اليوم نرفع راية إستقلالنا يعيش شعب السودان هذه الأيام أفراح رأس السنة التى نال فيها الوطن إستقلاله حيث تم إجلاء المحتل البغيض مطلع يناير 1956 ... وهناك خطأ لغوى لدى البعض الذين يطلقون على الإحتلال إسم الإستعمار لأن حروف السين والتاء فى اللغة هى من حروف الطلب مثل إستعلم وإستخبر أى طلب العلم والخبر ولم يكن الإحتلال بأى حال طلب للعمار والتعمير ، وإنتشرت عبارة الإستعمار إستناداً على قاعدة ( الخطأ الشايع صواب ) ....سألنى الزميل المصرى أسامة صالح.... متى نشوف ثورة الربيع العربى فى الخرطوم !! فأجبته ( لما تشوف حلمة ودنك !! ) وعندما إستفسر أخبرته أننا فى السودان سبقنا تونس ومصر فى الربيع العربى وذلك فى أكتوبر 1964 وأبريل 1985 ولكن ضعف إعلامنا المحلى وتقصير الإعلام الخارجى ساهما فى عدم إيصال هذه الصورة الثورية للعالم من حولنا ، ونحن الآن نحتاج فقط ربيع التنمية ...أما إذا كان هدف هذه الثورات المطالبة بحكم الشريعة والقيم الرفيعة فنحن فى السودان طبقنا ذلك منذ ثمانينات القرن الماضى والقرآن هو رائد حياتنا ، و إن كان هدف الربيع هو نصرة القضايا المصيرية فنحن فى السودان ظللنا نناصر شعب فلسطين ونردد ....أخى أنت حر وراء السدود ...أخى أنت حر بتلك القيود ...إذا كنت بالله مستعصماً فماذا يضيرك حكم اليهود ... جعلنا الكتاب لنا منهجا... ولم نتخذ مسلكاً أعوجا .... ولن نتبع قائداً أهوجا .... يميل بنا عن طريق الجدود .... و فى مجال الرياضة جاء العام الجديد ومنتخب صقور الجديان يعسكر فى العاصمة القطرية الدوحة إستعداداً للمشاركة فى أمم أفريقيا بالجابون ... نسأل الله للوطن الأمن والأمان والإستثمار والإستقرار إنه سميع مجيب ، ويحق لنا أن نغنى ...اليوم نرفع راية إستقلالنا . ***رصيد هلال العز بين البرنس والمعز الهلال رائد وقائد للأندية السودانية هذه حقيقة واضحة كالنهار ولاتحتاج إلى دليل ... ومتى إحتاج النهار إلى دليل ... ويكفى أن سيد البلد هو أول فريق سودانى أحرز كأساً جوية خارجية وآخر فريق سودانى أحرز كأس جوية خارجية ( كأس السلام من كنشاسا فى سبتمبر 1966 أيام ناس سبت دودو وجكسا وكأس أبوظبى فى فبراير 2010 جيل المعز والبرنس الحالى ) ...يعنى الكأسات الجوية إحنا بديناها وختمناها ... لكن طبع الهلالاب وهم يمثلون 75 % من شعب السودان لايتحدثون عن إنجازاتهم وتميزهم إلا إذا الكلام جاب الكلام ... لذلك التميز مش حاجة غريبة على الهلال فى كل المجالات .... وفريق بهذا الحجم يحتاج لوقفة جميع أبنائه من خلفه من أجل دعمه ومساندته فى مسيرته القاصدة والراشدة ... ولقد جاءت مساهمة تحويل الرصيد بواسطة شركة سودانى من أجل مساندة البطل فى وقتها المناسب ، ويمكن لكل هلالابى أن يبرهن على حبه لهلال العشق الجميل بتحويل الرصيد ويكون البيان بالعمل ... ولقد سبق أن إقترح بعض الإخوة الكرام أن تكون المساهمة فى الشهر 30 ريال فقط ، وكما قال الرشيد الحلاوى من هلالاب الرياض ( أحبك ناشف مابنفع ... لازم الواحد يضحى عشان هلال المحبة والبسمة العذبة ) ، ونتمنى من أبناء الهلال فى كل أنحاء المملكة أن يختاروا من بينهم من يحمل راية دعم الهلال ... وكلنا ثقة أن أبناء الهلال الميامين سوف يكونوا هم الزاد والزناد لدعم مسيرة البطل ، مع العلم أن رقم تحويل الرصيد فى شبكة سودانى مميز فإذا كانت سودانى تبدأ برقم 01 فما علينا إلا أن نضيف من الشمال لليمين رقم فانيلة المعز 16 وبعدها رقم فانيلة البرنس 8 ونكرر رقم فانيلة البرنس 6 مرات والرقم واضح ومميز 0116888888 وصدقونى سوف تكون الإستجابة مذهلة من صناديد الهلال . *** ناس إيتو والمدرب غارزيتو فريق الهلال الذى تعود على الوصول لمراكز متقدمة فى التنافس الأفريقى رغم العقبات والعراقيل قد أكمل مسيرة نجاحه بالتعاقد مع مدرب مازيمبى السابق دييغو غارزيتو الفرنسى الجنسية إيطالى المولد ، والمدرب غارزيتو يعرف طريق منصات التتويج ، يعنى هلال العام الجديد عنده كلام كتيييير عايز يقوله بعد أن ضم لصفوفه أبرز نجوم التسجيلات داخلياً وخارجياً خاصة الأطراف فبعد العودة القوية ليوسف هوت فى الطرف اليمين وفى اليسار ظهير أنيمبا الخطير فولنتاين.... مع الحفاظ على إيتو بونج وتوريه وسادومبا وغيرهم من النجوم ..... فى إحتمال كبير تانى معسكراتنا تكون فى باريس وروما ومن هسه نقول لبكرى المدينة وبوى وبشة شوفوا ليكم كورسات لغة فرنسية الظروف مامعروفة .... بينى وبينكم أولاد الهلال ديل لمساتهم فى الكرة أوربية ... هسه تمريرة البرنس وفنون الغزال مش تشبه لمسات الملاعب الأوربية !! أكيد الصفوة ندموا على ريكاردو !! يعنى مريخ 2012 يادوب يتمنى يصل مرحلة هلال 2007 ، مع العلم أن ريكاردو أصبح عند الهلالاب ( أسماء فى حياتنا ) ... بالمناسبة محترف المريخ الجديد اليوغندى مايك موتوبا تم تسجيله بمبلغ 25 ألف دولار مع العلم أن فريقه بونا موية اليوغندى سجله عام 2007 بمبلغ 400 دولار فقط ( حوالى 1500 ريال) ...لذا لزم التنويه. *** همسة الوداع أحد ظرفاء المريخ قال الظاهر وارغو تقول مكجرنا قدرمانحاول نشطبو مانقدر!! طبعاً تسجيل وارغو مكلف 5 مليون دولار يعنى وارغو يساوى 200 نفر من ناس بونا موية !! لكن فى الأخير ناس المريخ وقعوا الرخيص ... وبهذه المناسبة نهمس فى أذن صاحب القلم الأحمر إنتوا مادام عايزين الحاجة الرخيصة ليه ماتمشوا بنجلاديش ؟ مجرد سؤال .

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

أستاذنا ود الجعلى نهارك سعيد يابطل قلت لاعب بونا مويا سعره فقط 25 ألف دولار ؟ مجرد سؤال دة لاعب واللا أتوس ؟ شايف الأهبل أبومحمد أو غريب المتنكر حظروه تانى معقول فى بنى آدم مجرد من الشعور والاحساس مثل هذا المدعو ابومحمد الغريب الزول دة لوعائز يقول لنا انه عبيط وجهلول خلاص عرفناه اتمنى ان ينقلع هذا السخيف الابله

واقع الحال يؤكد عدم وجود خطأ لغوى فى كلمة استعمار ... فما بناه و شيده الآنجليز فى السودان عجزنا حتى عن الحفاظ عليه .. ترك الآنجليز السودان و هو فى مقدمة دول القارة و هاهو الآن يرزخ فى مؤخرة دول العالم فقرا و تخلفا ... الخطأ اللغوى الذى كان يجب ان تشير اليه هو فى كلمة استقلال حسب واقع الحال الذى يعيشه السودان فى الوقت الراهن .. غادر المستعمر السودان و ميزانه التجارى لصالح الصادرات بنسبة 60:40 وهاهو السودان فى زمن الآستقلال يميل ميزانه التجارى لصالح الآستيراد بنسبة 25:75 وصرنا نستورد حتى النبق والبيض و ننتظر الفرج من دول فى حجم قطر وتشاد لحل مشاكلنا الداخلية ... ذهب الآنجليز وتركوا السودان الآول فى مجال اصحاح البيئة على مستوى الشرق الآوسط ونحن الآن نحتفل بالعيد 55 و90% من الشعب السودانى يقضى حاجته فى العراء و يحتل المركز الآول فى عدد المصابين بالآيدز على مستوى العالم العربى و السادس على المستوى الآفريقى ... وجه الشبه الذى يجمع بين هلال العز والآستقلال هو خيبة السنوات الطويلة .. لم يجد قلمك شيئا يكتبه عن الآستقلال سوى كلام انشائى ظللنا نسمعه منذ المولد و كذا عن الهلال سوى كأٍس لم يسمع به أحد وأخر افضل ما قيل عنه تشبيهه بكأس فهيمة .. وفعلا الآختشوا ماتووووا !!!!

ياخي بصراحه كده انت ماظريف وغرفتني الصحيفه دي لأنك مفتكر نفسك مضحك و خفيف بس انت بايخ و ثقيل يا اكتب مفيد او اترك المساحه دي لصحفي اخر رجا فقد كرهة كتاباتك الممجوجة دي وبطل عبط انت راجل كبير في السن مابلاش تطلع القاري من طورو رجا رجا رجا اكتب في ما يفيد

يا بايع الوهم الكاسات المحمولة جوا المقصود بها كاسات بطولات تنافسية مش كاسات مناسبات

سلمت يمينك ياود الجعلى.. اليوم وريتنا معلومة جديدة..هلال العشق الجميل..أول فريق سودانى أحرز كأس جوية خارجية.. والكلام ده..عام 1966م..والله بالغت ياود الجعلى..ياخى ماتكلمنا من زمان..عشان نسكت الدلاقين ديل ونقعدهم فى علبهم..(قلت شنو يادلقون..أخرس ولا كلمة فلقتو راسنا الكاسات الجوية..جبتو لينا الصمرقع..أتاريكم عارفين وساكتين ..يادلاقين.. تانى ماأسمع لى وصيف ولا دلقون يتفاصح..هههسسسسسسسسسس ولا كلمة..).. (الهلال رائد وقائد للأندية السودانية هذه حقيقة واضحة كالنهار ولاتحتاج إلى دليل ... ومتى إحتاج النهار إلى دليل ... ويكفى أن سيد البلد هو أول فريق سودانى أحرز كأساً جوية خارجية وآخر فريق سودانى أحرز كأس جوية خارجية ( كأس السلام من كنشاسا فى سبتمبر 1966 أيام ناس سبت دودو وجكسا وكأس أبوظبى فى فبراير 2010 جيل المعز والبرنس الحالى ) ...يعنى الكأسات الجوية إحنا بديناها وختمناها ... لكن طبع الهلالاب وهم يمثلون 75 % من شعب السودان لايتحدثون عن إنجازاتهم وتميزهم إلا إذا الكلام جاب الكلام)وإن عدتم عدنا.. هوى يادلقان سامع الكلام ده ولا عامل أطرش .

هههههههههههههههههههههههههه قال الهليل احرز كاس هههههههههههههه يا مصاريني ههههههههههههههههههههه بطني طمت ههههههههههههههههه

تم حذف التعليق لمخالفته قواعد النشر

تم حذف التعليق لمخالفته قواعد النشر

تم حذف التعليق لمخالفته قواعد النشر

أنت متناقض بشكل غير عادى هسع من قال ليك يا صفرابى ... قبل ايام كتبت عن كاسات المريخ و قلت كاس مانديلا من القرن الماضى هسع انت جبت ليك كاسات ما سمعنا بيها من الله خلقنا ... لعلمك يا جاهل ناس سبت دودو ديل انا حاضر زمنهم أطرشنى و اعمينى ..... ما تبقى زى المشاطة تسمع و تجى تقول يا دلدول .... الكرافت بتاعتك روعة باللون الأحمر ....

و إن كان هدف الربيع هو نصرة القضايا المصيرية فنحن فى السودان ظللنا نناصر شعب فلسطين ونردد ....أخى أنت حر وراء السدود ...أخى أنت حر بتلك القيود ...إذا كنت بالله مستعصماً فماذا يضيرك حكم اليهود ... جعلنا الكتاب لنا منهجا... ولم نتخذ مسلكاً أعوجا .... ولن نتبع قائداً أهوجا .... يميل بنا عن طريق الجدود . هههههههههه ده في السودان شكيت محنك ياالجعلي ذكرتني الاستاذ محمد سليمان لما سأل رئيس يتحدث سبعه لغات وواحد رده ليهو قالي جعفر نميري محمد سليمان قاليهو ياراااااااجل هسع دحين ياراجل الهلال رائد وقائد للأندية السودانية هذه حقيقة واضحة كالنهار ولاتحتاج إلى دليل القاليك منو واضحه وماعايزه دليل يعني نقتنع رجاله ولي كيف يعني .يعنى الكأسات الجوية إحنا بديناها وختمناها .. بس نكتة الحلفاوي القالو ليهو الاسلام دخل من هنا قاليهم برضو حايطلع من هنا ههههههههههههههههههه لكن طبع الهلالاب وهم يمثلون 75 % من شعب السودان ياأخي هههههههههههه قالوا مرة عوض دكام مشى مناطق العمليات يودى زاد المجاهد هناك قام لقى العساكر بياكلو فى ملاح لونو اسود فقام سالهم قال ليهم الملاح ده اسمو شنو فواحد من العساكر قال ليهو اسمو ملاح ام على فقام دكام قال ليهم والله الا تكون ام على الحاج وكما قال الرشيد الحلاوى من هلالاب الرياض ( أحبك ناشف مابنفع ... لازم الواحد يضحى عشان هلال المحبة والبسمة العذبة ) ، ونتمنى من أبناء الهلال فى كل أنحاء المملكة أن يختاروا من بينهم من يحمل راية دعم الهلال ... ده حب ولي قعده ده البي الشيرنق ده شكيت شحدتكم ياهلالاب فما علينا إلا أن نضيف من الشمال لليمين رقم فانيلة المعز 16 وبعدها رقم فانيلة البرنس 8 ونكرر رقم فانيلة البرنس 6 مرات هههههههههههههههه ياأخي الحاله بتاعت أنفصامكم بي البرنس دي حاله محتاجه دراسه معقوله ياجماعه كان أعتزل الزول ده النادي ده تعملو متحف ولي شنو؟ محترف المريخ الجديد اليوغندى مايك موتوبا تم تسجيله بمبلغ 25 ألف دولار مع العلم أن فريقه بونا موية اليوغندى سجله عام 2007 بمبلغ 400 دولار فقط ( حوالى 1500 ريال) ...لذا لزم التنويه. أنتو طبعاً تتمطقو وزعلانين علي ال25ألف دولار دي أنتو تلمو فيها بي تحويل الرصيد حال الكفر قدر ظروفك وكده هههههههههههههه إنتوا مادام عايزين الحاجة الرخيصة ليه ماتمشوا بنجلاديش ؟ مجرد سؤال . كان أصلو لي بنجلاديش مانمشي نجيب من بتاعين القصب القدام ناديكم ديل

يمكن يا ناسنا في كفر ووتر تدونا ايميل الجعلى بعد استئذانه طبعا ولكم الشكر.

*** ناس إيتو والمدرب غارزيتو فريق الهلال الذى تعود على الوصول لمراكز متقدمة فى التنافس الأفريقى رغم العقبات والعراقيل قد أكمل مسيرة نجاحه بالتعاقد مع مدرب مازيمبى السابق دييغو غارزيتو الفرنسى الجنسية إيطالى المولد ، والمدرب غارزيتو يعرف طريق منصات التتويج ، يعنى هلال العام الجديد عنده كلام كتيييير عايز يقوله بعد أن ضم لصفوفه أبرز نجوم التسجيلات داخلياً وخارجياً خاصة الأطراف فبعد العودة القوية ليوسف هوت فى الطرف اليمين وفى اليسار ظهير أنيمبا الخطير فولنتاين.... مع الحفاظ على إيتو بونج وتوريه وسادومبا وغيرهم من النجوم ..... فى إحتمال كبير تانى معسكراتنا تكون فى باريس وروما ومن هسه نقول لبكرى المدينة وبوى وبشة شوفوا ليكم كورسات لغة فرنسية الظروف مامعروفة .... بينى وبينكم أولاد الهلال ديل لمساتهم فى الكرة أوربية ... هسه تمريرة البرنس وفنون الغزال مش تشبه لمسات الملاعب الأوربية !! أكيد الصفوة ندموا على ريكاردو !! يعنى مريخ 2012 يادوب يتمنى يصل مرحلة هلال 2007 ، مع العلم أن ريكاردو أصبح عند الهلالاب ( أسماء فى حياتنا ) ... بالمناسبة محترف المريخ الجديد اليوغندى مايك موتوبا تم تسجيله بمبلغ 25 ألف دولار مع العلم أن فريقه بونا موية اليوغندى سجله عام 2007 بمبلغ 400 دولار فقط ( حوالى 1500 ريال) ...لذا لزم التنويه. والله حكاية غريبة غازيتو يطلع كمان شنو بكرة بعد بكرة بطردو زي اخوانو السبقو ؟ من قمنة ماسمعنا الهللة جابت ليها كاس غير كاس فهيمة يااستاذي كاس فهيمة اغيم منة جابتو بي تنافس شريف

ما سطره قلمك عسل مُصَفَّى يوحى أنك موسوعة ثقافية تسعى و تمشي بقدمين و حُبُّكَ للسيدين ( سيد البلد و سيد الاسم ) جعلنا يا جعلي نحبك في الذي رفع السموات بغير عمد . وفقك الله و سدد خطاك . بمناسبة الأخطأ الشائعة الكثير من الناس يقول ( أمس الأول ) و الصحيح أول أمس . ( لأنه لا يوجد أمس الأول و أمس الثاني و أمس الثالث و الخ..) و يقولون بمثابة و الصحيح ( بمنزلة )

الحال العزيز ارد الله غربتك .شايفك بديت مقالك بافراح الشعب السوداني بقدوم سنه جديده من الحريه والاستقلال ..افراح شنو عليك الله كدي روق المنقه .. وانا بعبر عن راي في الواقع السوداني وبقول انو الاستعمار البريطاني افضل من استعمار الكيزان والله العملتو الحكومه البريطانيه مع انها حكومه استعمار . مابيقارن في ما عملوا الكيزان في الشعب السوداني ... والله واقع الحال في السودان يغني عن السؤال وانتو في بلد الرسول صلي الله عليه وسلم منعمين ومرتحين وبعيدين من الواقع المر والمعاش في بلد الزل والاهانه والغلاء المبالغ فيهو ....والله يا صاحبي الاحتفال بالسنه الجديده كان وريتك ليهو تتضحك من مسارينك .... واوريك جزء بسيط من الافراح الانتا قلتها نحن مجموعه من الشباب تتكون من سبعه اصدقاء تتراوح اعمارنا مت بين 30 ـــ33 واليوم ده مافينا واجد مكمل نص دينو ... ونكمل نصف دينا كيف ؟؟؟؟مادام الكيزان مطلعين زيتنا ....اه اه من بدايه مقالك دي الخلاني افضفض بجزء يسير ما في النفس .. معليش ...ونرجع لي وجع القلب التاني وداير تزيح الصفر الدولي الكبير الملازم لتيس البلد من سنه30 وعليك الله ماتتضحكنا وتلعب علي عقولنا وراعي الضان في الخلاء بيعرف هلال الصفر الدولي . وسيبنا من اوهامك دي ....وقبل ايام ما كتبتا انو الهلال مرتاح ماديا والان بتعملو حمله لجمع التبرعات والله تناقض شديد في كتاباتك يا خال ارسي ليك علي حال ...وازيدك معلومه هلال السجم السنه دي معسكر في بور سودان .. سلامي للشرق الحبيب.... ووارغو ما مكجيرا المكجيرا الهوساوي يوسف محمد .... وكان حيين في الدنيا بنتلاقا .....

جلفوط عامل فيها خفيف ولذيذ يااخي شوف ليك شغلة والله انت زول ماعندك موضوع و فاشل ياوهم ياجلفوط جعلي قال والله الجعليين غاسلين يدينهم منك

أستاذنا ودالجعلى متعك الله بالصحة والعافية يارائع شايف الدلاقين زعلانيين من كلامك عن كأسات الهلال الجوية كاس السلام وكاس ابوظبى وهم عملوا لينا صداع بكاس المجاعة بالله اديهم فى التنك وخاصة الحشرة ابومحمد والبربور والطرطور ومانديلا والزفت غريب الصعلوق والعاطل بتاع المنتديات ومافى داعى نتكلم اكتر من كدة وألزموا جحوركم يافئران ياحثالة المجتمع مشكووور مشكوور حبيبنا الجعلى

ردود على هاشم ود الفنان كيفك ياصفوة أيوة أدى خالك فى التنك كلامك تمام التمام وخاصة عن الهوساوى يوسف محمد لكن ياهاشم وارغو أيضاً هوساوى انت فاكر وارغو نقادى ؟ ياشباب وين السنجك وابن الوهاج الجماعة ديل مايكونوا دخلوا الغابة تحياتى للمكحل بالشطة وابوضراع وود بلل والعريس بحر العلوم

نعيد ونكرر عسل الرحيق المصفى دائما يجذب إليه كل أنواع الذباب والليلة شايف حتى ذبابة التسى تسى راكة !! أما أبو الدردوق فنحل لينا عديل فى الرحيق ! والليلة قال أيه ؟ قال ذهب الآنجليز وتركوا السودان الآول فى مجال اصحاح البيئة على مستوى الشرق الآوسط ونحن الآن نحتفل بالعيد 55 و90% من الشعب السودانى يقضى حاجته فى العراء !!! طبعا هو دايما بيستمد أفكاره من واقع مكان عمله !! لكن يا دردقه ما شايف إنك مقصر وماشايف شغلك ولازم تداوم 24 ساعة بدل العطالة والبطالة وقعاد الضللة وبدل ما كان تمشى للسعودية بمهنة عامل نظافة أقصد تربية مواشى كان تساعد وتدردق المكوم فى العراء دا !! أما بقية مناضلى الكيبورد الأحرار الثوار المتسمرين خلف الشاشات فنقول لهم وقت إنتو مضايقين للدرجة دى مالكم ما جيتوا مع عمكم نقد لميدان أبوجنزير زمان ؟؟ ولا حاولتوا بعده تقودوا ليكم كم مظاهرة كده وتستفيدوا من الأجواء الحواليكم دى ؟ بعدين زمنكم المضيعنه فى النت دا ما كان تستفيد منه فى خم كيمان ال90% من الشعب السودانى دا !! منها تلقوا ليكم قرشين تلاتة ومنها تساعدوا عمكم ديكتور أبو الدردوق صاحب الدراسة أعلاه !! أخيرا جعلينا واصل واصل !! فكثرة رمى الشجرة المثمرة بالحجار دليل على طيب مذاق هذه الثمار وحلاوتها ! وسيبك من ناس قريعتى راحت والضل الوقف ما زاد وكأس حبوبة ما ديلا ولدى !!