10-19-2016 11:41 AM



@ القاعه الرئاسيه لقاعة الصداقه تستضيف اليوم اسخن عموميه للهلال .
@ المواجهه ستكون علي صفيح ساخن بين اهل الهلال والكاردينال .
@ كردنه الذي اعلن علي رؤوس الاشهاد ان الجوهره هديته لجماهير الهلال تراجع عن عهده وحشر كلفة الجوهره في موازنة النادي بما يعني انها ديون علي الهلال !!
@ ليس هذا فحسب بل رفع الرقم من (٤٠) مليار (تسليم مفتاح) حسبما اعلن عند توقيع العقد في احتفاليه الهلتون ل (١٦٠) مليار !!
@ (١٦٠) مليار والجوهره لاتزال مجرد اعمده خرسانيه !!
@ لا اعرف مؤهلات مكتب المراجعه (الخاص) الذي اعتمد هذا المبلغ الخرافي !!
@ عموماً عمومية الهلال تضم عدداً من المهندسين والقانونين والمراجعين القادرين علي حماية حقوق الهلال والحيلوله دون العبث في امواله .
@ لن يسمحوا بتحويل الهلال لشركه من شركات الكاردينال عبر الديون الديون الوهميه .
@ سيظل الهلال ملكاً لجماهيره .

خربشات

@ لاول مره في تاريخ الهلال تُرحّل جمعيته خارج القلعه الزرقاء ..
@ الترحيل بقرار فردي من الكاردينال والمجلس اخر من يعلم !!
@ الكارينال الذي يهدر اموال الهلال بايجار القاعه الاغلي في السودان والتبرعات الملياريه للحكومات الولائية هو ذاته الذي يرفض دفع استحقاقات لاعبي الهلال ويقدمهم برعونه للمريخ !!
@ استحقاقات جكسا ومن قبله بكري اقل من تبرعاته لحكومة نيالا !!
@ تبرعات من اموال الهلال !!
@ اموال الهلال موعوده بمزيد من الدمار في رحلتي كردنه لدنقلا وعطبره !!
@ كردنه يسعي لتكريم جديد بدنقلا وعطبره ثم الابيض !!
@ يستصحب معه الفريق في تكريم شخصي له .. !!
@ للفريق برنامج فني يجب الالتزام به وفترة الراحه حق للاعبين بعد موسم كامل من الركض .
@ علي كردنه التبرع من امواله لا من اموال الهلال .
@ اخر كلام .. حشر كلفه الجوهره في الميزانيه اكدت ان الكاردينال ضحك علي جماهير الهلال


تعليقات 25 | إهداء 0 | زيارات 5108






خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook

شروط التعليق

* يسمح بالتعليق لأي شخص كان شرط الجدية في الطرح

* عدم التطرق الى السب والشتائم في التعليقات لأنها ستحذف فورياً

* يجب أن لا تتعدى المشاركة حدود 500 حرف.

* يجب أن الإلتزام بالمادة المنشورة والمختار التعليق عليها تحديداً

* يهمل كل تعليق يتضمن شتائم أو تعابير خارجة عن اللياقة والأدب.

* يهمل كل تعليق يقدح بشخصيات بعينها أو هيئات.

* تهمل التعليقات المتسمة بروح الطائفية والعنصرية أو التي تمس بالذات الإلهية أو تمس المعتقدات الدينية.

* تهمل التعليقات التحريضية والتعليقات التي تتضمن تهديدات لشخص او لجهة معينة.

* تهمل التعليقات التي تتضمن ترويجا لجهات أو هيئات أو لأشخاص بعينهم.

* تهمل التعليقات التي تتعرض للكاتب وشخصه في مقالات الرأي أو التحليلات أو تقارير المراسلين.

* تهمل التعليق المتضمن ملاحظات حول إدارة التعليقات أو ملاحظات أخرى عن الموقع بعيدة عن الموضوع المختار للتعليق عليه، حيث أن مثل هذه الأمور لها بريدها الخاص

* •الموقع عربي فيرجى المشاركة فيه باللغة العربية



317081 - خالد
10-19-2016 11:49 AM
انت قدمت للهلال شنو والا بس كلام والسلام هل دفعت للهلال ولو قرش واحد الكاردنال على الاقل الان دافع مليارات دين على الهلال والا تبرع مامشكلة لانو مافي بنك بسلفك المبالغ ده لو دين حقه مافي حد يقدر يلومه لو تبرع ماقصر انت عملت شنو

[خالد]

317113 - جلابي - الدوحة قطر
10-19-2016 12:38 PM
يادوب وقع ليكم انه ليس في قامة الهلال وانه المستفيد الاول من رئاسة الهلال وان الهلال في عهده اصح يلقب بالمدعوم وان الهلال انعدمت به الديمقراطية ..وان الهلال اصبح فريق الشلليه وان الهلال يمر باسوء فترات في تاريخه وان الهلال هان واتهان بعد ان تراسه من لا يفقه شيئا عن الهلال وتاريخه
وان الهلال يدمر بصحافته وكتابه

[جلابي - الدوحة قطر]

317119 - مروان ون
10-19-2016 12:53 PM
الهلال فاز بكأس الهروب

[مروان ون]

317121 - كرانزا
10-19-2016 01:00 PM
القال لك منو ؟

[كرانزا]

317126 - حموري
10-19-2016 01:08 PM
إنت شكلك صحفي محسوب على الارباب .

[حموري]

317132 - د الشريف
10-19-2016 01:25 PM
هناك فرق .. تصريح من مزمل بكفر ووتر قرأه اكثر من 2000 فى 15 دقيقة فقط وعلق عليه 44 قارىء .. كل كتاب الهلال وخلال ساعة عدد من قرأوا اعمدتهم لا يتجاوز الألف وعدد التعليقات لم يتجاوز العشرين .. ده حالتو تصريح من سطرين .. لو نزلوا ليكم كبد الحقيقة كان عملتو شنو .. هوهوه جد !!!

[د الشريف]

317135 - وطن الجمال
10-19-2016 01:39 PM
في دعاية لشركة سوداني ... والله ما قادر اتذكرها. بتقول ليك 3 ساعات بخمسة وعشرين قرش - ورغم اختلافنا مع مضمون الدعاية في حد ذاته لكن المهم .... - أيوااا اتذكرتها: الدعاية في نهايتها بتقول: مافي زول حيصدقك. لو تصدقنى واحسن لك تصدق - مافي زول حيصدقك.

[وطن الجمال]

317136 - بحبك يا سودان
10-19-2016 01:39 PM
أب صفر يضحك على الأصفار !!

[بحبك يا سودان]

317138 - أسامه إبراهيم عبداللطيف
10-19-2016 01:42 PM
نًحن راضيييين وانت بطل الخباثة

[أسامه إبراهيم عبداللطيف]

317142 - ram
10-19-2016 01:53 PM
انت دافع فيها قرش امواله وهو حر فيها وهل حاليا خزينة الهلال فيها اموال عشان يتبرع بيها الكاردينال بالمليارات بطل سخف وضحك علي جمهور الهلال جمهور الهلال اصبح واعي ويقراء جيدا ويحلل جيدا بطل سخف

[ram]

317157 - بكري عبده
10-19-2016 02:39 PM
انا واحد من جماهير الهلال وراضى كل الرضا بما يفعله الزعيم د. كردنه .. سيد الحق راضى شِن نخس القاضى .

[بكري عبده]

317160 - بوكو
10-19-2016 02:40 PM
يا حاقد هو الهلال عندو أموال من غير كردنة؟؟؟؟؟؟؟ لا يمكن أن نجد منك خير .. ما ممكن زول يفتش للبلح في شجر النيم.. انت حاقد ولن تجد طريقك لسيد البلد... كل جمهور الهلال بيعرفك على حقيقتك... مرضان نفسيا الله لا يشفيك

[بوكو]

317177 - أبو الرجال
10-19-2016 03:27 PM
يا أخي قل خير او اصمت دع الرجل يعمل في هدؤ من اين للهلال 160 مليار يا أخي لا تستخف بعقول القراء فبعضهم قد يكون أفهم منك يا اخي. الكاردينال، يصرف من جيبه الخاص وما يصرفه على الجوهرة وتسيير الفريق يفوق موارد الهلال بأرقام فلكية. وهذه حقيقة يعرفها كل جماهير الهلال فلا تضيع وقتك في إثبات فرية انت نفسك لا تستطيع تصديقها.

[أبو الرجال]

317182 - النعيم
10-19-2016 03:31 PM
لا بد من ظهور أي رقم ايراد أو منصرف في الميزانية إن كان تبرعا او غيره .
هكذا تظهر الميزانيات . ثم بعدها توضح التبرعات لتبقى الأرقام متطابقة .

[النعيم]

317189 - osama
10-19-2016 03:44 PM
عمري مارأيت إنسان حاقد مثل هذا الشخص ! طبيعي ان يُدخَل كل قرش في الميزانية . الهلال تُوجَ رسمياَ بصدارة الممتاز وهروب الوصيف اليس ذلك بأحداث هامة.
كل يوم يمروأنتَ كما أنت لا تتعلم ولن تتعلم بسبب حقدك الذي تحول إلى مرض. اللهم أشفيه وأشفي كل مريض.

[osama]

317192 - محمد
10-19-2016 03:52 PM
الزول دا ما عنده موضوع

[محمد]

317196 - ياسر الأمين ابراهيم
10-19-2016 04:26 PM
يا راجل ما بتخجل ابداً،
والله كلمه حق ، العملوا كردنه،،، مافي حد عملوا،،،،،،وعندما يصل الهلال إنشاءالله الي مبتغاه ،، ،،،عندها لا ادري ماذا ستفعل
ولكن طبعاً ما بتغلبك الحيل ،،،عند المنفعه

[ياسر الأمين ابراهيم]

317197 - Kamal Ahmed
10-19-2016 04:28 PM
علي ما اعتقد انك قلم مدفوع القيمه لانه اكاردبنال ليس بيده او من حقه تدخال تكلفة الجوهره كديوم علي الهلال لانه اهلن علي القاصي والداني انها تبرع ةليس بيده التراجع وكبار الهلال علي العين والرأس فالكاردينال ليس بمقدوره ازالتهم والجمعيه العموميه داخل القلعه او خارجها لن تغير من لمات المشاركين ونرجو ان يكون المعارضين فعلا يارضوم من اجل الهلال الكيان قلا تسبق الحوادث وتنشر الاكاذيب كما تفعل صحافة المريخ التي عصفت بناديها الي الجحيم

[Kamal Ahmed]

317200 - الامين محمد نور
10-19-2016 04:39 PM
انت قول الكاس مبارك اولا . عندك ما يثبت اان كردنة اتبرع بمال الهلال ؟ وتاني نسال : انت قبل كدا ما قلت كردنة اخد ايجار الدكاكنين لمدة خمسة سنوات و ادخلها في الجوهرة ؟ طيب تاني باقي شنو للهلال ؟ الباقي دخل المباريات . هل الدخل بغطي المصروفات ؟ وانت ليه ( بتحدر ) لكردنة ف الظلام ؟ مجرد سؤال . ممكن تفبدنا لو سمحت يعني .

[الامين محمد نور]

317209 - بكرى
10-19-2016 05:11 PM
والله والله والله نحن اخر انبساط ولو شال من اموالنا الخاصة برضه فرحانيين ومبسوطين طول ماالجوهره ماشه والفريق الحمدلله ماشى لو بقى شركة خاصة بالكارددنال برضه ح نشجعه انتو بتين تفهموا المطلوب منكم رجاءا لاتدمرو الهلال بكلماتكم البائسه دى .

[بكرى]

317225 - دابي الكر
10-19-2016 06:17 PM
يا اخي اتقي الله

[دابي الكر]

317235 - احمد
10-19-2016 07:23 PM
الواحد يستغرب انو لا زال في السودان بعض البهائم التي لا تتحرج من التمسح و التملق و التصفيق للص و بائع بيرة

[احمد]

317258 - ابو مازن
10-19-2016 09:37 PM
اولا انت لو كنت هلالي ويهمك الهلال الكيان كنت فرحت ببطولة الممتاز وباركت للهلال وجماهيره بطولتهم المحببه لا ان تبث احقادك واكاذيبك وسمومك في هذا الوقت بالذات..بعدين وين الهلال لديه كل هذه الاموال لكي يتبرع بها الدكتور الكاردينال في نيالا او دنقلا او عطبره ..لما تكذب اكذب كذبه معقوله يمكن ان يصدقها الناس .

[ابو مازن]

317260 - ابو مازن
10-19-2016 09:56 PM
يا د.(دلدول) الشريف العدد الذي علق على مضللكم العام مذهلل ابو الوهم أو الواد سيد الطبال ليس لأن له قيمه ولكن ليرى قيمته الحقيقيه عند الجمهور الرياضي ومدى الكره الذي يكنه له

[ابو مازن]

317289 - أبو أمنه
10-20-2016 07:12 AM
يعني يا شيخ معتصم عاوز الكاردينال يدفع كل المبالغ دي ويجي حبيبك صلاح إدريس يترأس الهلال ويقعد في إنجازات الكردنة ، يكون كردنة ما بتاع بيزنس وشفت لو ما عمل كده. العاوز يرأس يسدد الديون. وبعدين ما سمعنا يوم واحد كردنه قال سأبني الأستاد من حر مالي.

[أبو أمنه]

معتصم محمود

معتصم محمود

تابعنا على الفيس بوك


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لـ "كفر و وتر" 2010