07-17-2017 07:22 PM









* الليلة دايرين نفرق شوية من الضغوطات المستوطنة فينا

* المهم نضحك ولو علي روحنا

* في اشارة واضحة لتحدي القدر الذي غير ملامحنا

* ونحنا بقينا ما نحنا

* وفك المحنه

* قبل ذلك داير اقول كلمة

* نفس القوة الجبرية التي ادخلت الجماعه الادخلونا في ورطة لمباني الاتحاد والمستندة علي قرار واجب التنفيذ

* هي نفس القوة الجبرية التي تستطع جديعهم في الشارع خارج مباني الاتحاد اذا رفضوا الخروج وتأسيسا علي قرار واجب التنفيذ

* والمرة دي القرار من فوق شديد

* اها

* نرجع لي موضوعنا

* اليومين دي مجالس المدينة و صفحات الشبكة العنكبوتية ما عندها شغله غير الاختطاف وتجارة الاعضاء

* نسأل الله السلامة في الحالتين

* حالة اذا كان الموضوع صحيح

* وحالة اذا كان اشاعه بي فهم

* شخصيا خايف شديد

* لانو صلعتي دي ممكن تشتغل تنك موتر عادي جدا

* لكن الا يخطفوني بي دفار جامبو

* باقي السواقين ديل مابدخلن في الكريز او البوكس المظلل

* وانصح اي زول مارق يشيل معاهو تقرير طبي يوكد اصابته بالايدز

* في الحاله دي الخاطفون سيطلقون سيقانهم و روزاتهم للريح

* مابخافوا من الله

* لكن بخافوا من الايدز

* المهم

* في الموضوع ده طلعت نكات كتيرة

* قالوا واحد زهجان من مرتو رسلها للعيش من المخبز الساعة اتنين صباحا

* لما رجعت قال ليها يعني الموضوع طلع اشاعة سااااي

* طبعا الكلاوي اغلي حاجة في السكند هاند بتاع تجارة الاعضاء

* قالوا بفكوها بي ضفيرتها كاملة

* بعدين المعلم البركبها يفصل الضفيرة محل ما يراه مناسب

* عشان كدة اخوتنا ناس غسيل الكلي في رفاهية ما بعدها رفاهية لانو مافي زول بطمع فيهم

* في سعادة تضعهم مع ناس غسيل الاموال في مرتبة واحده

* المهم

* القصص مالية المجتمعات التي لم تخرج منها خوفة اولاد النيقا

* والبعض يسأل

* تاني الواحد او الواحده لو مارق بالذات اذا بركب هايسات يشيل معاهو دبابة ولا كيف ???

* اها

* واحد بسأل

* اذا كانت دي العاصمة بحصل فيها كده الخلا كيف ?

* واحد تاني قال ليهو هو في زول في الخلا عشان يخطفوهو?

* هو فضل فيها سبل عيش تخلي الزول يقعد في خلاهو ود ام رويحتو ده ?

* وانت قايل زول الخلا في شئ جابرو علي البلد دي غير التخطيط الفسل !!!

* لكن الرأي عندي

* اي واحد يري انه مراقب من خاطفين وظرفو ضيق

* يقعد ام قللو قبلو ويطلق العنان للمائية في شارع الله والرسول ده

* دي وسيلة الحماية الوحيدة المتوفرة حاليا

* وابو العفين بدافع عن نفسو بالمائية دي من قديم الزمان عوجة ماجاتو

* ولكم ان ترددوا معي

* المائية حماية قوية

* المهم

* علي ذكر تجارة الاعضاء

* قالوا في واحده زوجها في غيبوبة

* الدكتور قال ليها الزول ده مخو انتهي ومافي طريقة الا نغيرو ليهو

* قالت ليهو ان شاء الله التكلفة معقولة

* قال ليها حسب نوع المخ الدايرنو

* المخ الامريكي بي خمسمائة مليون

* والمخ العربي بي مليار ونص

* قالت ليهو ليه لكن ?

* قال ليها المخ الامريكي بنطلبوا من تجار الاعضاء الامريكان الصباح المغرب بكون عندنا

* ختت التلفون بخطفوا ليهم اقرب امريكي ويرسلوا لينا مخو

* لكن المخ العربي صعب شديد

*نطلبو شهر واحد لي شهر اطناشر مابتلقي

* يفتحوا ليهم عشرة الف رأس عربي ومابلقوا فيهم مخ

* عشان كده غالي

* زوجة المريض قالت ليهو وترامب رجع من السعودية !!!!!!

* ايها الناس

* اخبار شيبوب شنو

* وجابسون لسه في الكنبة

* جابسون ده شوفوا ليهو كريز تريحكم منو

* المشكلة ركبة شغاله مافيهو

* ايها الناس

* ان تنصروا الله ينصركم

* اها

* نجي لي شمارات والي الخرتوم

* الليلة الشمار ترويح يا والينا

* قالوا الحكومة الالكترونية شبكتها طشت ودت ناس التقديم الالكتروني للجامعات للحج ووزعت ناس الحج الالكتروني علي الجامعات

سلك كهربا

ننساك كيف والكلب قال زمان الخطف ماكده… مافيهو كتل. "شبكة المريخ سبورت"

والي لقاء

سلك


تعليقات 1 | إهداء 0 | زيارات 3062






خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook

شروط التعليق

* يسمح بالتعليق لأي شخص كان شرط الجدية في الطرح

* عدم التطرق الى السب والشتائم في التعليقات لأنها ستحذف فورياً

* يجب أن لا تتعدى المشاركة حدود 500 حرف.

* يجب أن الإلتزام بالمادة المنشورة والمختار التعليق عليها تحديداً

* يهمل كل تعليق يتضمن شتائم أو تعابير خارجة عن اللياقة والأدب.

* يهمل كل تعليق يقدح بشخصيات بعينها أو هيئات.

* تهمل التعليقات المتسمة بروح الطائفية والعنصرية أو التي تمس بالذات الإلهية أو تمس المعتقدات الدينية.

* تهمل التعليقات التحريضية والتعليقات التي تتضمن تهديدات لشخص او لجهة معينة.

* تهمل التعليقات التي تتضمن ترويجا لجهات أو هيئات أو لأشخاص بعينهم.

* تهمل التعليقات التي تتعرض للكاتب وشخصه في مقالات الرأي أو التحليلات أو تقارير المراسلين.

* تهمل التعليق المتضمن ملاحظات حول إدارة التعليقات أو ملاحظات أخرى عن الموقع بعيدة عن الموضوع المختار للتعليق عليه، حيث أن مثل هذه الأمور لها بريدها الخاص

* •الموقع عربي فيرجى المشاركة فيه باللغة العربية



349998 - ود عقيدة خلف
07-17-2017 09:33 PM
استاذي الفاضل لك التحية والتقدير بس ناس سيبونا ووليد ديل ناس مصارعه حره الحلقه استاد الهلال والحكم مبارك سلمان الله يستر من باقي الجماعه


بابكر سلك

بابكر سلك

تابعنا على الفيس بوك