أوف سايد - صحيفة كفر و وتر الإلكترونية

جديد المقالات

جديد مكتبة الاخبار

نجم الجيش القطري يضع اتفاقية القمة في اصعب امتحان !!!

إشتباك بين ديمبا وعلاء الدين يوسف والجماهير تهتف ضده!!!

بعثة توجو تصل الخرطوم وتحل بكورال!!!

جديد الفيديو

اهداف الأهلي شندي وسيمبا

اهداف مباراة برشلونة وريال مدريد( 1 / 2 ) / الدوري الاسباني 2012

هدف الهلال في مرمى المريخ 1 / 0 بشة ممتاز 2012

ملخص مباراة الذهاب بين الشلف وفيتا كلوب ابطال افريقيا 2012

اهداف مازمبي في باورديناموز 6 / 0 ابطال افريقيا 2012

المتواجدون الآن

تغذيات RSS

01-27-2010 09:15 AM

أدب الخلاف في المريخ
* مجتمع المريخ مجتمع مسالم وظل على مدى الأجيال مثالا للترابط والتعاضد والإخاء حتى أطلق عليه مجتمع الصفوة.. وقال عنه صناجة المريخ وشاعره الأديب الدكتور عمر محمود خالد: (نحن في المريخ إخوة نشق النجمة ونهوى واختلاف الرأى فينا يجعل المريخ أقوى).
* نظلم المريخ ونظلم التاريخ إذا ما زعمنا أن مسيرة المريخ كانت خالية من الشوائب والسلبيات والتي أثرت بشكل أو بآخر على روح الترابط بين أفراده بل إنها أوشكت في بعض الحالات أن تحيل مجتمع المريخ إلى جحيم لا يطاق.
* ظهرت الخلافات مع النشأة الاولى والتأسيس فقد بدأ الخلاف حول التسمية ولم يكن من السهل على عبد السيد فرح ان يقنع الجميع بتغيير اسم المسالمة إلى المريخ فقد كان فتح الله بشارة الرجل الثاني في فريق المسالمة أول المعترضين على الاسم بل إنه قاد ثورة عارمة وخرج من مجتمع الصفوة وقاد معارضة شديدة ليكون فريق (الهلال) بعد ثلاث سنوات من ذلك الحادث.
* نعم اختلف اهل المريخ ولكن كل الخلافات كانت تتم داخل الحوش الواحد.. وجاءت اختلافات الحجاج (حاج مزمل مهدي، حاج التوم حسن، حاج زروق) مع سكان المسالمة يوم ان رفعوا شعار التحدى لنقل المريخ من حي السوق (منزل يحيى الفضلي) إلى موقع النادي الحالي بحي العرضة.
* اختلف اهل المريخ يوم أن جاء ابو العائلة من الهلال واعترض محمد عثمان صالح وبيومي وقالوا على رؤوس الاشهاد (اذا دخل ابو العائلة من هذا الباب سنخرج من الباب الآخر).
* ولعل تلك الاختلافات ساهمت بشكل أو بآخر في افراز كيانات مريخية معارضة ولعل أبرز تلك التنظيمات تنظيم الصحوة (اللواء خالد حسن عباس، عبد الحميد الضو حجوج، اللواء فيصل محمد عبد الله، الفاتح المقبول).
* وجاءت ثورة الشباب واختلافهم عندما أسس نادر حسن ابراهيم مالك تنظيم النهضة مع بعض الشباب واختلفوا مع المجموعة المرابطة بالنادي وكانت تجلس في المسطبة وسميت (جماعة المسطبة).
* عصام الحاج سكرتير المريخ كان شديد المشغولية بأعماله التجارية وكان مكتبه في برج البركة في الطابق الثالث وأطلقوا على المجموعة التي كانت تلتقى بمكتبه (مجموعة البركة).
* الخلاف في المريخ قديم ولكن تبقى العبرة دائما بالدروس المستفادة وحكمة الكبار.. وننتهز هذه السانحة ونترحم على رئيس رؤساء المريخ الرجل الذي لم يبخل على المريخ بنصائحه وإرشاداته القيمه ومكانته وسط الأسرة المريخية (ألا رحم الله مهدي الفكي وأسكنه فسيح جناته مع الصديقين والشهداء) وندعو الله أن يطيل اعمار أعمامنا عميد الأسرة المريخية وحكيمها حسن محمد عبد الله والعم طه صالح شريف.
* نسمع اليوم عن بوادر لتنقية الأجواء المريخية من كيان مريخي معارض أطلق على نفسه اسم (أهل المريخ) وهو كيان يضم كيانات مريخية من صلب المريخ لهم أهدافهم وبرامجهم ويسعون إلى خدمة المريخ نتمنى أن تكلل المساعي بنجاح هذا الوفاق لكي تنصهر هذه المجموعة داخل الإطار الشرعي لمنظومة المريخ عملا بالمقولة (نحن في المريخ إخوة .. نعشق النجمة ونهوى.. واختلاف الرأي فينا يجعل المريخ أقوى).
إن سايد
* اجمل ما سمعت أن ستيفن وارغو الذي تألق في التمارين الإعدادية أكد في أكثر من حديث أنه عاهد نفسه على إسعاد وتعويض الجماهير المريخية.
* أمّا المدرب كاربوني فهو مبسوط 24 قيراط ومتفائل جدا بموسم استثنائي (استثنائي دي حلوة) وأكد أن نجم الدين إضافة كبيرة للمريخ.
* كذلك نشكر السفارة السودانية التي لم تقصر في أداء واجبها بزيارة معسكر المريخ ورفع معنويات اللاعبين وتقديم كافة التسهيلات والهدايا العينية.. وده المحرية فيكم يا محمد آدم.
* نشكر سعادة الفريق عبد الله حسن عيسى رجل المريخ القوي على العمل الكبير الذي قام به من أجل إنجاح معسكر المريخ في كينيا.
* 24 ساعة فقط تفصلنا عن لقاء المحاربين الجزائريين الذين اسقطوا الأفيال ولقنوا دروغبا وصحبه دروسا في العزيمة والإصرار وقوة الشكيمة والفراعنة الذين أثبتوا أن الدهن في العتاقي وتفوقوا على الكاميرونيين وحجزوا لأنفسهم مقعدا في دور الأربعة.
* مباراة على سطح صفيح ساخن.. محاربو الصحراء بقيادة رابح سعدان يواجهون المكير الخطير حسن شحاتة الذي خبر هذه البطولة وعرف من أين تؤكل انتصاراته.
* متى يصل كامبوس؟.. هذا السؤال موجه من الأرباب إلى بوكو وحتى الشاذلي المستقيل.
* كامبوس خلي.. المعز وين؟!!
* قال إيه.. اغلاق التدريبات في المرحلة وسوف نفتح للجماهير في مرحلة الإعداد الخططي والمهاري.. مهارة مين يا عم تقول عليها؟.
* قال إيه الخطة الخمسية.
* تاني خمسية..
* الزول ده مالو يا شجرابي؟..
* مريخنا يملأ العين.. مريخنا عالم جميل.. ومريخنا نار منقد رغم كيد المتربصين.

5 |

0 |

915

خدمات المحتوى

أدوات :
[أضف تعليق]
[إرسال لصديق]
[طباعة]
[حفظ بإسم]
[حفظ PDF]

مواقع النشر :

التعليقات

#3753

[هلالى كدة]

0.00/5 (0 صوت)

01-27-2010 10:45 AM

قلت لى وارغو قال ؟؟ هو الكلام بالقروش ؟؟ وانت يعنى صدقتو ؟؟ والله انت زول مسكين سااااااااى ...
قالو ابوجريشة هرشك .. هههههههههههه ..تانى تجيب سيرتو ؟

[هلالى كدة]

ردود على هلالى كدة

[ابو جعفر] 01-27-2010 08:20 PM

الاستاذ الجليل حسن محجوب

لك خالص التحية والاحترام،،،،

الجماعة ديل قاصدنك عديل كده وبهرشوك بي كابتن عادل ابو جريشة ليه انت قلت فيه شنو، والنصيحة ليك يالله ابوجريشة راجل صعب ولا يقبل الكلام الما يهو في المريخ ونصيحتى ليك كتر من البسبوسة وبعدين يا اخي ايه حكاية البسبوسة دي ادي منها اخوانا الطيبين شوية لكي يقوى عودهم ويسارعوا في بداية الاعداد والله يدينا في مردانا والمريخ في العلالي

#3798

[محمد مخطر]

0.00/5 (0 صوت)

01-27-2010 12:40 PM

والله ابوجريشة كان قبيل ليقاك في مقر الصحيفه كان لحدي الان الناس يشلو في الفاتحة. ابو جريشة ما براه قالو معاه ولدو وبرضو قالو انت سمعت انو ابو جريشة جاي قمت فرتقت ناس مامون ابوشيبة قالو اتصلو عليك ما بترد دي كلها خوفة كي عفيت منك ياجرشة هاك الجرسة دي .
انا بنصحك اعمل حسابك ابوجريشة دا ما بعرف غضروف اوعك تقول لي عندي غضرف حاجات زي ما بتركب في راسو انتبه

[محمد مخطر]

#3800

[العمدة]

0.00/5 (0 صوت)

01-27-2010 12:46 PM

انحنا ذاتو كامبوس ما عاوزنه لأن الهلال ذاته ما في حوجة لمدرب أجنبي وتدريب عشان يقابل ذي أبو سبعةلأننا ممكن نرشة بدون تدريب

[العمدة]

#3813

[عاشق المريخ]

0.00/5 (0 صوت)

01-27-2010 01:45 PM

والله ياحسن محجوب انت اروع كاتب سوداني لكن بعد مزمل معلبيششش