأحلام سمت قالت عشاى يكبر متين
أشوف جديدو أضوق حلوهو الناس يقولو عديل وزين
يزرع حياتى هنا وسرور يملاها بالمال والبنين
اتحزمت واتلزمت وسألت إله الكون يعين
صدت جميع المغريات ورفضت إعانة كل معين
صبرت على ظلم الحسن وجازيت بى ظلم الحسي
*****
حليلك يا الضميرك مات ودست قيمنا واتوطيت
تابع نفسك الأمارة حدك فتو واتعديت
قول لى يا خى لو بالجد وعقلك فيك وما جنيت
تسمع كيف كلام مرتك وترضى أمك تفوت البيت
زهدت فى نعيم الدنيا شان فاخر الثياب تكسيك
ورفضت بى أدب خطابا شان ما يبقو ليك شريك
حلمك قبل يصبح منية ختتو ليك بين إيديك
بالهنا والنعيم العشتو حلمك اترابك الحوليك
صبحت جنتا وأحلاما غيرك ما فى ليها طريق
راس الشوكى لو مساك يشعل فى قليبا حريق
تطويها الهموم والغمة لمان إنت تصحى تفيق
لو فد يوم حردت غداك يومين ما تفك الريق
بالجد والعزم والنخوة والصبر النجد من ضيق
وربت بالحلال والله شاهدين العزول وصديق
ناس الحلة والعرفوها والجيران فى أى فريق
ما ذكروها غير حمدوها بالمصلاية والإبريق
لكن وا ضياع ترباتا حقها ذرة ما أوفيت
حليلا ووا خسار بلالا يبقالك سعيد وبخيت
كايس للسعادة دروبا دابك بى جدارة شقيت
فرشك تانى يبقه جحيم ومابتقدر عليهو تبيت
غرقت فى الهموم والآهة ايدك ليها ما مديت
ومرضت ما سعيت فى علاجا لا هماك لا اهتميت
مهما تصلى والله تزكى كان عمرت كان حجيت
رب العزة كيفن يرضى أمك ليها ما أرضيت
كيف ينتم ليك مراد وضاع راس العشم والخيط
ولسه فى الغلط متمادى السويتو قايلو بسيط
مفضوح تانى ما ضاراك لا ليل لا زمن لا حيط
عين الناس محل ما تمشى استنكارا بيك يحيط
وين راح تلقى زى الأم قلب وافى وحنانو وهيط
وما فى شبيها غير نخلتنا لما تشيل تسوى سبيط
جازت بالرطب راميها ما قالتلو إنت قسيت
قاومت أى ريح جاييها عشان الطير عليها يبيت
يا شارب كؤوس الغفلة لو صحاك غناى ووعيت
حصل والدتك رضيها طوق جيدا بالسوميت
والله أحسن جناك الوالدو فيك يسوى ما سويت
حق الأم قرض .. صدقنى.. ضاقتو فى جليدا كريت

العمرابي
10-08-13, 07:24 PM
الشاعر / خليفة عثمان خليفة
ما معقول

انــا الـعـلــيـت هـواك بـراي لــمــن طـال وطـال معناي
وقــادر تــانـي بـرضـو بـراي اهـد اركانـو غادي وجاى
يا خي ما معقول
تحبي سواي وتنسي وفاي وتغدري بي
تـهـدى بـنـاى تـقرري تانى ترجعى لى ؟
يا خي ما معقول
اكــــون لـلـــيـــــلـى مــســتـــنـــــيــك وراجـــــــى الرى
حـلـيـلـو زمن بسوقنى الشوق على لقياك رضى ورضى
هـسـى بـقــيـت يـجــيـــنـى نـــداك اطـانـش واقـول مالى
خــريــفـــك كـان شــلـع بـــراقــو بـرفــع للكريـم ايدي
اقــــول حـــولــيــنــا ماها عليـنا تنزل في الهويد والصى
رفـضـتـ هـواك مـن طـرفك عشان ربطك مرخرخ ونى
طــويــت ذكــراك والاحـــلام ونـجـضـتـــا الجرح بالكى
ودقــيــت صــدرى لـلأيـــام مـــســارب لـلأمــل والضى
بــعــد مـا كــنــتـى كـل حــــيـــاتـى هـسع ما بتمثلى شئ
فــرصـه سـعـيــده كـانـــت بــيـك علـيك بتعرف احزانى
واعــرف ويــن مــقــاس صـبــرى قــوة عزمى وايمانى
وحـــات الله مـــا مــحـــزون عــلـى الــراويـهـو شريانى
زمــان اديـــتـــك الـمـعــدوم ووســدتــك قـلــــيــب حانى
ومـنـك مـالـقـيــت غـيـر طعنه سكنت فى صميم اعضاى
وضـريـت ريــدى لـيـك لـلــريـح وشــدت للامـاني قواى
وشـقـيــت بـيـن جروحى دروب ومن غدر الحبيب نجاى
وكــت اظـــلــم عــلـي الـكــون وودع في الـنـجـم ضواى
رغــم الـــبـي مــن احــزان وكــنــت عـلـي الـفرح هداى
والـجـرح الـبـيـنـتـح جـوه يـطـلـع مـن صــمـيــمـو غناى
مـا الـقـمـريـه رغــم الـنـبـله وصـوت الـطـلقه والحاحاى
مـــالـى غـــنــاهـا عــصـريـاتـنـا يـوم مـا خـلـت القوقاى

العمرابي
10-08-13, 07:28 PM
الشاعر / خليفة عثمان خليفة
العترة


مشيه رشيقه خطوه دقاقه
أبداً ماوقعتي شلاقه
عينيك باب نعاسه متاقه
والسماء والأرض عشاقه
رايداكي الأرض والوقعه
تعبر ليكي عن أشواقه
خوفي عليكي بكره تطيري
لمه تكون سماك مشتاقه
عترت من وجع تتهادى
في رقه ودلال متناهيه
وعاتبنا الأرض لمناها
وريناها إنها خاتيه
حذرناها ماترميها
فتشي عن وسائل تانيه
تمتمت الأرض محزونه
قالت لي غلبني هوايا
زاد الشوق وقلب قلبي في القلايه
شوق إيه يا أرض جنيتي؟؟
يومي عليكي ماشه وجايه
وأربعه فوق تلاتين مره
تسجد فوق وشيك صلايه
فندت الأرض أقوالي
بي نفس الوزن والقافيه
اَه أنا من سجوده عليّ
واَه من غيرة المصلايه
كيف تلمس ترابي جبينه
أو زهر الخدود الناديه
وفيها رشاقه ماخلتني
أشعر بيها ماشه وجايه
تلبس لي الكعاب العالي
ماحصل أنغرز في حشايا
سرعه قبل تختو قديمه
ترفعوا للخطيوه الجايه
أرجوك: تمشي مكتوب ريده
لي ست الجمال الأيه
قوليها: الأرض رايداكي
بالبي ما أظنها داريه
حني عليّ حققي لي
مناي ورجايا
تسلمي من زمان الغش
تلاقي وفايا
قلب الريده عندي مداهو
كم قيس إندفن جوايا
حبة ريد وزي ماك دايره
حبي سوايا
باقي المويه والبارد
خساره تخلي في الكبايه
كلما والارض يكفيها
تكشح فوقي فضلة شايا
ضحكتّ عليها قالت لي
دا الإنسان وظلموا معايا
من يادوبه شافعه صغيره
حزّره بي أوامر ناهيه
ابعدي من التراب ياشافعه
أوعي من عليها تلعبي لاهيه
ناسي الناسي إنو أنا أم
عطوفه وحانيه
والإنسان ولد اَدم
واَدم في النهايه جنايه
صبرّت الأرض واسيته
صدّقتك كلامك صاح
إتعكر سماي ناداني
قال ماصاح
البت بتي كانت نجمه
تهدي الراح
تواسي العاشق المجروح
تسامر في البنوموا صباح
قريبه من الأرض ضوّايه
دايماً للبشر ترتاح
وكت بقت الأرض غابات
والإنسان صبح سفاح
نزلت نجمتي الضوايه
تملأ الدنيا ريد وسماح
وأقسمت الأرض ترعاها
حتى تصوم من الكتاح
وتتوحم عليها المنقه
والأنناسه والتفاح
وتهدي أنفاسه للياسمين
شذى الفواح
ولمه اشتاق
أقالدا بالمطر وإنداح
وأريح باله زين وأرتاح
وماحوى إتفاق بيناتنا
قصة ريده للإصفاح
وأضطرب السما إتعكر
وزمجر وصاح
ودنقرت الأرض خجلانه
تستسمح سماها سماح
قالتلوا العهود مرعيه
وأعتبر السمعتو مزاح
الريد مرتبط بالروح
وللسما تصعد الأرواح

العمرابي
10-08-13, 07:34 PM
الشاعر / خليفة عثمان خليفة
الشاعر /خليفة عثمان خليفة
مواسم الهجرة
الشوق يا بلد ضوق قليبي المرة
من زمنا طويل ناوي القيام والسفرة
حيّ علي النفوس البينا جاري العشرة
زي نيلنا العظيم المابيسيب المجرة
حيّ علي البساطه الفي الطعام والسترة
والناس الدوام واطين لهيب الجمرة
بي فوق الحيط مدو الملاح والكسرة
زي عهد الصحاب البيقسمو التمرة
منعولة العمارة الماب تحس بالحسرة
شحادين كتار في ضلها الاتشرة
قام الفيها حرش لي كلابو وصرة
غاظوهو التحت شحدوهو عيشة وابرة
غنيتك غنوة زمن شافع واخدت الشكرة
بي طنبور قصب جبتك من اول نقرة
مفتونت المحاسن لا كريم لا بدرة
تشرحي للخواطر النفوس تنسرة
يابت السمر ما ليك شبيه بالمرة
عند ساعة الخجل توبك يجرتك تمرة
سهرك والسفر سبب النواح والحسرة
في سوق الغرام نومي اشتريتبو الذكرة
زرزور المدين الضاق طعيم ام نقرة
يعرف للرطب مابنخدع بالصفرة
مكتول الغرام مابترفع من عترة
يتوكأ يسير حتى ان وقع في حفرة

العمرابي
10-08-13, 07:40 PM
الشاعر /خليفة عثمان خليفة
نية الرجعةيمين لا عندي نية الرجعة لا طاف في الخيال ذكرى
قلبي انا ما بهملو ليك وتاني تضوقي المرة
أرجوك لا تصحي الماضي جرح الماضي دابو برا
خلي آمالي والأحلام تنوم مرتاحة في قبرا
بين الويل وسهر الليل الروح كملت صبرا
ونبح الذكريات كيف مرة وما أدراك ما الذكرى
حربوية في وعودك لي وعيت وحفظت كل صورا
وريدتك لي لقيتا كلام خلاص ختيتلها القدرا
قلبك لا يحلفني بالريدة القبيل نكرا
راجع ليكي لو في من العشم ذرة
قوية ارادة الاشواق فتية تفتت الصخرة
وحال الشوق علي المشتاق يوصفو صوفي في حضرة
والحيطة القصيرة محال يوم لي سيدا تبقى ضرا
ومافي صفق بعد يتحت برجع تاني للشجرة
بعلن عن عميق اسفي وبرفض مبدأ الفكرة
كسرت الساري والمجداف حرقتَ مراكبي في الحجرة
اتذكر عذابي معاك اقول في سري كم مرة
ساعة والله عداها كيفن اعاود الكرة
سلامات لي سحاب حنك محل ماشالو ينشرَّ
رجيت لامن قنع منك معشمي قلبي بي المطرة
يكفي انا كم سفكت معاك سنين من العمر خدرة
يكفيني السكبتو عليك دا ما ياما سال وجرى
الوجع اللديح وفصيح المالي القليب حسرة
لسع في منو باقي وحيح لسع في في الحلق عبرة
سهام غدرك علي الوجدان ما مسح الزمن أترا
بقاوم شوقي بالكتمان واعلم قلبي ما يطرا
فراقي عليكي برد وسلام كفاي انا منك الحسرة
لا بعدك بخلي الريد لا الحب منو بتبرا
العشم الكبير في ربي والظن يبقى في بكرة
إتجاوز عذاباتي وازرع من جديد بذرة

العمرابي
11-08-13, 04:40 PM
الشاعر / خليفة عثمان خليفة
الجايينا

الجايينا يصل بالنيه صدق احساسو وطيبة القلب
و العنوان عند اي فراشة واي نسيم يوريهو الدرب
عالم وشاهد رب الناس حبيناك لله في الله
يا الله من طعم الحب لما يكون لوجه الله
يبقى القوة ,الحيل والدافع وما بنمشي طريق لولاه
وزي القال نعم الله عليك لما يقول محبوبك لا
لما الحب يتمكن ويمكن يبقى اماني وطموح وحيا
ويسرج نورو خواطر زاتك يسطع يملا الدنيا ضيا
وتبدا تحس لو غاب محبوبك انو الدنيا دي ما ياها
وبي الاحساس تدرك مقصودو قبل يتم من قولة يا
طيفك كم سامرني ليالي واوحى لعاشق ما اوحا
وكل الفرح الفي دنياي من عينيك قلبى استوحا
واي ورود فواحة شذية شالت من انفاسك نفحه
وربنا سادل سترو عليك قبل خمارك والطرحة
البيحب ما بيبخلل حاجة علي محبوبو يقربو زلفة
وينصر دينك يا العينيكي رامي علي ضليل الالفة
في الحراية وعز الشوق كان في عون الريق الجفة
وكل ما اخاصمك ولا اعاتبك كل مايروق البينا ويصفة
الاشواق دافعاني عليك والاقدار حاماني اكفة
ولينا عشم في الخالق ورازق رغم زمن مالينا غلبه
بين اهاتنا وغيم احزانا هسي نسايم الفرحة تهب
وكل سمانا تظلو سحابة وتبدا شوية شوية تصب
بيك تجمعنا بلا معاد اندر لحظة و اجمل صدفة
نفوس مطايبة وبيت واسع لو يادوبك من فد غرفة
خشم الباب عزامو يحرم مابتغابة في زول العرفة
وكيف العمر اذا ما كفى حبيبة علي الاطلاق الاوفة
يبقى غزانا كسانا الحب فصيلة دمنا زاتة الحب
ونسكن قمة نشوة ريدنا ونفتح ناصية في شارع الحب

العمرابي
11-08-13, 04:48 PM
الشاعر / خليفة عثمان خليفة
سودانية

ربنا جابك ســــودانية سمحة وجدعة وبت تتراد
في عينيك براءة اطفالنا وفرح العالم بالاعياد
بس تتخيلي ايه البيحصل لما يقابلك زول رياد
انا فتشت في كل الدنيا زيك وين في ياتو بلاد
واي افق يرتادو خيالي القي اوصافك منو بعاد
وقبلك كم محقنا عمرنا وقلنا القسمة والله اراد
وبيك الله عوضنا صبرنا وبقت الطرحة نصيب ومراد
خوفي عليك من خوفي عليك وعين خلق الله والحساد
وخوفي عليك من فيض اشواقي ولهفة قلبي علي الميعاد
ويكمل ليلي الاقي صباحو ولسي برتب في الاوراق
شان تتحقق اجمل منية ولي تكوني ام الاولاد
ربنا جابك ســـودانية سمحة وجدعة وبت تتراد
انا حسيت من اول نظرة بحن لي حضنك زي الشافع
وما بتحمل بعدك لحظة ومشتاق ليك وروحي تنازع
واتاكدت انا من يوم داك اني في حبك واقع واقع
وانو معاكي عديلي الخطوة وبيكي بلازم حسن الطالع
مابتزكري يوم لاقيتك واتخللننا في لحظة بعضنا
واداخلنا زي الوان قوس قزح الرائع اتقادمنا
واتقاودنا الروح في الروح بي عرض الشارع
اتقاسمنا النفس النازل واتبادلنا النفس الطالع
غزلنا بساط الريد الطاهر فرشنابو كنيسة وجامع
سويناهو ملاجي اطفال ..سيرة وجرتك وسيف وهلال
وغيرنابو الامر الواقع وقبل تمس شفتينا القهوة
اتمطقنا معاني النشوة والاحساس للبعد السابع
ســودانية لا شرقية ولا غربية بيكي الدنيا معاكي وردية
روعة زوقك في هندامـــــــــك واضحة جليا
وعزب حديثك حالي كلامك آثر كل الناس يا بنية
ومين الشافك وما اتمنا ودوبا وغنا
اريتك ليّ دقيت بابك وكان خطابك فوق لي المية
الدينكا النوبة الجعليين الشايقية
العجم الاغريق اعيان الدول العربية
قدمو ليك شيكات بيضــاء وانا قدمت بياض النية
ومدو عليك متاع الدنيا وانا مديت الريدة هوية
والاحساس والحب الصادق بين سوداني وسودانية
شكراً كونك ما بِشروك الراس مالية
وشكراً كونك ما اغراك مفتاح عربية
وشكراً كونك زي النخلة عزيزة وابية
وشكراً يألعلمتي الدنيا كيفن تبقي الريدة قضية
وشكرا كونك في وجداني تعزمي الفرحة علي عينية

العمرابي
11-08-13, 05:01 PM
الشاعر/ خليفة عثمان خليفة
ميلادي الجديد

نجيني بالوصل الرحيم من مخلب الشوق الرجيم
التوبة من ريدك محـــــــــال استغفـــر الله العظيم
في الدنيا ما عندك شبه وماشفت جنات النعيم
ومقامك ارفع من مناي ومناي بلاك مابستقيم
تهدي الحيارى التايهين درب الصراط المستقيم
وتجبري بي روعة وفاك الصابني من غدر الحريم
يا نابعة من نبض القلب وصدق النوايا الطيبة ريد
يكفيني شر الجهجهة بي لقيا بي موعد أكيد
خدرتي سنواتي العجاف وجرا في الشراييـن دم جديد
طويت سنوات العذاب وأعلنت ميلادي الجديد
حصنت قلبي انا بي هواك من كل ما يندب عتيد
من حب يـبـيح لينا الغلط يمتد شوقنا عليهو إيد
من حوا سببت الشرك لي شهوة الجسد البليد
من نظرة من غمزة طريف تسوقنا بالآمـال بعيد
ترتد من بنك الغرام زى اي شيك من غير رصيد
بلقاكي في الشذى والندي وتطلي كل ما طلّ عيد
في لهفة العاقرين زمن لي جية البت والوليد
في فرحة الناس في الشمال بألشيلو فدع للجريد
وفي سلام ناس البلد لي الجاي دابو من الصعيد
طلعة وشيكي رهاب رهاب كل ما أضوق رطب المدين
وبيــن الحبر ورق الكتاب و ايماني والشك واليقين
حبك حضن ضُمــة اليتيم وعطفك مخيم لاجئيـن
وفرحك عشم كمين بلاد في الارض ناسا معـذبين
من شدة الرجا والعشم عرف المسام كيف يبقى عين
وكيف المحال والمستحيل عليكي أفتحو ضلفتيـن
وصلت فيكي الحب مـــداه وفت اليقولوا متيميـن
ووفيت فرايضو مع السنن واميت جميع العاشقين
سألت ستات الودع ما أكدن جيتك متين
ندهت ربنا في التلت وزرتَ العباد الصالحين
قـــالــولي صبقك ياصبي العندو مال واملاك وطيـــن
والوجها واسياد البلد عـــادوا بي خُــفــــي حنين
والليلة لاقيتك أنا احساسي في صمتي المبين
الشفقة والشوق والظنون ووساوس ابليس اللعين
خلتني أنقر ألف باب وما أرجا ميعادك يحين
صـح كل حوالي آدم مهما تباعدن السنيـــــــــن
والحــــب وتر زي العمـــر مابدوا لي الزول مرتيــــن

العمرابي
11-08-13, 05:05 PM
الشاعر/ خليفة عثمان خليفة
بحار الريدةريدك في بحار الريدة حومة المرقة والشرقة
لي حق ياخي كان غنيت وقلت بلاكي ماببقى
معاكي سعادتي والأفراح بتجري عليَّ منسبقة
وغيرك حتي اصابع الايد تعاكس وتابا تنطقَّ
درويش في هواكي أنا وغرامك حضرتى وحلقها
سبح قلبي بى ذكراكي لما الليل صباحو بقى
رشيت بى دموعي بلاد سحابو خريفنا ما لحقا
كويت بي شوقك الحراق هدوم الجمعة والمرقة
كرهت افراحى شان كضبة وهويت احزاني شان صدقة
اتأكدت مافي خريف من الجيهي البشيل برقا
اتمطقت ماضي لقانا رغم مرارة الفرقة
النسمة وحلاوة الروح يضوقة الزول بعد غرقة
رغم انو المصير لى الليلي طاوي اقداري في ورقة
الا البيجيبو سماكي بفتح صدري بتلقا
أخالف كيف هواكي الراي ونفسي معاهو متفقة
عيونك فيها تيار ريد يغير سكة الطلقة

العمرابي
11-08-13, 05:09 PM
الشاعر / خليفة عثمان خليفة
قافلة قريش
(1)
ريد التابا وشوق اليابا
لاخلاك تنشري سحابا
لا أوحالك مرة كتابا
*****
مرو سنين والسكة رسايل
مني عليكى ومنك مافي
حاجة تصبر لو عوافي
رغماً إنو البينا متلت
كان اتفرتك قوى اتفرتك
ربك حول وجه القبلة
بعد الناس للمقدس صلت

قادر أشتل مليون صحرا
مادام في الآمال والبذرة
والله كريم بيجود بالمطرة
واللا يلين قلب الصخرة
البيحب لـى آخر ذرة
ما بـتراجع مثقال ذرة
والبيعيش الريدة كفكرة
يبقى فراش والعالم زهرة
(2)
أى رساله بعتها وصلت يومي ظنوني تفضي وتملا
ولي رسلتى ردودك طشت جاي لى جاي القالك علة
بين النار والشك النملة
قلب العاشق زي الطفله
تقرا خواطرى الذكرى مجلة
راسم صورتك بت (مادلا)
شفتها تملا !!
بقيت الجدول
خدر ريدك واقف أعزل
ما رشيتى عليهو الطل
لمن طال الغيمة وعزل
صدك سنَّ عليهو المنجل
وين بالله غيومك رشت
داير اوصي العرب الرحل
يمشوا محل الغيم مانزل
مرو سنين والخلا ماسيل
والحال زقاقاً عرضوسيف
والدنيا حر
(3)
جات القوافل راجعة صيف أبداً ولاجابت خبر
جات القوافل فى الشتا أبداً ولاجابت خبر
الليله جات قافلة قريش
متوقع اشواقك تحج
وتركب معاهم فد سرج
وودع الشجن الأليم المستبد
والآهة والحمى ام برد
نفر نفر
قافلة قريش .. خاطرى انكسر
ماينكسر خاطرك فـي يوم
قافلة قريش .. ترجع مطر
تحيا وتعيش شعرة معاوية
حريقة فى باقي الشعر
زمنك لعين كان قاصدا سواده شيب ومافكر
بقى خيطا ابيض فى الفجر
عليهو أمسك ومافطر
ود عينى صنقر للصباح طرز ملايات السهر
أرجوكى شيلى الابرة منو بلاكى مابـيامن نفر
(4)
يانهر جاري وكت نبع
ماحب كيزان الدهب
غرفت منو انا بالقرع
يا الضحكتك لون المناديل البتستهوى المطر
وروح الفراشات المثبته فـي الصور
صمتك خيوط والوان كتار ماليها حد
أرجوكى طرزى للفراشات البيض
البي تطير كل مانعاين وتدقش النظرات بعض
(5)
ضلع الرجا
كل مايضربن فى البلد
بشرنا بالخير للارض
بى طولا زغردت البلد
أنا وانت نيل ، خلي المشايخ والعمد
يتكتلو فى الطين المرق
الناس على الشدر الرهين
يجاروا يومي سبق سبق
يوماً يخر فيهو العرق
ويحت من الشدر الصفق
نتلاقى نتشابك سوا
شدرة مبادي بلا صفق
(6)
دا انا كنت بستغرب زمان
كيف الوطن يصبح عيون
وكيف العيون تصبح وطن
لقيتك اكبر من وطن
جاكي الزمن
ملستى زيو زي القطط
فكيتى خاطرو شرحتي لي
سر البياض الـفـي اللبن
والفـي الكفن
والضحكة فى السر والعلن
(7)
وادعتك واتفارقنا بلا نرضى
أديتك نعلي وانا ماشي على الرمضا
وكنتي مصرة الريح لابد تخلي الفوضى
تبيع اكياس يجاروا اطفالنا على الروضه
أحبك لابتقتنعي ولا الريح حاترضى[/center][/font][/size][/color]

العمرابي
11-08-13, 05:17 PM
الشاعر / خليفة عثمان خليفة
عهدك

ما اديت خبر ساكت من مشيت
وعهدك ماحتنسى مدة ماحييت
****
كم سافر نفر وكم وصيت عليك
وقبال ماتسافر كنت بوصي فيك
صبر قلبي لمن اتمكن واجيك
شايل لي بشارة تسعد والديك
****
سمحة الدنيا بيك فايحة عطور وند
وغيرك بي تضيق زي ود اللحد
سال دمع العيون فاض ما ليهو حد
لاسكت الوحيح لاجمرك برد
****
قت اكتب رسالة يبقى البي يخف
حرقت الرسالة نار أول حرف
ليك كل الفراغ جوابات ولف
والسما والارض عبارة عن الظرف
****
بقت اللقيا طيف والطيف وين يحوق
في زول نارو حامي طولو وعرضو شوق
نظرات من عيونك يسرن فى العروق
أروى بلا شراب واشبع وما أضوق
****
عصفور ذكرياتك هيج للشجون
غنى على الرموش ومالت زي غصون
لولا احساسي بيك إنك فى العيون
ماصميت على بى لهفة الجفون

العمرابي
11-08-13, 05:21 PM
الشاعر / خليفة عثمان خليفة
كوني بت

النصبك ملكة جمال بيضاري وشو من الوهج
لو عينو شافت جوهرك وكان حس جداً بالحرج
يالداخلة جوة تغربلي ضيق نفسي والهم والزهج
تأثيرهواكى على الحواس توبة وخشوع ويقين وحج
علمتى آدمك احلى شي فى الدنيا ضلعو المتعوج
يكفيهو من نورك قبس للغمة والظلمات يفج
الحي حولك كلو يوم هالات من النور تتنسج
وصفاكى زى بير فى الحجاز الناس تزورا وكت تحج

نار موسى فيك مالى القليب ياريتنى لو فيكم حرق
يادعوة اصدق والدين والناس نيام والليل تلت
صلوها خاشعين ركعتين ناداها ربنا كونى بت
لحظة ابوكى صبح بروق وامك سحابة من العشق
نزلتى إنتى نقط ... نقط أنوار وطيبة وفاوصدق
صن الوجود يوم مولدك زمانا قرب يتلفت
صاحت ثوانيولوحت لى الليلة ماحان الوكت
فى ايدا سيطان العنج حمت الدقائق تتلفت
يانعمة من رب العباد عمتنا بالطول والعرض
شفتك تغسلى فــي القلوب من آفة الشر والحقد
قلعتى عرق الانتقام وزرعتى كل الكون ورد
أقطع وريد يدى اليمين لو تبقي زى باقي الخلق
يرموكي تطلعي للسما تقع النجوم منك تحت
لاجاذبية ولا انجذاب قانونا فيك يطلع كضب
طعم الثمار غيرك مسيخ شدراتنا كلها يا أرض
تستنى ريقا وكت يقع حسب الحلاوة يفهرسك
شوفتك ترتب للنفوس زي بسمتك
زي دخلة العيد البيوت ياروعتك
والعنكبوت يتمنى تقطعي لي ضفر يترقبك
علشان يشيل منو الخيوت يارقتك

العمرابي
11-08-13, 05:24 PM
الشاعر / خليفة عثمان خليفة
قهوة ريد


هبشت قلبي نظرتا لمحة نزلت دمعة زي الماسة
حست بى طعم شداها نابع من حتت حساسة
ماوريتا إني سرقتو قبل العرفة من احساسا
لمن شفتها لأول مرة شرت فوق ضميرا حواسا
والناس ذاتا ماخلتنا طلقت في الهشيم وسواسا
يا الوادي المجدب ضرعويا البلد المهضربة ناسا
ماتلوموها كان شفتوها جوة خواطري دست كاسا
يوسف اخوها حب أخوهو جوة جرابو دس الطاسة
سمحة عيونا ماشفتوها ساكتة بلا تقول وناسة
ضمنت الكلام فــي كلمة لملمت الحواس فى حاسة


******
قلَّت قلبي فوق جمراً سماحتو معاها
والقلاية مرجحناها
في الزمن القعدتو حداها
وما فــي وقاية ساندة الجبنة واقفة براها
قهوة ريدنا بين يديها لسع مارماها سماها
بال فنجانا سارح فيها بين شفتينو بين شفتيها
بيراً طال عليهو دلوها
والهوا ذاتو شايل لهفة ماب تقدر عيون تحويها
صبرو متين تتم فنجانا يشرب بي مهلتو حلوها
صبري أقل من فنجانو شان كدي بس سبقتو عليها
فنجانا الفريد فى نوعو ماداير ارجعوا ليها
******
إتحرفنت واشيطنت واجدعن
همسن لي عيونا وقالوا ، كيف نضمن ؟
في زمن الحبيبة جريدة
تتقري في الظلام سراً وبي يد الحلف بيريدا
تترمي بالنهار وعلن
سكت صمت .. صنيت صن
سرحت قدر حمامة تبيض صحيت لما الصغار فرن
دسيت يدي بين يديها ما أمكن
إذا الشدرة المحرمة إنتي كيف حيكون جزا آدم
إذا في حضرتك إبليس همس بي كلمة واتفلهم
نادي على حبيبك (عــر) إذا اتمكن
فاتخذك حبيبة (علوق) وماعون العليقة بدن
ماحبيت عيونك (ديــك) ينقد أي حاجة يشوفا تتفترن
ولاجيتك عشان صدراً هدم سد القميص وحرن
ما أحلاكي أول حوا تدخل ظني تطلع منو شايلة لبن
بشوفك في المساحة الواقعة مابين قرمصيص وكفن
إنتي الأبيض الشفاف وانا الازرق
وبيني وبين عيونك نيل وحب أروع من المقرن
****
فرحت .. ضحكت .. إنبسطت فوق العادة
عين تتكحل ترجف يد الحداد الطرق مروادا
نظرت لي انا البراني اتقشرت مكادة
انا الجواني .. بقيت الروح تتهادى
يا للفرق الشاسع مابين انا داك وانا دة !!
همى يجر مسافة واغني
روحي ظلط مداسا مقاسا
تعبت كان مشت حالتنا
ترقد إلا تربط راسا شدي الحيل وخليك فارسة
عوسي الخاطر المكسور وقسمي للصغار قراصة
رددي نمي لاتهتمي بتأخر عليك زي ساعة
هاجمين نحنا فينا جماعة
قالوا القافلة شايلة بضاعة
آخ لكن أبو سفيان فطن غير طريقا وباعا
وفسر غير ذات الشوكة ناكل بالاصابع العشرة
وقال ان درنا ذات الشوكة عازمنا المريدين بكرة
بكرة فـي بكرة بكرة فــي بكرة
مستننو ناصبين خيمه فـي الصحرا
لافي جريدة لافي رادي لادشاً يجيب النشرة
نحرس ونرجى نحرس ونرجى ماعارفنو طبَّ سويسرا

العمرابي
11-08-13, 05:28 PM
الشاعر/ خليفة عثمان خليفة
باب الرجال

جيبي موسك وشرِّحيني وقطّعيني حتت صغار
واكمديلي عيوني شطة أملي كلْ أحشايا نار
وكهربيني ومدّديني علي القضيب تحت القطار
وجيبي فندك وفندكيني وضرّي ذاتي مع الغبار
أصلي كايس الموت بنازع من بقيتي توقفيني
علي محطات الترقب والحذر والإنتظار
ولاهو داير الموت يجيني
ولاني قادر اخب عليهوعن طريق الإنتحار
قبل اريدك بي قلب زهر البنفسج
ويبكي يتعلق قليبي يحاكي شفّعنا الصغار
إغتسلت وإعتصمت ف الف غار
وناديت علي ريدك تعال
وشلت سكيني ومشينا ورا الجبال
ريدك فتح صدري ونزع
أي مثقال ذرة ميل
لي سواكي يابت الحلال
وابليس حقد صبغ السحاب بى دمي حار
وأهدي الشمس قال ليها ألبسي للمغيب اَخر النهار
دايرني شان أحقد عليك كلما أشوف لون الحَمَار
وبدل يكون البينا ريد البيني بينك يبقى تار

قلبي البريدك مابفرط حتى لو كان ف الخيال
بعدك قفل باب الحريم ما أدى لي غيرك مجال
وكل البنات الجن وراك دخلنّوا بي باب الرجال

العمرابي
11-08-13, 05:58 PM
الشاعر / محمد أحمد الحبيب( شاعر العابرات )
يا راحلةجيتي ومشيتي سريع
يا راحلة الله كريم
جددتي جرحا في انتي البديتي قديم
قدمك لابو ابراهيم

كان يوم وداعك يوم
ملك الطبيعة وجوم
حتى الشدر مرسوم
ما هز فرعو نسيم

في دار ملاني بنات
ذرفن رحيق زهرات
زي النحل ملكات
كل الخلية حريم

عسلا نقي ومامون
فيهو الشفا المضمون
رغم اختلاف اللون
ما غش فيهو لئيم

هادي وحضورا خفيف
زي المنام والطيف
انا ما قصدت اقيف
لكن وجيها وسيم

يا ما شغفتي قلوب
والليلي مابي تتوب
لابسي البنفسج توب
زي زهرة البرسيم

ما القوز يريدك صاح
راجيكي كل صباح
كيفن وراك يرتاح
انتي الفراقا اليم

كانت ظلام منشور
ساعة جلبتي النور
ما كرموك يا حور
هم كرموا التكريم

اسمك فطمني زمان
قلبي الملان الحان
كم مرضعات مجان
رفضا وقعد لي يتيم

غيبي وتعالي سريع
زي ما مشيتي سريع
ما الحال وراكي مريع
بعدك حياتنا جحيم

كانت حياتنا جنان
مليانه ريد وحنان
جاني الندا وقد حان
اخرج فانت رجيم

العمرابي
11-08-13, 06:02 PM
الشاعر / محمد أحمد الحبيب( شاعر العابرات )
يا أم نعيم يا أم زين

ﻳﺎ ﺍﻡ ﻧﻌﻴﻢ ﻳﺎ ﺍﻡ ﺯﻳﻦ ﻟﺴﻪ ﺍﻧﺎ ﻓﻲ ﺭﺟﺎﻛﻲ
ﻗﻠﺒﻲ ﻃﺄﻝ ﻃﻮﻝ ﻋﻤﺮﻭ ﺍﺑﺪﺍ ﻣﺎﻧﺴﺎﻛﻲ
ﻓﻮﻕ ﺟﺤﻴﻤﻮ ﻭﺟﻤﺮﻭ ﺍﺑﺪﺍ ﻣﺎﻧﺴﺎﻛﻲ
ﺑﻴﻚ ﻧﺎﺭﺓ ﺩﺍﺭﻧﺎ ﺍﻫﻼ ﻳﺎﻣﻼﻛﻲ
ﻭﻻ ﻛﻴﻔﻦ ﻣﺎﺗﻨﻮﺭ ﺑﻴﻚ ﺍﻧﺘﻲ ﻗﻤﺮ ﺳﻤﺎﻛﻲ
ﻭﺍﻟﻠﻪ ﻛﺎﻧﺖ ﻭﻣﺎﺗﺰﺍﻝ ﻳﺎﻫﺎ ﻣﻜﺎﻥ ﺻﺒﺎﻛﻲ
ﺑﻠﺪﺍ ﺟﺎﺑﺘﻚ ﻭﺍﻟﻠﻪ ﻣﺎﺑﺘﻨﻔﻊ ﺑﻼﻛﻲ
ﻭﺃﻱ ﺧﻴﺮ ﻳﺄﺗﻴﻬﺎ ﻳﺎﻫﻮ ﻧﺪﻱ ﻳﺪﺍﻛﻲ
ﻛﻠﻬﻢ ﺳﺎﺑﻮﻫﺎ ﻣﺎﻓﻘﺪﺕ ﺳﻮﺍﻛﻲ
ﻣﻨﻨﺎ ﺍﺳﺘﻌﺠﻠﺘﻲ ﺭﺑﻲ ﻳﺘﻢ ﻣﻨﺎﻛﻲ
ﻛﻞ ﺧﻄﻮﻩ ﺳﻼﻣﻪ ﺑﻲ ﺇﺫﻧﻚ ﻣﻌﺎﻛﻲ
ﺇﻻ ﻻ ﺗﻨﺴﻴﻨﺎ ﻣﻦ ﺻﺎﻟﺢ ﺩﻋﺎﻛﻲ
ﺃﺭﺟﻮﻙ ﺍﻟﺼﺒﺮ ﻳﺎﺭﻭﺣﻲ ﺍﺳﻠﻤﻲ ﺑﻲ
ﻗﻀﺎﻛﻲ
ﻣﺎﺗﺮﺍﻙ ﺳﻬﺮﺍﻧﻪ ﻃﺎﻝ ﺑﺎﻟﻠﻴﻞ ﺳﺮﺍﻛﻲ
ﻻ ﺧﺸﻴﺖ ﺍﻟﻌﺘﻤﻪ ﻻ ﻛﻠﺖ ﺧﻄﺎﻛﻲ
ﻧﺸﺄﺗﻲ ﺻﻐﻴﺮﻩ ﺭﺑﻨﺎ ﺍﺑﺘﻼﻛﻲ
ﻋﺸﺎﻥ ﺗﺤﻤﺪﻱ ﺍﻟﻤﻮﻟﻲ ﻓﻲ ﺳﺎﻋﺔ
ﺭﺧﺎﻛﻲ
ﻣﻦ ﻧﻌﻴﻤﻮ ﻭﻓﻀﻠﻮ ﺍﺗﺤﻘﻖ ﺭﺟﺎﻛﻲ
ﺃﺑﺮﻱ ﺑﻨﺎﺕ ﻧﻌﺶ ﺃﻧﺴﻴﻬﺎ ﺳﻬﺮﺕ ﻣﻌﺎﻛﻲ
ﻋﻠﻲ ﻧﺠﻢ ﺍﻟﺸﻤﺎﻝ ﺩﻭﺭﺍﻧﻪ ﻳﺎﻫﻮ ﻣﺘﻞ
ﻭﺭﺍﻛﻲ
ﻣﻦ ﺳﻨﻴﻦ ﻟﻲ ﻋﺎﺑﺮﻩ ﻣﺎ ﺍﺗﻐﻴﺮ ﻭﺭﺍﻛﻲ
ﻳﺎ ﺍﻟﺴﻨﻴﻦ ﺍﻟﻔﺮﻗﻪ ﻣﺎ ﺁﻥ ﻣﻨﺘﻬﺎﻛﻲ
ﻣﺎﻛﻔﺎﻳﻪ ﺗﻐﻮﺭﻱ ﺍﻟﻠﻪ ﻻ ﻃﺮﺍﻛﻲ
ﻣﺎﺣﺮﻗﺘﻲ ﺣﺸﺎﻱ ﺭﺑﻲ ﻳﺤﺮﻕ ﺣﺸﺎﻛﻲ
ﻳﺎ ﺍﻡ ﻧﻌﻴﻢ ﻳﺎ ﺍﻡ ﺯﻳﻦ ﻛﻔﺎﻙ ﺑﻌﺎﺩ ﻛﻔﺎﻛﻲ
ﺍﻟﺠﺮﺍﺡ ﺍﻟﻔﻴﻨﺎ ﻣﺎﺑﺘﺠﻒ ﻭﺭﺍﻛﻲ
ﺍﻟﻮﺣﻴﺪﻩ ﺍﻟﺠﻒ ﺣﻠﻘﻲ ﻭﺭﺍ ﻏﻨﺎﻛﻲ

العمرابي
11-08-13, 06:06 PM
الشاعر / محمد أحمد الحبيب( شاعر العابرات )
حبوبة المطر

الليله الحبيب كيف حالو
مر علي زمن ماشفت كيف احوالو
منطاد الغرام الطاربو كان خلف الخطوط إنزالـو
ماعارف الدليل الحاربو وبيني وبينو جيش عزالــو
ماطاوعني قلبي أذمــو ماحــاولت يــوم إذﻻلــو
لكن قولو لي لي أمو كل زول البســوي ينـــالــو
حبوبه المطر كضابه في الوادي المكنكش نالــو
سبحــان البيبدا سحــابه ﻻغــاية يحيــن إنزالــو
هم قايلنك إنت صغيره نايمين في الغرام واوحالو
لكنك ح تبقي جزيره في حلـق الهوا وشــﻼلــو
مالضايق الظلم في صغرو يصبح من صميم أفعالو
مابيرضالو زول في كـبـرو يتجـرأ يخـالف اقوالـو
لكن المطمن نفســي قلبــاً كل شغـلو الشاغلـو
يكدح في نهارو ويمسي يلقي زحيله في إستقبالو
يموت الطيبـين ويفضـلو في هذا الزمــان أرذالـو
زي عمر الحسيـن الدنيـا ماراعت دمـوع أطفالــو
ﻻ زيط ﻻخبر في جريده راح الفنـجـري وأمثالـو
وإتوكل رحل حميد ولسـه عنـدو شـي ماقالـو
اّه لوشفت حالو فؤادي كيف دنيا الهموم ساوالو
لو هب النسـيم الهادي زي ريح السـمـوم يبقالو
قلبــاً لي داري بــراكا طفـح وإتقـطع تقـالــو
عمرك ماسألتو عساكا عارف حالو يغني سؤالو
هم دايرين يظلمو حَسَادِي مابيلتفتو لي اعمالو
لو صام التﻼتين عادي زايد السـته من شـوالو
ياريداً مغيب نجمو قطعت الظــروف أوصـالو
كيف الزول يحمل جسمو شراً مايشيل شيالـو
لكن السنين ح تعدي وما ح تخلي زول في حالو
عندك قطعه منك عندي وعندك ذكريات مازالو

العمرابي
11-08-13, 06:09 PM
الشاعر / محمد أحمد الحبيب( شاعر العابرات )
في عيونك

في عيونك وليّ ليل الماضي راح
بان طريقي لقيت درب الريد صباح
جاني الربيع لابس من الازهار وشاح
يضحك يقول يادوبو منادي الريده صاح
انا قلت لمان طل وجهك وشفت هم الدنيا زاح
ياعيونك فيها رحمة وللا في اجدادك صلاح
يا زمان انا فيك مشكك وماك معودني الصراح
يا زمان هل انت صادق وللا في قلبك مزاح
ان بقيت قاصدني ارجع تاني للبكا والنواح
وماكفاية الشفتو منك لاتفتق لي الجراح
يا عيونا في الزمان الماضي كان حبك مباح
قلبي لي غيرك يتاوق طالبك العفو والسماح
ياما قاعد وكم رجاكي ومنو عطر الريدة فاح
في دروبكن لما تردن في غداكن والرواح
في نداكن ياما جرب كل الوان الصياح
الا لكن ياخسارة ضاع صياحو مع الرياح
داير ينشرح لو اصلو مكتوبلو انشراح
خليهو يرتاح لو قليل ماعمرو ماضاقلو ارتياح
بان طريقي لقيت درب الريد صباح

العمرابي
11-08-13, 06:47 PM
الشاعر / محمد أحمد الحبيب ( شاعر العابرات )
دخلني حبها في نفق
دخلني حبها في نفق ﻳﺎﻟﻴﻠﻪ ﺧﺎﻧﻘني ﺍﻷﺭﻕ
ﻧﺎﺩﻳﺘﺎ ﻣﻦ ﺟﻮﻑ ﺍﻟﻈﻼﻡ ﻗﺎﻟﺖ ﻟﻲ ﻋﻨﻚ ﻣﺎﻣﺮﻕ
ﻭﺭﻳﺘﺎ ﻋﺎﺷﻘﻚ ﻣﻦ ﺑﻌﻴﺪ ﻗﺎﻟﺖ ﻟﻲ ﺍﺑﺪﺃ ﻣﺎﺻﺪﻕ
ﻗﻠﺖ ﻟﻴﻬﺎ ﻧﺎﻥ ﻭﻳن ﺍﻟﻘﺼﻴﺪ ﻗﺎﻟﺖ ﻟﻲ ﺣﺒﺮﺍ ﻓﻲ ﻭﺭﻕ
ﺍﺳﻘﻴﺘﺎ ﻣﻦ ﻣﺎﺀ ﺯﻻﻝ ﻭﺃﻧﺎ ﺷﺮﺑﻲ ﻓﻲ ﺻﺒﺮﻱ ﺍﻟﻤﻘﻖ
ﻟﻤﻴت ﻣﻬﺮﻫﺎ ﺑﺎﻟﺤﻼﻝ ﻓﻲ ﺍﻟﺤﺮﻩ ﻣﻦ ﻗﻠﺐ ﺍﻟﻠﺒﻖ
ﻧﻜﺮﺕ ﻋﻠﻲ ﻓﻀﻞ ﺍﻟﻐﻨﺎ ﺍﻟﺴﻮﺍﻫﺎ ﻣﻬﺮﻩ ﺍﻟﻠﺖ ﺳﺒﻖ
ﻋﺒﻴت ﻓﻲ ﺟﻮﻑ ﺍﻟﻘﺼﻴﺪ ﻓكيت ﻓﻲ ﺍﻻﻳﺎﻡ ﻃﻠﻖ
ﻧﺪﻣﺎﻥ ﻋﻠﻲ ﺑﺴﺘﺎﻥ ﻓﻲ ﻳﻮﻡ ﺍﺭﻭﻳﺘﻮ ﺑﺎﻟﺸﻘﺎ ﻭﺍﻟﻌﺮﻕ
ﻭﺍلليلي من ﻟﻔﺢ ﺍﻟﺴﻤﻮﻡ ﺍﺗﺤﺖ ﻣﻦ شجرو ﺍﻟﺼﻔﻖ
ﺑﻬﻮﺍﻙ ﻳﺎﺳﺎﻗﺔ ﺍﻷﻣﻴﻦ ﻳﺸﻬﺪ ﻟﻲ ﺩﺭﺑﻚﻟﻮﻧﻄﻖ
وﻛﻢ ﻟﻴﻠﻪ ﻋﻤﺘﻚ ﻓﻲ ﺍﻟﻈﻼﻡ ﻓﻲ ﺩﻭﺑﺎ ﻣﺎﺧﻔﺖ ﺍﻟﻐﺮﻕ
ﺣﻈﺎ ﻋﺮﻓﺘﻮ ﺭﻣﺎﻧﻲ ﻓﻴﻚ ﺣﺎ ﻳﻘﻠﺐ ﺍﻟﺘﻔﺎﺡ ﻧﺒﻖ
وﺣﻈﺎ ﺧﺪﻋﻨﻲ ﺟﻤﻌﻨﻲ ﺑﻴﻚ ﺭﻛﺒﻨﻲ ﻃﺒﻘﺎ ﻋﻦ ﻃﺒﻖ
ﻳﺎﺣﻠﻴﻼ ﻋﺎﺑﺮﻩ ﻣﻊ ﺍﻟﺴﻨﻴﻦ ﺳﺮﻗﺘﻨﻲ ﻭﺍﻟﻌﻤﺮ ﺍﻧﺴﺮﻕ
ﺻﻔﺮه ﻭﺗﺴﺮ ﺍﻟﻨﺎﻇﺮﻳﻦ ﺧﺪﻳﻨﺎ ﺫﻱ ﻟﻮﻥ ﺍﻟﺸﻔﻖ
ﺑﺒﻜﻴﻬﺎ ﺑﺎﻟﺪﻣﻊ ﺍﻟﺴﺨﻴﻦ ﻟﻮﺣﺘﻲ ﺑﻲ ﺩﻣﻌﻲ ﺍﻧﺸﺮﻕ
ﺑﺒﻜﻴﻬﺎ لما ﺍﻟﺤﻖ ﻳﺒﻴﻦ ﻓﻲ ﺍﻟﻘﺎﺻﺪﻭ ﻟﻮ ﻛﺎﻥ ﻟﻲّ ﺣﻖ
ﻣﺎﻛﻨﺖ ﺑﺎﻟﺠﻮﺍﻱ ﺑﺒﻮﺡ ﻟﻜﻨﻮ ﻓﻲ ﺟﻮﻓﻲ ﺍﻧﺴﻠﻖ
ﻭﺍﻟﻘﺪﺭﻩ ﻟﻮﻧﺠﻀﺖ ﺗﻔﻮﺡ ﺑﺎﻟﻔﻴﻬﺎ ﻟﻮﻛﺎﻥ ﺍﺣﺘﺮﻕ
ﻭﺍﻟﻠﻪ ﺧﻮﻓﻲ ﻋﻠﻲ ﺟﻨﺎﻱ ﺧﻼﻧﻲ ﻋﺎﻳﺶ ﻓﻲ ﻗﻠﻖ
ﻓﺮﻗﻮﻧﻲ ﻣﻦ ﻃﻔﻠﺔ ﻫﻨﺎﻱ ﻭﺍﻧﺎ ﺷﺎﻛﻲ ﻟﻲ ﺭﺏ ﺍﻟﻔﻠﻖ

العمرابي
11-08-13, 06:54 PM
الشاعر / محمد أحمد الحبيب ( شاعر العابرات )
في جنانك

في جنانك عشت عصفور انشد الاشعار واغني
مبتهج طوالي مسرور وانتي ماخيبتي ظني
بالقليل عاجباني دنياك راضي عنك وراضي عني
الحصل ماكان بي ايديك لاهو منك ولاهو مني
وهكذا الايام دواليك مره تهدم ومره تبني
يابلد ارض الله ساحات واسعه لكن مابتشيلني
غير نخيلك مافي واحات من هجير الصيف تجيرني
الالم خلاني مزمار روح غناي بي حجم حزني
مالصبر في الدنيا كان نار في حياة الاخره جني
ياغزالاً كنت راجيك وين عيونك راحو مني
ياحليلك وين اراضيك لامتين عينيك يجني
الزمن دايرني محزون مابيطيق فرحان يشوفني
باقيه لي ذكراك أفيون ديمه شارد فيها ذهني
الزمان ماسعيو مشكور حب يسعد ناس ظلمني
وانت ذنبك ديمه مغفور بين مني العزال ومني
يا أريت ذي عرش بلقيس قبل ماترتد عيني
يوم لقيت الجان جواسيس بيك في لحظات تصلني
في هواك لوكنت مهجور ماهواك علمني فني
بي حروف ياغالي من نور في وشي التاريخ كتبني

العمرابي
11-08-13, 06:58 PM
الشاعر / محمد أحمد الحبيب ( شاعر العابرات )
ست الحروف الخمسة

ياست الحروف الخمسة ياحية رمال الباجا
يوم الريح رمتني عليكي ماكت في أمس الحاجه
لكن الظروف والقسمة هي الكالت عيوني عجاجا
فكيت الطريق السالكو جيتك بالترس والصاجا
سِمك مالقيت ترياقو لي روحي الغلبني علاجا
مقلب ومسرحية قديمة متولي العزول اخراجا
شن فايدة بياض البشرة لو كان حتي لون خواجة
ماطال الضمير من جوة اسود من ليالي الحاجة
في الليل البهيم الساجي اوقات النفوس تحتاجا
الا انا الوحيد الصاحي عيني في السما وابراجا
حتي الدنيا رغم وساعا ضيقتن علي فجاجا
عايش في هموم كاللجا عاتي كما الجبال امواجا

اهـ لو شفتي كانت عابرة مابتاخد الامور بسزاجا
الدار البتنزل فيها مامحتاج تضوي سراجا
زي القمرة بين يديا ساعة نلتقي ونتناجا
ياخالق الليالي العشره وليله الإسرا بي معراجا
لويشمل رضاك زحوله بعدها ماني داير حاجه
راجيك ياكريم ترعاها راعي الكعبه بي معراجا
حشاك مابتهمل فيها رغم العولمه وإزعاجا

العمرابي
11-08-13, 07:00 PM
الشاعر / محمد أحمد الحبيب ( شاعر العابرات)
المحل

خفف خطاك يا محل طولت مشتاق للغيوم
لافح هجيرك فوق شجر كرهت عصافيرو السموم
تاهت بتحلم بي وطن يحيلا اعراس الربيع
تنتنى في ريحو الغصون الفي جفافك ماب تطيع
ما انت يا وش النكد البسمة قدامك تضيع
والنسمه في حرك جحيم والحب علي ارضك صريع
ماطال مقامك يا محل كترت من اثارو الهموم
لكن مصيرك تبتعد مهما بقيت حتبقي كم
ترجعلنا افراح الخريف ترجع لي اوتارنا النغم
ينبع من البادية الشعر تروينا من دوبيت ونم
نم يلم شمل الجنات في ساحة الحي والحرم
يرجع لبيوضه الخريف نشبع تحت سيالة نوم
زغرد يراعنا ال من زمن في حضرتك رفض الكلام
بتق صفق شجر الشعر فتح قوافيهو الغمام
نعسانه من نوما الطويل صحاها مزمار الغرام
عرفت وجودك يا محل من بكرة جاييهو الختام
حدك وصل فارقنا طير غادرنا قوم
طول قعادك يا محل عانينا احزان الرحيل
فرتق مجالسنا العطش بالرغم من سامرنا نيل
نيلا عضم ضهر البلد ماشيهو في مشوار طويل
ماشيهو بي وحي الاله عبر الصحاري بلا دليل
علمنا موسيقى الشعر فرحت طنابيرنا النجوم

العمرابي
11-08-13, 07:05 PM
الشاعر / محمد أحمد الحبيب ( شاعر العابرات)
ظروف المستحيل

لـو إنــت عـضـيـت الـصـبـر وحـسـنــت ظــنــك يـاجـمـيـل
الـمـولــي قــــادر يغير لــيــك ظـــــروف المـسـتـحـيـل
مهمـا حـصـل بيـنـا الـخـلاف بـاكـر تـمـر شــدة وتــزول
ومـهـمـا تـكــون الـريــدة ســرهــا الله مــــا أداهــــو زول
أعمـق مـن أعمـاق المحيـط وأطـول مـن أشـجـار النخـيـل
حـاتـصــحــي يـــــــوم تــلــقـــي الـحـلـمــتــو دا مــامــنـــام
تلقـي الحقيقـة مـع الصبـاح منشـري فــى واديــك غـمـام
ممكن إذا شـــاء الــقــدر تــرجــع كــمــا كــانــت قـبـيــل
الدنـيـا تقـابـة حــرب والـواشـي عــارف ويــن يـشـي
و المولي عارف الفي القلب وأنا عندي غيرك مافي شي
وياريـتـو قلـبـي انا ينشطر يـنـشـرا فـــوق حـبــل الغـسـيـل
يـا ريتـو كـان زي الكتـاب شـان إنـت تقراهـو وتـشـوف
والله مــن غـيـر الـعـذاب مافيـهـو غـيــر أربـــع حـــروف
ما شفته كيف طفل الغرام شخبت بياض ورقـو الأصيـل
الـزول إذا بــارا النـفـس شــن تـمـلا عيـنـو بــلا الـتـراب
ما طالا أصلاً ماب يحـس مـا الداعـي لـي كشـف النقـاب
ياجـنـتـي الراجيـيـكـي يـــوم لابـــد مــــن نـخـلــك يـشـيــل
أشـواقـي ضـاقـت بالضـلـوع شــوق الفـراشـات للـرحـيـق
ولـو إنـت قــررت الـرجـوع تـنـزل عـلـي ريـقـي الدقـيـق
ألطـف مـن أنفـاس الـدعـاش وأبــرد مــن أزيــار السبـيـل
يا عيد ظهرت كما الشبـح وأنـا مـن دنـا الأشبـاح بخـاف
يا مالي دنيـا النـاس فـرح ونـازل مصيبـة علـي الخـراف
يـا عيـد صباحـك غيـر زحـل أسـود مــن اللـيـل الطـويـل
يادار علي طـرف الفريـق مـا اترشـا فـوق حيطانـا جيـر
والكـان تكـون قشـة غـريـق قسـمـت عـلـي ظـهـر البعـيـر
صيحـات غرابـك يازمـن حـثـت زوامـلـي عـلـي الرحـيـل
يـا شهقـة مـادار تنعـطـس علقـتـي روحــي مــع السـحـاب
يــا لقـمـة مـارقـي مــن النـفـس كيـفـن مـذاقـك يستـطـاب
ياعاكسـة جـوايـا الشـمـش أنــا كـلـي بــي حــرك أسـيـل
الـمـولــي قــــادر يغير لــيــك ظـــــروف المـسـتـحـيـل
الشكـر موصـول لــي صحـابـن قـامـوا بــي جـهـداً جهـيـد
لـــي كـــل زول حـــاول يـرجِّــع نـسـمـه الـفـجـر الـعليل
شـن عنـدي غيـر الإمتنـان لـي أحبابـي والشكـر الجـزيـل
الـمـولــي قــــادر يغير لــيــك ظـــــروف المـسـتـحـيـل

العمرابي
11-08-13, 07:10 PM
الشاعر / محمد أحمد الحبيب ( شاعر العابرات)
النخــــلة

ياساتره حال البيت براك يافارده هامتك للشمش
ياشايله في جيدك جناك ذهبا اصيل مافيهو غش
بهواكي يا ام ضلا فسيح
ياحاضره ميلاد المسيح
آويتي مريم في المخاض ساعه الخلوق ماادوها وش
صبيتي عن ساري المياه ..لبيتي ما امر الاه
لاساقطك عصف الرياح لا هذ إيدا المرتعش
في الساعه ديك من تحتها ..ناداها أن لاتحزني
في الساعه ديكيابختها..جدتيلا بي رطبا جني
اصفر يسر الناظرين بي فايدي ماهو ملي كرش
مين البضارعك في سماك
حتي القماري الفي علاك فد مره ما خنتيلا عش
.................................................. .
منك نسجنا العنقريب
باقالنا للزير هنبريب
فيك يستريح ابن السبيل ويتبلا ريقو اذا عطش
ياراقده في القاطوع قفاف
ياعمره لي حرف الفطور
يا كوشه في ليله زفاف
ياوجبه عن ساعه السحور
ساندانا لالوم لاشكر لاك خاتي بالك لي قرش
............................................
شلناك في الجيب والعيون
في الحصه في غرف الدرس
ماك دومي تسكنك الجنون
بل انتي للعرسان حرس
حاشاكي ياحلل الصيام ماكنتي لي فالا وحش
............................
سوينا دفيقك سبح
ومسواكنا منك في الصباح
شايلانا في الهم والفرح
ومعروضنا عن ساعه الصفاح
ونلقاكي في ساعه المقيل مرفوعه في الديوان عرش
............................
مدينا اشميقك حبال في لونو ذي لون النحاس
وابل عطاك في كل مجال للضيف قرا وفي العيد لباس
لاحدي في صدر المسيد مفروشه للحيران برش
........................................
غارسك ينال الحسنيين تبقيلو في الدنيا السند
وفي الآخره للحسنات معين نقاع ينقع للابد
انتي الصديق وانتي الصداق وجدول صدقتو وكت يمش
........................
ياباش مهندس خرطتك ماقادري تتفاده النخيل
كم مره حلحل ورطتك ياقاسي ياناكر الجميل
والله كان منك افوت...احسن من الزول يتنبش
........................
النخله ذي امك وابوك كانت معاهم ربتك
كم ورطه ذي ورطه تبوك قدرت تباصر وقرتك
والليلي شان خاطر عمود سويتا طعام للونش

العمرابي
11-08-13, 07:16 PM
الشاعر / محمد أحمد الحبيب ( شاعر العابرات)
عـــــــ18ــابرةطوالي قوم يلا ظنك ماظنو يخيب
يمكن يلاقيك يوم فرجا تشوفو قريب
يمكن يصادفك يوم ينسيك كل الكان
يمسح دموع عينيك في عالم النسيان
يكفيك رزاز الغير شر حرة الهجران
برق الاماني اللاح من بينو ماحيخيب
قلبا عليك دوار يا عابرة ماهو معاي
كم توهو التذكار مالك مسامعو الناي
من اول المشوار لي اخرو ماشي براي
من خاطري طيفك يوم في لحظة مابيغيب
يا قلبي يا مسكين عايش مع العابرات
لاموكا كم واحدين فاكرين زمانك فات
قوليهم الجايات اكتر من الرايحات
الا الهنا البيفوت مافيهو تاني نصيب
عاشق النجوم بالليل ترعاها ماكا براك
مابتعرف التمثيل دون القلوب حاشاك
ضايق العذاب والويل ان شفت يومك داك
يوم الرحلة خليت مابين دموع ونحيب
صابر علي الأنات طوالي جاري النم
جرحك من الشمات كاسيك وما إتالم
كل ما بقالك مات تلقاهو دره الدم
متمني لو كان جاك يمكن براهو يطيب
يا من جمعة نبيك بي سيد العارفين
عبداً من الصلاح في مجمع البحرين
تجمعني بالافراح ياما صبرة سنين
شايل الصبر مفتاح كان لي السعادة اصيب
يا عابرة انا المجروح كيفن واقابلك وين
مشتاق اطير بالروح لولا الجسد من طين
ماطي العزم زي نوح لكن منو البيلين
بسمع نداها الروح بي نية صافيه حليب

العمرابي
11-08-13, 07:20 PM
الشاعر / محمد أحمد الحبيب ( شاعر العابرات)
عـــــــــــــــابرة

ما غريبة علي عيوني ولون مشاعرك ياهو لونى
مافى غيرك ياكى إنتى نجمة فى ماضى أمسياتى
فى إنسياب النور لمحتك وفى دهاليز ذكرياتى
إنتى وحدك ما نسيتى لما كل الناس نسونى
فى القديم الماهو راجع ولىّ حامل كل ماضى
فى نخيلاً خر خاشع قضى عمرو الافتراضى
فى زماناً شفتو دنقر وخم هم الدنيا جانى
فى الخيال تتراءي صورتك بؤره فى عمق الليالى
ومن بعيد يرتادنى صوتك لحظة ما فارق خيالى
وكلما حاولت أسرح مره فى إرشيف زمانى
عابره حب الناس مذاهب بس هواك واقف قصادى
عينى فى نفس المواكب قدر ما ألكز جوادى
مانى عارف نفسى واقف ولا راحل بى مكانى
فى قفا الأيام أجاهد والدموع ما كفى سيلا
فى المنى الإتراخى قاعد والمصايب الواقفة حيلا
والظروف الما بترحم
انـــــــــــــــا يا
عابره كان الله فى عونى
ده القبيل الكان بيريدك خلّفك فى داجى حالك
لا قدر يآخد بإيدك لا رجع خلاك فى حالك
يا ريت خلانى جنبك شان أطبق قول لسانى
والفراق البينى بينك سدّ من كل النواحى
ورّى درب الدمعة عينك ومطى فى الآفاق نواحى
والزمان ما بيلوى ساير ضيعك فى الزفه منى
دى الأرض يا عابره دونك بلعت التيراب حياضا
والقوافى بدون عيونك عشعش البوم فى رياضا
من وراك يا عابره ياما بالندم عضيت بنانى

العمرابي
11-08-13, 07:32 PM
الشاعر / محمد أحمد الحبيب ( شاعر العابرات)
عابرة أرويني
أرويني .. .. أرويني نهر الأماني سراب
ياعابرة .. دليني ولميني في الأصحاب


الخوف من المجهول وباب الرجا المقفول
في أوجه العذاب والوازع الديني


كل التلاتة معاي اتلموا زادوا شقاي
شايل خطاي مرتاب والهم مزازيني


ودمع الأسي المسكوب فوق مقبرة محبوب
والعيد علي الأبواب والباكي يعنيني


خلاني بين العود وبين اللحا المشدود
عايش دمار الغاب والسوس حواليني


يامعتصم زايلة الدنيا مامايلة
فيها الفرح كضاب ماشفتو يعميني


أوصف حياتك كيف كانت سحابة صيف
مرت علي السالماب لاضل ولاعِيني


ياعابرة حبيتك واسرعت لاقيتك
بالفرحة والترحاب واللهفة في عيني


حباً بلا جدوي متعثر الخطوة
دقيتلو مليون باب من غير يلبيني


مهزوم من الماضي مظلوم وانا القاضي
وكل القضية عتاب لي حظ معاديني


ورغم الحصل مازال سيف الولف كتال
سيرني في ديداب في آخرو راجيني


يوم الوداع الحار يوم ينتهي المشوار
يوم يرحلوا الأحباب يادمعة عينيني


ياعابرة حاتلاقي لوفي العمر باقي
عالم دروبو صعاب في تيهو تطريني
أنا والهوي المكتوم بين السهر والنوم
والركوه والمحراب والليل يواسيني

العمرابي
11-08-13, 07:36 PM
الشاعر / محمد أحمد الحبيب ( شاعر العابرات)
مشتاق للبلد


مشتاق للبلد .. يا عابـــــــــــــرة .. مشتاق للبلد ..
شوق الغفار الجافة لي صوت الرعــــــــــــد


للروعة في أيام زمان وشليل وشــــــــــــد
للوقفه فوق درب الورود والصيـــــــــــد ورد
يا عابـــــــــــــرة .. مشتاق للبـــــلد


لي زول يدودر للشراك في قينقـــــــــــــرد
يدعوها يابت الملوك بحرك شــــــــــــــرد
ياعابــــــــــــرة .. مشتاق للبـــــلد


لي صوت حنون بينادي في صبح السعـــــــــد
ماتصحا يا زين الجنيات شايك بــــــــــــرد
ياعابـــــــــــرة .. مشتاق للبـــــلد


حبل الصلات البينا أقوي من المســــــــــد
لولا مناشير المشايخ والعمـــــــــــــد
يا عابــــــــــرة .. مشتاق للبـــــلد


فجعوني في ريدي القديم لما إتفقــــــــــد
يوم فقدو كان يوماً عجيب هزاني جــــــــد
يا عابـــــــــرة .. مشتاق للبـــــلد


باعوهو لي زولاً غريب شالو وشــــــــــرد
خلاني في غمرة شقايا بلاسنـــــــــــــد
يا عابـــــــــــرة .. مشتاق للبـــــلد


حسيت إني فقد هنا إلي الأبـــــــــــــد
في لحظة عِن ساعة الصفاح لُما عَقــــــــد
يا عابــــــــــرة .. مشتاق للبـــــلد


طارت سحايب أحزاني بالشوق والكمــــــــد
غطت سماي الفيهو نجمات بالعــــــــــدد
ياعابــــــــــرة .. مشتاق للبـــــلد


الحالة ياست العيون ماب تنشرح مهما ســــــرد
يعلم بها الرافع سماهو بلا عَمـــــــــــد
يا عابـــــــــرة .. مشتاق للبـــــلد


عالم الغيوب الخمسة بي جاهو لإتفـــــــرد
الباري الباسط البديع صادق الوعــــــــد
يا عابــــــــرة .. مشتاق للبـــــلد



قلبي الوراك أنفق سنين ماليها حــــــــد
رحالة فوق جمل الهجين طالبو الأمـــــــد
يا عابــــــــرة .. مشتاق للبـــــلد


وآخر كلام ياعابرة قدامك ولــــــــــد
راييو الأخير الموت ولا العيشي النكـــــــد
يا عابــــــــرة .. مشتاق للبـــــلد
شوق الغفار الجافة لي صوت الرعـــــــد

العمرابي
15-08-13, 05:04 PM
الشاعر / إبراهيم ابنعوف
أنا بعشقك

إتنسمك طيب من فرح واتوسمك لي عمري فال
وارسم لقاك كل ما صعب واديهو كل الاحتمال
انا بعشقك وانتي المحال
يابت مولقدي فيي شوق مولهاني علي الوصال
انا بين عساي ولعلي اسوج فوق قيف حدودمعرفتي ضال
كيف اوصلك شاشاي عليك ياعائشة في الافكار سؤال
وكيف اوصلك وكل الدروب تاهت بي والسفر اللطال
انا بعشقك وانتي المحال
وين يا صباحات المنى المتواري بين طول الرجا وبعد المنال
الفيني من ظلم القدر دردرني ما بين حال وحال
انا ياما غنيتك سهر جسدته في صورتك الخيال
ورقصة بنات افكاري فيك مابين رموشك والظلال
انا بعشقك وانتي المحال
انشري نور ضوي الزمان يا آيه من صور الجمال
بترونقي الزهر العبير ريان علي نسق التلال
خليني اتكرف هواكي مع فراق في نشوه جال
يالفي هواك طعم الحياة كاتلاني عينيك دون قتال
انا بعشقك وانتي المحال
لا ضل قلبي ولا كفر بهوك ولا لي سواك مال
ابدا ولا زاغ البصر يامن تفوقي البان ليننا واعتدال
سريان هواكي وريد وريد ماخلى لي غيرك مجال
يلا ادخليهو من اليمين دقات حنين اتمدي فيهو من الشمال
انا بعشقك وانتي المحال
الكون غمد في سحرو نام انا لسه عيني لاتزال
اتماري طيف يسعدني بيك وانسيني لو لحظات قلال
واحكي لي عنك والهوى الخافياه في الدل والدلال
انا بعشقك حد العشق ماصار جنون واصبح مثال

العمرابي
15-08-13, 05:08 PM
الشاعر / إبراهيم ابنعوفالساجعة

القليب ياســــاجعه باكـــــى علــــى ضنـــــــاه
لمّا يبكــــــــى وتبكـــى وينــك مــــن بكــــــاه
لو سألتــــى عليـــــه مـــــن أول بـــــــــــداه
كان يعيش ويتمنّــــى زىّ النـــــاس تــــــراه
كان سعيــد فــى حبــو من زولاً هــــــــــواه
لا فـــراق لا غيبــــه بتعكـّـــــر صفـــــــــاه
كان يضمّو عليـه والــــــداً ضــمْ جنـــــــاه
كونو خايف الفرقـــه ما ب يحمل بـــــــلاه
كان يشوفـا حياتــو فى بسمــات شفــــــــــاه
وعنـــــدو كل الدنيا كلمـــــه يقــــــولا فـــــــــاه
هو روح من روحو كان قطرات دمــاه
وكان سعادتــو واملـــو فــى الدنيـــا وبنـــاه
كان كليمـــة طيبــه تنســـاب فـــى غنــــــــاه
عايشه فى اعمافـــو فـــى داخـــل حشـــــــاه
الاّ جاهو فى غفله رامــى البيـــــن رمـــــــاه
هــدّ كـــل أمالـــو كـــــل الكـــــــــان بنــــــاه
فيه خلّف جرحــو عمقــــو بعيــــد مــــــــداه
وخلّ حالتو تحنـن الطير فـــــى سمـــــــــــاه
شـوفـى حـــال واديهــو كيفـــــــن بـــى وراه
بالمحـل يا ساجعــــه دابـــــو اتخــــــمّ جــــــاه
دابو صايف صيفو خيّتــم فــــوق عــــــــلاه
والخريـــف من بــدرى لســــع ما طـــــــراه
وشوفـــى حـتّ صفيقــو شــدرو بعــد نــــــداه
والمبتق دابـــو جاهــــو الصيــــف رعـــــاه
منّو نافــرغادى صيـــــداً فــــــى خــــــــلاه
والطيـــــور تتبكـّـا راحلــــــه مودعــــــــــاه
حــرّو لافـــح ديمــه نسّــــــــام ما غشــــــاه
والرياح طول يوما تقـــدل فـــوق ربــــــــاه
دا القبيل ياســـــــاجعــه كـــان مرتــــع صبـــــاه
ياحليلو زمان وكــت فـــى زيــــن غنــــــــاه
شن يقــــول يا ساجعه ياهـو الحــــــال تـــــراه
والحصــــل يا حمامـــه منــــك ما خفـــــــاه
كيف يخبّى عليـــك نــــار وجــــــداّ بــــــراه
وانت شاركتيهـــو فــــى نوحــــو واســـــــاه
ما كتار يا ساجعه في الحب قبلوا تاهو
ما البفارق حبو اصلو يطول بكاهو
الدهر يا ساجعه ما مضمون سخاهو
البيعيش في نعيمو برضو يضوق شقاهو

العمرابي
15-08-13, 05:12 PM
الشاعر / إبراهيم ابنعوف
سنين الشقا

لـيـه ماأكـتـب ولـيـه مااغـنـي صبـرت انـا وانتـم مـرادي
يــلا قـرّبـي لــي يــا حبـيـبـه تـعـالـي نـشـبـك الايــــادي

تـغـنـيـنــا الــدنــيــا غـــنــــوةوفرحـنـا يـطـوف بـالـبـوادي

يـجـونـا الاحــبــاب يـبـاركــوالفـرح فــوق الـوجـوه بــادي

تـريـبــة زيـنـوبــه تــرقـــص مشـاركـي حتـالـة الـــولادي

يـا نـدى الازهــار صدقيـنـي يـضـمـك ويـهــواك فــــوادي

وبشتـاق ليـك وانـتـي قـربـي واهيـم بالـشـوق فــي بـعـادي

يـقـولــو الــريــده الـكـتـيــري اســاســـاً لــلــجــن مـــبـــادي

وانــا البهديـنـي مــن ريـــدك اخيـر يمشـي يكوسلـو هـادي

**********

حسـد قلبـي انــا فــي هــواك وهــواك علـمـنـي الـحـسـادي

شقـاوتـي ان كـــان مالقـيـتـك وآ مغستـي وشمـت الاعـادي

مره فـي ليـل اسكرنـي حبـك غـبـيـت بـقـيــت مـاعـتـيـادي

نــور ،أو نــار مـانـي فـاكـرغير عيونك شرفـن قُصـادي

وحــاتـــك قــربـــت اكـــفُـــررجـعــت قـلـبــت الـشـهــادي

طريقـك مـاكـان لــي سـاهـل ضـنـانــي واقــلــق رقـــــادي

منـي كـان المجـنـون يقـصّـرشوفي خوفي ولهفي الزيادي



**********


اشــرق نــور فـجـري طـلــه ظــهـــر واتــبـــدد ســـــوادي

فـرحــان الـكــون ده فـرحــه الـتـقـول اللـيـلـي مــيــلادي

لـقـيــت شـافـعـتـي الـبــريــده وهـي بكـره تكـون ام ولادي

العمرابي
15-08-13, 05:21 PM
الشاعر / إبراهيم ابنعوف
على بلدك رماني الغي

ﻋﻠﻲ ﺑﻠﺪﻙ ﺭﻣﺎﻧﻰ ﺍﻟﻐﻰ ﻣﺎﻟﻚ
ﻣﺎﺑﺘﺮﺳﻠﻰ ﻟﻲ
***
ﻟﻴﻚ ﺭﺳﻞ ﺭﺳﺎﻟﺘﻲ ﺍﻟﺜﺎﻧﻴﺔ
ﻛﺘﺒﺘﻪ ﻓﻴﻬﺎ ﺍﺣﻠﻰ ﻣﻌﺎﻧﻰ
ﻟﻜﻦ ﻟﻼﺳﻒ ﻣﺎ ﺟﺎﻧﻰ ﺭﺩﻙ
ﻛﺎﻥ ﻳﺨﻔﻒ ﺍﻟﺒﻲ
***
ﻟﻴﻚ ﺷﺮﺣﺖ ﻟﻼﺷﻮﺍﻕ ﺷﻜﻴﺖ
ﺯﻣﻨﺎ ﺑﺤﻮﺭﻭ ﻏﺮﺍﻕ
ﺿﻮﻗﻨﻰ ﺍﻟﻮﺗﺪ ﻣﺎ ﺿﺎﻕ ﻭﺍﺳﻬﺮ
ﺑﻲ ﻣﻨﺎﻡ ﻋﻴﻨﻲ
***
ﺟﻮﺍﺑﻚ ﻳﺎ ﺍﻟﻮﺷﻴﻜﻰ ﺻﺒﻮﺡ
ﻳﻌﻴﺪ ﺍﻟﺒﺴﻤﺔ ﻟﻠﻤﺠﺮﻭﺡ
ﻳﺎ ﺍﻟﺮﻭﺡ ﺍﻟﺘﺮﺩ ﺍﻟﺮﻭﺡ
ﺷﻨﻮﺍﻟﻤﺎﻧﻌﻚ ﺗﺮﺩﻯ ﻋﻠﻰ
***
ﻣﺎ ﺳﻮﻳﺘﻲ ﺩﺭﺏ ﺍﻟﺤﻦ ﻭﻻ
ﻗﻠﺘﻲ ﺍﻟﺨﻠﻴﻞ ﻛﻴﻔﻦ
ﻭﺣﺎﺕ ﺫﺍﺗﻚ ﻋﻠﻴﻚ ﺃﺟﻦ ﺟﻨﻮﻥ
ﺍﻟﺮﻳﺪ ﺗﻄﺒﻖ ﺍﻟﻜﻲ
***
ﺳﻼﻡ ﻳﺎ ﻣﻌﺠﺰﺍﺕ ﺍﻟﻨﻮﻥ
ﺣﻨﻲ ﻋﻠﻰ ﺍﻟﺠﻨﺎ ﺍﻟﻤﺠﻨﻮﻥ
ﻛﺎﻥ ﺗﻌﺬﻳﺒﻮ ﻟﻴﻜﻲ ﻳﻬﻮﻥ ﺍﺧﺘﻮ
ﻭﺑﺮﺿﻮ ﻫﻮ ﻟﻴﻚ ﺍﺧﻲ
***
ﻧﺴﻴﺘﻲ ﻭﻓﺎﻛﺮﺓ ﻳﻮﻡ ﺍﻧﺴﺎﻙ
ﻋﻠﻲ ﺍﻟﻌﻬﺪ ﺍﻟﻘﻄﻌﺘﻮ ﻣﻌﺎﻙ
ﺍﻫﻮﺍﻙ ﺛﻢ ﺗﺎﻧﻰ ﺍﻫﻮﺍﻙ ﻭﻓﻲ
ﺍﻟﻬﻮﻱ ﻣﺎ ﻣﻔﻀﻞ ﺷﻲ
***
ﺍﺭﻳﺖ ﺍﻟﺸﻮﻕ ﻳﻜﻮﻥ ﻟﻰ ﺟﻨﺎﺡ
ﺍﻃﻮﻑ ﺗﻨﻘﺎﺳﻲ ﻟﻴﻞ ﻭﺻﺒﺎﺡ
ﺍﺣﺎﻛﻲ ﺍﻟﺒﺮﻋﻲ ﻓﻰ ﺍﻟﻤﺪﺍﺡ
ﻭﺍﻏﻨﻴﻠﻚ ﻳﺎ ﻣﻠﻴﺤﺔ ﺍﻟﺰّﻱ
***
ﻫﺎﻙ ﻣﻨﻲ ﺍﻟﺴﻼﻡ ﻳﻐﺮﻳﻚ
ﻭﺣﻨﻲّ ﻭﺷﻮﻗﻲ ﻟﻲ ﻋﻴﻨﻴﻚ
ﻣﻌﻠﻴﺶ ﻛﺎﻥ ﻧﺴﻴﺘﻲ ﺍﻟﻠّﻴﻚ
ﺑﺮﺿﻚ ﻋﻴﻮﻧﻲ ﺍﻟﻀّﻲ

العمرابي
15-08-13, 05:29 PM
الشاعر / إبراهيم ابنعوف
العشق الجنون

بين جنتك ونارك مسافات العذاب
الســــــــرتهن
يوم نادى حسنك للهوى وقلبى استجاب
يا غايبة فى الزمن الهجير رمض مسار عشمى الغياب
صنقر حرس بذرة رجاك طرحت مع الايام يباب
وشلن عيونى عليكي شوق المِحني والهم والسحاب
لمن لقيت المستحيل وآصّد عليك تالاى باب
ناديت عليك بي حرقة الشوق المدودى على نواصى الارتياب
كان تبقى لى شكواى سميعة وكان دعاى عندك يجاب
ورجع الصدى وشكواى والأنه الطريحة على سليكات الرباب
ونقشن مجيك مطلع قصيدة على جدار الإكتئاب
يا منتهى العشق الجنون وأحرف بداياتك كتاب
عنوانو إستفهام سؤال غائب يفتش فى جواب
مين علمك فينا الرحيل دون ما نفكر فى الإياب
مين عودك فينا الخطاء وقال ليك في شرع الحب صواب
أنا ما هويتك للمواجع وضحكة الأمل السراب
و لا عشقتك للأسى وأسفو اليمطقنى التراب
كان ظنى والشك اليقين وخجل الأمانى من العتاب
نتلاقى فى العمر السمح نحيى ونعيشو قراب قراب
راجيكى حارس الفرحة تنزل قفلة فى القلب الخراب
وراجيكى لا إتكمسد بساط الشوق ولا انقطع التباب
وراجيكى لما ايقنت انى اهواكى فوق كل الصعاب
وراجيكى و الواقع العلى وقع المصيبة على المصاب
الله على الأمل السرق قدلات شعاعك لينا من خلف الضباب
لو مات بعد طول السنين عوبس على الافاق خضاب
والله اذا كذبت وعود يا وعدى من زهو الشباب
والله اذا صدق اللقاء وفى العمر ما فضل عقاب

العمرابي
15-08-13, 05:33 PM
الشاعر / إبراهيم ابنعوف
دنيا العيون

عينيك دنيتي التشقينى وفيهـا القـى السعـادة ارتـاح
مرة تجود على تشفينى ومرة تزيـد قليبـى جـراح
فيهـا تمـر تعـدى سنينـى بـى آهاتـا والأفـراح
ويومن فيهو تنعم عينى ويومن كلـو اقضـى نـواح
حالفة على دار تفنينى وبرضى أبسم واقولهـا صـاح
مادام العلى راضينى كيف فى احكاما أدور لى سماح
يعدى شتاها صيفا يجينـى بـى حـراً شديـد لفـاح
ويبقى شرابى دمعة عينى اطمن فـى القليـب النـاح
اقول داك السحاب غاشينى شوف يى داك بريقو اللاح
اقول يبقى الخريف طارينى يتفرق عصـار وريـاح
وبى ده أنا كلو ما هامينـى لا لا ولا شبابـى الـراح
أداوى جراحى كاتمو انينى عارفو عذابى ليها مبـاح
تبسم لى كتيـر تغرينـى واحكـى البلبـل الصـداح
وترجع بالسهر تورينـى ليلـن مـا لقيتلـو صبـاح
لا لا وحاتا وحات دينى لو فى موتى ليهـا صـلاح
ماب أقبل كمان يفنينى بالموت غيـر سلاحـا سـلاح
ابقى إن مت سديت دينى وابقى من العـذاب مرتـاح
وبعدين ذكرتك تكفينى وشعـرى اليبقـى لـى منـاح

العمرابي
15-08-13, 05:37 PM
الشاعر / إبراهيم ابنعوفخوف و رهبة

لا بتآلفي ولا بتوالفي لا قادر منك اقنع
قريني مصاقر قرينك شِقي الحال ما بيرجع

حكايتي معاك جد غريبة الـ اقولها والدنيا تسمع
افصّل بيها القوافي ازيّن بها كل مقطع
اصل مرحلة التجلي يجن شعري وبيها يطلع
تلوم الناس في غناي لامن البعث صباحو يطلع

معاكي وقعتي الطويلي وشقاوة القلب الموجّع
قساوة الايام علي وقت تابي عديل وتطلع
خوفي عليك خوفي منك حكاية البال الموزع
نهايتها الله يجيرك نهاية القيد المسبّع

اقبّل شقيش ما اقبّل خيالك القاهو يتربع
اتوه في الدنيا العريضي القى صورتك في كل مربع
اجاهد واسرع خطاي طيفك خطواتو اسرع
من تالاك كيف اضاري تالاك الباب مخلّع

اخاف من هيبة لقاكي خوفة الخايف المُروّع
لو يشوفك عاقل زمننا تخلي اصغر من الشفع

قالولي بترجى شافعة قلت ليهم لو بترضع
قالوا لي صباك ضايع قلت ليهم بيها برجع
وصوا وساكت توصوا وصيتكم ما بتنفع
شوف العين شن يسوي لي جايعا قصدو يشبع

العمرابي
15-08-13, 05:40 PM
الشاعر / إبراهيم ابنعوف
إسمك مين

قولى انا ايه اقول للناس لو سالونى اسمك مين
أقول نوار عبير ازهار ولا اقول شذى ياسمين
إسمك فى القليب تــــذكار بشيلو سنين
مكتوب بى حـــروف ريانة شوق وحنين
منقوش بى بنان نظــــرات عيون حلوين
إنتى هناى وكل مناى وزاد عمرى اللبيهو ضنين
إسمك فرحة لما الفرحة تــــــعلو جبين
فرحة يوم لقاء احباب وحين يظهر صباح و يبين
قارب فى بحور الشوق ورحلة حب مشوها اتنين
ضمة ريد و بهجة عيد و بسمة يوم لقاها حذين
إسمك اغنية ساقيتنا وكت الليل يزيدا حنين
ونغمة حنيني من طمبور تكفكف دمعة الباكين
امواج من بحور الطيبة فى عيون أهلنا الطيبين
كل الكان طواهو زمان وضاع اسمك مع الباقين
إسمك يا صباح العيد على البلد الصباحا يزين
وجوه ناسا صباحين خير سمت روحهم محنة وزين
هواهم فى هواك منساب مترجم فى غنى وتلحين
قدر اهواك واموت فى هواك واتحمل عذاب البين
نظرة عميقة من محياك وكت تسرح معاهو العين
وهمس رقيقة تحكى ليكى شوقاً فى نفوسنا دفين
اقول ليك فيها كونى امينة انا الحبك عليهو امين
امان احساس يفرح ناس ويصبح جوه حزنو سجين

العمرابي
15-08-13, 07:41 PM
الشاعر / إبراهيم ابنعوف
كلمة أحبك
كلمـة أحبـك ما بتكفــي ويـن منـزلــة الحــب مــن ذاتــك
والبستاهل طيـبــة قلبــك مامـخلــوق أبـدا وحياتــك
انــت قلـيـب الام لـي اطفــالا مـنشر فـوقـم يـرشـح حنــو
وانـت صبـاح العيــد فــي اشـراقـو وفرحـه شفعنــا الراجنــو
وانـت غنيــوة الشــوق الراحـل للعشــاق الفيهــا يغنــو
متـل العافيـة دخلـت مسامــي شويـه شويــه وقـف لا حيـلـي
كـل الزمــن الفـات متغيبـب ..دابــي فـرزت نهـاري وليـلـي
فـي عينـيــك صالحـت الدنـيـا اتصافيــنا وقلت عديلـي
مـالا الليلـي ادتنـي قفاهـا وحسـدت تانـي علــي كلماتــي
يا الشكلتي حياتــي فـي لوحــة بي الوان مستقبــل رائـع
فيهـا ظــلال وتلاقـي خطوطــا ويبـدا ربــوع العمر الضائع
يرحل برج النحس ويظهر برج الريده وسعد الطالع
وغبتي وغـابت اجمل صورة قبل ماتختــي اخـر لمساتك
انا لا زال بتخيل رسمـك وصورتك ماليا مساحة فكري
انشـد فــي خطــوات الماضـي وزمن اللقيا البشـرح صـدري
احلف ليك بي البينــي وبينـك صـدق وفـاي والحــب العـذري
احلـى ايــام العمــر زمانـك واحلـى زمــان اللقيــا اوقاتــك
ماكان فــي الحسبــان نتفــارق ياهـا اقدارنـا وحال الدنيـا
إيــد القسمــة ان وقعـت صابـت مابتشفـع فـي ردهـا منيــه
الا الحلـم البيك كـان اكبـر مـن احسـاس يوصــف فـي غنيــه
والغرقـان فـي الـريـش يتعلـق وريشتـك تبقـي صدى كلماتـك
امشـي وخلـي الذكـري التـرزح مابين صمتي وحـدة شوقـي
اواتكاملي وابقــي دواخــــل وارشحي رشــح الـدم فـي عـروقــي
او من مدك مدي صباحك وزيحــي ظلام الهم من فـوقــي
فــي كل الاحـوال برجـاكـي وبتـرجـاكـي ورجـاي مافـاتـــك

العمرابي
15-08-13, 07:47 PM
الشاعر / إبراهيم ابنعوف
أصبحت كيف

أصبحت كيف يازول موكر في الفؤاد
يازول .. معاي رغم المسافات والبعاد
ياخاطرة من نبض الشعر صحيتا من بعد الرقاد
جمعتها إندلقت حروف تنطق بحسنك أو تكاد
يازول هويتو ألم ألم وعود عيوني علي السهاد
نتلاقي في الإحساس دوام لا بينا وعد ولا ميعاد
***
في لقيا زي طلة شموس ترسم صفاها علي الوجود
تدهش عيون الناس جميع تأمر قلوبهم بالسجود
لله شان خلقك سمح وزادك سماحة بلا حدود
تعجز بنات أفكاري فيك تنقص وجمالك في إزدياد
***
ياريتني لو قادر أجمعك علي قلبي يوم وأتهني بيك
أو أطرحك من قسوة تستقبل رسايلي وكت تجيك
أو أقسمك ريد في عيون ياما كتير تسأل عليك
***
بعدت برازخ الأمنيات وحيرني صمتك والعناد
أنا ما لقيت رابط جميل ليك غير جمال الأغنيات
أرهقت شيطان شعري نام ونامت نجوم الأمسيات
دونت آخر خاطرة بيك في موقع البال الشتات
***
مستني ردك بين هواجس أحلامي والزمن الرماد
كلمني طيب خاطري بيك دقات فؤادي عليك سؤال
وين في محطات العمر نتلاقي لو كان في الخيال
أرويني قصة حب عفيف وأكتبني في خاطرك مقال
زملني تحنانك حنان دثرني عطفك والوداد
***
ما كان هواي مسة جنون تتواتا تعويذة ويطيب
أو كلمة من باب الخداع تغويك وينقطع النصيب
أجمع صوابعك وأفردن تلقي الحقايق ياحبيب
الناس معادن تختلف أخلاق طبايع وإعتقاد

العمرابي
15-08-13, 08:27 PM
الشاعر / إبراهيم ابنعوف
إنتظــــــار
البحبـك مابيقول ليـك حقـو انـت تحـس بـراكا
الله يعلـم ياحبيـبى قربـى واشتـاق لـى لقــاكا
***
يبقى ما عارف الحقيقة وقلبى كيـف عايش هـواكا
وماكا عارف فى غيابك حالتو كيف تصبـح بـلاكا
يبتسـم يضحـك يقابلك ويـبكى بالدمعـات وراكا
ويقرا فى عينيك سعادتو وسر ودار روحو وهـلاكا
***
كلما أشرق .. صباحـو تلقى لـمّ اشواقـو جـاكا
وانتظر فى لهفة يسأل فـوق دريب البص رجـاكا
دار يقولك كيف صباحتك ياحبيبو وطـاب مسـاكا
وخوفو ما يقدر يقابلك ويبقى شـال اللـوم معـاكا
***
لما جيت ليه مارجيتو ورحـت فايـت بى هنـاكا
ولاّ إتغيـرت انت .. وحـذروكـا ومـا بـراكـا
ولاّ شـوقك ليـه جابـك إلابس خفـت المعـاكا
جيت شان تشرح ظروفك عارضك خجلك حمـاكا
***
لو صحيح قاعد تريدو متلـو كان الشـوق بـراكا
وكت ما بتقدر تفارقو ذى ماهـو دار يوت يـراكا
ممتثل خاضع يـقولك ياحبـيب دايـر رضــاكا
ليه نسيتو ورحت نايم عارفو وا سهـرو ان طراكا
***
تانى بعدك وين يقـبّل ما بطيبلو العـيش ســواكا
ما بطيق .. يحمل فراقك وما يطيق يقـدر قسـاكا
طرفو ساهد ربه شـاهد حالـو بالمـر ما غبـاكا
ولِسّ جارى وراء حقيقتك ما استراح من يومو داكا
***
ما امتحنتو وشفت صبرو ماخلاص جـرّب كفـاكا
أوعى شيشك بى بشيشك ماكا عارفو جريح تـراكا
لا تعذّب .. ماهـو مذنب أرحمـو وخفف عسـاكا
ولو قسيت أو كـان نسيت هوّلا زال فـى رجـاكا

العمرابي
15-08-13, 08:32 PM
الشاعر/ ابراهيم ابنعوف
رؤيــــة

والله ما كـــــذب المنـــام .. كـــل الرّأيتـــه لقيتـــه صــاح
البسمة والنظرة الخجولـه وقدلــة الريـــل فـــي البطـــاح
***
نامـــت عيــون العاشقيـــن ساهـــرت لامــن فجـــري لاح
راقبـــت طيفــك ذكريـــات يا رايعــــة زي طلـــة صبــاح
ناحت بلابل الشــوق عليـــك ندمانــي مكســـورة جنــاح
اتأوهــــت للنــاس قصيـــد صرخــت مــن آلام الجـــراح
***
رقصت علي النغـم الحزيــن في غفلــة العمــر اللـّي راح
نــادت عليــك كل الزمـان صــادف نداهــا جفــا السمــاح
رجعت تجابد في الصبــر وتدفــن دموعــا وراء المــزاح
وتتصنع البسمه الزمـــان مسروقــه من شــرف النــواح
***
وين إنتي والحلم الجميل وين كنتــي والأشــواق ريــاح
ياراحله فــي الأزمــان قــدر تبخــل بــك أيامـــاً شحـــاح
يامعودانــي الإنتظـــار , الإنتظـــار فــــي قلبــي شــــاح
خلينى اصــــارع المستحيل كــان مـــره يتكتب النجــاح
***
وين كنتي واندهدهدتي ليه وكتين لقاك كان بي متاح ؟!
راجيك علي كل الدروب العامــــــري والضماهــــا واح
دقيت أبواب الغيـــوب لا ارتحــت لا خاطــري استــراح
خايف من العمر قبال أراك يرحل متل ضــــل الصبـــاح
***
والليلــي جيتــي بلا خبــر ياقــدري حيــّا علــي الفــلاح
وغنـّت عصافيـــر الغــــرام لمـــن ظـــلام الفرقـــه زاح
ما أجملك , ما أجمل صباك لمـا الجمال لبســـك وشــاح
وما أحلي ساعات اللقــا الورديــة والعطـــر اللّي فـــاح

العمرابي
15-08-13, 08:37 PM
الشاعر/ ابراهيم ابنعوف
التحـــدي (4)

مجالس شعرانا ضجّــت محيّـــرها نومـــّـك وصحـــاك
وبنات أفكـارن تحلّـق .. تتوه بيــن أرضــك وسمـــاك
***
مدلّلــة يابــــتْ زمانــــك .. سبقتـــي القبـــلك ووراك
مثل هـارون الخليفــــة .. وكـــت يتبــــاروا شـــعراك
يشــدّوا عواتى القصايـد .. وســنـان أقلامــن تحاكــي
عيونك وكتين توقل .. وتحــن لي ضــرري وهلاكـــي
***
غريبة إنـو يخلّـوا زولـن .. وغصب ينحـازوا تالاكـي
ويظلموا الظالماه ديمي .. ويكوسوا عفـوك ورضــاك
مع إنك ياكي الجنيتي .. ومع إني أنا يا الجيت شاكي
ومحاضــر ريــدك بتشــهد .. بدايتــك وبعــد إنتهــاك
***
أريت لــو كانــت حروفـــن .. تغيّــر ميـــزان هـــواك
وتقلل حالي العلــيّ .. وتزيــد صبــري علــي جفــاك
إذا نمتي علي الخواطــر .. وشغلتــي أفكــارن معــاك
وكت تصحي علي غرورك .. منو البدنيك مـن عـلاك
***
مخيرة دا يا الفيي مرادك .. عنــاد إخلاصــك ووفــاك
ومسيّــرة كيفــن تمرقــي .. مـن الكــون الإحتـــواك
جاهدي قدر ما تجاهدي .. معــاي ما بتبعــد خطــاك
ولا بيساعـــدك نفـــوذك .. وإرادتــي تحتـّـــم لقــاك
***
جبرني هواك ما جبرتك .. وأعـــوذْ بالله مـن هــواك
وجحيمو الواقودو صدك .. ونفـــورك وشّـدة قســاك
إذا ما إنسانك محنة .. ورجيت شن فايدة رجـــاك ؟!
وإذا ما المحبوب تنكر .. عــلام .. عـلام التباكــي ؟!

العمرابي
15-08-13, 08:42 PM
الشاعر/ ابراهيم ابنعوف
الطرف المسهد


يا زماني أحكـي ليهم .. عـن غرامي أنـا كل مشــهد
أحكي ليهم في الليالي كيف هو عاش طـرفي المسهد
****
أحكي لي نخلات فريقنــا .. لي طــويراً فـوقا غــّرد

للجـــداول .. والسواقـــي .. وللـدريب اللّـيـها ممتــد
لي بحرنا .. ولي جروفنا .. للخــدار الفيهــا فّــرهد
وللديار العشــت فيــها .. أنــا قـبلما أصــبح مشــرد
****

لي قويزاً شبْ يغازل .. في القمر طول ليلـو يسـهـد
للجدار الرّاح يصارع .. في الزمان ما راضي ينـهد
للرحل فارق غصونو .. وللضغار فـي عشّــو فــّرد
لـي نسيمــات يهاجــرن .. مــن شمالــن يحملـن رد
****

أحكي للساجعـات حكايتي .. وللعيــون الليــلا هــوّد
للبنوح طول عمره باكي .. وليه جمر الفرقه مرقــد
وللبضم الشـوق يسافـر .. وليــه دار أحبابـه مقصـد
ولـى نجيماتــن يساهـرن .. لما ليــل الغربــه يتمــد
****
أبقــي زي وتـــراً حنيـّــن .. لصــــداه القلـــب ردد
غني مره وأبكي مره .. وأروي قصة حبـي وأشـهد
أحكــي كيفــن راد قليبــي .. بسمتــه وخـدّو الموّرد
وكيف عبد بالشوق عيونه وفي دناهـن عاش مشرد
****

كـم صـدح بـي أسمـه غنـّي .. ردد الألحان وأنشــد
فـي شقــاه يقــول غـناه .. ومن غنـاه النـاس بتسـعد
يرسل الآهات حزينـه .. وبي همـوم الكـون موسـّـد
ليتو كان آهاتو تنفـع .. لـي جروحــو المايى تتعـــد
****
تاه مع الأوهام مسافــر .. فــي طريقاً غيــر محــدد
عمره شمعه وزادو دمعـه وبــي حمول الشوق مهدد
ده السبح في لجه قارب .. وفي بحـور الريـده أبعـد
لو يموت بالشوق تراه .. برضو لي أشعــارو خلّــد

العمرابي
15-08-13, 08:48 PM
الشاعر/ ابراهيم ابنعوف
أحلى ما في الكون

أحلى مافي الكون عيونك واحلى مـن عينيك سروحـه
يوم تغيب تسلب رويحتي ويوم تعيد لي روحي روحه
***
فيهن اتغـرب وأسافـر نفســــي تقبـــل بـــي نزوحـــه
ألقى جنة شوقي فيهن الحنـان مشتـــول فـــي سوحــه
داير اعيش فيهن وأفـارق دنيـا كـان شاقينـــي نوحــه
وأنســـى ايامـي العصيبـــة كـــل آهاتــهـا وجـروحــه
***
في عيونك كون بحالـو فيهـــو أســـرار مـــا بيوحـــه
كــل ما اتمعنــت فيهـا فيهـا اشـوف بابـل صــروحــه
وأفضــل اتضـــرع أمامـــن رافـــع اليـــد اللحوحــــه
أملي يرقص فوق سوادن زي بريق ياخد لـو لوحــــه
***
فيها كم شاهـدت واحــــة الرمـوش ضالاهـــا دوحـــه
وفيها كل الدنيـا ترقـــص بالطـرب ناسياهــا روحـــه
صورة ماأحلاها صــــورة مـن جنـان الخلـــد لوحـــه
ياهو دا الخلاني أحلف مافــي زي عينيـــك صبوحـــه
***
هـن فـرح أيامـي لمـــن بالفـــرح كـانـــت شحـوحـــه
كيف يقولو اخير تسيبـن الله خلقـــو دي مـا نصــوحـه
هن سعادتي وهن شقاي هن أمل روحـــي الطموحـــه
كان غلطت استغفر الله باقـي عقلي اخـد لـــو روحـــه

العمرابي
15-08-13, 08:52 PM
الشاعر/ ابراهيم ابنعوف
شديرة الحن


لقيتك فـي زمـن وخــري بعــد ما أتربــت فيـــك رجــاي
طلعتي مـن القدر نفحـة وسمــاح قـــدراً يجيــبك جـــاي
***
صباحك .. ياربيـع مزهـر نهــارك .. ياخــريف بكـــاي
ومساك..وكت يمسي الشوق علي هدب النجوم ناجـاي
وأشيل طنتـبوري أنقنـق لك عشـان ريـدك بقيت غنــاي
ده ريدك ألف ليله وليل وطــول الليـل عــــلي الحجــاي
***
رجيتــك بالسنــين ودنيـــن أدودر فــي الصبــر تـــالاي
وكت ضهر الصبر يتقص أقيــف وألزم همــومي بــراي
وأشوفك بين غيوم الشك بريــق شايــل الأمــل ضــواي
أشابي عليك مطيــر ينزل يغسّــل من دواخلــي أســاي
***
رجاك لا كان ميعاد بيناتنـا لاعرفــه ووصــف هــداٌي !
سوي صورة مجهجة فكري ترسما نزعــه مـن جــواي
وأقيف ما بين حنيــن رؤيــاك وجــن العاشــق الغــواي
أمد إيدي علي المجهول عســاي تصــدف يــداك يــداي
***
أغنيــتك قبلمــا ألقــاك وتخيــل فوقـــك قوافــي غنــاي
وألاقيـــك ياشديــرة الحــــن بعـــد دردح غنــاك بــلاي
شمسيـن فــي نهـــار واحـــد قـــدرة الخالــق السَــواي
شمس ضلاً سماي فيــها وشمس حجبــت علــّي رؤاي
***
لقيتك لانــي حــان للماضــي لا ندمــان عليــه صبــاي
محطات العمر يمضن , وكمان , عجل الزمــن جــرَاي
سماحة الدنيا في عينيك ولقـاك علــي المــودة جــزَاي
جزاي علي الأقل شفتــك وكــت شوفتــك علــي كفــاي

العمرابي
15-08-13, 08:57 PM
الشاعر/ ابراهيم ابنعوف
وين لاقيتك


قبـــل الآن أنـــا ويــن لاقيتــك .. حّســة عافــي وراحــة بــال
إتمنيتــك .. وإستنيتــك .. رغــــم البيــن والأمــــد الطــــــــال
***
من وين جيتي ولــي وين ماشـي ؟! قبل إذيـك وكيــف الحــال
قبال تملــي مدارك عقلــي .. وتدخلــي بـاب الخاطــره ســؤال
وتطلعي من أفكاري قصيده .. تنــدى أشــواق عبــر الأجيــال
تروي فصـول أيامــاً ضاعـــت .. وسـّر الرّيــده المــا ينقـــال
***
يارب ويـن نحــن إتلاقينــا ؟! .. أبــدا يــوم مـا كنتــي خيــال
ياها عيونك وصفــرة لونــك .. وفــرة فاطــر البســم الشــال
ياهـا هداوتــك حيــن تتهــــادي , تتهــادي ويتــهادي هــلال
كان ودرتـك كنت أودر ذاتـي .. ذاتــي بلاكــي بقــاها محــال
***
إتذكــرتك بيــن بنوتنــا .. ونــاس حلتنـــا وساحــــة الفــــال
الحوليك شالوك غنيـــوه .. وجاريه مشــاعر النــاس شــلال
ترقصـي يــا الرقصتــي قلوبنــا .. وميلتينــا يمــين وشمـــال
قولـــة سيْ مــا انقطــعت منــك .. إلا جــنا الغــزلان جفـــال
***
إتذكرتك رغــــم الواقــع .. وطــول أحــزان مـا بيــنا مجــال
تسري سراة الليل ما تهجــع .. تصبح وباقــي الهــم يتكــال
كان الذكري تقرب نـــــازح .. أو مــن حالـــي تغيّــــــر حال
أو فــد مــره يطــاوع حظــي .. وأصــل النجـــم الماينطـــال
***
أيوة عرفتك .. وأتحسستك وصــوتك فــي الأعمــــاق لازال
أبــــداً صــورتك مــا بتغبانــي فــي أحلامــي وفــي الآمــال
في الجايات والفاتن وعـدّن .. مـن غنواتـي وفــي المــوال
إلاّ كمان مـن يـوم ما غبتـــــي .. ما عـــرّج منــك مرســال
***
وهسّع جيتي زماناً وليّ .. وباكيه شموسو علــي الاطــلال
شادّي خيوط الذكري الأولي .. أنا كم للذكري نسجت حبال
وإسترجعت طيوف أحلامك .. إلاّ شنو الفضـّـل فــي البــال
كــل آمانينــــا وأحلامــــنا .. كــانــت مويــةًً فــــي غـــربال

العمرابي
15-08-13, 09:02 PM
الشاعر/ ابراهيم ابنعوف
أواخر الليل
غنيتك اواخــر الليــل غنــوات والعالــم مابيــن غافـــي وحـــاس
ياغايبــة وحاضــره ووكتيـّـه ياطالعــــه ونازلــه مـع الأنفـــاس
***
غنيتــك فـــرح أكبــر مــن كــون اشكــال الــوان افـــاق وابعـــاد
غنيتـــك حزنـــاً شالــو الهــم كحّــل عينيــن مــن غيــر مـــرواد
غنيت لقاك شعوتنـي الشــوق لا ضقــت غميــد لا شــفت رقـــاد
لامن حننتبــا القافيـ،ـه دمــوع عطرتبـ،ـا صورتـ،،ـك والكــراس
***
غنيــت طانشـت هواجــس الليــل لكن الليـــل طانشنــي وطـــال
شتان ما بين ليل زول موجوع وليل زول رافل في الزين والفال
أقصر أو طول يا ليل تنــزاح لابــد مــن صبحــًا يرفـــي الحـــال
ماك أصعب من يوماً في العيد شهّاني الفــرح الشالـــو النـــاس
***
معليــش لــو مــره اتزاعلنــا أو حتــي حصــل بيناتنــا خصــام
دا مـا معنــاه إنــك تقســي وترميهــا اللاّيمــه علــي الأقســــام
انتي البرضاك اوّهتــي الريــد وفــي حـــق الريـــد والله حـــرام
معقول الببني الريده سنين يرجع فــي غفلــه يهــدّ الســاس ؟!
***
أنا ما ياني الخضرت الحن حاحيـت من فوقــو جفــاك وجفــاي
عشعشتك في الخاطــر ذكــري وما كــان الخاطــر ليــك نسّــاي
لا انتـي بتشبهـــك القســــوة لا كـــت بتوقـــع تبقــي جــــزائ
اتخيلي حال زولاً عاشق معشوقــو إرتــــدّ عــن الأخـــلاص !!
***
كيف تبقي تحب لو ما عانيـت وما شلت الحـب آلام وجـراح ؟
والحب لو ما ودّر بالزول ما بكون في نظـري الحــب الصــاح
والقلب البـات بالحــب مهمــوم احسن من قلبــاً نــام مرتــاح
وأنا عندي سماحة الريد في اتنين آنات الليل والطرف الحاس

العمرابي
15-08-13, 09:08 PM
الشاعر/ ابراهيم ابنعوف
الزولة الشالت قلبي عليها

يا الجايين ما شفتوا الزوله الزوله الشالت قلبى عليها
ما أدتكم لىّ رساله تمحا هواجس الحاله الفيها

ما وصتكم وقالت ليكم انها ماب تتأخر تانى
وما قالت خلتنى وراها عاصر جمر الشوق واعانى
ولما حكت ما سالت دمعه بلّت دير توبا التحتانى
وما اندارت فى بسمه عساها تخفى الحزن الفى عينيها

دى الانسانه الطيبه الوافيه الردتها قبل ألقاها واريده
كانت حلمى وظلت خاطره وحبها صار ايمان وعقيده
سارت مسرى الروح فى ذاتى وعاشت فى افكارى قصيده
تحكى أمانى القلب العاشق وصدق احلامو المستنيها

طول الغيبه الشعوت شوقى والايام بيناتنا اتمدّن
كم مدّيت لى صبرى حبالو الاّ انقطعن حين ما انشدّن
نيتى ’ أرج ’ فد ليله اطوفا والقى سعادة الحجّ ومدّن
الاّ الله ما قالها كونى وتانى غريب وما عارف الجيها

شلت صدى الايام الخاليه وعايش بين الفرقه وناره
بعدها ما بدلت هواها .. رغم هوى النفس الاماره
وما حسيت بالدنيا جميله الاّ خلال بسمة ازهاره
وما استلطفت الزهر واريجو .. الاّ لأنو الزهر سميها

عابوا علىّ اهواها ولاموا وشككوا فى الاحساس النّابع
مالى ان كان غنّيتا غنيوه او فجّرت اشعارى منابع
اتماسك قدّامن واضحك وقابض نزف الجرح الرّابع
وروحى معلعله فى علاتا وقولوا معاى الله يشفيها

العمرابي
15-08-13, 09:14 PM
الشاعر / إبراهيم ابنعوف
ست العيون

هــــل تـــــدرى يــاســـت الـعــيــون ال الله هـــــدّلا بـالـنـعــاس ؟؟
بــى لطـفـو لــو كــان ماسـتـر يــا مــا هـــى كـــان تـــاذالا نـــاس
عيـنـيـك .. فـتـنــة فـاتـنــه .. واتـخـلـقـت عــلــى هــــذا الاســــاس
دخـلــت دواخـــل العالـمـيـن .. وكــانــت بـعـيــده عــــن الـمـســاس
الـشــى المحـيّـرنـى انـهــن , لا هـــن لآلـــى ولا هـــى مــــاس !!
يتبالجـن . مويـة صفاهـن ترشـح الضـو فــوق مسـاحـات التـمـاس
اتــوســط الـلـيــل الـصـبــاح فـيـهــن , ومــــع الـغـرويــده جـــــاس
ورمــت الـرمـوش فـوقـن ظــلال , يــا روعــة الـرمـش الـمــواس
حـيــن يـنــزل الــفــوق لـلـتـحـت .. وتــبــدا المـطـابـقـه والـجـنــاس
وتتـكـامـل الـلـوحـه الخيـالـيـه , الـخـرافـيـه , الـمـحــدده بـالـمـقـاس
تملانـى حــن .. اغـبـا واجــن .. ومــا ألـقـى مــن قـيـدن خــلاص


كـانـت عيـونـك طلسـمـات الرهـبـه فــى العـهـد السليـمـانـى الـفـديـم
طـافــت شـمــوس الـحـسـن فــــى أرجــاهــا , والـسـحــر الـعـظـيـم
جلـسـت عـلـى عـــرش الـجـمـال .. وســـادت عـلــى كـــل الأديـــم
أمرت جنون العشق ان يأتوها بالقلب البيعصى الريده فبها ولايهيم
مــــا ارتــــدّ طـرفـهــا الاّ كـــــان .. الـقــلــب والــجـــرح الألــيـــم
بـيــن سـطــوة الـمـلــك الـرهـيـبـه .. وخـيـفــة أصــحــاب الـرقـيــم
يــا ويـلـو , مــن لحـظـاّ يطوفـبـو .. مــن الجحـيـم , الــى الجحـيـم
وتـفـتـكـبـو نــظـــرات الــتــواعــس , فــتــكــة الـــنـــار بـالـهـشـيــم
مـــع انـهــن .. لليـعـرفـن .. أضـعــف خـلايـقـو , واشــــدّ بــــاس


عيـنـيـك عـوالــم مـدهـشـات , عـيـنـيـك ولا كــــل الـعـيــون
عــلــويـــه , أو سـفــلــيــه , أو كـــــــان داك دون الـــدونــــو دون
أخـــدت مـــن أســــرار الـفـلــك .. مــــا لا تــعــج بــيــه الـمـتــون
كــــل الـشــواهــد , والـظــواهــر , وحـكــمــة الــطـــب والـفــنــون
كـانــت فـــرح زمـنــاّ صـعــب .. مــــا عــرّجــت بــيــه الــقــرون
ودعــــوات تـبـاشـيـر الـصـبــاح .. فــــى خـشــعــة الأم الـحــنــون
وحـصـد الـرجـا المـمـدود عـلــى طـــول السـنـيـن خـلــف الـظـنـون
أو قـولـى زى خـاتـم المـنـى .. الغمـسـوهـو فـــى بـحــر الـسـكـون
عيـنـيـك .. صـحـايـف أرتـــلا .. واقـراهــا بـــى كـــل الــحــواس

العمرابي
15-08-13, 09:17 PM
الشاعر/ ابراهيم ابنعوف
لا سلامك لا كلامك

لا سـلامك لا كـلامك لا ابتسـامك
منو بقنـــــــــــــع
يا ام اهـدتنى العـواطف يا اخت شـايلانى مغنـع
اوع يوم يخطـر ببالك انى احيد عن دربك ارجع
او اسـاوم فيه حبـك حتى لو لى روحى ادفـع
آسما من كل المشاعر واغلى من ماهوا ارفع
لا لا ما كلت خطاى اقوه من ايامنا واسرع
ياحباتى
سر وجودى يا غناى البيه اسجع
كل ما غابت عيونك منى دافع الالفه يدفع
اطرا نجوانا وشكانا والامانى الينا مرتع
والبرءاه الراسمه حسنك تحكى من يوم ما كنا شفع
ياريت احلامنا تصـــــــــــدق
بلقانا ولينا تجمع وتبقـــه لينا الدنيا حلوه
تسعد البال المزعزع
ونشتل الايام مشاتل
ريـده من الروعـــــه اروع
لا الزمان يبعد خطانا لا تشى اقدارنا تمنـــع
بعيـــده ! مــــاك بعيده
ياقميــره تغيب وتطلع
تجلى جدلاتك محته تخلى ليل حرمانى يطلع
فيه وآآآ وحشــــــــــــة غيابك
فى صحا النوم المقطع
انظرينى فى كل حاله كلمينى وليكى بسمع
يا بعيـده ومـــاك بعيـده
ياقميـره تغيـب وتطلع
ليك ســلامى واشتيـاقى قدر ما الله فيك ابدع
ثم فــــــــــــــايق احترامـــــــى
حبــــــــــى ليك قبيـــــــل وهســع
ليك ياقبــــلة رجاى ويا شفا القلب الموجع
اقبليه وارضـــــى عنى كلمينى غــــــروب ومطلع

العمرابي
15-08-13, 09:21 PM
الشاعر/ ابراهيم ابنعوف
بدر البدور

الليلة وين سافرت يا بدر البدور
ما أظنو قلبي وراك تاني يكون صبور
ما كت فاكر نتفرق ما كان ده في ذهني بيدور
ما كتّ بقول جنتنا ديك تزبل تجافيها الطيور
يسكت كنارا الكان يغني ويقلب الآلام سرور
ترجع فراشاتنا القبيل معتاده بي قبل الزهور
الليلة ما جات الرياح تحفر تقلع في الجذور
وكمان ينوح البوم سكن وفوقا الغراب حلق يدور
ما خلاص خلاص ضاع الأمل وأتهدا بنيان كم شهور
وإتبدلت بسماتنا دمعات حارة وأتقلب الشعور
ما فاكر الأيام تخوني والقدر يبقالي سور
ما فاكر أنت تروح بعيد انا ليك ما أقدر أزور
ما فاكر أحتاج للزهور وكان كفي كلو ملان زهور
وما فاكر أفقد فيك امل وانا عندي في الآمال بحور
ما فاكرك إنت بتجفي يوم قبال ده ما كتّ نفور
كيفن قدرّ بدلت طيبتك يا حبيبي بقيت تجور
وكيف هان عليك محيت صفحات من عهودنا مدادا نور
خليتني أجدد فيها تاني وبالدموع أكتب سطور
خليتني زي إنسان غريب حيران بيسأل كل زول
وزمناً قضيناه الجهل فوق قوز رمال وسط التمور
ما ألقي لي جيتك خبر وما ألقي لي دارك رسول
وأرجع حزين طاوي الألم وزمن الفراق يمتد يطول
وكتين عرفت محال أراك بقيت أكوس شبهك وادور
كان الشبه يروي العيون أو يسكت الجرح البغور
شبهت محياك بالقمر ومحياك فاقو كمال ونور
سبت القمر شلت الزهر وما إنت أندي من الزهور
أحسب سواد عينيك ليل لكن سواد الليل بزول
وبرضو الصباح جاب لي عبير لكنك أحلي من العطور
إحترت وين ألقي الشبه وشبهك ندر مر الدهور
كان قصدي لو في النوم أراك النوم بقالي وراك ضرور
كيفن يضوق الغمدة زولاً جسمو بالنيران يفور
نوثربو جرحو رقد عليل لشفاه صعبتلو الأمور
ليلو ونهارو بكا ونحيب شاهدالوا نجمات السحور
صابر السنين لو كان صبر ما بصبر الألم الصبرت عليهو دور
تابعت ناس فارقتني وعارفاني لي شوفتك غيور
وعاهدتني إنك ما بتغيب والليلة تاباه الظهور
دايرني اصبر لي متين وين الصبر
لي زول بيلعن حظو لا يوم النشور
لو تاني عاد ليهو الصبر كان عادوا سكان القبور

العمرابي
15-08-13, 09:27 PM
الشاعر / إبراهيم ابنعوف
الله عالم يا حبيبة


الله عالم يا حبيبة إنتي في دنياي تمنى
بيك عاد إشراق صباحي وراح ظلام أحزاني مني

البمر أيه بي خواطرك مره لو سألوك .. عني ؟
دار تقولي أيه لي عوازل .. لا تبارك لا تهني ؟
قولي ليهم حبو سامي وقصدو يبني معاي جني
تاني فيها يعود ربيعنا ويحضن الأزهار يغني

أحكي عن أول لقانا وكيف معاك سارت خطاي
وعن مقاطع شعري لمن تندفع بي فيض هواي
مافي لحظة تمر بي خاطري إلاَ وأشواقك معاي
وكل أول ليه آخر إلاّ حبنا ... لا نهاية

أحكي ليهم عن صلاتنا ونحن بينا صلات حميمه
كيف روتنا وظللتنا وأصبحت في سمانا غيمه
لو تكون البينا عامري ياها جنتنا ونعيمه
مالنا مال الدنيا تاني أريتا ما فاتت جحيمه

لو يقولوا ليك خيالي في خيالي بقيتي صوره
أعذريهم ما بعرفوا إنتي نور عيني وسروره
لو يقولوا ليك بفارقك كيف تفارق القمره نوره
ولاّ عمرك يوم سمعتي بالفراش هجرت زهوره

بكره لما يجوك يسألوا كيف مع الدنيا وفراقه
قولي ليهم في بعادنا وفي قربنا نظل رفاقه
نحن ناس عاشت نفوسنا في وفا وأنبل صداقه
وحتي في الأحزان بنفتح لي دروب أفراحنا طاقه

أما أنا سألوني عنك وفي هواك أيه الرماني
لالا والله ده سر مقدس كاتمو في الأعماق وأعاني
كل كلماتي وحروفي ونظمي و أشعاري وبياني
توحي إني أنا قطعه منك وبكره راجع لي مكاني

العمرابي
15-08-13, 09:31 PM
الشاعر/ ابراهيم ابنعوف
فواتح الأماني

دروب ليك يودن اسيرن بطوعى
اواتيك حنيناً يجيش بين ضلوعى
لانك بدايتى ونهاية شروعى
من نار غرامك اولع شموعى
واشيل من بسيمتك مناديل دموعى
أقابل عيونك كتير يهدئ روعى
واشوف فى وداعك بشارة روجوعى
عيونك فواتح الامانى السعيدة
تنوم فى ظلالن مداين بعيدة
رؤاهن مداخل عوالم جديدة
تفتر وصوفن حروف القصيدة
يطل من نواضرك صباح البوادى
وسط ليل مشبع مسادر حوادى
آيا كرنفال فرحة رايح وغادى
يجول بين قلوب البواكى الصواغى
عشقتك نسيم همبريب الشواطئ
ضليلاً يبرد هجاير حياتى
تاخر زمانك سبقتى اللواتى
مناى وبقيتي اعز امنياتى
احبك لانك بقيتى الحقيقة
تفاصيل حياتى وخواصى الدقيقة
رسمتك معالم دناى الوريقة
تسابق خطايا واصادف طريقه
منى التبقى زيك حنينة السجيه
وتكون الحبيبة الصديقة الوفية
ام للمشاعر وللروح اخية
بلاك يا سعادة النفوس الشقية

العمرابي
15-08-13, 09:35 PM
الشاعر/ ابراهيم ابنعوف
البنيي أم زين

البنيى ام زين بدور شوفتـــك تمــــلي
ماكفاك يا ام زين خـلاص صدك تخلي
زى قبيل يالقمرة فوق فى سماكى هِلي
وشوفى كيف راجيكى مافت من محلي
ان سالتى وقلتــى بس ايه الحـــصل لِي
انا ماقليبى وراكى تب باقـِـيلى عِـــــلِي
الدهر ياالتــومه قربك ما اتمهــل لـــي
عاكســنى ايامــو بى شوفتك ابـَـن لِي
وشوقك انتى على العلى زايدنى مَلِي
ياحليلك لَي وحليل صبرًا كِمل لِي
النقول سبناهو و الفات داكَ خَلِي
ولو قبيل مشغولة هسع لىّ طِلي
ماحرام ياليلى مجنونك تخلي
لاسلام لاطلة لاشوقاً تَبِلِي
لاطيور الجَنِي ليك اترسَلَن لِي
الحنينات رَوحنْلِك وجَنْ حَكَنْ لِي
ِلقنك تَقدِلى وفى ايدك تَتََِلِي
ولى مسايرك تربط ومَرّات تَحِلِي
وكت النسمة لى توبك تَدَلِي
تقولى اريتو مادار يتعدل لِي
قالن لَىْ عنادِك مادار تخَلِي
وعاد شقى الحال البِِقَع فى ايدك وتزِلِي
السحيبات قُتَلِن فوق دارا طِلِي
ولمّ تمرُق كَلِمِنَهَا بالحصل لِي
جَنِى يَبْكِن تانى من تِيهِك شَكَن لِي
وبرضو انتى تقولى خَبَرك ما وِِصِل لِي
قالوا وَدْعينيك ضَربَتُو ماب تَجَلِي
وعاد يبِين يظهر وكِت حَاجبِك تعلي
علىْ ِمنُو قولِى سيفك دار تسِلِي
عَلىّ الرِيقِى الماقادر ادَلِي ؟ !

العمرابي
15-08-13, 09:39 PM
الشاعر/ ابراهيم ابنعوف
العهد الوثيق

مابيبرا الجرح تب لا لا مابيبرا الجرح
غير ماتكون جنبى وقريّب منى يا زين ياسمح

شرقت وين غربتنى وخليتنى لى شوقاّ تلح
يمرق من النسيان طرا ويتمدّ فى الخاطر يلح
يرحل بى عبر الذكريات للماضى والزمن السمح
يوم كانت الايام لقاء ويوم فيها بى شوفتك فرح

ويوم فتّ ما خليت غير , كلمة وداع وقلباّ يوح
خايف فراقك من يطول والحال وراك ما ينصلح
وضياع أمانى رهاب رهاب تترجى فى حظاّ يشح
دفتر وغنيوات تمدحك وعاجزات حروف عن المدح

أما انت لو سائل على يغنيك حالى عن الشرح
حال الفراق بعد الولف لى زول يعرف الريده صح
لبستنى العهد الوتيق , وخليتنى فوق نار منطرح
ليلى ونهارى علىّ ليل كيف انت امسيت وصبح

لى حق اجاهر بى هواك وكتين يشيلنى ويتكسح
واضرب بلاد الله طشيش لى بسمه من وجهاّ مرح
عطشان حنينك ماب يفيق وماب يروى رحراحاّ يرح
والعاش مع طيفك زمن , ماب ينجا فكرو من السّرح

ليك حق تعظمك المهج وتبنيلك الأعماق صرح
وليك حق نشيلك فىالعيون بالرغم من نزف الجرح
يا هاله بين الفرقدين نورك على الآفاق وضح
ان شافك العاقل يجن , والجنّ بى شوفتك نصح

روّح ودعتك لله عاد , يا اب ذكرةّ ماب تتمسح
منحوته فى الايام خلود , لاتغيب ولا من بال تزح
وليك شوقى وآلاف السلام يبراك فى الحل والنزح
وأعرف فراقك ماب يهون , وأعرفنى من بعدك قمح

العمرابي
15-08-13, 09:43 PM
الشاعر/ ابراهيم ابنعوف
زولي الوسيم


يازولي الوسيم ليه البعاد وايه لازم الجفا البعد الوداد
علي حبي العظيم وإخلاصي ليك إنت ليه جازيتني بالنوح والسهاد
ما راعيت لي قلبي الجرحتو ولا دمعي الطفر بلَ الوساد
قصدت عذابي ما هماك رضاي وكم لرضاك جافيت العباد
لو لي نار غرامك ديمه صالي برضي أحب تكون لي النار مهاد

لو فكرت إني بحب سواك يمين لي سواك ما لان الفؤاد
كيف أعشق بلاك وقلبي عندك ومعاك لا عندي قدرة ولا مراد
إن أجبرت قلبي عشان يسيبك يعاكسني ألقي في إخلاصو زاد
تطيب لي العيشه قربك لو صعيبه وبلاك تضيق بي ما رحبت بلاد

أحاول النوم أقول في الطيف أقبالك لكن للجريح صعب الرقاد
شاحب لوني أصبح جسمي هيكل التقول في الدنيا مخلوق قبل عاد
انا الليلي ونهاري بقوا لي ليل ما بشوف في الدنيا من غير السواد
جفاني صباحي زي ما إنت جافي ولاَ صباحي في محياك يعاد

حاكيت الكافر الفي النار مخلد ينضج جسمو يلقي التاني عاد
لو كان ما الدموع الفيها عايم بدري كان جسمي إحترق أصبح رماد
وراك متحسر أبكي علي صباي لا رجع الصبا لا الماضي عاد
وياريت يوم رحلت بعدت عني كان في الدنيا آخر لي زاد

أبت أيام هناي تعودني مره وأكون محظوظ من الناس السعاد
بعد ما صاح غراب البين وقال لي رجوعك وشوفتي ليك أمور بعاد
صريع الحب خلاص أيامي تمت وخلاص في سبيلو أكملت الجهاد
حضروا نعشي وأكتبو فوق قبري شهييد الحب قتيلك يا وداد

العمرابي
15-08-13, 09:47 PM
الشاعر / إبراهيم ابنعوف
تعالوا النبارك العيد

العيد جانا باليـــوم السمــح وزيـــــــن
يلاّ وزعوا للتهانى على المهاجـــرين
وللفــات اتغتــــرب والهسّ قاعــــدين
وللمشاشين فاتوا لى بيت الله حاجـين
ولـــى أم العيـــال وســـط البطينــــين
وللعرس بعــــــد جمـــــع المـــــلايين
لى شتولنا ولى خدارنا وللمزارعيــن
يجينا الجايى نحضر ونبقــى طيبــين
المعـرّس ينبســــط يلدولـــو تومــــين
والعزب يملاها حنّـه وياخـــد اتنيــن
شيلوا الفاتحـه يـــلاّ وقولـــــوا آميــن

العمرابي
15-08-13, 10:02 PM
الشاعر/ ابراهيم ابنعوف
فواتح كتاب

تشيلك تهاجر بلا إغتراب
تثير في شعورك حلاوة العذاب
عجيبات عيونك عيونك عجاب
عيونك تحير عقول الشباب
تعاين تغرود تقولك حباب
تقودني لي عوالم الهوي المستطاب
عيونك تعاويذ بتشفي المصاب
عيونك تشكل فواتح كتاب
كتاب بين سجله الدعاء المستجاب
قلوب خاشعة تطلب جزيل الثواب
دراويش ونوبه ومدايح شباب
مطيراً تبشر تبل التراب
تساري وتفرح عطيش اليباب
يضاحك بريقا رواحل السحاب
تصحي الأماني يخدر سراب
عيونك تجهجة فصيح الخطاب
يحاول يعبر يخونه الصواب
يعاين رموشن تجذبه إنجذاب
يصارع هواهن يكون فكره غاب
سماحة عيونك يقولوا الصحاب
سماحة غنانا ونغيم الرباب
البفصل منانا وحديث كل باب
البشاهد عيونك يكون غاب وجاب
سماحة عيونك رجوع للعقاب
وكليمة أحبك تبروز خطاب
سمرنا وحجانا ولذيذ المطاب
وقميرة فريقنا التتاوق الضباب
متين لي عيونك بتصبح قراب
وأشوف الحنين في صفاهن مذاب
يشع فوق قليب بينه بينك حجاب
يخاف التلاقي البعقبو الغياب
عيون في جمالن تسام الرقاب
وعشانن يهونن قواسي الصعاب
سؤال لي جلالك يدور الجواب
منو الشاف عيونك ورجع تاني تاب ؟

العمرابي
15-08-13, 10:06 PM
الشاعر/ ابراهيم ابنعوف
مدهشـــــة


الشوق غلاب .. والوعد سراب فـي بعـــدك يا اغلـي اماني
ياسحر الروعـه الاسطـوره .. واحشاني غيونك واحشـاني
***
يانسمة صباحيـة انســرقت تتخــلل مــد صيــف أحزانـــي
في أرحب واحة ريد أنزل فــوق أرضــها واكتـب عنوانــي
يــا الله علــيك وانتــي بعيـدة ويــا الله ملامســك وجدانــي
اقراكى كتاب .. تملين اعجاب وتتجــددي آمـال مــن تانــي
***
مدهشــة يا شمســاً تشــرق علــي قامــه وابــداع ربانــي
لا تثيري عواقب الريد جّواي لا تصحي همومي واشجاني
وأنــا بيــن الحاضــر والماضــي لا زال بتعــذب إنسانــي
ضمينــي إيـاب نسينـــي عــذاب خلــي الأفــراح تتلقانــي
***
أنــا جيتــك مــن واقـــع مــذري وعالـــم مليتــو وملانــي
لا تسألي عـن كنـه حياتــي أنــا جســداً وروحــاً غلبانـــي
أرسم للناس الكون بهجــة وطربانــي ومــا بينهــم أعانـي
ما رمت خطــاب الا وأجــاب أنــا شاعــر لــو صـحّ بيانـي
***
تاتيت الريد لامـن درفـــن وخايفلــو مــن الزمــن الجانــي
شيليـــه علــي صــدرك رأفــة وختيــه علــي حنــك تانــي
حجيهو حجا فاطني السمحـي والفــارس الدوبــاها أغانــي
وياما الأحباب يوم يبقو قـــراب الدنيــا تزغــرد نشوانــي
***
يا شامخي عـلي كـل الدنيــا يــا وحــي الشــعر الإنسانــي
جد روحي تفتش لي روحك وما كـان لقياك فــي حسبانــي
ما فاكرك من صبري تمرقي وتختالي علي أوتــار ألحانــي
والأمــل الغــاب طول مــا جــاب الليلــي ألقــاه وبيلقـانــي

العمرابي
15-08-13, 10:11 PM
الشاعر/ ابراهيم ابنعوف
استعجلي في الجية

تعالى ياحلمى الجميل ألفينى فى الزمن الصعب
ألفينى وامسحى للدموع ألفينى انسينى التعب
ليه من زمان ما بنتى .. ولاّ دا ما اتكتب
أنا شاعراّ يهوى الجمال لكن لقاك هو الآحب
أهديك حروف ما انسطرت , أهديك شعراّ ما اتكتب
شعرى الحزين فرح قلوب العاشقين
ويظل صداهو مدى السنين
أفريهو زين أقريهو زين
بعدين بتعرفى انو من غلبى اتكتب

استعجلى فى الجبّة .. وسافر واستعجلى فى الجيّة
يالسفرك مابيرضى الخاطر , للعاشك جوّاهو قضية

ما لمتك فى انو تسافرى لكن محتار قولى لىّ
فى بعدك كبف يصبر قلباّ يتحتّ عليك بالحنية
ما انت براك عارفى الحاصل والزيّك مابدورلو وصية
والزول ما بيرضى يفوت زولو لو كان ما القسم المقضيه

نان نحن متين اتلمينا .. لمن نتفارف يابنية
ما الشوق القادك ودّاك ياهو الهسع موقد فىّ
مشتاقلك , ومشتاق لى بلدك , وللدار الضمت حورية
يا أريتنى أغمد والفاها قبّال ما أفتّح عينىّ

يا حليلك , وياحليل أيامك ويا حليل أحلامنا الورديه
يوم عشنا الحب عالم آخر .. ما طافت روح بيه شقيه
طل صبحو يهتّف من اسمك ومن لونك زان العصريه
فى البسمه الرسمت فوق وجهك بسمة رقه وطيبة نيه

آه , ياللى هواك مابندارا .. وما بتخمد نيرانو الحيّة
قرّبتك شان انسى الماضى , الاّ الايام ما لا علىّ
ليه حظى مقبّل لى غادى وممحوق بى جاى صبرى شوية
ما الحب ياهو الحب الواحد , ليه بسعد ناس وناس مشقية


باكر تتبدل أيامنا , وتصدق آحلامنا المرجية
وبنعود من تانى ونتقادم فى رحلئة ريدنا الأبدية
ودّعتك الله وراجيكى .. طول عمرى ان كان فيه بقيّة
يبراكى سلامى واشواقى وليك احساسى ونبضى تحية

ماشعّت فينا شمس باكر , ورمّت دمعاتا الفضية
وصحّت فى خمايل الدنيا فراش يلثم بالشوق زهره نديّة
وما ميّل نخل الحى يرقص مع نسمه وقوقاى قمرية
برداّ , وسلاماّ , تغشاكى وتتواتر فى لحظه هنية

العمرابي
15-08-13, 10:15 PM
الشاعر/ ابراهيم ابنعوف
يا شمعـــة

فى جنح الظلام انا وانتى والحزن العميق يا شمعة

استجدى من نورك امل تستجدى صبرى من الحريق

ينشر فى الافراح ضياك وانتى الفرح منك بعيد

تذوبى فى ذاتك دموع زى ما بنذوب فى الريدة ريد

تتلاشى فى رقصة عدم فى حضرة الجمع السعيد

يرحل وميضك وتنطفى زى بسمة مات فيها البريق

زيك انا المشعول حسار جفت سقاى والدنيا رى

رامينى شوتال الزمان تتفرج الايام على

شابيت لى لحظة فرح ضيعت ما كان بين ايدى

وصلت احلامى النجوم رجعت فراشة بلا رحيق

غذيت سعن الحن حنين وكتين شخيب الحِن غرز

قلبت ماضى وحاضرى زين فى الذهن واحد ما انفرز

اقتل همومى وادفنن القاها بكرة غرز غرز

فى غربة العمر الضنى التمشيهو لا زاد لا رفيق

وانا بين بكاى على شقاى وتساقط الاقدار بلى

اضحكنى حنديك المنى وفى حال جرابها غليت غلى

بكيت والبكى ما اراح وضحكت زاد العين ملى

وفى لجة الاحزان تعوم آمالى زى قشة غريق

لويحة الفرح الحزين فى هزعة الضحك البكى

فضحت عذابات السنين فى خاطرى دون حكى او حكا

يوم اتكلت على الصبر ميل على شعبو انتكى

عصفت امانيا الرياح تزروها فى الوادى السحيق

كم شمعة فى ليل انطفت ولسه الفجر ما لاح وشى

كم مرة فيهو احى واموت لى المتلى لا يعنيلو شى

كأنى ادمنت العذاب وامسى العذاب بى ينتشى

دنياى خطوط متقاطعات كل الزوايا على تضيق

العمرابي
15-08-13, 10:19 PM
الشاعر/ ابراهيم ابنعوف
وصيتونا

وصيتونا عشـان مـا ننسـي وللا شديرة الحـن تتحتحـت
ردوا البال عشـان نتزكركـم وينو البال؟؟ البال ما اتشتـت
احكي عن الاشـواق القـادت روحي علـي جيهتكـم قفـت
وللاّ دمـوع العيـن الجاريـة بي فرقتكم ويـوم مـا جفـت
بي شوفتكـم أطمـن نفسـي كلما العين خدَعتنـي ورفـت
حوّق صبري علـي أحزانـي لاحـاق لا الأحـزان اتكفـت
واغرب شي انه أيامنا بترحـل وتبقي معاي بي رغم رحيلـك
وانك ساكني مكامـن شعـري وخجلان شعري عشان يحكيلك
وانّـهُ القـدر الفـرّق بيـنـا اقسم مـا يدينـي... بديلـك
وانّـه جنـان الدنيـا تنـادي ويفضل قلبي مصاقـر ويلـك
والأغـرب مـن داكـا كأنـك الهـة الحـب فـي الرّومـان
كم عاشق هام فـي محرابـك وكـم قلـب اتقـدم قـربـان
وأنا في موقف شاعر مرهـف لا يعـرف للحـب عصـيـان
الا كمان محتـار فـي أمـرو وفـي كفـراً عانـق ايمـان
وما تنسي اني هويـت هـواكي وأمسي هواكِ علي زي ديـن
في كل شاردة انـادي عليـك وفي الواردات من صدقي حنين
يا فرحي المارق مـن حزنـي ويا حزنـي الجـواي دفيـن
سبحان من رسمك في روعـة وأنشأك من موية ومن طيـن
أنقري بـاب الزكـري أكنـك يفتح وادخلي من غير مرقـة
غنـي صـدا ايامـاً منسيـة ولا مسي الوتر الماب يندقـة
أسألي شارعاً دسـا الخاطـر يبقي يجاوبـك يبقـي ويبقـي
كيفـن كنتـي منـورة ليلـو وكنتي صباح العيد في الشرقة
وكانت فـي عينيـك أحلامـي تشرق وطيفها يلـون كونـي
أرحل فيها رحيـل لا رجعـة مجروح وكان الله في عونـي
رغماً دربك مـا كـان دربـي وانتي اخترتي السكة الدونـي
ياني العايشك نبض جراحـي وحزن غناي وزي ما حتكوني

العمرابي
15-08-13, 10:23 PM
الشاعر/ ابراهيم ابنعوف
طير الغروب


ياطيـر الغــروب أسكـــت كفــاكـا رطـــن
قبلك كـم بكيت وكــم مــن نفــوس يبكــن
***
بكـّـاك الفـــراق راحـــل بعيـــــد تسكـــن
ولاّ فقـــــد جنـــاك واصبحـــت متجـنـــن
تـــــرى الفاقــــد جنـــاه وراه .. متيقـــن
وما كل الرحـــل فـــارق ديـــارو حـــزِن
***
إنت المك ماهــو ذى ألمــاً علـى مُزمـــن
وفقدك لــو تقــول ذى فقــدى ما ممكـــن
فارقنــى البريـــدو حياتــى عـــاد كيفـــن
وفتـّـق لى الجــروح قبل الجـروح يبـرن
***
نيــران الغـــرام فــى حالـــى مابيــرتـــن
ساكنات فى عضـاى يصّبحِـــن ويمســـن
كــل الاشتكيلـــو اقولـــو لـــى .. طمّـــن
يقولى ما بتطيـــب انــت اتمكنــت مكـــن
***
كل أسبابى من زولاً صغيـر فــى الســن
سيّــافـات رموشـــو والعيـــون يـرمـــن
بسمة فاطـرو تضـوى الليل بعـد يدكـــن
وان جيت للخدود جلّ العلــى الصنعـــن
***
إتحيّـــر بقيـــت فـــى أمـــرى متمحِّــــن
أحفّر فـى الارض مــرات بــراى ادفـــن
حِيلــىِ معـــاه لا بجيـبــــن ولا بـــــوَدّن
دا الغـارّى الجمـال وفـى طبعـه متعجِـن
***
دايــر اكتبلــو أقولــو قليبــى متبشتـــن
يتـوحــوح كتيـــر ريشـاتـــو يتـهــــزِّن
يبكى الماضى وأفراحـو الرحـل زمنــن
مسكين ما لقى الفـى حالو يرتــى يحِـن
***
قـالك فــى شبــابـك يـــوم أخــدلـك إذن
لاتـرجّـى الاجــازة دة للإجــازة بـجِـــن
لو فاكـر حيصبر زى قبيـــل مـا أظــــن
يتصبـــر وراك ربـــع القبيـــل صَبَــرِن
***
من وسط الجحيم ليكـم رسايلــو بِجِـــن
ويهـدى ليـك ســلام وتحايــا مـا بغِبّـــن
ما أشرق صباح بـى يــوم جديـــد يعلـن
وما عانق نسيمو فريــع رطيـب ولــدِن
***
ما سالن دموع فـوق الخـــدود يجـــرِن
وما ناح العشوق يبكى الفراق وغِبِــــن
وما سهرن قلوب جــار الزمـن ظلمِـــن
وعَـد ما ابواب وصـالك ليـهو ينســـدّن
***
إبتــدى فــى الكتابــة عيــونـى يتقـــدِن
وكلمــا كتبت كلمة القــى الدموع يمحِن
خليــت الكتابــة أهيــا الدمــوع صُبِّــــن
واجرن لا تقيفن وفى الصبيـــب جِـــدِّن

العمرابي
15-08-13, 10:27 PM
الشاعر/ ابراهيم ابنعوف
بكتب ليك

مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
وأعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
لينا تغنى بى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليكى وارسلا فوق بساط الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. يا ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى
***
وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. وفى محراب هواكى اجلس مع الجُلاّس
واخلى الباقى واتغتابو .. لو بعدك غشانى نُعاس
***
أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
بشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
تولِّع فيها نار الله ..
وتصبح كوم رماد وهباب
وتمرقى إنتى والنَّاس المعاكى قراب..
وما دعيت خاتي الا الفراق اسباب ..

العمرابي
15-08-13, 10:32 PM
الشاعر/ ابراهيم ابنعوف
عيونك ديل

عيونك ديل قليبي هن الأذنو .. ربي يسامحك كان عذبنو
***
مسكين في بحور الشوق رمنو ... تايه فوق دريبن ودرنو
مظلوم في الغرام ما أنصفنو ... وكمان ناوات عميرو يقصرنو
***
جافاهو المنام كم سهرنو باكي ... البيه ناح والحولو غنو
باكي الماضي والدمعات رونو ... كيف يعود ماضيه والأيام طونو
***
خلنو ونسن ريدتو ونسنو ما ... راعن ودادو وقدرنو
لا جادن عليه ولا طرنو ... ولا يوم في لماتن عشمنو
***
وروني الحصل إيه سمعو عنو ... وبس ليه السلام قطعنو منو
مات بالشوق عليهن ما بكنو ... وما أظن فـ تريبتو يريحنو
***
بقيت أبكي وبكاي الناس تظنو ... تقول ود أبنعوف عاد ليهو جنو
ما بكيت تعذيبي عارفو مقدرنو ... إلا بكاي علي قليبي الحطمنو
***
انا العارف عيونك ما بحنو ... لاون قليبي لامن فترنو
يصارع في الرموش متل التكنو ... قويرب جنو موجات غرقنو
***
يجيه الليل طبول الهم يرنو ... ويسوق سوقار مصايبو يكابرنو
إنت باقيلك بيسعد ؟ ما أظنو ... ياهو شقاه منك وإلا منو

العمرابي
15-08-13, 10:37 PM
الشاعر/ ابراهيم ابنعوف
حبيبتي أنا

بتسألوا عن حبيبتي أنا
حبيبتي أنا ..
وسعادة عمري في الدنيا
الوراها فنا ؟؟
***
دي آمالي العريضة البيها أشوف
دنياي سرور وهنا
وصباحي الزار بعد ليلا ً
سهرتو ضني
حبيبية عمري , آمالي وأعز مني
وشعوري الفايضة في جواي
هناك .. وهنا
وحروفاً ديمة أفخر بيها وسط الناس
وفي الدارات أشيلا غنا
دي حبي البين ضلوعي
إشراق ونور وسنا
تسألوا عن حبيبتي انا ؟؟
***
اسألوا عنها بتلقوها
في كلمة سلام ما أتقال
وما قالو الحبيب لحبيبو ..
أبدأ .. وما خطر بالبال
في رنة نغيم سلكاية ..
وفي سيرة العديل والفال
وفي زغرودة في الدارة
وادين مرفوعة للشبال
بتظهر في جلال لقيا
وتبين في براءة أطفال
بتسألوا عن حبيبتي أنا ؟؟
***
حبيبتي نغم حنين ..
ينساب مع موال
من عالم بعيد جواي
يموج بالبهجة
ينسيك إنو لينا زوال
فيهو أحلم وأشوف واحات
خضرة كست تلال وجبال
عالم في ترابو الغالية
ما حطت رحال ورحّال
وما عبرت سهولو أحزان
ولا هجرت رحابو آمال
عالم .. عندي أشوفو حقيقة
إلا الناس تشوفو خيال
تسألوا عن حبيبتي أنا ؟؟
***
حبيبتي أنا من عهود الريدة
عهداً باليمين أوفيهو
وحتي ان كان شقيت في دابا
قلبي تكون سعادة عليه
شان لولاها ما كان ينسي
أيام مرة من ماضيه
شان لولاها ما كانت
تزور البسمة يوم شفتيه
شان لولاها ما دنياه
باسمة والحزن ناسيه
وشان لولاها
ماعاش في نعيم
الناس تحسدوا عليه
تسألوا عن حبيبتي أنا ؟؟

العمرابي
15-08-13, 10:41 PM
الشاعر/ ابراهيم ابنعوف
أغنية للوطن

يابلد عاشق ترابك ومن ترابك عشقي نابع
زينة فوق ارضك طبيعتك جنة الله بلا منازع
***
انت طيب .. ياحبيب وطيبة فوق صدرك منابع
انت توتيل انت بركل وراسي للقاصدك يضارع
ياتواريخ للحضارة يا حضارة كتابها ناصع
ويا بطولاتاً تجلجل في العصور والمجد تابع
***
يجري نيلك فوق عديلك يسري بالخير والمنافع
شارفه جنات فوق ضفافك طيبها من عرق المزارع
ياسلام عند المغيرب سرب طير لاوكارو راجع
غني للأنسام شجونو وصفق الموج المسارع
***
في خريفك زاهي ريفك كاسيا هضره وصيدو راتع
وفي البعيد حد ما تعاين حاضن السماء للمزارع
تلقي تربالا مشمر في البرد والحر يصارع
هاشي باشي علي ديارو وراضي بالقسمو الله قانع
***
من صفاتك جن بناتك ولبسن التهذيب مقانع
بي حياهن وبي عفافن طششن عين المطامع
السميحات يا حلاتن يشبهن لك بدر ساطع
فتحت زهرات صباهن عاشقن للحسرة جارع
***
مرحبابك .. بي شبابك وشيبك الفي حماك يدافع
شالو اسمك في صدورن وسيفن اللي الفتنة رادع
يا وطن ليك التجله من رجاك جفت المضاجع
حيهم وبارك خطاهم ساعية للغيط والمصناع
***
يا حياتي .. وذكرياتي ويا هواي من قمت شافع
كم أحبك وأفدي حبك لا أجادل لا أمانع
يا وطن أهواك مخاطب يا وطن أهواك مسامع
يا وطن أهواك قضية فيها خاصم وبيها لاافع

العمرابي
17-08-13, 07:39 AM
الشاعر/ ابراهيم ابنعوف
بت من الماضي


كيف اوصلك ؟! وكيف أقدر .. أنساكي وهواك ما بنترك ؟!
أحترت فيــك وأحتـــرت في .. القـــلب اليفكـــو وينشـــبك
***
يابت من الماضـي ومأججـــه .. ذكريـــات .. تعجــن تــلك
في حترب البال الموقع من .. جدار عقلاً مقـرب يتســــهك
مالك علي .. راماني بين ؟! .. أخطا وأصيب آمن وأشـــك
وأنا لا كفر يوم بي هواكي .. ولا دخــــل قلبــــي الشـــرك
***
وين إنتي من طول الرجا .. وحبل الهـــوا الما بيتمســـــك
وصبراً ألــتقــو بالصبـــر .. من تانـــي يرهـــف ويتهـــتك
دليني غــاب محـــراك علــي .. وأبــت المســـالك تنســلك
وين في محطات الزمان .. أصباك وعارض الشـوم يفـــك
***
اسأل عليك رجع الغنا .. المنضوم عـــلي حــــنّ الســـــلك
والشوق يسرسف فوق .. نسيمةً راحلي جوف ليلاً حلـــك
كان تلقي عندك صيبه لي زولاً يداري دموعه بي توب الضحك
ومرات يفتش للبكا .. وما يلقـــي دمعـــه عشـــان يبـــــك
***
لا تتكلينـــي علــى الحظـــوظ .. ما لــيّ حظــــاً ينـــدرك
والناس حظوظها تغيب تجيب وانا حظي في اللا شئ يسك
أحلامي ما بــين الغـــيوب .. فــّرت طيوفــها أبــت تــــرك
وأحزانـــي تتعاقــب فصــول .. حابكــاهن الأقـــدار حبـــك
***
أديتــــك البقـــدر عليـــه .. الطالبـــاه والغيــــــر مطلـــبك
والقلب ما ملكت يداي .. طوّعتــو ليـــك وأصبـــح ملــــك
وما باقي شرطاً في العقاب .. يرضيك ويرضــي تصــورك
غير روح خجوله من المروق ..منضاري في جسداً هلــك

العمرابي
17-08-13, 07:43 AM
الشاعر/ ابراهيم ابنعوف
لا تسافري

تسافري !؟ أوعك ما تسافري وراك الأيــام .. كئيبــة
أملنا وغايــة منانــا وجرحنــا الليهــــو إنتــي طيبــه
***
تسافري بخاف يوم وداعك وأخاف اللحظــة الرهيبــة
وأخــاف تفضحنـــي عينــي دموعهــا تكـــتر صبيبــه
وأخاف كلمات بيها أصارحك تخوني ويقســـي ترتيبه
وأخاف روحي قبــل توادعك تـروح ما أقــدر أجيبــــه
***
بوادعـــك لـو كنــت بقــدر قليبــي عيونـــك يسيبــــه
تجـــرح وحـــد ما تجــّرح يريدهـــا وبقــي مبتليبــــه
يحنلا ـ بي شوقهـــا يـــرزم رزيـــم اللتمــد قضيبــــه
وتجهجــه فيـــه الليـــالي وبعيـــد للتوبـــه والنيبــــه
***
بيرضيك إنك تسافــري وتخلــي وراك فـــي مصيبــــه
أقنّـــــب أكلـــم وأوصــي وصيتــــي يفــــارق دريبـــه
يصــر من شــدة حماقتـــو يتابــــع أفكـــارو الغريبـــه
حماقــة البقلــع هـدومه ويقــع فــي النــار يصطليبـــه
***
تسافري أنا وين نلقي زيـّك سماحـة وأخــلاق عجيبــه
يا الجمعتي عـيون النوافـر ورشاقـة النّسفــت سبيبـــه
خـــدودك آه مـــن خــدودك أصيـــل المايلــي للغيبـــــه
ونغـــيمك حيــن فــّي يســـري بـــلا الضاربــاه وتيبـــه
***
إنتــي سفــرك يحـــزن بلــــدنا لأنـــك ليـــها الطبيبــــه
ولأنك شلتـــي حـــب ناسهـــا وقليبــك ما خـــلاّ طيبـــه
وتاني لا يومين لا تلاتي دي سفـره وراها طــول غيبــه
تبقي كيـف لليــوم ما يشوفــك عليــه تضيــق الرحيبــه
***
كدي أخري سفـرك شويـّه وتعالــي ابقــى لــيْ قريبـــــه
وكمان لو هان خاطري عندك أرضي خاطر البلد الحبيبه
مناي تمسيني وتصابحـــي وأكــون جنبـــك لا مغيبـــــه
وأشد قلبـــي وتـــر ربابـــه وحـــروف أسمـــك أغنيبـــه
***
أنت كم زيك زهرة يانعة إرتــوت فــي أرضنــا الخصيبـه
من نقـّـرب ننســـم شذاهـــا المـــدن تقطفهــــا تنتشيبــه
وكتيــر فينــــا مـن المجــّرح قليبـــو ومجـــروح قليبـــه
وفي النهاية قدرنا إنو نزرع حصادنا الندمـه والخيبـــــه

العمرابي
17-08-13, 07:49 AM
الشاعر / ابراهيم ابنعوف
عتـــــاب


تقدر تقول لى تعتذر أيه الحماك ؟
تكتب ترسل لىّ ولاّ جفيت براك ؟
***
وين رسايلك لىّ عاد .. قول لىّ يا أجمل ملاك
ما مرّن إسبوعين تمام انا فى إنتظارك وفى رجاك
ما كان فى داعى عشان أقول ما انت عارف الحال براك
يرضيك أكتم الريد واموت ولا انفضح للناس وراك
***
كلما تجينى رسالة اقول ياروحى زولك دوب طراك
تقلدنى قوّى من الفرح وكتين أقول جوابا جاك
لكن فرحنا يعود دموع وألقاه تب ما خط يداك
ساكت بلا بالشوق عليك شحتف رويحيى المشتهاك
***
ولا انت خلاص نسيت العشرة لمّا رحل هناك
ونسيت قليب كان ليك رفيق ياحليل خُطا السارِن معاك
ما كان بيتمناك سعيد ما كان بيشقى عشان شقاك
ومن حبه ليك بس ما فضل غير فى التراب يحضن خطاك

***
والله لو تسأل على أنا حالى بعدك حال عِداك
دنيايا ما زارها الصباح والنوم جفانى رحل معاك
وزمانى اقولو كفاى هموم يرجعلى تانى يقولى هاك
ياهو المقدر ياحبيب والدنيا مابتديك رضاك
***
أنا غايتو ناذر حبى ليك لا يحب ولا يعشق بلاك
حتى إنبقيت بالحب ودِر وشارف على درب الهلاك
ما دام سعادتى بشوفا فيك .. ما دام حياتى بقت هواك
فى الدنيا أحبك للممات وفى الآخرة برضى كمان معاك

العمرابي
17-10-13, 06:54 PM
الشاعر /السر عثمان الطيب
قروش الجن


وقع ما سمى
قلبى وحاتك مما فاتك يوم ما انجم
وقروش الجن دى اريت يا وطنى
بعيد عن ارضك ما تتلم
يا بلدى
يا زول قادل
جلابيى فرد ويحيدى
قديمى نضيفى قانع بيها
وسيف كاويها وبارم العمى
نفس غنيانى جيوبك فاضى
بس لكن للمحتاجين دايماً مليانى
عوافى عليك عوافى
عوافى
يا المابتعرف قولة مافى
وما بديك ما عندك ضمة
وساعة الحارة وكت تتلم
ديوش وديوش
ما بتندس حرم فى الحوش
جفير سكينك تجدعو غادى
دمك يغلى تفور وتهوش
تبشر زين تنطط زين
تقول فى دارك عندك بوش
وعدوك لى بعضو يصيح حوش
مسور يا بلدى ومابتنحاش
يا المتل الغيم للفى بيوضة
يجيبلو رذاذ ومعاهو دعاش
يا الذكرك دايماً فى قلبى
يا الزارع الورد على دربى
انا ابنك عاق جافيت حبى
وجيت هنا فى الغربة متكرن طاش
بكيت وبكيت والشوف من دمعى
بقالى طشاش
آه يا بلدى مليون آها
حتى غيرك ما لى عزة
وما فى وجاهة
يا الذكرك دايماً فى قلبى
يا الزارع الورد على دربى
وقروش الجن دى اريت يا وطنى
بعيد عن ارضك ما تتلم

العمرابي
12-02-14, 12:38 AM
الشاعر / خليفة عثمان خليفة
حق الأم
أبوك لبى نداء الأجل خلاك فى الأرحام جنين
عند المخاض ساعة مجيك طار المنام من أى عين
يوم قالو لى أمك ولد وفى الفرحة غرقو الحاضرين
سرحت مع الأحلام سمت قالت عشاى يكبر متين
أشوف جديدو أضوق حلوهو الناس يقولو عديل وزين
يزرع حياتى هنا وسرور يملاها بالمال والبنين
اتحزمت واتلزمت وسألت إله الكون يعين
صدت جميع المغريات ورفضت إعانة كل معين
صبرت على ظلم الحسن وجازيت بى ظلم الحسي
*****
حليلك يا الضميرك مات ودست قيمنا واتوطيت
تابع نفسك الأمارة حدك فتو واتعديت
قول لى يا خى لو بالجد وعقلك فيك وما جنيت
تسمع كيف كلام مرتك وترضى أمك تفوت البيت
زهدت فى نعيم الدنيا شان فاخر الثياب تكسيك
ورفضت بى أدب خطابا شان ما يبقو ليك شريك
حلمك قبل يصبح منية ختتو ليك بين إيديك
بالهنا والنعيم العشتو حلمك اترابك الحوليك
صبحت جنتا وأحلاما غيرك ما فى ليها طريق
راس الشوكى لو مساك يشعل فى قليبا حريق
تطويها الهموم والغمة لمان إنت تصحى تفيق
لو فد يوم حردت غداك يومين ما تفك الريق
بالجد والعزم والنخوة والصبر النجد من ضيق
وربت بالحلال والله شاهدين العزول وصديق
ناس الحلة والعرفوها والجيران فى أى فريق
ما ذكروها غير حمدوها بالمصلاية والإبريق
لكن وا ضياع ترباتا حقها ذرة ما أوفيت
حليلا ووا خسار بلالا يبقالك سعيد وبخيت
كايس للسعادة دروبا دابك بى جدارة شقيت
فرشك تانى يبقه جحيم ومابتقدر عليهو تبيت
غرقت فى الهموم والآهة ايدك ليها ما مديت
ومرضت ما سعيت فى علاجا لا هماك لا اهتميت
مهما تصلى والله تزكى كان عمرت كان حجيت
رب العزة كيفن يرضى أمك ليها ما أرضيت
كيف ينتم ليك مراد وضاع راس العشم والخيط
ولسه فى الغلط متمادى السويتو قايلو بسيط
مفضوح تانى ما ضاراك لا ليل لا زمن لا حيط
عين الناس محل ما تمشى استنكارا بيك يحيط
وين راح تلقى زى الأم قلب وافى وحنانو وهيط
وما فى شبيها غير نخلتنا لما تشيل تسوى سبيط
جازت بالرطب راميها ما قالتلو إنت قسيت
قاومت أى ريح جاييها عشان الطير عليها يبيت
يا شارب كؤوس الغفلة لو صحاك غناى ووعيت
حصل والدتك رضيها طوق جيدا بالسوميت
والله أحسن جناك الوالدو فيك يسوى ما سويت
حق الأم قرض .. صدقنى.. ضاقتو فى جليدا كريت

العمرابي
27-04-14, 06:30 PM
الشاعر / خالد شقوري
غيم الوداد

نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
***
تعال يا العمرو ما غبا
تعال أنا وأنت في عينيك من عينيك نتخبا
تعال أشواقي ما قدرت تقاوم نسمك الهبا
كان جيتك تكون أروع زمن دابو الحرف تبا
زاهية الدنيا بالأفراح ولسة أساي ما تبا
وكنت دخرتلك غنوات عشان أحلامنا تتربا
كفاك طول الأمـل يا ليـل
أخير تديني باقي الحيــل
قبل يجرف هواي السـيل
وألم في العمــرو ما غبــا
معاك ببني المشاعر بيت
معاك بحلف بقـول غنيت
ولا بندم وأقول يــــاريت
ولا بالجــــــــاي بتنبـــــا
***
نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
***
وكان حبل العمر ساكن
بسيمة زولة تتحبا

العمرابي
27-04-14, 06:33 PM
الشاعر/ خالد شقوري
لا تنجع

يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
***
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
***
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
***
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
***
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
***
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
***
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
***
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
***
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
***
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

العمرابي
27-04-14, 06:35 PM
الشاعر / خالد شقوري
مسافة السكة


كنت بقصِر المشوار لو عارف متين أرجع
كنت بحدد الميعاد وأبقى من الزمن أسرع
إلا مصيري في الأيام هي البتقول وأنا البسمع
وما لاقاني يوم في الدنيا زولاً حظو كان فاتو
***
مسافة السكة وأرجع ليك معايا الشوق وغُنواتو
أنا البهواك وقلبي عليك وأنا الزول البِحب زاتو
***
مسافة السكة مهما تطول برضي مصيري أرجع ليك
ألم حزن السنين الفات وأقيِّل في ظلال عينيك
ألمِّع بالحروف دنياي وأخاف أحزاني ترسى عليك
ألِِم باقي العُمر تحنان وأقول للناس حِكاياتو
***
ما يهِمك كلام الناس وحاتك إنتي ما ناسي
أنا البحسِب عشان ألقاك ثواني الفرقة وأنفاسي
وعارف لوعتك يا روح كيفن إنتي بتقاسي
وأعمل إيه مع الأيام مع قلبي وصباباتو
***
مراسيك وين عشان أرتاح وأعِوض قلبي عن صبرو
معاك بحصِد من الأفراح حصاد زولاً زرع عُمرو
أنا الراجيك ولي جِراح مُناي بي إلفتك يبرو
والآقيك في زمن نشوان تصُب للحب غماماتو

العمرابي
27-04-14, 06:38 PM
الشاعر / خالد شقوري
حواء

ضمه جسم الليل عويله وضمت الاهـات زليلـه
حوا يانـاس ياحليلـه وثانـي يانـاس ياحليلـه
ماسكي كف الثوب تخيط والدموع تنـزل هميلـه
كان متاكي الباب وخايفي من ابوها يشوف حويله
مالعليهو هو ماهو هين كيف تعل روحو العليلـه
كان يقول لها حوا مالك والعذاب كيفن مشى لـك
حوا لا تزيدي العليكي فوق كتيفي انا شايلو فالك
حوا ماهميني حالـي الا بـس هامينـي حالـك
حو ا حوا باقي نصبر ونحبـس العبـر الثقيلـه
حوا برد الدنيا اكبـر والله اكبـر مـن عغتاهـا
كان بامكانه تسرق بس ضميـر الخيـر حماهـا
زاد ازاها وزاد شقاها لمه ابوهـا الراجيـه ودع
وروحـــو دقـــت بـــوغ رحـيـلــه
حوا قالت داير تاكل لو لقـت لهـا لقمـه نيـه
قالوا ليها ان دايري تاكلي اكلي في خاطرك شويه
اضحكيلـم وابسميلـم تلقـي بـدل القمـه ميـه
حوا قالت دايره تغمر لو حلـم بالفرحـه طافـه
قالو ليها الدايري تغمر الا في صـدر السخافـه
بينا وبين عيشة المعزه ماخلاص بعـدت مسافـه
حتى قدر الموت اباها مش حرام الموت ياعافـا
سوت الشاي للعطالـي ماجنـت غيـر الرزالـه
حامت الحلات تغسل شالو نـاس الحلـه حالـه
مـدت الايـد للعمايـه ختـو فـي ايدينـه لالا
قنبت في ضل مصغر سارحة تلتـق فـي نعالـة
في ضجيج عجلات زمانه مانست صرخة جماله
حوا ماتت لمـه ماتـت امهـا وكانـت طفيلـه
ماتت لمه ابوهـا روحـو دقـت بـوغ رحيلـه
وماتـت الـف مـره لمـه سلبوهـا الفضيلـه

العمرابي
27-04-14, 06:41 PM
الشاعر / خالد شقوري
أم الحسن

وقفت بعد حلبت لبينة الشاي تكورك يا الحسن
يا ام الحسن وينو الحسن
لمن صفت رغوة شخيبات اللبن
في حلتا المبني من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجي خير
قالتلو خير تعال لي جاي
دايراك تعنون لي جواب يا الراسي لي ولدي الخدير
لا تبقي زي شافع السرير
يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت
لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
العشى غنمو من الدرب سرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول وأكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضلي بس منو اليقين
وانت طول في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات آجناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين
انا كت برسلا ليكا في لوري الخزين

العمرابي
27-04-14, 06:44 PM
الشاعر / خالد شقوري
صبرية

طفت اطراف الفيافي
شلت صبحي وليلي حافي
مانسيت ارد القوافي
زي طعم صبريه مافي
زي عشم صبريه مافي
زي نغم صبريه مافي
***
شافعي من عربان بلدنا
منها وفيها الوداعه
شتله في قيزان بلدنا
قايمي بايده وضراعه
القديم اللافه طرقي
زاهي في روعة طباعه
البسيمات في وجيها
الباهي من زمن الرضاعه
فاقعي زي شمس العصاري
في العمر باقي له ساعه
في القليب الشايله صافي
زي صفا صبريه مافي
في الهجير راحت تدقق
في النهارالحار تورق
للهدوم بالليل تلتق
***
في الجرف زارعه له حوض
راجي قبل الحين يبتق
والبسالمه من بلدنا
هي تقولو انشالله عافي
زي كلام صبريه مافي
وزي سلام صبريه مافي
في كريقة خاله احمد
شايله ليله وايده تنبح
شوكي لاقته في دريبه
لما كان بالمعز تسرح
نامت المسكيني تقنت
والفوينيس زادو روح
باقي تمتمه في خشيمه
تسال الله المسره تنجح
ماله مال المسره الا
شان حبيب روحه يفرح
***
دي البنيه الريده وافي
زي غرام صبريه مافي
زي شعور صبريه مافي
زي غرام صبريه مافي
رادت الناس السمر
رادت الصفا والعكر
رادت الموج الهدر
ردات الحله وبيوته
***.
في عيون صبريه طلت
ريدة الخلا للبحر
نافري من قيلة الكرارق
وخايفي من قولة السفر
والرحيل السرو خافي
في قلب صبريه مافي
في زمن صبريه مافي
وفي خيال صبريه مافي
***
والنهايه المن فصول
سيرة البنيه
لما عادت للبيوت
الكانو قبل المغربيه
مالقت غير الزوامل
شايله احلام الصبيه
شايلي عيدان الكرراق
في الصباحات والعشيه
ضاربي بطن الوادي
زفه لمت الناس والسعيه
والمطيره الضاربي
قبلي لاقت الدمعه العصيه
***
والرحيل عز البوداي
الرحيل وجع البنيه
زي رحيل صبريه مافي ِ
زي سفر صبريه مافي
زي حلم صبريه مافي

العمرابي
27-04-14, 06:59 PM
الشاعر / خالد شقوري
غلطان أنا

عاشق عيونك كم سنـه معليـش خـلاص غلطـان أنـا
مشيـت علـى دربـك سنيـن افــرش دريـبـك بالمـنـى
سرحت فى واديك زمن ناس الهمـوم نـاس الضنـى
كتبـت فيـك احلـى الكـلام نظمتـا فـيـك اجـمـل غـنـا
خليـت يميـن كـل الـبـلاد واختـرتـا دنـيـاك احضـنـا
معليش خـلاص غلطـان أنـا وكـل الحصـل بتحملـو
***
انا لى زمن متمنى يوم آخـر المطـاف بـس اوصلـو
ويقولـو لـى مبـروك عليـك ونبـدأ الفـرح مـن أولـو
نضحك كتير جنب الصحاب فى يوم سعيد ما اجملو
معليش خلاص غلطان أنا غلطان عشان بغلـط كتيـر
***
غلطان عشان قايلك هنـا إمكـن معـاى تبـدى المسيـر
غلطان عشان من النسيم لو مـس لـى جسمـك اغيـر
غلطان عشان من دون جراح فى دنيتك دايـر اطيـر
ماكان زمان بتقولى لى غيرك محـال اعشـق حبيـب
مهما قست كل الظـروف أنـا ليـك مـا ممكـن اسيـب
آيـه الجديـد فـى حبنـا آيــه الحـصـل آيــه الغـريـب
لو ما الزمان غير هواك ولقيتى لى جرحـك طبيـب
قولى زى ما الناس تقول انو الزواج قسمه ونصيب
معليش خلاص غلطان أنا ومن قلبى ليك كل المنـى
***
تتهـنـى بــى فــرح العـمـر ويــذدان قليـبـك بالمـنـى
ياهو القدر وانا راضى حتى لو انكتـب لـى الضنـى
تتهنى انـت مـع النصيـب وانـا ليـك بنظـم فـى الغنـا
اصلوا الحصل ما منك انتى بس صحيح غلطـان أنـا
__________________

العمرابي
27-04-14, 07:01 PM
الشاعر / خالد شقوري
بلد الغبش

يا راحلى لبلد الغش شيلينى فى خاطرك نغيم كان القى لى هناك عش
وارجع معاك انا ياطيور .. خلف الزمن كمين سنة
اتمد فى امل الوصال .. وارحل معاك سرب المنى
وانزل هناك انا فوق تقى ..واطاطه يابسى مشققه
كانت مسقية بالغنا وليك ياطيور كانت وطن كانت رخا وخيرادن
***
اطرا البلد وناس البلد ..ليل البلد وصبح البلد
لو عارفى يا الفاردى الجناح انا بي شوق ماليه حد
للنيمى والضل الرهيف .. والنسمة والسعن والبرد
لى لوبى فى صدر الجروف .. والنيل من الحيضان شرد
***
لى ابوى فوق برش الصلاة .. فرش طرف توبه ورقد
لى مرقة القيت العصير .. قاصد سبيل الخير قصد
لى لحظة من عمر الزمان لا حسرة لا هم لا حرد
***
آهـ يا طيور واشوقى انا .. انا ياطيور مشتاق كتير
ما لى جناح متلك انا .. لو لى جناح انا كت بطير
وانزل قصاد بير الفريق .. لى شوفت الواردات عصير
وامسك دلو الرايقى واجر .. واملالها وابراهن غفير
لامن خلاص هن يوصلن .. وانا تانى اواصل للمسير
***
اوصل هناك حد الترب .. واقعد قصاد جدى الكبير
اضحك من الشبه الشديد .. بين حظى والليل والمصير
واذكر الزمن البعيد .. وكتيت ابوى الحاج سعيد
يقلعلو فى انتاى كانت .. قايمالها فى حوضا جديد
***
وانا ذكرة الناس العزاز تلقانى فى نومة الدغش آهـ يا طيور آه

العمرابي
27-04-14, 07:04 PM
الشاعر / خالد شقوري
نوم العافي


إنت ياوافي الصفات ياصافي
نوم العافي
يالقمر المغطي الحلة بي ضيو وسمرنا قوافي
يا لحني البديتو معاكي قبلو الدنيا كانت مافي
......
نوم العافي لامن خيل همومي تعدي
وتصحي عوافي تلقي الدنيا لسع تدي
ما الزمن الجديد الجاي بي طل الأماني مندي
والريح المعانده الموجه ما بتقدر تصد مجدافي
......
نوم العافي يا سر الغنا الجواني
يامعنى السماح والطيبة والنفس الدوام غنياني
ماالأمل الملازم الإلفة لمن تسري في وألحاني
والشوق المحدد دربو عازم إنو بكره يوافي
......
إنتي لاقي المعنى قبال الغنيوة تلاقي
وفجي النسمة وأنزلي بي طريف الساقي
وأوعه تغيري لما تعرفي حتى القيفة من عشاقي
لو ما الليلة بكرة بجيكي شايل حلمي فوق أكتافي
......
صحي الماضي والشوق المعاك غنيتو
وأحلم هاني بي إنك مناك لقيتو
باكر تلقى يازاهي المعاك بديتو
وألقاك في عيون الغنوة زي لحن الصباح الدافي

العمرابي
27-04-14, 07:09 PM
الشاعر /خالد شقوري
بت حجيوة --------------------------------------------------------------------------------

طفلة ريانة وحليوة
من سواكن ووادي حلفا
كوستي سنار ام ضريوة
بت حجيوة
لابسة لون المغربية
وشايلة للفاشر غنيوة
قومي يا بت التبلدي
لاقي خيتك في الدرب
جاية من كل الجهات
بالصباح والامنيات
والغنا الضد الحرب
الزمن زمن التصافي
والسفر سفر العوافي
اتجاه الشوق غرب
خطوتك يا ام زين عديلة
وواثقة يا بت القبيلة
السلام دايرلو همة
وانتي شيالة التقيلة
احكي للدنيا الورانا
قصة البت الاصيلة
البتزرع دار ابوها
والبتحصد جنب اخوها
والبتفرح بالقليلة
الموسمة بالشرافة
والمحصنة بي عفافا
والمزينة بالنفيلة

العمرابي
27-04-14, 07:12 PM
الشاعر /خالد شقوري
شيلة ..في رثاء محجوب شريف

--------------------------------------------------------------------------------

زي التقول ولدة خريف قايم وريف
وقليبو زي برد السحاب ابيض نضيف
وملامحو زول ..زول ود بلد هادي وظريف
واحلامو تيراب الغبش الحوشو البيت بالصريف
والنامو صاحين بالغنا ومتعشمين حتة رغيف
زولا تختو علي الجرح يبراه بالخاطر العفيف
مرات يغني كما القطر واحيان موقع بالحفيف
واطفالنا تيراب البلد اهداههم القافيات رصيف
واهدانا ميلادو ومرق زي ما دخل ..محجوب شريف

العمرابي
27-04-14, 07:16 PM
الشاعر /خالد شقوري
حلم باكر --------------------------------------------------------------------------------

نوحد يا وطن وسمك
ونرفض يا وطن قسمك
عشان يتسامى فوق اسمك
عشان يلصف بريق بسمك
عشان تظهر خطوط رسمك
عشان تعبق طيوب نسمك
نوحد يا وطن وسمك
***
ونبقى البسمة للعالم
لما يشوفنا نتسالم
ونبقى الحكمة للعالم
يوم يسمعنا نتكالم
ونبقى الإلفة للعالم
وكت حنية نتعازم
ونبقى العزة للعالم
لما نفوسنا تتلاحم
***
اتعلمنا من الليل
نضاري حزنا بالفرحة
واتعلمنا من النيل
نفسنا يطول مع السرحة
من الصبح النسيمو عليل
نخلي وجوهنا منطرحة
ومن الوادي الفسيح ووسيع
نفوسنا وسيعة منشرحة
***
نشيل في يمينا إلفة وريد
وفي ايدنا الشمال جمرة
زنوج وعرب مزيج راقي
نباهي الدنيا بالسمرة
نعيش ايامنا متطايبين
وبينا نقسم التمرة
ولو حتى الشمس غابت
عيونا بتقنعا القمرة

العمرابي
27-04-14, 07:20 PM
الشاعر / خالد شقوري
عيدك يمة[/COLOR[COLOR="Blue"]]*****
صباحك أنتى شايلو نشيد
وأماسيك يمة بالتغريد
و مابتحوقلك الأيام
عشان إختارلى منها عيد
***
عيدك يوم تمرقى عصير
على العرسان تباركيلم
وعيدك فى البساهروبك
نصايص الليل تعاينلم
وعيدك يوم تشدى اللوبى
والجيران تقسميلم
وعيدك فى شراب الشاي
صغار وكبار تصفيلم
وتملى البرطمانيات
وتانى كمان تطبقيلم
وعيدك والبطان حوليكى
صابى حجاكى تحكيلم
وعيدك وانت والكداح
تشاشى نغيم مواويلم
***
وعيدك يمة بالتحديد
يوم يدخل علينا العيد
وكل البيت جديد فى جديد
وانت مع الحلل والصاج
تحضرى فى فطور العيد

العمرابي
27-04-14, 07:23 PM
الشاعر /خالد شقوري
ما فضلوا شوق --------------------------------------------------------------------------------

ما فضلو شوق قدر اليغنيبو
ولا فضلو قول يقدر يناجيبو
يا حليل النغيم الكان يدوبيبو
يقطعبو النهار والليل يعديبو
*****
حنست العيون كم مرة ترتالو
وصيت الحرف ما ينسى يسخالو
المسكين نجع في نجعة آمالو
حتى الشوق كمان ما ظنو حاسيبو
****

بينات العيون تاهت كليماتو
وقبال الكلام تلفاك آهاتو
يا قافيات تعالن شوفن الجاتو
لا لمة فرح لا حن يداويبو
****
الايام تقال هدنو بي شيلن
والاحلام قلال ما كملن ليلن
طاويهو السؤال واشواقو يا حليلن
راحن في النغيم الكان يواسيبو
****
في بالو الرجوع والحلة هافالو
الناس والنخيل والخلة واطفالو
يا ريت السنين ما تقسى ترتالو
والعمر القسم يلحق يصافيبو
*****
غربة بلا وجيع وبلا حصادا صح
والسفر الطويل شايل عذابو يوح
قدامو الهموم منصوبة مابية تزح
قصة زولا نجع والناس تهاتيبو
****

العمرابي
01-05-14, 04:31 PM
الشاعر / الفاتح إبراهيم بشير
الطمبور
معروف من قديم انو الجمال نسبي
وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان الاله خالق العباد ربي
سوا قدح حراز دكا راصي العربي
مكسي جلد بقر ومطلي وتقول دهبي
وفوقو تلات عصي واقفات بلا شعبي
وخمسه سلوك حنان موزونه بالنسبي
لو رنة تزوب ترقص جبال كجبي
البركل يمر يتحول العقبي
لو ما كت بخاف والناس تشيل كضبي
كت بقول يرن وتتحل لوكربي
اندح الوئام بين الخلق يدبي
والبوسني الجريح يستئمن الصربي
بالطمبور دوام يتلاشي كل سلبي
وينشرا الفرح من كايا لا اوربي

العمرابي
01-05-14, 04:34 PM
الشاعر / الفاتح إبراهيم بشير
الطمبور
معروف من قديم انو الجمال نسبي
وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان الاله خالق العباد ربي
سوا قدح حراز دكا راصي العربي
مكسي جلد بقر ومطلي وتقول دهبي
وفوقو تلات عصي واقفات بلا شعبي
وخمسه سلوك حنان موزونه بالنسبي
لو رنة تزوب ترقص جبال كجبي
البركل يمر يتحول العقبي
لو ما كت بخاف والناس تشيل كضبي
كت بقول يرن وتتحل لوكربي
اندح الوئام بين الخلق يدبي
والبوسني الجريح يستئمن الصربي
بالطمبور دوام يتلاشي كل سلبي
وينشرا الفرح من كايا لا اوربي

العمرابي
01-05-14, 04:38 PM
الشاعر / الفاتح إبراهيم بشير
قبــــلة غُنـــاي


احترت كيفن اوصفك .. والله يا قبلة غناي
لو كان بحور الكون مداد بتجف قبل ما تنصفك

حاولت اكتب ليك واقول * واوصف ملامحك بالشعر
لكن حروفي تذوب عديل * قدام عيونك تنصهر
يا عايشة في دمي وغناي * يا ديدن الروح والفكر
خلدت اسمك بي حروف * قطرات دماي كانت حبر

يا غنوة في وتري الحزين * يا ضحكة في الزمن الصعب
يا واحة في عز الهجير * يا راحة من بعد التعب
يا نسمة هبت في الدغيش * عزفت علي وتر العصب
يا رحمة من رب العباد * مكبوبة فوق خلق الله كب

سافرت في عينيك سنين * زادي المعاي ابيات غنا
مكتوبة بي دمي الصبح * شلال من الهم والعنا
صورت احساسي الدفين * بي قافية ليك معنونة
بتقول بلا كلفة ورتوش * يا انتي يا الموت والفنا

احترت في وصفك انا * وحارت معاي كل الحروف
مرات بشوفك يا مناي * ياقوتة في قلبي الولوف
مرات بشوفك ضي امل * دبج خطاي رغم الظروف
مرات بشوفك جارية نيل * امواجو عانقت الجروف--------------------------------------------------------------------------------

العمرابي
01-05-14, 04:41 PM
الشاعر/ الفاتح إبراهيم بشير
عشان خاطر عيونك


عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين واقوت مرتع صباي واهلي
اشيل الزاد غنيواتن اردد فيها من جهلي
كلامه يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرته عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغل قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال

العمرابي
01-05-14, 04:44 PM
الشاعر / الفاتح إبراهيم بشير
يانسمة مين غيرك

يانسمه مين غيرك يكسر حواجز البين
يتحفني بي اخبار مريودي نور العين
طولته مستني يكتبلي لو سطرين
يحكيلي كيف حالو وان شاء الله هو زين
مفروض يكاتبني مهما اكون انا وين
حسب اتفاقنا الكان يوم كنا متفارقين
رسلته مكتوبين ما جاتني أي ردود
ان شاء الله مانعو هو خير لا يبقى صد وجحود
يا حليلي انا الممكون وصابر على ناري
وكل ما ادس حزني تفضحني اشعاري
وكل العلي والبي اسبابو من جاري
ويومي الاقصر انا ما بيقبل اعزاري
يا نسمه قوليلو الحال وراك مايل
والليل بلاك ليلين وديمه الدمع سايل
قوليلو يومك داك يومي البقيت راحل
ماقلت لي الرد ما تشيلو هم واصل
يا نسمه عارفاني مكتول ضناني الشوق
للبلد من جم صلحاب كري والسوق
عمرابنا والقوزين ليهن سلام مطبوق
خاصه المحطه تحت وقز ام شديرة الفوق
شوق البلد جواي يا نسمه ازاني عديل
خلاني ابكي وانوح كل ما اشوف النيل
اطرى الجروف والناس تنزل دموعي تسيل
يمارى لي منظر منقه و قرين ونخيل
يا نسمه شفتي البي وتابعتي بالتفصيل
ارجوكي سافري خلاص واوعك من التاجيل
برجاكي فوق نارين حزني وظلام الليل
وبصبر لي يوم يومين فيها الله بيه كفيل

العمرابي
01-05-14, 04:50 PM
الشاعر / الفاتح إبراهيم بشير
أريتو الشوق

أريتو لو الشوق زى البريد بيطوف
أنا كنتا يا خلاي سويتو فى مظروف
سطرت بى دمي أجمل وأرق حروف
وعنوتو لى إنسان ملك السمع والشوف
زولاً بريدو شديد كان لى مسافة طوف
فى لجة الأحزان وكتين ملانا الخوف
بهواهو يا خلاي ودغدغ هواهو الجوف
ما استغلا هواى مع إنى بيهو شغوف
علمنى كيف الريد نبنيهو طوف فوق طوف
ونتحدي للآلآم ونتجاوز أي ظروف
أصلو البريد غير زولو ما بيشوف
لو جابو ليهو الحور قدامو ماشه صفوف
أريت وصالنا يدوم ما يبقى بينا عزوف
نوصل مراسى الريد بعد الشقى المردوف
أنا اصلى يا خلاي بين الخلوق معروف
زولا بريد الناس ودايماً قليبي شغوف
أنا نفسى أشيد دار بالريد دوام مسروف
لى كل زول مظلوم ردا الحبيب مكسوف
بابوا تعبير دوام مألوف
يا صاحبى لا تحزن فى الدنيا نحن ضيوف

العمرابي
01-05-14, 04:56 PM
الشاعر / الفاتح إبراهيم بشير
عفوا


انا قلبى عشان ينساك دايرلو تانى زمن

عفوا حبيب قلبى ما انت لى وطن
***********
انا قلبى ذنبه شنو عودته انت عليك

علمته يبكى ينوح يوم ما يشوف عينيك

وكتين ملكته خلاص فريتها لجنحيك

خاطبته باستبداد قلت ليه اختار ليك
**********

هو الصبار المسكين راجى اليالى تروق

لا كل لا مل لا عاتب المعشوق

كل القدر قاله ياناس كتلنى الشوق

والضقته فى دنياى ما ضاقه قط مخلوق
********
انا يا خلائق اه ضقت العذاب اصناف

شلت الليالى سقد تشهد تبارك وقاف

جربت صبر ايوب كانت نهايته جفاف

والصابنى يالمريود بالعين محال ينشاف
*************
لو دار تعرف البى ارجوك مرة تعال

اقعد وعاين بس ما تسال اى سؤال

انا يا حليلى انا اصبح يمنى شمال

جوايا عشرة اشياء خلت حياتى محال

حظى التعيس الشوم الغيرة والعزال

ليل الضياع والخوف والحيرة والاهمال

انك تملى معاى و بيناتنا كم اميال

احساسى انى بسيط واحلامى واقفه جبال

صبر اً صبرتو عليك ذكرنى سيدنا بلال

حتى ان سكت انا تتكلم الاطلال

وآخر المطاف بالليل سافرت باستعجال

لا طلت بلح الشام ولا ضقت راحة البال

*******
برضك تقول لى اصبر اتحمل المكتوب

واتعوض الله خلاص انسانى يالمحبوب

خلتنى ذى عصفور هبت عليه هبوب

فنتله عشه شمال شالت صغاره جنوب

العمرابي
01-05-14, 05:00 PM
الشاعر / الفاتح إبراهيم بشير
ليه كل الدروب


يا قلبي الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

العمرابي
01-05-14, 05:03 PM
الشاعر / الفاتح إبراهيم بشير
ده الشمال يا الداير تشوفو
شوف شمال اهلي الافاضل ليل نهار في العزة رافل
فيه مضبوع سر الاهي بدري كان تحلمبو بابل
حاضنو هو النيل بي محنه وبس عشانو هو جانا مايل
وانحنى وغير مسارو ولفة ابو حمد الدلايل
كل منابع الطيبه فيه نالبهن اعلى المنازل
وبي شعر محفوظ مخلد في دواوين الاوائل
دا اليطوف هيبة ربوعو يستفيد لو يبقى ماهل
يا يشملو نسمه عابري ماخده ريقه من الخمايل
ويا ملك وجدانو منظر يقتل الهم والبهادل
والرسول قال في حديثو ومافي اصدق منو قايل
الخدار والمويه جمبو بلثم الهم والمشاكل
يا سمعلو قصيده صادقي ترسل الاشواق قوافل
يا نغم طمبور حنين يستقر جوه الدواخل
ويا قمريتا تقوقي فوق تميره صبطه شايل
يا قعد بي ايدينو يشرب مويه صافي من الجداول
ويا يشوفلو كمان مزارع شايل الطوريه نازل
بي نشاط قاصد زراعتو والصعب بيشوفو ساهل
ويا كمان متع عيونو بي حسان زي الارايل
زوق وطيبه ادب خيالي في عفاف ما منو مايل
ويا كمان لاقوهو اهلنا بي كرم من غير مقابل
وروهو انو الدنيا لسع فيها خير وانبل خصايل
يكرموك لو جيته فوقم يجبروك لو ماكا نازل
ده الشمال يالداير تشوفو بالنهار الفيهو حاصل
اما في وقت الاماسي ليلو ضمه جميل وحافل
نتفق من بدري شله ونطلع القيزان قوافل
فيها يجمع شملنا في رباط زي العوائل
ونبدا نسأ ل عن بعضنا يا محمد وينو عادل
وشوفو يا ناس وين سيد احمد اصلو زولا ديمه ماهل
ونمسك الطمبور ننقرش لحن تنهاربو المفاصل
ونحن في عزت قعادنا يبدا واحد داير يجادل
وبي محنخ نقولو ياخي .. يا فلان خليك عاقل
خلنا النسمع معاكا ..اشتهيت بس اسي كامل
ويا فلان قلك قصيده تروي ايا منا القواحل
جايه من وجدان وصادقي ليها تهتز الجنادل
وفي الختام نطرب نغني وما بنعرف قيل وقايل
ده الشمال يالداير تشوفو رغم وصفي انا ماهو كامل
ده الكمال لله وحدو لا بينوم لا بتلقى قافل

العمرابي
01-05-14, 05:07 PM
الشاعر / الفاتح إبراهيم بشير
عم الزين

يوم الناس قالولك لا لا
واترجوك ماتفوت الدار
ضرب بي كلامن عرض الحائط
وشلت شنيطك بي اصرار
قلت بسافر يعني بسافر
كل الناس بتقوم وتسافر
فعلا قمت ومشيت رايك
واتصرفت بدون ماتشاور
جيت البندر بي امالك
الا لقيت الوضع مغاير
خاب الامل الجيت عشانو
وقمت تلوم في الزمن الجاير
===========
كنت هناك بالجد متريح
فوق واطتك طالع ونازل
تاكل وتشرب من نخلاتك
وتصرف وتنفق من غير طايل
آخر اليوم لي بيتك ترجع
لا في مدافره لافي مشاكل
لابتقيف في بص شماعه
دمك فاير وعرقك سايل
لانشال ينشل ماهيتك
لاكمساري معالك متثاقل
لابتأشر للملاكي
سوقني معاك ياعم ان واصل
تحرج نفسك انت بتعرف
انو الطيبه انصارا قلايل
==========
انو تعوم عكس التيار
انت براك البدري اخترت
ليه ياقلبي تنوح تتبكى
وتندب حظك ليل ونهار
===========
لمن قمت وجيت البندر
كنت بظن الحال اتصلح
كنت بتحلم بي مستقبل
فيهو ابواب الخير تتفتح
الا لقيت الواقع امرّ
وزينا ناس تعبانه وتكدح
ناسا عايشه معيشة راقيه
بي تلفونا بتخسر وتربح
وناسا عايشه علي الماهيه
من يوم خمسه الجيب اتقمح
وناسا عايشه على خلق الله
يوما شحده ويوما تلفح
غايتو الحاله معادله صعبه
كأنو الناس قاعدين في مسرح
===========
عتدي سؤال بالجد حيرني
ونشف ريقي وراهو نشاف
ليل ونهار شاغل تفكيري
لما بقيت انا منو اخاف
حال الزول القالو موظف
وراتبو الشهري شوية الاف
لو عديت مصروفو الشهري
اكيد تلقاهو اضعاف اضعاف
===========
حلو معاي المسأله دي
وساعدوا معاي العم الزين
زول محمول وعندو اطفال
عشان ماياكلو يجيب من وين
يسرق ينهب يشحد
ولا كمان يغرق في الدين
عندو محمد واحمد وساره
وخمسه اطفال فوقم تومين
لازم يقرو وياكلو كويس
لازمن يلبسو لبسا زين
قولو معاي يسوي شنو
عشان مايعيشو يجيب من وين
===========
عم الزين يعلمبو الباري
ديمه عليهو الجوف محروق
كان في الماضي ركازة الحله
وياهو البربط للمطلوق
هسه وين ياحليلو التايه
ودر واصبح جنو كلام
يصرف عربي مبالغ فيهو
وناس الحي سمو النضام
مرات يضحك لمن تشفق
ومرات يبكي بكا الايتام
عندو عباره تملي يقولا
اوعك تحسبا بالارقام
تتعب نفسك في تضريبا
وآخر حاجه تجيك اوهام
===========
بعد الشفتو براك ياقلبي
اخير لك ترجع منك وليك
خلي وظيفة المكتب طايره
لا لا قسم مالايقه عليك
عود من تاني وازرع ارضك
دي مابتخدر الابايديك
عزة نفسك في واطتك
جنب نخلاتك وبين والديك

العمرابي
01-05-14, 05:15 PM
الشاعر /الفاتح ابراهيم بشيــــر
الحي بلاقــــــــي

معقول بعد فرقت سنين نتلاقي يا أملي ألِرأح
أمنت بألمثل البقول الحي مصيرو يلاقي صاح
وين كنتي يانور العيون هملتي عشنا للرياح
عصفت شعاع أخر أمل بأمكانو كان يشفي الجراح
رحلتي يا زينة الفريق فارقتي دارنا مع الرواح
نسيتي ماضينا الزمان عديدتي زي الكان مزاح
سبتيني فى ايد الظروف تعبان اقاسي مع النواح
فى ليل طويل مابنتهى فى اخرو ما شفت الصباح
الثانيه فيه قدر سنة الزي ممكون بالجـراح
بحسب نجومو من المغيب لامن يقولو علي الفلاح
والليله جيتي بلا ميعاد زى غيمة صبت فى البطاح
فتقت جروح قلبي الخلاص دار تبرأ يألكلك سمـاح
من تاني عاد حزني القديم ألكنت لابسو زمان وشاح
صحيتي جواي ذكريات طعناته أحدّ من الرمـاح
من قمت اصـارع في الهموم لا عندى مونه ولا سلاح
لامن فقدت انا كل شي اصبحت مكسور الجناح
انا حالي يا بدر البدور برويها ليك بكل صراح
لا بيك ظفر قلبي الرهيف لا متي جواه استراح
انا شن بسوى مع العزول امالى يجتاحة اجتياح
شاكيه لى عالم الغيوب البولج الليل فى الصباح

العمرابي
01-05-14, 06:06 PM
الشاعر / الفـاتح ابراهيم بشـير
كــــــــل الحصـــــــل
معقول تريدلك زول يوم ما سأل عنك !؟
يا قلبى يا مجروح كل الحصل منك
أوعك تقولى الريد أشواقو غلابه
لازم تكسر القيد كان ترضى كان تابه
لو فاكر الأفراح تفتحلك أبوابه
صدقنى يا المسكين يادوبو خاب ظنك
ما ليك تلاتة سنيـــن إنت البتمشيلو
ولو غاب عليك لحظات تقعد تغنيلو
لامن صبح مغـرور شاف نفسو فوق جيلو
قول لىّ متين حياك قــــال ليك كيفنك
ضايع مع الأحلام من قمت وحدانى
لا طلت للنجمات لا عدت من تانى
خايف تقول للناس يغدربك الجانى
ما إنت زول غلبان ما ليك غير فنك
أختا الغرام أرجوك ما فيهو ليك صـالح
أنسى النساك يا زول وأطويهو فى البارح
الدنيا ما بتديك لو تشرب المالح
والنجمة ما بتنوم لو طرت فى حضنك
الدنيــــــــــا يا قلبى شيــالا ختاتة
كضاب تدوم فى حال سايقاها نياتة
مرات تكون حسناء رنانة ضحكاتة
مرات تكون فى حال يا قلبى أخير جنك
يا قلبى أنسى الفات وأسلاهو مريودك
صدقنى مهما كان ما بتلقى مقصودك
خلى الامـــــــــور لله البارى معبودك
بكرة الفـــــرح بيجيك تضحك تبين سنك

العمرابي
01-05-14, 06:11 PM
كلمات: الفـاتح ابراهيم بشير
اسهـل شـي
( ماضي الغرام )

أسهل شئ في الدنيا إنك تريدلك زول
تديهو احساسك يبقى العرض والطول
لكنو أصعب شئ ودا الأصلو ما معقول
تهديلو باقة ريد يهديك للمجهول
نعم الغرام غدار قاضيهو ما مسؤول
أحكامو كلها جور وما عندو أي إصول
ممكن تضيع ولهان الباني كلو يزول
الجاني يبقى بريئ يتحاكم المقتول
وا ضيعة العشاق وقت الليالي تطول
أحلامهم النايرات تهجم عليها سيول
يتهدّ كل الكان تبقى الأماني طلول
لا دمعة تاني تفيد لا بيجني للمحصول
أنا قلبي يا خلاي فيهو الحُزن مشتول
شقيش أودي خُطاي القى الدريب مقفول
زولي البريدو شديد من فاتني تمّ الحول
يا ربي كيف حالو الشوق بقالو رسول
قول لي يا صاحي أنا بالعلي مخبول
احترت في الدنيا وليله التملي تسول
محبوبي فاتني خلاص بدّل يقيني ذهول
وكل ما أقول أوصل القى الدريب مقفول

العمرابي
01-05-14, 06:16 PM
كلمات والحان: الفاتح ابراهيم بشير
بـــراي سـويته في نفسي

براي سويته في نفسي رميت اللوم علي الاقدار
حفرت انا بي ايدي قبري لاني انا ماعرفت اختار
صحيح القلب ما في الايد يداهمو الريد بدون انذار
الا الزيي ما بيبكي لانو براهو خشى النار
انا عارف زيي زويلي عنيد قاسي يواصل المشوار
مابيعرف غرام قدسي ولا بيعرف حقوق الجار
كتير وصوني بي دربي قالولي الزمان غدار
عديت الكلام ونسي قفشات تحلو للسمار
برضي مصر عليهو الريد ياما كتبت فيهو اشعار
انوح واتبكا من تمسه لامن يظهر البهار
اسع زولي سابني وحيد علي الخدين دمع مدرار
راسي علي الضياع اسع برضي بكوسلو في الاعذار

العمرابي
01-05-14, 06:24 PM
الشاعر / الفـاتح ابراهيم بشير
رايـكـ شنــو

رايك شنو نرعى ونصون حق الجوار
يا نحنا نرضى ونتفق يا كل حي يسكلو دار
معقولة طيب طول الزمن راس مالنا يوم الاعتذار
لا اقدر القاك واستريح لا يدرك الليل شهريار
لا انت قبلان تعترف لا قلبو راضي الانكسار
لكن غرورك وعزتي كانت بدايات الودار
اهواك انا و عارف كمان شايلني في دنياك منار
مابين غرورك ودهشتي جنتنا صبحت نار في نار
بالله كان ناقصنا ايه غير نحنا نحترم الجوار
ما ريدنا تشهدلو الجروف والموية والضل والخدار
تذكر ايامنا القبيل احلامنا كان نبنينا دار
ان شاء الله في طرف الفريق ياوينا من حر النهار
ياما كتبنا علي الدروب اشواقنا بي الخط الكبار
يا ربي وين راحو الحنين واللهفة فيك والانتظار

العمرابي
01-05-14, 06:30 PM
الشاعر / الفـاتح إبراهيم بشير
تعــــال راجـــــع


يا راحل كفاك رحيل تعال راجع
كان شفت البلد بي وراك تبكي متل طفل ضايع
وين وعدك معاي يوم قايم كان باصك خلاص ناجع
مديتلك ايدي بي رجفه كلي انا في الحزن قابع
ضاريت الدموع بي توبك ودمعك جاري متسارع
ولمن فيض بكاك بكاني قلت اسبوع واجيك راجع
هسه شهر تمام قضيتو كان جواي سم ناجع
كت بجن وحات عينيك لولا قوة الوازع
من فت الرمال حزناني طرفها ليل نهار دامع
لا رنت طنابير فوقه لا جاها القمر طالع
الحلى القبيل ضامانا بي صدر رحب واسع
انزرع الشتات بيناتنا واختفى اي شي رايع
النيل والنخيل والمنقه ما ارضاهن الواقع
قالنلك تعال أرجوك يا ورينا إيه مـانع
الطير والحمام والقمري كانن يشجن السامع
اتبدل هديلن حسره دماعن ملى الشارع
شفت الحال وراك كيفن يا بدر السما الساطع
مافيش داعي اشرحو ليك والله باين يا أب قوام فارع
انا بترجاك تعود ياروحي والله ما اظنو السفر نافع
الحال العلي يعلمبو الرفع السما السابع

العمرابي
01-05-14, 06:35 PM
كلمات: الفـاتح إبراهيم بشير
ســــافر بلا ميعـــــــاد


سافر بلا ميعاد خلي الديار باكيه
مجبور ابو الجنيات اصلو الظروف قاسيه
ســـافر حبيب الــــروح ودعتو للباري
خلى أم لهيب في الجوف ماذاني وا ناري
ياحليلو كـــــــان عجلان ما ودعو الجاري
قال لي أفوتكم كيف لو مـــــــاها اجباري
في شان لقمت العيش ساب الخزين دارو
خلي البطان في الحوش يتباكو يتجارو
شوف عيني شفت البيت يتباكي لى اشجارو
والشي المؤثرني مـــــاشلت آثارو
سفر الحبيب للكان سموم وكتاحـه
لكن نسوي شنو ما الحاجه نباحـه
داير يستر الحال كايسلنا الراحـــه
باقى السبل ضاقت والفره مفتاحـه
ياحليل زمـــــان ام زين والضحكه والفاقه
والفـــــرحه مالي الكون لا (صرمه ) لا عاقه
يوم ما بتزورنا همـــوم لا صدفه نتلاقى
ما الدنيا كـــانت دوح مخضرة أوراقـــــه
دارتبنا الأيــــــام من آفة لى آفــــــــــة
والفينا ما مدسوس عـــــمّ الخلق كآفــة
صُرمة وهموم وعذاب وأصبحنا فى الحافة
يا الله كون فى العون وأشفقنـــا بالرأفة
أوعك تغيب وتفوت تطــــول الغيــــبـــة
فى الغربة كان مليت أرجع تعال سيبـــة
أصلو الكمال لله لـــى كل بلـــد عيبـــــــة
روحك دى غالي علىْ أسرع لى عود جيبه

العمرابي
01-05-14, 06:42 PM
الشاعر / الفـاتح إبراهيم بشير
يعنـى عشـان بريد عينيـك


يعني عشان بريد عينيك تقابل ودي بالقسوة
حرام والله يا ظالم بلاك الدنيا ايش تسوى
هويتك يا امير الناس وعشتك في الوتر غنوة
غنيتك حروف الحان غرام مابيعرف النذوة
سنين بحلمبك انت معاي نفج ليل الظروف عنوة
الله يا حبيب الروح هواك صاب الفؤاد جوة
غريبة مع الصدود والبين بحسبو كل يوم يقوى
قولي ياحبيب لاوين خلاص مليت من الشكوى
بلقاك يا حبيب بلقاك شقيش ما مشيت مأوى
بلقاك في الجروف والنيل والموج العمل رغوة
بلقاك في النخيل المال فدع عرجونو بي العجوة
بلقاك في رؤي الاطفال وكتين تكمل الحجوة
بلقاك في المسيد واللوح وفي الكتاب وفي الخلوة
بلقاك في عيون الناس وفي خاطر الشباب نخوة

العمرابي
01-05-14, 06:47 PM
كلمات: الفـاتح ابراهيـم بشيـر
لا بينـي لا بينـك

كل ما أقول أنساك لا بيني لا بينك
ألقى الحنين جواي يسأل يقول وينك
مع إني ليّا سنين بينات زنازينك
عشمان أطول في يوم وأدخل بساتينك
فجر الأماني الطاش عشمتو بي لينك
بعد إطمأن معاك جيت بي قوانينك
حبيت عيونك ديل من جوة احساسي
قدستهن تقديس في شعري وأنفاسي
كانن معاي كالطيف في الهيني والقاسي
لكن بدون أسباب جافني يا ناسي
جواك وتر حساس غالبني تفسيرو
وكتين يرن تنداح نغمة مزاميرو
فيهو بلقى هناي وأفهم تعابيرو
لو حتى فيهو شقايأنا ما بدور غيرو
مما عرفت الريد وأهديتك احساسي
جواي سؤال مطروح زاحمني في أنفاسي
ليه إنت دون الناس دايما علي قاسي
قول لي متين يات يوم راعيت اخلاصي
درب الغرام الطال ماشيهو وحدانى
عطشان وجنبى النيل غرقان وأجفانى
كل ما أقول خطوات وألقاك وتلقانى
بين الرمال والموج تتشابى أحزانى
مكتوب علىْ أهواك وأصبح حواريك
مع إنو قاسى علىْ أوصل مراسيك
سيف الظروف بتار حارس أراضيك
لكنى ما شفقان جواى بلاقيك
بلقاك معاي بلقاك في كل لحظة ويوم
بقراك كتاب مفتوح في زحمة الخرطوم
بقراك طفل سهران خاصم عيونو النوم
حبوبتو قالتلو أنا ما بحجيك نوم
بلقاك يوم العيد ويوم مولد المعصوم
وكت الدميرى تفيض ويرحل جفاف الشوم
بلقاك نخيل ممدود فوقو القماري تحوم
بلقاك حنين منساب جوه العيون مرسوم
بلقاك فى كل شى بهواك وبيك مهموم
بلقاك حنين وأشواق ومشوار طويل معلوم
بمشيهو مهما طال مهما بقيت محروم
لامن أموت في رجاك ولا القيامي تقوم

العمرابي
01-05-14, 06:53 PM
كلمـــات : الفاتح إبراهيم بشير
لا كتــــــــلت الريـــــــد

لا كتلت الريد لا خنت للعشرة
إنت الهدمت البيت شتت للأسرة
صابر عليك سنين كاتم معاناتى
رغم العذاب والويل العايشو يوماتى
خايف أقول للناس تسمعبى شماتى
قوليلى ناقصك إيه لو ماكى مغترة
ناقصنى ألقى إنسان شايلنى جواهو
ما ينسى إنو زمان أنا كنت مأواهو
بت حوا يا ظلّام إحساسه عارفاهو
لو تلقى حبة ريد بتعيش على تمرة
كضابة كلك جور يا أسقة حوا
نكارة للبيجيك فراقة للأخوة
والقول كتير وكتير كان قلت لى بكرة
ما كت قايل القول ممكن يفرقنا
وأحلامنا تبقى سراب والشك يغرقنا
أطفالنا نور العين ريدن يجرتقنا
ويضيعوا يا غدار ما بنجنى غير حسرة
أنا وإنتى تانى محال يبقالى نتلمى
بس مالو لى أمى لو قلتى يا يمه
تبرى العناد معروف بيبيتك بره
أنا بيت أبوى معروف حدادى مدادى
شايلنى جوة العين ما زعل أولادى
وأنا عمرى لسة شباب ما إتزوجوا أندادى
وأنا أرضى لسة قرير بس راجى للمطرة
يا زولة مطرة إيه بتجيكى من تانى
تبرى العناد والله ما تلقى عنوانى
خوفك على الاولاد والله صحانى
خلانى ليكى أقول ما أروعك دره
بالله يحصل إيه لو نحنا نتصافا
ننسى الخصام والبين فى الدنيا نتعافا
الناس تكون أحباب بتحقق أهدافا
عنوانا يبقى الريد ونبصملو بالعشرة

العمرابي
01-05-14, 06:59 PM
كلمات: الفـاتح ابراهيم بشير
بالله ليـــه

كل التريدو بيجهلك
بالله ليه؟؟؟؟؟؟؟؟
والتآبه تلقى معاك معاك في الثريا يحصلك
التهوى من جوه القليب تلقاه ممعن في الجفا
والحكمة تلقى مع سواك اخر محنة واصطفى
اهلا يقولة بلا نفس والبسمة الا تصادفه
والشي البحير بإختصار زى مايدور بيشكّرك
اما البترفضو يا سلام تلقاه كايس يسعدك
يهواك بلا كلفة ونفاق بينات رموشو يقعدك
مابيرضى فيك ابدا كلام لو انت مافي يمجدك
لو جيتو قتلو جيب عينيك رغم العليك مابيخذلك
حيرني امرك يا غرام اصبحت زي مطر الخريف
الناس تكوسلها في الخلا وتلقاها غرقت الرصيف
الدنيا زي ما قالوا ديل معروفه ما بتدي الحريف
والقسمة ان طال الزمان تجي في النهاية تكبلك
تلقانا برضنا نعترض ونتناسى إنو مسطرة
طوالي بالليل والنهار دمعاتنا زي نهر أدبرة
ممكن نخاصم بالسنين ونسيب بعض في الجمهرة
مع انو مذكور بالدليل تبرا الخصومة بتهلكك
خلق الله مالا بقت كدي يا ناس عقولنا اتحيرت
ياربي هل جار الزمان ولا النفوس اتغيرت
في الماضي كان الناس حنان زي العصافير في الدرت
والليله شان حفنة تراب ممكن شقيقك يكتلك
راجع الاحداث براك قلّب كتابة واكشفه
الدهشة في أول سطور عدم اكتمال المعرفه
لو تنهر الطفل الصغير امو بتقول إيه الصفه
ممكن تخاصم بالسنين في الماضي كان مابتسألك

العمرابي
01-05-14, 07:04 PM
كلمات : الفـاتح ابراهيم بشير
عصـافير المحبـة


يا عصافير المحبة العلي ما اظن مخبى
شوفو وين زولي البريدو مالو من ميعادوغبى
انتي عارفي الشوق براكي لما يتجاوز حدودو
اليقين في لحظة يرحل والانين والنوح يعودو
البريد يفضل معذب نفسو يشعر بوجودو
يا حليلو لانو مرهف ببساطة الشوق يقودو
يا عصافير يا حلينا يا حليل نيلنا وتمرنا
ياحليل قيزان رمالنا لما كان فوقن سمرنا
يا سلام يوم نبقى شلة يبتسم فوقن قمرنا
الا لكن يا خسارة الزمن حتم سفرنا
يا عصافير ياما زي بألالام تعــابة
يهدو للناس السعادة وهما عايشين في كابة
برضو معاك في مصيرن زيهن زي السحابة
يا عصافير لا يهمك ياهو حال كل التعابة
يا عصافير الف شكراً للمحنة الفي قليبك
صدقيني بقيف معاكي ومرة لو جافاك حبيبك
اصلي ما بنكر جميلك للرياح انا مابسيبك
ما خلاص نحن أتحدنا اليصيبني أكيد يصيبك
يا عصافير وآ حلالنا يوم نعاود لي ديارنا
نترك الغربة اللعينة ننسي ترحالنا ؤودارنا
الوطن روحنا ودمانا ليهو وجهتنا ومسارنا
يا سلام وكتين نساسق فيهو بين نيلنا وخدارنا

العمرابي
01-05-14, 07:11 PM
كلمات : الفاتح إبراهيم بشير
يا الـلـه عــــــوِّضـنى


يا الله عوضنى فى زول عزيز فقدو
دنياى غيرو جحيم وانا قاسي اعيش بعدو
انت العليم بالحال مابتعرف اى محال
خالقنى من صلصال قادر على ردو


عايش معاهو سنين كان بينا ود متين
قبال نتم الدين جار الزمان اخدو


عزونى يا اصحاب قمرى المنور غاب
وانا زول حياتو عزاب كل الظروف ضدو


يا حليلي تهت جافونى كل الناس
ما الزول بدون احساس زى روض نشف وردو


صبرنى يا رحمن خلينى انسي الكان
والهمنى بالسلوان وانا حزنى فات حدو

العمرابي
01-05-14, 07:18 PM
كلمات : الفاتح ابراهيم بشيـر
النسمـــــــــــــــــة


النسمة عـــــــز الليل زارتنى يا جــــــافي
جـابتلي كـوم اخبار ســــرتني بالخافي


قالتلي زولك داك الزيو قلت مافي
لاقاني قبل ايام ماقـــالي عوافي


قالتلي قولو اللوم ماكان من اوصافي
سماحتو شان انو قليبك الوافي


قالتلي كل اسبوع النسمة زعـــلانة
مليانة نوح متغيـــري الوانة
مجروحة في الخاطر من حالة غضبانة
لا راقصة نخـــلة لا عانقت بانة


قالتلي قولو النيل باكياه في احزانة
من موجو شال بالهين غسلها اجفانة


رغم الحصل منك ساواك في احضانة
مافكـرت في البوُح مع انو بأمكانة


صدقني يامريود النسمة يوم جاتك
وصيتة كم مــرات تترك زياراتك
عارفك تكون مشقول مليانه اوقاتك
ماقالو بعد اسبوع تبدا امتحاناتك


زعــلك مع النسمـــــــــــــة ماكانلو فد داعي
ما انت عارف الحـال مفـروض تكون واعــي


النسمة ماغلطت ماتحاول اقناعي
دي النسمة بشرة خير كيفن تكون ناعي


ياريت مع النسمــــة تتصافو من تاني
ما انتو اعــز اتنين تخففو احــزاني


ما انت اساس شعري والنسمة الحاني
والله غيركم تب انا ما بكـــون ياني

العمرابي
01-05-14, 07:24 PM
كلمات : الفـاتح ابراهيم بشير
وبعــــــدين معــــــــــــــــاك




وبعـدين معـاك أرحــــم عيـوني المشتهــــاك
انا قلبي اضناه الشجن لليلي صابر في رجاك
مشكلتي كملت الصبر لازلت بحلم بلقاك
اقدامي سابتات في الثري احلامي من فوق لي سماك
انا من قمتا اكتب فيـك شعـر سمعتا كل الكون غناك
كان الحصاد في الريد صفر اشعاري ماكان مستواك
قولي منو العشق القمر ماخشي فيهو غير الهلاك
في آخر المشوار بس أبقالي صديق في حماك
حبك متكن في القلـب ساكن مسارب الروح هناك
أتنفسك انا يالسمح وانا قلبي ينبض بشذاك
يومو الرحلت بلا خبر صدقني ناح الحي وراك
شوف عيني يتباكا الشجر بس فضلو يتبع خطاك
جفت الفراشات الزهر حلتنا دخلت في عراك
لكن بس ربك ستر قالونا راجع ياهو داك
بهواك يا ند القمر انا نفسي ارتاد لي علاك
ماخايف الشقي والخطر ماطالا اني بكون معاك

العمرابي
01-05-14, 07:32 PM
الفاتح ابراهيم بشير
باب المستحيل

لو انت مفتكر القليب يهواك تاني متل قبيل
يادوبك اتغشيت وأكيد دقيت باب المسحيل
انا كنت بي رقم الجارح جاييك ولو داير الدليل
اهديت مشاعري الطيبه ليك بي طيبة الزمن الجميل
وا حرقة القلب الهواك رقم التباريح والشجن
كان حلمو يرتاح في هواك ويلقالو في عينيك وطن
لكين اذا جارت ظروف واحلامنا ديك ضاعت سُدن
لا انت لا الشقا لا الظروف قادرين تسوولي الرسن
انا زي عصافير الخريف جواي طاقه من الحماس
كضاب تجهجه دربي ريح لو شايله في جوفه الرصاص
انا صح بريد عينيك موووت وبلقاك في كل الحواس
لكنك انت غدرت بي وسقيتني من المره كاس
فارقني يلا خلاص امش وما تتلفت ابداً وراك
وماضينا بي طبعو السمح ريحني شيلو كمان معاك
والله لو كان الجرح يدفني في بير الهلاك
وفي الدنيا اتصنف شقي ارحم لي من جنة هواك
شوف منطق الاشياء بيقول انك تفارقني وخلاص
ومهما يكون احساسي بيك غير الفراق مافيش مناص

العمرابي
01-05-14, 07:40 PM
الفاتح ابراهيم بشير
رحـــيل الــدابي
*****


في لحظة من عمر الزمان...والناس تكابِسْ في الجسور

مشغولة بي بحر التساب ... لو فاض يلخْبِط للأمور
المَسْرَة تصبح بينَ بين...أو بالأصح بتضيع كسور
ما أصلو هو الدَّيَّانا ديل ...واقفين على الباب من شهور
***
خايفين حقيقي من البحر...يسرق حنين الأمسيات
وتغرق شتيلاتنا الخُدُر ...وترحل معاها الأمنيات
والحِلِّي تغرق في الأسى ...وسكانها يصبحوا في شتات
في شان دا كل الناس بقت ...طورية في إيد الجِنَات
وكل البلد نزلت تِحِتْ ...أطفال . نساء . شيوخ. بنات
بس فجأة جاهُن صوت بكي ...وصراخ غريب في ذبذبات
قام سألوا هوي حاصل شنو...السيل وراكم يا جِنات؟
يا أخوانا إنكسر الجُسُر؟...كان ردهم لا .. لا .. بتات
يا أهلنا حسن الدابي مات ...يا أخوانا حسن الدابي مات
وقعت متاريس الصبُر ...وانهدَّ كتف الأغنيات
وغرقت مداينك يا شعر ...واللحن إلتزم السُكات
ورحلت معاني الأمنية ...وجرت الدميعات كالفُرات
ياحليلو كان جبل ابن عوف ...ثابت على المبدأ ثبات
***
أسطورة ختَّاها الزمن ...زي واحة في الدرب السُخُن
الدابي يا سمح الخُلُق ...الدابي يا الكُلَّكْ حُسُن
في يوم رحيلك يا تِلِبْ ...ناحت بلدنا رُكُن ,, رُكُن
الحسرة عانقت القرى ...الدمعة فاضت في المدن
النخلة تبكي بكي السواد ...هَدَّت علي لوزة القطن
وكان الحصاد آخر السنة ...شوال تمُر وشوال حُزُن
كان الحصاد آخر السنة ...قنطار حُزُن وقنطار قطن
حتى المطر يومو النَّزَلْ ...ضاف فوق حُزُنَّا قدُر تُمُن
ماشفنا زيّها في الشمال ...لا بالنظر لا بالأُذُن
القيفة قالدت الجرف ...الموجة نطَّت في غُبُنْ
حلفت تكسِّر للجسور ...تيارها يدخل كل شُكُنْ
قُنَّالا نغرق كُلَّنَا ...يا موجة نغرق كلنا
يرضيكي نغرق كلنا ...الموجة قالت فليكُن
مادام أمير الشعراء مات ...ما في اي داعي تلد بطُنْ
***
يا موجة جد قولك صحيح ...كان حقو نغرق كلنا
ما الدابي كان زي الهواء ...فينا ومعانا وحولنا
الدابي كان مضجع أمين ...كان ياهو شدرة ضُلنا
الدابي كان عنوان عريض ...في صفحة الفن والغُنا
إنسان وفنان مكتمل ...زي وصفو قاسي عليْ أنا
مهما أقول أنا شن بقول ...لو صرت أكتب كم سنة
تلقاني في الآخر بقيف ...وأنادي في نُصْ الونى
الدابي أكبر بي كتير ...الدابي زي خاتم المنى
وأكبر من القول والقصيد ...ومن غنوة جايي ملحَّنة
***
الدابي كان ومضة أمل ...والدابي كان شعرة وشي
الدابي كان مشوار طويل ...ما مَلَّتُوا الناس في المشي
الدابي كان غيمة وفا ...تنزل صباح ومع العِشِي
الدابي كان زي الصباح ...وكتين يلاقيكك منتشي
الدابي كان ياهو الصديق ...الدابي كان جد كل شي
مهما أقول أنا فيهو قول ...أشعاري تخجل وتختشي
***
الدابي كان زي المحيط ...كضاب يقول زول حدَّدو
دائماً يلاقيك بي جديد ...الدابي قاسي نفَنِّدو
الدابي كان حادي الشعر... ياهو البِدِّلُّو ويرشدو
الدابي كان تيار فرح ...يقلع حُزُنَّا ويطردو
الدابي كان موال جميل ...دائماً نغني نرددو
ولو قُتَّ هسع وللصباح ...أنا حُسْنُو قاسي أعددو
***
الدابي كان رمز الغبش ...مابيعرف الزيف والنفاق
حبوه كل الكادحين ... شالوهو في الهمس الدُقاق
يوم طقَّ إضنينا الخبر...بكت ((أم جواسير)) يا رِفاق
النخلة حَتَّتْ مُشْرِقا ...ودخلت مع الطين في عناق
وإعلامنا ما جايب خبر ...يبقى لي ما هامِّي الفراق
معليش يموتوا كَدِي الغبش ... وما ننسى شكراً (للوفاق)
مع إنو حسن الدابي كان ...علماً يرفرف في الوطن
مع إنو حسن الدابي كان ... سوميتة في جيد الزمن
مع إنو حسن الدابي كان ...صابونة للزمن الدرن
مع إنو حسن الدابي كان ...زي قمرة في الليل الدُجَن
وما بتتعرف قيمة القمر ...لي زول حِدا البندر سكن
الدابي كان قبلة بلد ... وميراث ثقافي بلا تَمَن
كان مأوى لي عابر السبيل ...أجواد متل غيم المُزَن
يا ما دخلنا عليهو ليل ...قُبَّال سلامنا يجي الصحن
يحضنَّا أول بالعيون ...من ثم يحضن بالبدن
يتنحنح الشيخ الوقور ...يضحك لو ضحكة بلا اللبن
ويقول حبابكم يا شباب ... جيتوني في الموعد إذن
دا الدابي يا أهلي الحُنان ... أسطورة ختَّاها الزمن
الدابي كان زولاً حكيم ... ما بيعبأ باليحصل غداً
الدابي كان لِمِّيحْ ذكي ... يعرف متين يرخي الرسن
صدق اللي إختار لو الإسم ...وأطلق عليه اسم الحسن
الدابي كان كوم أغنيات ...مكتوبة بي دمع الشجن
ألحانها وشوشة النسيم ...وأطيار تزقزق في الفنن
إيقاعها كان موية الحفير ...وقَرَّاع حميم للحوض عَطَنْ
الكورَسْ الشتل الدُقَاق ...قمرية قُوقَتْ في حَزَن
فنانها كان نخل الفريق ...وصوت السبيطي مع الكُعَن
دا الدابي يا أهلي الحُنان ...أسطورة ختاها الزمن
***
تامِنْ عجائب الدنيا هو ...لولاه فنَّنَا ما نهض
وأصبح حديث الناس عموم ...ولي حجة النقاد دحض
دا لأنو كان ياهو الدليل ...عن شورة أبداً ما عَرَض
أمَّنْ لنا الدرب الطويل ...وبي شعرو طنبورنا انتفض
آخر وصاياهو العزيز ...وهو طريح يعاني من المرض
وصَّانا قال :
يا ولادي دايركم دوام ...تتحدوا تبقوا مع بعض
الراية لا تسقط بتات ...لو حتى ظرفكم اعترض
قلنا لو أبشر يا الأبو ...يِتْقَدَّ طرفنا لو غمض
نحن وولادك وكلنا ... بنشيلها رايتك دون مضض
لكن محال زيك نكون ... أو حتى ليك نبقى العوض
***
دا الدابي يا أهلي الحُنان ... أسطورة ختاها الزمن
صح يا هو أبو الفن الرفيع ...وملجانا في ساعة المحن
حَضَنْ المواهب وفرَّقها ... الليلة صوتها ملأ الوطن
يا الله تدِّي قَدُر عطا ... ومأواه يبقى جنان عدن
يا الله تدِّي قَدُر عطا ... ومأواه يبقى جنان عدن

العمرابي
01-05-14, 07:44 PM
الفاتح ابراهيم بشير
يا ماشي للعامراب

يا ماشي للعامراب ... ما تسوقني في دربك
وديني للأحباب ... الله يزيل كُربك
أنا يا رفيق مشتاق ... للحلّي لي ناسي
للشلة والطنبور ... الطوّقوا احساسي
في الغربة أشوفُن وين ... وأنا في الحزن راسي
وطبعاً فراق الدار ... حاسِّيبو في قلبك
صدقني يا مرسال ... كل يوم يزيد شوقي
للحلي والجيران ... وللغالي معشوقي
ولي قعدة جم نخلات ... والقمري بيقوقي
وللمنقة والبرسيم ... والموية بي جنبك
أنا من هجرت النيل ... ما نمت يا صاحي
وشايل الوطن جواي ... في حزني وأفراحي
طاري الرمال والليل ... وقعداتنا صبّاحي
وطنبورنا لما ينوح ... أوتارو ترحل بك

العمرابي
01-05-14, 07:49 PM
الشاعر / الفاتح إبراهيم بشير
الفرح الحزين


يا قلبي الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يلقى الدايرو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
مشكلتي العلي ومابي ما هو مرض دوا وكبسولا
اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

العمرابي
01-05-14, 07:53 PM
الفاتح ابراهيم بشير
عفواً حبيب قلبي


انا قلبى شان ينساك دايرلو تانى زمن
عفوا حبيب قلبي ما انت لى وطن
***
انا قلبي ذنبه شنو عودتو انت عليك
علمته يبكي ينوح يوم ما يشوف عينيك
وكتين ملكته خلاص فريتا لي جنحيك
خاطبته باستبداد قتلو آه كان ليك
***
هو الصابر المسكين راجي اليالي تروق
لا كلّ لا ملّ لا عاتب المعشوق
كل القدر قالو ياناس كتلنى الشوق
والضقته فى دنياي ما ضاقو قط مخلوق
***
انا يا خلائق آه ضقت العذاب اصناف
شلت الليالى سقد تشهد تبارك وقاف
جربت صبر ايوب كانت نهايته كفاك
والصابنى يالمريود بالعين محال ينشاف
***
لو دار تعرف البى ارجوك مرة تعال
اقعد وعاين بس ما تسال اى سؤال
انا يا حليلى انا اصبح يمينى شمال
جوايا عشرة اشياء خلت حياتى محال
حظى التعيس الشوم الغيرة والعزال
ليل الضياع والخوف والحيرة والاهمال
انك تملى معاى و بيناتنا كم اميال
احساسى انى بسيط واحلامى واقفه جبال
صبر اً صبرتو عليك ذكرنى سيدنا بلال
حتى ان سكتّ انا تتكلم الاطلال
وآخر المطاف بالليل سافرت باستعجال
لا طلت بلح الشام لا ضقت راحة البال
***
برضك تقول لى اصبر اتحمل المكتوب
واتعوض الله خلاص انسانى يالمحبوب
خلتنى ذى عصفور هبت عليه هبوب
فنتلو عشو شمال شالت صغاره جنوب

العمرابي
01-05-14, 07:57 PM
الفاتح ابراهيم بشير
ود حمد احمد

زول في وضوحو بلا الشمس ود حمد احمد يارفاق
من شب قام درفون صغير سوالو جو الناس عرش
يا هو الركيزة الفي الفريق زول حوبة شقيش ما يمش
تلقاهو قدام الرجال حاشاهو كلمتو ما بتطش
من شب قام زولا قنوع ما زك يوم درب القرش
وما شالو حق زول بالغلط وما بيرضي سمعتو تنهبش

في ليلة كان راقد حزين وسارح في الزمن الوحش
كيفن بعد كان حالو زين والسوق مفرهد ومنتعش
مرت عليهو سنين عجاف خلت ضماير الناس تطش
بس فجأة سمع الباب يدق ويا الله قام من الفرش
بي سرو قال إن شاء الله خير واطرافو كلها ترتعش

فتح البوابة بلا نفس وقدامو كان ود الفتح
قال ليهو ادخل قالو لا انا حالي ما داير شرح
قال ليهو جيت والعشم سايقني يا اب رايا سمح
وقفت قصاد بيتي الظروف حلفت يمين ما تزح
البيت معاهو المدرسة خلني بي ايدي ازح
والنخلة هادي قدر تشيل ياخدوهو قبال يصطبح
قال ليهو بس نقع البنوك سلفية والحال ينصلح
قلبة وقلبتين يا رفيق وبعدين نشيل نحن الربح

يا إمة نقع الفتل ما الدنيا اصلو فرندقس
يوم انت طاير في السماء ويوم تحبو في جمر الفلس
بس قوي قلبك يا رفيق ونضمك يكون عجوة محس
من بعدو كان درت النجوم تلقاها في شهقة نفس

قبال كمان تصحى الشمس مشى للخزين ود العوض
قال ليهو إلا تمشي معاي اولادي ديك اكلو القرض
اتماسكو الاتنين سوا ودحمد احمد داير يطير
مرات يجك ومرات يخب ومرات تحسبو زي عزير
بس فجأة في لمح البصر لقى نفسو قدام المدير
نفذلهم كل الشروط وفيهن شرط قاسي وعسير

كان الشرط إيه الضمان ما البنك منهجو برمكي
صاحبنا قام رهن الارض الشاربة من دمو الذكي
مداهو معنى الانتماء والضحكة في الزمن البكي
ذرات ترابا تقولو لا والدنيا غرقت في البكى
وين تاني تلقالك حضن ياويك وكتين تشتكي
مين السواي البفهمك يا حمد احمد غير حكي
انا ياني امك يا جناي من قمت زي تمر الفكي
يومو اليشيل فوقك تعب لا بد فوقى انا تتكي

لا بد ترجع لي صاد لو حتى في اخر العمر
ربيت اعمامك وابوك وما احتاجو لاعند القبر
يا ابني لا ترهني هو يا ابني عضي الصبر
ود حمد احمد بي اختصار خلط البيصلح باليضر

ما همو ايه باكر يكون ما طالا حقق للغرض
شال القريشات وانطلق وفي جيبو شيك سمو السند
مبسوط ويضحك منتشي وصاحبك يخوجل في البلد
اولادو دايرين يابا جيب صاحبنا يدي بلا عدد
البت تجيهو المدرسة صاحبنا يدي بلا عدد
الحاجة همها توب سمح صاحبنا يدي بلا عدد
لامن شهور الجن مضن لقى نفسو مخنوق بالمسد
الشيكا باقي وقيتا جا اقصاهو لا يوم الاحد
ودحمد احمد انضرب بقى يجري زي القنقرد
مرات يفوتك في السلام مرات يسوى بكى وحرد
بس فجاة صاحبك اختفى همل عقابتو وشرد
ما راعي احساس الورا وما راعي لى البت والولد
ولي زوجتو الممكن تضيع في زحمة الزمن النكد