06-22-2016 12:10 AM


((())) الا صحيح يا مغاوري مانديلا طلع فاشوش :

عندما قلنا ان حروف الشين هي تميمة فوز الهلال في القمه سخروا منا

حينها قلنا ان حرف السين سادومبا قد لا يبرز كثيرا في مباراة القمه وقد كان

وان حرف الكاف كاريكا سيعاني هو ايضا من المراقبه وقد كان

وقلنا ان الفرقه المريخيه ستعمل علي تكثييف الرقابه علي الزمبابوي الخطير وكاريكا المشاكس وقد كان

وانهم سيكلفون لاعبين لمراقبتهم والحد من خطورتهم وقد كان

وقلنا ان علي بلاتشي ان يجهز القادمون من الخلف شابولا وبشه وقد كان

وقلنا يجب ان توكل مهام خاصه لبشه واطهر للقيام باختراقات خفيه قد تغيب كثيرا عن لاعبي المريخ وقد كان

وقلنا ياريت مدرب الهلال لا يقحم شابولا في مباراة الخرطوم الا قليلا وقد كان

وحتي يكون سرا غامضا علي لاعبي المريخ وقد كان

وقلنا ان دفاع المريخ اخوتي ضعيف للغايه وقد كان مصعب ثغرة في دفاع المريخ

وقد قلنا ان لاعبو المريخ لا يحتملون الضغط المتواصل وقد كان ( عطرون ) و ( صلاح نمر )

وقلنا ان الهلال سيجد ضالته في علي جعفر لكنه للاسف غاب ونفد بجلده

ما يهمنا اخوتي ان الهلال ادي مباراة رائعه

وان لاعب الهلال الجميل شيبولا كان تميمة هذا الانتصار الجميل

وكانت الجماعية سمة كل لاعبي الهلال

وسيطروا علي المباراة دون عصبية او نرفزه او لعب علي الارجل

وبعكس لاعبي المريخ باستثناء جمال سالم فقد كانوا تائهين يجرجرون ارجلهم في الملعب طيلة الشوطين

وكانوا يكثرون من اللعب العنيف ومناكفة الحكم دون سبب

ولم يبرز احد منهم وكما كتب مزمل وسلك وكابو وابوشيبه

ولم يشهد الملعب شقلوبا او عنكوبا

وكأن بكري لم يكن موجودا في الملعب

وعنكبه وقد استسلم لدفاعات الهلال

مباراة جميلة زرقاء اعطت الهلال صدارة قد اعتاد عليها

وان بخس مزمل هذه العاده مغالطا التاريخ والوقائع

وقال دون حياء ان المريخ قد فاز بالدوري اكثر من الهلال

وكل اعتماده علي توثيقات مريخيه كاذبه

وكما كاس مانديلا الذي رسموه في الخيال رغم انه كاس لا وجود له في كل وثائق الفيفا والكاف كبطوله فاز بها المريخ

وهكذا سطروا تاريخ تأسيس ناديهم كما يريدون ١٩٢٧

وفي الحقيقه ان المريخ تم تأسيسه عام ١٩٣٣ وبشهادة وثيقه قديمه جدا نشرت في القاهرة


((())) احسن ليك الوصافه واثبت مكانك :

في ٢٠١٥ استولوا علي النقاط الحرام من فرق الدوري

ومنحوا الدوري الممتاز علي الورق

وعيانا بيانا ضربوا الحكام

ومن ملعب المريخ طرودوا شرطة السودان

واحسن خليك في الوصافه واثبت مكانك
فالهلال مدرسه
والهلال هندسه
والهلال جمال
والهلال عال العال
واحسن ليك الوصافه واثبت مكانك
فالدوري للاسياد
والكاس للاسياد
وافريقيا للاسياد
والسودان للاسياد
واحسن ليك الوصافه واثبت مكانك
ففي كل يوم فارشين صيوان
وكل يوم المريخ مظلوم والمريخ زعلان

والحكام بيساعدوا الهلال الحقونا يا كيزان
واحسن ليك الوصافه واثبت مكانك
فالهلال ما فاضي ليك
والهلال بيبني في القلعه ما شغال بيك
واحسن ليك الوصافه واثبت مكانك
فالهلال سيد البلد
والهلال محبوب البلد
والهلال انشودة الوطن
والهلال دراج المحن
والكتوف لن تتلاحق

واحسن ليك الوصافه واثبت مكانك
وهلالابي انا هلالابي
هلالي اذا ندهني بقوم وبجري علي العلم حابي
هلالي كتير هلالي عظيم هلالي المالك اعجابي
هلالي انتمائي قديم شعارو برا في بابي
وجاري كمان هلالابي
سيد الدكان هلالابي
انا اخوي هلالابي
انا ابوي هلالابي
واي جميل هلالابي
كأنو النيل هلالابي
ولازم اكون هلالابي

واحسن ليك الوصافه واثبت مكانك


((())) روعه هي مجادعة ثلاثي الهلال (ود المجذوب..ود البشري..سوهندا بمناسبة النصر الجميل :

ودالبشرى :
اسياد عزة جد ،،،، هيلنا الفرح ،،،، مجاااااني
والبنقابلو يا المجذوب حقيقة ،،،، بعاااااااني
هندسنا الكفر ،،،، اولادنا عزفو ، اغااااني
الحقو (جيمي ) ما يقوم يستقيل من تااااني
******
سوهندا :
شوف عيني الهلال ،،، الليلة جد سراني
سادومبا الخطير ،، بي قونو داك عزااااني
شيبولا العجيب ،،، كورتك دوام عاجباني
واب نجمه إنكسر ،،،،، ما اظن يحاول تاني
*********
ودالمجذوب :
ود البشري اخوي ،،،، الحقني بي الميرندا
وما شفتي الحصل للنجمة يا سوهندا ؟؟
ود سالم جمال ،،،،،، الجانا من يوغندا
تدخل عادي ،،،،،،، لو شاتوها فيهو برندة
*******
ودالبشرى :
نجمة سيدة ناسك ،،،، بي الهلال ،،،، إنبهرو
اولادك دحين في استادنا جووة ،،، انصهرو
المسكين ضفر ،،، (شيبولا) عصرو وقهرو
ما خاف الكضب ،،،،، سوالو موية في ضهرو
******
ود المجذوب :
شيبولا الشفت ،،،، ياا راااقي ما أحلاكا
خليت الوصيف ،،،،، نص الشهر ،،يتباكي
ود سالم جمال ،،،،، حيرتو ذاتو معاكا
قالو بعد وعي،،،،،،، قال ضربتو الكراكة
********
سوهندا :
كراكة السرور ،،،، ذادت وصافتو وصافه
تضرب من طرف ،، كرت جميع من شافا
الليله الهلال ،،،،،، فرح بلدنا ، ،،وطافا
خلى الفرقة بينو وبين وصيفنا مسااااافة
***********
ودالبشرى
سااادومبا الحريف ،،،،، مااااا بنقدر ،، بي درقة
في خط الهجوم ،،،، دايما بسد ،،،، الفرقة
شال زولكم (نمر ) ،،، في جيبو متل الورقة
(عطرون) ذااتو روحو ليك شمار في (مرقة )
******
ودالمجذوب :
مما لقيت عزيز ،،، ظاهر هناك ، في الصورة
الجري والسواقة ،،،،، الاصلو ،، ما منظورة
قاام الود فتح ،،،،والنجمة كان معصورة
ساق ليك الدفاع ،،، ، و الصفوة بالمقصورة
*******
سوهندا :
الليلة الوصيف تفكيرو اصبح ،، طايش
ودسالم جمال سوف عيني ، راايح ودايش
سادومبا الخطير ، اسد الهلال ،، الهااايش
يضرب بالتقييل ،،،،، ما خلى زولا عاايش
********
ودالبشرى :
كواي القلوب ،،، ،،،،، الليلة جاااانا ،،،، ،،يمسي
والاعلام قبيييل ،،،، قال الولد ،،،، مندسي
معذورين شديد ،،،، فهمو الكلام ،،، بالعكسي
غايتو اخير يجهزو شكوتييين ،،، من هسى
*******
ودالمجذوب :
ود البشري اخوي ،،، اصلو الوصيف مغبون
ومن زمنا بعيد ،،، لي هلالنا باقي زبون
الهدف الجميل ،،،، ما بمسحو الصابون
والعجب العجيب ،،،،، لمن نزل ،، ، شيبون
******
سوهندا :
كواي القلوب ،،، ،،، النجمه نششف ،،، ريقا
لعبك في الهلال ،،،، الليلة اضحى حقيقة
يوم نزل الوليد ،،،، ماااا تم ليهو دقيييقة
في دار ناس جمال ،، ،،،الليله سوا حريقه



محمد حسن شوربجي



تعليقات 3 | إهداء 0 | زيارات 2321






خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook

شروط التعليق

* يسمح بالتعليق لأي شخص كان شرط الجدية في الطرح

* عدم التطرق الى السب والشتائم في التعليقات لأنها ستحذف فورياً

* يجب أن لا تتعدى المشاركة حدود 500 حرف.

* يجب أن الإلتزام بالمادة المنشورة والمختار التعليق عليها تحديداً

* يهمل كل تعليق يتضمن شتائم أو تعابير خارجة عن اللياقة والأدب.

* يهمل كل تعليق يقدح بشخصيات بعينها أو هيئات.

* تهمل التعليقات المتسمة بروح الطائفية والعنصرية أو التي تمس بالذات الإلهية أو تمس المعتقدات الدينية.

* تهمل التعليقات التحريضية والتعليقات التي تتضمن تهديدات لشخص او لجهة معينة.

* تهمل التعليقات التي تتضمن ترويجا لجهات أو هيئات أو لأشخاص بعينهم.

* تهمل التعليقات التي تتعرض للكاتب وشخصه في مقالات الرأي أو التحليلات أو تقارير المراسلين.

* تهمل التعليق المتضمن ملاحظات حول إدارة التعليقات أو ملاحظات أخرى عن الموقع بعيدة عن الموضوع المختار للتعليق عليه، حيث أن مثل هذه الأمور لها بريدها الخاص

* •الموقع عربي فيرجى المشاركة فيه باللغة العربية



303111 - osama
06-22-2016 02:48 AM
ابشر بالحيل

[osama]

303118 - بندق
06-22-2016 04:03 AM
هههههه يعني فاكر نفسك بتعرف كوره خخخخخخ وبركه الاعترفتا انك بقرا عمود مزمل وكمان رديت عليهو وانا متأكد مزمل ماحصل قرا عمودك وكتاباتك العبيطه دي بالله وريني يوم من الايام مزمل رد عليك أنا أشك انو بعرفك أصلا

[بندق]

303234 - oaltahiir
06-22-2016 04:06 PM
جزاكم الله كل خير ودا هو الهلال

[oaltahiir]

محمد الحسن شوربجي

محمد الحسن شوربجي

تابعنا على الفيس بوك


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لـ "كفر و وتر" 2010